لقاء كـ،ـ،ـارثي

صاحبة البطل الواحد

.البارت السابع و الخمسين .

…………………….

بعد مافضل فضل يتكلم مع نعيمه كتير رجع اتصل بيها تاني بعد شويه مكانش حابب يسيبها وهي مضايقه بالشكل ده بعد اللي حكيته و اللي حصل مع ليله قرر يجرب مره لو مردتش تبقي نامت بس ردت علي طول.

نعيمه….الووو

فضل….ايه حبيبي لسه صاحيه ده انا قولت اجرب كده و انا وحظي

نعيمه….لا لسه معنديش نوم في حاجه ولا ايه؟

فضل…..لا مفيش بس بصراحه صوتك مضايقني اوي و مش عايز انام و انتي كده

نعيمه….بابتسامه هاديه أطمن يا حبيبي انا بخير

فضل….بس صوتك لسه مش بخير

نعيمه….مخنوقه يا فضل عشان ليله كل اللي قالته ده انا كنت عرفاه بس هي كانت ديماً تحكيه بطريقه عاديه عمري ما شوفتها متأثره وهي بتحكي اصلاً بس اول مره احس ان ليله كانت مضغوطه بالشكل ده لدرجة اني حسيت ان مش موضوع عشري كان الاساس موضوع عشري كان بالنسبه لليله اخر جزء في الكاس اللي مليان و وقع و غرق الدنيا.

فضل….عارف يا نعيمه انا لسه كمت مع عشري من شويه و حكالي بردوا و اضح ان ليله جمعت كل الوجع و فجرته بعد موضوع عشري.

نعيمه…..ده طلع الكتمان ده وحش اوي يا فضل ياربتها عملت كده من الاول و مسافرتش مكانتش تعبت ولا كلامها تقل بالمنظر ده.

فضل….و ليه متقوليش ان طريقه كلامها دي اللي خلوها انفجرت جايز حتي بعد موضوع عشري كانت خدت بعضها و سافرت تفصل دماغها و رجعت تاني بس عشان ليله من الشخصيات اللي مبتحبش تبان ضعيفه واضح ان طريقه كلامها اثرت اكتر عليها لما الكل شافها في الحاله دي تعبت اكتر

ليله…..ممكن بردوا انا نفسي اعملها اي حاجه يا فضل تفرحها او تغير مودها مش عارفه بجد اعمل ايه اول مره احس اني مش عارفه افكر انت عارف حصل حجات كتير زمان و مواقف اكتر زعلت كل واحده فينا شويه كنا بنعرف نفكر و نخرج بعض من المود ده بس دي اول مره كلنا نبقي بنبص لبعض و احنا مش عارفين نعمل ايه

فضل….في حجات و مواقف يا نوني مش بيتعمل فيها حاجه مهما عملتي لازم تاخد وقتها يعني تفتكري مثلاً بعد كل اللي حصل ده مع ليله التعب و الوجع و الكتمان اللي كانت غيه هتقدري مثلاً تفرحيها بهديه بخروجه بسهره بتجمع مع ناس بتحبها. صدقيني الموجوع بيلجأ للوحده او للشخص الاقرب لقلبه و المشكله ان الشخص الاقرب لقلب ليله هو عشري و هو بالذات اللي ليله مش هتقدر تلاقي راحتها معاه و هي زعلانه منه في زعل بيحتاج وقت و مفيش حاجه تقدر تريح الوجع ده غير الوقت مش اكتر

نعيمه….عارفه اصلا مفيش حاجه هتغير مودها وهي مش هتحب تعمل اي حاجه اللي مضايقني بس ان ليله من الناس الجدعه اوي يا فضل مستحيل كانت تشوف اي حد فينا مضايق و تسيبه من غير ما تغير موده بصراحه ليها مواقف كتير اوي عمرها ماسابت حد فينا في وجعه وده اللي مضايقني

فضل….بس هي عارفه اكيد ان مفيش حاجه في ايدكم انا اللي زعلان اوي لان حاسس ان ليله واخده مني موقف

نعيمه….لا خالص علي فكره هي مجابتش سيره اي حد فيكم ليه بتقول كده

فضل…..مش عارف بس لما اتفتح الموضوع لاول مره عند ايمي ليله ركز علي وجودي في صوره خطوبه مريم و عشري و اني كنت معاهم و حقيقي مكانش في غيري من الشباب في الصوره معاهم و اللاكيد انها شيفاني مفكرتش فيها و كل اللي كان يهمني عشري و بس

