لقاء كـ،ـ،ـارثي
عند ايمي في الاوضه وقت ما طلع رشيد و دخل الاوضه كانت هي في الحمام قالتلوا انها بتاخد شاور
وقفت ايمي قدام المرايا بملامح حزينه جداً خدت نفس طويل و بصت علي الاختبار اللي في ايدها
كانت نتيجته سلبيه قعدت علي حرف البانيو و هي شارده و متاخده و مزاجها وحش اوي اتجوزت ايمي بعد معاد البريود باسبوع و المفروض انها اتأخرت كام يوم طول الكام اليوم اللي فاتوا كانت متوتره و بتفكر كتير و خايفه من انها تيجي
كانت بتحاول متفكرش ولا تركز و استخدمت المهدئ من غير ما رشيد يعرف قبل خناقتهم بسبب الموضوع ده رشيد كمان من اول ما وصلوا وهو حاسس انها متغيره واتكلم معاها و كان عارف ان الموضوع شاغلها و هي منأكرتش لما خرجت اول يوم مع عشري و عسال و راحت الصيدليه جابت الاختبار و استنت يومين كمان يعدوا علي معادها كان عندها امل كبير اوي تلمح شرطتين
بس للاسف طلعت شرطه واحده و كل امالها و احلامها راحوا في لحظه
كانت حاسه بوجع جواها فظيع و مكانتش فاهمه اي حاجه البريود متأخره مش حاسه بألامها و كمان مش حامل كل خوفها تكون انها اتقطعت اصلا و يمكن ده رعبها اكتر من فكره انها متبقاش حامل
حاولت تهدأ و تحاول تسيطر علي نفسها علي الاقل قدام الكل تحت مكانتش حابه حد يسألها مالك او في ايه قا قررت تمثل انها بخير
و قررت كمان انها بمجرد ما ترجع تروح تكشف و تعرف في ايه بالظبط لو مش حامل ليه البريود متأخره عن معادها .
قامت بهدوء و رمت الاختبار في الباسكت وغسلت وشها تاني
وخرجت غيرت هدومها و عملت ميك اب خفيف و ظبطت شعرها و حطت برفيوم و بعدين نزلت علي تحت.
ايمي….بابتسامه صباح الخير
حنان…..صباح الفل
سلامه…..صباح الخير يا ايمي
سلمي….صباح النور يا قلبي هعملك قهوتك معاهم و تعالي افطري هما لسه مفطروش
ايمي…..لا اعملي قهوه بس انا مش قادره افطر هلا تيمو
تامر…..بابتسامه صباح الفل
حنان…..كلي اي حاجه بسيطه بلاش قهوه علي الريق
سلامه……اه عشان متتعبش معدتك
ايمي…..طيب لو في بسكوت لسه هاكل منه لاني مليش نفس خالص
سلمي….اه في استني بس اعملك القهوه
ايمي…..طيب انا هخرج اشوفهم
سلمي…..اوك يا قلبي
خرجت بره اول نا لمحها رشيد قام وراح عليها
ليله…..كل ده نوم
ايمي….بابتسامه كنت باخد شاور والله
عشري…..صباح الخير يا اوزعه
ايمي…صباح النور يا بلطجي
قرب منها رشيد
رشيد…..صباح النور يا عمري
ايمي…..بابتيامه صباح الخير
مسك وشها بكفه
رشيد….كل ده نوم يا حبيبي تعبانه ولا ايه
ايمي…..لا خالص والله بس قلقت الصبح شويه و بعدين نمت تاني
رشيد….وحشتيني
ايمي….انت وحشتني
ضمها بحب و باس راسها حضنتوا ايمي من ضهره اوي و غمضت عينها
فضل……بضحك من بعيد عشررري ازازه و كوبايه
عشري…..بضحك اه والله
