لقاء كـ،ـ،ـارثي
ليله…..رشيد فين ايمي مش قوات هتروح تشوفها
رشيد….لقتيها بتاخد شاور قالتلي هتيجي الوقت
ليله…..طيب اوك
…………
مسك فضل ايد نعيمه فردها ونام عليها
نعيمه….ابتسمت بتوتر بتعمل ايه يا مجنون نادر هيشوفنا
فضل….غمض عينه وابتسم بيلعب بيلعب مش معانا
نعيمه…..حطت كفها بحب علي وشه انت لسه عايز تنام و لا ايه
فضل…..لا بس مصدع اوي
نعيمه….من ايه
فضل……والله ما عارف كان عندي صداع خفيف لما صحيت بس بيزيد شويه
قربت شافيفها بهدوء علي راسها و باسته بهدوء ابتسم فضل و هو مغمض عينه
ضحكت نعيمه بهدوء و بعدت
فضل…..لا تاني كده
نعيمه…..بابتسامه لا هي واحده بس
فضل…..متبقيش رخمه
نعيمه….بضحك هو مسكن
فضل……اه مسكن والله
نعيمه…..طيب المسكن بيتاخد منه واحده
فضل…..لا ما انا اما بتعب ببلبع الشريط كله
ضحكت نعيمه و قربت تاني منه فضات حاطه شفايفها علي قورته تبوسها بوسات كتير و هاديه وراء بعض و هي بتبوسوا لف وشه بهدوء و باسها من شفايفها بوسه سريعه
نعيمه…..بضحك اتلم و خليك مؤدب و الله انا اللي غلطانه خليك بصداعك بقي
فضل….بضحك هو انتي يا بنتي ربنا خالقك عشان ترخمي عليا
نعيمه….اه لو حد شافنا هنطلع مسرح
فضل…..بابتسامه بحبك
نعيمه ….وانا بمووووت فيك يا شيخ العرب
فضل….بهمس و هو باصصلها نوني
نعيمه……نعم
فضل…….عايزين ننجز في حوار الجواز ده بسرعه بقي
نعيمه….بابتسامه ايه مستعجل
فضل……بتنهيده اوي والله العظيم ايه ياللي معندكيش دم مش مستعجله
نعيمه…..بضحك امممم يعني
فضل…..اقول ايه ما انتي بارده و مفيش احساس
نعيمه…..انااا
فضل….اه انتي بجد عايزين ننجز يا نوني و الله محتاجك اوي
نعيمه……محتاجني ازاي بقي ان شاء الله يا قليل الادب
فضل…..بابتسامه يابت مش عشان القاءورات اللي في دماغك دي اينعم هي حلوه و هموت عليها بس انا هموت عليكي انتي اكتر عايزك معايا يا نعيمه بجد زهقت اوي
نعيمه…..بحب و انا كمان
فضل……طب ايه مش ننجز بقي
نعيمه……طب ما احنا بنختار الحاجه و تقريباً شبه استقرينا يعني الباقي في ايد حضرتك
فضل……يعني المشكله فيا لا يا قلبي نرجع بس و انا هحل التلكيكه بتاعتك دي انا لا قادر استني صيف و لا قادر استني كل البشر اللي داخلين علي جواز دول أحنا نخلص و علي طول نحدد المعاد
نعيمه……اللي تشوفوا يا شيخ العرب
فضل…..اويلي
ضحكت نعيمه و سندت علي كتفه بحب.
……………….
نزل سلامه و تامر مع بعض و خرجوا علي بره لمحوهم بيلعبوا
سلامه….اتفضل ياعم هما قاعدين بيلعبوا كوره من غيرنا وانت حابسني فوق معاك
تامر…..بابتسامه افطر و روح العب معاهم
سلامه…….بصوت عالي شويه صباااااح الخير
الجميع…..صباح النور
بصت ليله بهدوء عليهم كانت متطمنه شويه لما شافتهم نازلين مع بعض و ابتسمت
ايه…..سلااااامه تعالي العب
سلامه……هنفطر بس الاول و نيجي
ايه……صباح الخير يا تيمو
تامر…..بهدوء صباح النور
ايه…..خلصوا وتعالو يلا
سلامه…..جايين ماشي
عشري….مفيش صباح الخير يا عشري
سلامه….بابتسامه جميله صباح الخير يا راعي الغنم
ليله….بضحك جبته لنفسك
عشري….ياض احترمني شويه
سلامه…..بضحك حبيبي يا شيخ العرب
عشري…..ماشي يا عم سماح المرادي
سلامه…..هنفطر وراجعين
عشري…..بالعافيه عليكم
دخل سلامه و تامر مع بعض علي الڤيلا التانيه لمح تامر سلمي قاعده مع حسان اول ما شافتهم سلمي مع بعض ملامحها اتغيرت
سلامه……صباح الخير يا عصافير الحب
سلمي….بهدوء صباح الخير
حسان….بابتسامه صباح الفل بس عصافير الحب بيلعبوا بره
تامر….صباح الخير
حسان…..صباح الفل يا تيمو
سلامه…..فطرتوا
حسان….اه كلنا فطرنا يلا افطروا انتوا
سلامه……صباح الخير يا ست الكل
تامر…..صباح الخير يا حنون
حنان….صباح الورد يا حبايبي تعالوا يلا اقعدوا هجهزلكم الفطار
سلامه…..ماشي يا حبيبتي انتي بتعملي ايه
حنان…..انا قولت اعمل شويه معجنات كده خفيفه تتعشوا بيهم و تاخدوا الباقي معاكم بليل علي الطريق
سلامه….ربنا يديكي الصحه يا حبيبتي
سلمي….بهمس حبيبي بقولك ايه انا هقوم انا اجهزلهم فطار عشان حنون حرام مشغوله
حسان….طيب يا قلبي يلا قومي و انا هخرج اشوف الشباب بره
سلمي….اوك هخلص و جيالك
قامت سلمي و قربت من حنان
سلمي……سيبي يا حنون انا هجهزلهم الفطار
حنان….خليكي يا قلبي انا فاضيه
سلمي….وانا كمان والله ارتاحي شويه او كملي اللي كنتي بتعمليه
حنان….طيب يا قلبي تعالي
سلامه…..تسلم ايدك مقدما يا لومي
سلمي….بابتسامه الله يسلمك بصت علي تامر كان باصص علي الرخامه و بيلعب في ايده و ساكت