ليله….بص يا فضل حتي لو زعلانه منك ليله هتفهم بعد كده ان دن حصل قبلها و طبيعي جداً تكون موجود في خطوبه ابن خالك و معاه في الصور في النهايه زعلها و عتابها للكل كان في وقتها بس ليله هنخرجكم كلكم بره موضوعها هي و عسري و انا واثقه و انت بردوا ابقي كلمها اسأل عليها عادي يعني كأنك بتطمن كده يعني

فضل….هي فتحت الموبايل و لا لسه

نعيمه…..بيتهيألي لا بس دخلتلها من شويه انا و نادين كل شويه بنتطمن عليها و قولتلها تفتحه علي الاقل عشان اميمه هزت راسها و سكتت

فضل…..لو فتحته بكره هتصل بيها و اطمن عليها بس قوليلي هي مطوله عند نادين

نعيمه….يعني شكلها كده طلبت مني لبس كتير

فضل…..هي ليه قاعده طيب عند نادين

نعيمه…..يمكن عشان عارفه ان عشري ممكن يجي عادي في اي وقت هنا بردوا هو وجوده محكوم بوجود عسال

فضل….علي فكره حتي لو هي في البيت عشري مش هيطلع عشان و بردوا وجوده هيبقي محكوم بوجودي

نعيمه….عارفه بس عشان انتوا الاتنين رايحين جايين مع بعض هبجيبك معاه في اي وقت و يمكن زي ما انت قولت هي بردوا واخده لسه موقف منك

فضل…..ممكن عموماً ان شاء الله تفتح موبايلها بس و هكلمها بس يارب ترد

نعيمه….لا هترد ليله حتي لما بتبقي زعلانه بترد معادا عسري طبعاً بيتهيألي مستحيل ترد عليه ده ان مفتحتش موبايلها وعملت بلوك

فضل…..بضحك انتي عندك شك ده اكيد

نعيمه……بقولك ايه هما عرفوا عندكم علي موضوع يوم الاربع

فضل…..اه عشري اتكلم مع الكل خلاص و بكره هيشوف المأذون و هنخلص كل حاجه عشان الاربع نبقي جاهزين

نعيمه….بقولك ايه انا خايفه موضوع الورق ده يتقفش ساعتها هتطين عيشتنا و عيشه نادين بالذات

فضل…..بضحك والله يا نعيمه انا عامل حساب الحوار ده اكتر من كتب الكتاب نفسه مش عارف ليه متخيل نادين و هي بتديها الورق تتوتر و يبان عليها كالعاده انها عامله عامله وقتها ليله هتنفخها

نعيمه…..بابتسامه انت بتخوفني ليه

فضل….مش بخوفك بس الموضوع ان مش عارف نادين بصراحه هتنفذه ازاي عارفه لو ايمي مثلاً او انتي او سلمي هتبقي مقنعه بس نادين مشكلتها بتتوتر

نعيمه….انا ايه ده انا لو في موقف نادين والله لا هفكر في الفكره دي و لا حتي هقدر امضيها المشكله ان نادين واثقه من نفسها و بتتكلم بثقه و مش باين عليها التوتر خالص مش عارفه بقي هي فعلا واثقه ولا عشان لسه متحطتش في الموقف

فضل….لا ان شاء الله تكون واثقه لان معندهاش حل تاني و مينفعش الحوار يتقفش و انتوا كمان و انتوا بتمضوا ياريت محدش يتوتر او يحسسها بحاجه غلط خدي بالك يا نوني الموضوع بجد مش سهل ليله الوقت مش واثقه غير فيكم انتوا لو فقدت ثقتها فيكم صدقيني نفسيتها هتتعب اكتر

نعيمه….لا ان شاء الله هتعدي بس يارب متفقدش ثقتها فينا بعد ما تعرف اللي عملناه و عشري ياخدها

فضل….دي بقي بتاعت عشري لو قدر يرجع ثقتها فيه و اتصالحوا ليله تلقائياً هتسامح الكل و هترجع تهدأ تاني خلينا الوقت منفكرش غير في اول و اهم خطوه اللي هتحصل بكره اللي بعده بعده امره سهل باذن الله.