ليله….بضحك ايمي فضل و عشري بيتريقوا عليكي
بعدت ايمي شويه عن حضنه
ايمي….بابتسامه سيبيهم حظهم اني لسه صاحيه و الا كان زماني سمعتهم لسانين حلوين
حسان….بابتسامه بينكشوكي يا ايمي
عشري….بضحك اه والله مش برتاح غير لما بشغلها
ليله…..طب وليه دي لسانها اطول منها
ايمي…..سيبيه ماهو البلطجي متعود علي طولة اللسان
عشري….بضحك قصدها عليكي
ليله…..بت انتي تقصديني
ايمي…..بتسمعي كلامه بيسوحنا علي بعض
رشيد…..سيبك منهم دي عيال رخمه حضنها تاني بطنها كانت باينه شويه عشان السويت شيرت قصير مش لابسه حاجه ليه من تحت هتبردي كده
ايمي….الجو حلو انهارده
رشيد….طيب نزلي بس شويه عشان جسمك باين يا قلبي
ايمي….حاضر
رشيد….القمر بتاعي مش هيفطر ولا ايه
ايمي….سلمي بتعملي قهوه
رشيد…..لا اقصد فطار هتشربي قهوه كده علي الريق مش اتفقنا بقي نسمع الكلام
ايمي….هاكل بسكوت مش قادره اكل حاجه الوقت والله انت فطرت
رشيد…..شربت قهوه وكلت ساندوتش
ايمي….ماشي يا عمري تعالي نروح نقعد مع الرخمين دول
رشيد…..يلا تعالي شوفتي موضوع الكلاب ده
ايمي….كلاب ايه
رشيد….تعالي هقولك ده عسال والبنات بيقولوا…..
…………….
خلصت سلمي الفطار و قربت منهم حطت الاكل
حنان……هروح الحمام و راجعه خدي بالك من النار
سلمي……براحتك يا قلبي
كملت سلمي الفطار قدامهم
سلمي…..محتاجين حاجه تاني
سلامه….تسلم ايدك يا لومي
سلمي….تامر عايز اي حاجه تانيه
تامر….ااا لا شكراً تسلم ايديك
بصت سلمي لسلامه بهدوء
ابتسم و هز راسه براحه
قربت سلمي من تامر باسته من خده و حضنتوا و هي واقفه
ابتسم تامر بهدوء و طبطب علي ايدها
سلامه…..بابتيامه يابختك ياعم عندك اخت تحضنك البت ريهام بتحدف الاكل في وشي كأني شعال عندها
ضحك تامر بهدوء
سلمي……لا معلش بقي احنا نختلف عن الاخرون و بعدين يعني ريهام معذوره عندها اتنين غيرك انما انا معنديش غير القمر بتاعي ده بس
سلامه….ااااه هحسدك خد بالك مدلع وكده يعني
تامر….بابتسامه مش ديماً يعني سعات بتروق بردوا
سلمي….بضحك وهي حضناه صراحه اه مش ديماً بس علي فكره يعني هو اغلب الوقت متدلع و بروق عليه تنكر
تامر…..لا منكرش
سلمي….بحب باسته من خده و بصتلوا انا بحبك اوي يا احلي تيمو في الدنيا
سلامه….بضحك لا انا كده هقوم اغرق ريهام في البيسين البت عمرها مقالتلي بحبك
تامر…..بضحك ياهم سيبها بقي حرام عليك و انتي ياستي اسكتي البت الغلبانه هترزح في الرجلين
سلمي…..سببك منه هو غيران عشان محدش بيسأل فيه
سلامه…..بضحك اه والله يا بنتي هي وايه عمالين يلعبوا كوره
سلمي….بضحك شوفت بقي غيران مننا
تامر…..بابتسامه وانا كمان بحبك يا سلمي
سلمي…..انا اسفه يا تامر حقك عليا
تامر…..بابتسامه حقك انتي عليا متزعليش مني