نعيمه….يارب يا حبيبي انت مش هتنام بقي

فضل…..لما حبيبي ينام الاول

نعيمه…..انا هموت وانام بس خايفه لو نمت تخرج من ورايا انت عارف نومي تقيل و مش بحس

فضل….هي من نودي معاكي

نعيمه…اه بس في الاوضه انا قعدالها في الريسيبشن

فضل…..اقفلوا الباب كويس و شيلوا المفاتيح اهم حاجه و هي اكيد بعد اللي حصل ده مظنش ترجع تفكر تاني انها تبعد

نعيمه…..يارب يا فضل

فضل….طب بقولك ايه يلا تعالي في حضني بقي عشان ننام

نعيمه….بابتسامه ماشي هتقفل

فضل….لو عايزه تقفلي تمام بس لو مش عايزه خليني معاكي

نعيمه….بحب خليك يا شيخ العرب

فضل….بضحكه جميه قلب شيخ العرب .

…………..

في غرفه نادين.

اتصل عسال علي نادين كانت نايمه

نادين….الووو

عسال…..حقك عليا يا عمري انا عارف انك نمتي بس كان لازم اكلمك

نادين….في ايه يا ميدو في حاجه حصلت

عسال….لا متقلقيش يا قلبي بس عشري لسه قافل معايا و كان بيتكلم مع المحامي بتاعه اللي ماسك شغله و فهموا الحوار وقال لعشري ان الموضوع مش هينفع و هيبقي في صعوبه هو كان عايز يكلمك بس مرضيش عسان الوقت متأخر قالي اقولك

نادين ….يعني ايه في صعوبه

عستل….انا مش عارف بصراحه بس اللي فهمته من عشري ان المحامي قاله ان العروسه يا نادين لازم هي اللي تمضي قدام موظف الشهر العقاري بنفسها و لو فرضنا اننا قولنا اي سبب انها مريضه مثلا او عندها ظرف يمنعها من الحركه بيبعتوا مندوب للبيت او المستشفي ياخد امضت العروسه بنفسه.

نادين…بصوت نايم اه يا حبيبي انا عارفه كل ده دي خدمه اسمها التوثيق المتنقل بيبعتوا مندوب من الشهر العقاري مع اهل العروسه اللي مقدمين الطلب و بيروحوا بنفسهم ياخدوا امضتها

عسال…..اووووف يعني طلع صح ؟

نادين….اه يا حبيبي صح

عسال….ابوه طب ودي هنعملها ازاي ؟ يعني هنقول ايه لليله و بعدين المندوب ده ماهو هيشوفها كويسه ده اولا ثانيا هبعرفها بنفسه و الدنيا هتبوظ

نادين….متقلقش يا حبيبي احنا مش هنعمل كل ده طمن عشري و سيبها عليا

عسال…..نودي حبيبي انتي واضح انك مش مركز او نايمه ركزي كده بقولك لازم يتبعت حد و انتي بتأكدي علي المعلومه و طلعتي عرفاها هتعمليها ازاي

نادين….حبيبي قولتلك دي بتاعتي انت مش واثق فيا ولا ايه انا هنزل كده علي عشره ونص و هيبقي معايا المحامي كمان انا فهمتوا كل حاجه و متقلقش اعرف اتنين هناك هيخلصوا كل حاجه من غير كل القلق ده

عسال….تعرفيهم ازاي يعني حتي لو فب ببنكم معرفه مستحيل يأذوا نفسهم يا نادين دول يروحوا في داهيه ده هيبقي تزوير

نادين….يا سيدي علاقتي بيهم قويه جداً و بيخدموني في اي حاجه و متقلقش انت بس و بعدين مش هيتأذوا ولا حاجه اصلاً ليله معندهاش علم بكل الاجراءات دي و متفهمش فيها و لو تفهم هي بمجرد ما عشري ياخدها خلاص كل حاجه هتخلص و هنبقي في امان

عسال….طيب هو المفروض يعني التوكيل ده هيبقي انها مسافره و لا انها مريضه ولا ايه بالظبط

نادين…..مريضه يا ميدو لان لو مسافره التوكيل ده بيجي من بره يعني لازم تروح السفاره او القنصليه هي اللي تخرج بنفسها التوكيل و يتصدق عليه من وزارة الخارجيه المصريه و يتبعت لوكيل العروسه و يسلمه للمأذون وده هيبقي اصعب فهمت لكن حوار انها عندها ظرف يمنعها المندوب ده هيخرج علي اساس يجي ياخد امضتها و دي بتاعتي بقي متقلقش

عسال…..يعني ايه؟

نادين….يعني روح انت طمن عشري و روح نام يلا و سيبها عليا

عسال…..ماشي بس انا بعد تأكيدك ده ان الموضوع طلع صح مش متفائل بصراحه حاسس انك مش هتقدري تقنعيهم

نادين….وانا قولتلك خليك واثق فيا انا لو كنت من البدايه عارفه ان الموضزع هيبقي في حاجه صعبه مكنتش فكرت فيه قولتلكم بقالي يومين بفكر في الموضوع و بسأل فيه لان كنت واثقه من رد فعل ليله و وواثقه اننا هنلجأ للحل ده

عسال….ماشي هنشوف يا ستي بس بكره طمنيني اول ما توصلي لحاجه بقولك ايه انتي مش عيزاني معاكي

نادين….لا يا قلبي خليك انت انا هبقي اطمنك انت و عشري

عسال….تمام يا حبيبي يلا روحي كملي نوم

نادين….تصبح علي خير

عسال….وانتي من اهل الخير يا عمري.

قفل معاها و اتصل بعشري قاله كل اللي نادين قالته.

عشري…..هي واثقه كده ليه المحامي بنفسه اكدلي ان الموضوع مش هينفع وإجراءاته لازم تتم بالعروسه نفسها

عسال….انا قولتلك كل اللي هي قالته و بعدين بكره مش بعيد هي هتنزل علي عشره ونص خلينا نمشي وراها و نشوف هتعمل ايه

عشري….طيب تمام ربنا يستر بقي

عسال….بقولك ايه ارحم نفسك من التفكير شويه و روح نام و ربنا يحلها بكره بقي

عشري….ماشي يا ميدو عموما لو عرفت اي حاجه كلمني

عسال…..ماشي هي كده كده قالتلي هتكلمك متقلقش

عشري….تمام يلا تصبح علي خير يا صاحبي

عسال….وانت من اهل الخير.

قفل عسال معاه و فضل عشري قاعد علي حرف السرير متوتر و عمال يفكر و فجأه سمع صوت إشعار رساله بص علي الموبايل اللي كان جنبه علي السرير و اول ما شاف ان موبايل ليله اتفتح مسكه بسرعه و بص فيه بابتسامه و كأن روحه رجعتلوا مكفاهوش انها رجعت و شافها كان مستني تفتح موبايلها بفارغ الصبر طبعاً مكانش هيتصل عليها بس كان عنده فضول يشوفها هتفتح و تشوف الرسايل و لا لأ.

الساعه كانت اربعه ونص الفجر فتح الواتس لقاها مش فاتحه فضل عينه علي الشات بينهم لحد ما لمح انها متصل و فضل بقي باصص يشوفها هتطول ولا هتقفل علي طول لو طولت يبقي بدأت تشوف رسايله قفلت علي طول يبقي هي كانت يادوب بتفتح بس عينه كانت علي رسايله مستنيها تغير لونها من ظل رمادي للون الازرق.

………….

عند ليله..

بمجرد ما حست ان الصوت بره بقي هادي و حست ان نعيمه و نادين ناموا فتحت موبايلها و فضلت مستنيه كميه الاشعارات اللي موبايلها بيستقبلها لدرجه ان الموبايل كان معلق و مش راضي يبطل صوت استقبال الاشعارات من النت العاديه و رسايل الاتصالات بتاعت كل اللي حاول يتصل بيها

غير مسدچات الواتس اللي كانت مش بتفصل سابت الموبايل شويه و بمجرد ما اتسقبلت كل حاجه فتحت الواتس بهدوء بقت عماله ترفع في كميه الشات و تلمح الاسامي اللي باعته ليها البنات كلهم و الشباب و اخواتها و ولاد اخواتها و اهالي صحابها كميه رسايل مهوله و كل واحده من صحابها اللي باعت خمس رسايل و اللي باعت سته واللي باعت سبعه بصت علي عشري و اتصدمت من كم الرسايل اللي باعتها
في سبع ايام بعتلها 47 مسدچ

قررت تشوف و تسمع رسايل الكل و تسيبه هو للاخر .

قامت بهدوء الاول قفلت الباب بالمتاح براحه و رجعت ولعت سيجاره و بدأت برسايل اخواتها.