سلمي…..انا مقدرش ازعل منك انا مليش غيرك يا تامر و انت عارف كده كويس
سلامه…..خلاص يابت بقي بلاش زن خلينا نفطر الراجل زي الفل اهو سيبينا بقي نفكر في رواقه عشان عندنا عروسه عايزين نفكر فيها
سلمي….عروسه ايه
سلامه……مفيش هنقعد كده نكتب مواصفات عروسه لتامر و علي الله بس نلاقي عروسه تقبل بالمجنون ده
سلمي…..بضحك الحق بيقول عليك مجنون
تامر….بضحك ياستي كويس انها جات علي مجنون
سلامه…. هو الحقيقه مختل عقلياً عشان المصطلح يكون اوضح اسكتي انتي مش فاهمه حاجه
سلمي….بضحك طب عم ما بقي هو الف بنت تتمناه
سلامه…..مش اوي كده يخربيت التطبيل احنا عايزين بنت واحده بس مش الف
تامر…..بضحك انت فاقد فيا الامل كده
سلامه……ياجدع انت مختل اسمع مني لازم تواجه حقيقتك عشان تلاقي مختله عقلياً ترضي بيك و بعدين في مشكله تانيه هتواجههنا مش ملاحظها انت
تامر…..مشكله ايه
سلامه…..انت طويل اوي يا تامر يعني عايزين نحدد اتجاهتنا انا بفكر نشوفلك مختله عقلياً و تكون بتلعب باسكت
سلمي…..بضحك عايزه اقولك ان تامر كل البنات اللي عرفهم واصلين لوسطه
سلامه…..بضحك ماهو عشان مختل طب بذمتك في حد يرتبط بواحده قصيره كده لا سيبيهولي انا بقي انا هجيبلوا عروسه عموله
سلمي…..بضحك ماشي ربنا يوفقكم وتلاقوها يلا هروح ادي لايمي القهوه يا مجانين
سلامه……بأبتسامه ماشي
خدت سلمي القهوه والبسكوت وخرجت
سلامه……لحد وسطك يا اخي اتكسف علي دمك
تامر….بضحك اعمل ايه الجيل كله قصير
سلامه…..علي رأيك بس هنلاقي مش عايزك تيأس
تامر….بضحك ماشي معاك.
كملوا فطارهم و هما بيضحكوا
و بعد وقت بسيط انضموا كلهم ليهم بره.
…………..
علي الساعه اتنين الظهر رجع صوت عواء الكلب مره تانيه و كام ثانيه و اختفي.
و بعد زن من ايه و ميدو و فضول الجميع خرجوا بصوا من بعيد علي الكلاب و اتكررت نفس الحاله مره تانيه لوضع الكلاب
اتصل محمود علي صاحبه يسألوا و اتصل كمان ميدو علي صاحبه
و كانت المفجأه ان الكلاب نفس الحاله و ميدو قلق جداً علي الكلب بتاعه و عرفوا ان ظاهره الكلاب دي مش بس عندهم دي بدأت تنتشر و الكل يتكلم عنها و مش بس الكلاب القطط كمان بيحصلها ثبات غير طبيعي في وقت معين ناس كتير مصوره القطط بتاعتها و ناس كتير مصوره كلابها و كلاب الشارع مكانوش فاهمين اي حاجه و لا ايه السبب و بدأوا يعملوا سيرش و يسمعوا ناس مختصه سواء في الحيوانات او في الطبيعه عموماً
بس قبل ما يرجعوا علي الڤيلا و يسألوا و يعملوا سيرش و كل ده و هما بره بيبصوا علي الكلاب طبعاً نعيمه رفضت تروح لانها بتخاف وقفت من بعيد جنب حنان بس الباقي خرج
الموضوع كان مرعب اوي منظر الكلاب اللي شافوها غريب و بدأ كام حد فيهم يتأثر بشكل غير مفهوم و من غير ما حد فيهم يقول للتاني