فتحت رسايل اميمه اول واحده..

سمعت الاولي كانت لسه هاديه و بتحاول تطمن عليها و التانيه و التالته و من الرابعه سمعت صوتها و هي بتعيط و قد ايه خايفه عليها

تأثرها كان واضح و عبنها كانت مدمعه و صعبان عليها اميمه نزلت دموعها بهدوء مع دموع اميمه و بعدين سمعت رسايل قمر اللي عيطت عليها كمان و ابتسمت لما سمعت صوت ولاد اختها

بعدين سمعت رساله حمزه ونوح و طلب نوح ليها انها ترجع قبل بطولتة و حمزه اللي فرحها بانضمامه لفريق الناشئين في الاهلي.

كانت بتتفاعل مع كل رساله مره دموع وجع و مره دموع تأثر و فرحه و مره ابتسامه.

فتحت رساله تقي و ابتسمت علي طريقتها و بعدين فتحت رسايل وليد اللي غيرت ملامحها لغضب كانت كلها لوم و عتاب كالعاده مكانش في غير اخر رساله هي بس اللي خلتها هديت تاني طريقته فيها كامت مختلفه و كانت غالباً رسالته ليها بعد مكالمه ايمي ليه و طلبها منه انه يبعتلها رساله يحسسها انها وحشته و انه محتاجها.

و بعدين بدأت تفتح رسايل الشباب سمعت كل واحد باعتلها ايه اتأثرت برساله فضل و عسال اللي كانوا حاسين بالندم بعد كلامها ليهم ان عسال خذلها لانه موقف جنبها زي ما كان بيقول ان البنت مينفعش تتوجع و كلام فضل عن صورته اللي شافتها وان ده كله كان قبل ما يعرفوها..

و كملت رسايل رشيد و سلامه و حسان اللي بيعتذروا فيها هما كمان و طالبين يطمنوا عليها.

و بعد كده فصلت تسمع رسايل البنات نزلت دموعها علي عياط نادين و احتباجها ليها و علي وجع ايه و علي عياط نعيمه و سلمي

و اتوجعت من رسايل ايمي اللي كانت بتقولها قد ايه محتجاها و ان البنات هي مش قادره عليهم لوحدها و من غيرها..

سمعت رساله امنيه ابتسمت و اتفاجئت بموضوع جوازها و كملت رساله حماده اللي اثرت فيها اوي

و كلامه كان تقريباً جاي في وقته نصايحه ليها و احتواءه للموقف بشكل هادي و طلبه منها انها تركز في كلامه كويس و تسمعه تاني

ابتسمت بهدوء علي كلام ماريز و دعواتها ليها حتي نجلاء و عادل بعتولها رسايل كانت مبسوطه اوي و حست انها فارقه بجد مع الكل.

لمحت رساله امينه فتحتها بهدوء و بدأت تسمعها و نزلت دموعها و هي بتسمع كلامها و كلام ملك اللي فرحوها شويه .

دموعها مكانتش بتقف و ابتسامتها كمان كل كلامهم كان كفيل يرفع من روحها المعنويه..

اصل في وقت لما الوجع بيزيد عليك من اشخاص قريبه من قلبك بتبدأ تشك في حب كل الناس ليك و هي كانت فاقده الثقه في الكل بس الرسايل اللي كانت بتسمعها و بتقرأها حسستها انها مهمه بجد عندهم و يمكن كانت لاول مره يفرق معاها انها تحس بأهميتها في قلب كل اللي حواليها.

خلصت كل الرسايل و مبقاش في غير عشري من الساعه اربعه ونص لحد خمسه ونص ساعه كامله بتسمع في كميه رسايل كتير ..

وعشري عينه متحركتش لحظه من الشات اللي بينهم و كل ما الموبايل يقفل يفتحه تاني مستني الرسايل تعلم ازرق بفارغ الصبر و في نفس الوقت كان عارف ان هي فاقده الثقه فيه خاف تشوفوا متصل في الوقت ده تفكر انه بيكلم مريم او اي حد فكان كل شويه يفتح الواتس و يقفلوا بسرعه هو كان بس عايز يتطمن انها شافت رسايله كان مستني كل تسجيل او ڤديو بعته علم ازرق و بان انها سمعته و بتسمع اللي بعده كان عايز يشوفها مهتمه تسمع منه ولا لأ كان واثق انها لو سمعت بهدوء بينها وبين نفسها قلبها هيحن ..

واخيراً خرج منه نفس طويل زي اللي كان بيجري في سباق مدته ساعه كامله بمجرد ما شاف انها فتحت الشات و استلمت رسايله قفل الواتس بسرعه عشان متلمحش انه متصل و فضل رايح جاي في الاوصه علي اعصابه يشرب في سجاير و رايح جاي في الاوضه و يبص في الساعه.

فتحت ليله اخيراً رسايله و بدأت تسمع اول ڤويس.

كان وهو مصورلها الطريق لدهب و بيحكيلها انه لما جه اول مره كان جاي تايه بس رجع وهو معاه روحه و لتاني مره يروح نغس الطريق بس المرادي رايح يدور علي روحه.

كانت بتسمعه و دموعها نازله

بقت عماله تفتح ڤويس و راء ڤويس و ڤديو وراء ڤديو مره و هو بيصورلها البيت في دهب و صوته ضايع و بيفكرها بكل لحظه و مره وهو ماشي في الشوارع في دهب ومره و هو صوته مستسلم و بيقولها انه تعب و مره و هو بيقولها انه مش عارف يروح فين تاني و بيسألها ادور عليكي فين كأنه مستنيها ترد و مره يقولها انا حاسس اني نسيت دهب.

و مره وهو بيقولها هقتلك و لو اذاكي ليا هيريحك روحي بلغي عني و قولي اني بهددك مره و هو واقف بالعربيه قدام البحر و جايب صورته و شكله قد ايه مكسور سمعته وهو بيقولها انا اتذليت وتعبت و صلتي للي عيزاه و اتربيت ارجعيلي بقي

دموعها مكانتش بتقف و كانت هتموا عليه..

شافته و هو في المقطم شويه يبعتلها رساله بهدوء و يقولها انا هلكان شويه انا عايز انام شويه يزعق بغضب و يهددها تاني كان عامل زي المجنون رسايله في البيت و هو بيقولها انه رجع بعد ثلاث ايام لاول مره و قد ايه محتاجها و هو بيقولها انا جعان و واقف معاها يحضر الاكل ويهزر كأنه فاتح ڤديو بيكلمها بس ضحكته كلها وجع و فجأه اتحول و كسر الكوبايه و رجع لغضبه عليها و تهديده ليها

كان بيشتيكلها منها و بيغضب عليها مره يكلمها بهدوء و يوقولها قد ايه محتاجها و مره غضبه من بعدها يخليه زي المجنون رسايل كتير اوي منه بيعرفها فيها تفاصيل يومه و كأنها معاه رافض فكره ان هي مش معاه خالص انا روحت انا رجعت انا نازل يا عمري ادور عليكي قوليلي يلا ادور عليكي فين.

كانت منهاره وهي شفاه قدامها زي الطفل وكانت مصدقاه اوي و عارفه و واثقه ان عشري حبها لدرجة الجنون .

سمعت رسالته اللي كلها وجع و بيقولها انه مبقاش فاضل غير المستشفيات بس هو خايف يروح.

و مره واحده يتجنن و ميبقاس فاهم هو بيقول ايه و هو بيزعق بغضب و بيهددها انها لو ماتت مش هيسامحها و هيطاعها من قبرها

من خمسه و نص لحد الساعه سبعه الصبح و هي بتسمع في رسايله و دموعها مش بتقف و بتعيد كل شويه في رسايله و ڤديوهاته حست ان قلبها محتاجه كانت في صراع بين انها تبعد و انها مش هتقدر مستحيل مستحيل تقدر تتحمل بعده و مستحيل تقدر تتحمل وجعه في بعدها كسرته كانت واجعاها اكتر و مكانتش تتمني او تحب تشوفوا في الحاله دي .

مكاناس مركزه مع كلمه متصل دي خالص كان كل شوبه يدخل يطمن وصلت احد فين و سمعت ايه و يخرج لحد ما شاف انها وصلت لاخر رساله وبعدها قفلت الواتس

خدت نفس طويل و حس براحه انها سمعت كل اللي كان في قلبه طول فنره غيابها مكانش مستني منها تسامحه او رسايله تأثر فيها قد ما كان مرتاح انها سمعته.

قفل هو كمان الواتس و نام

و هي كمان قفلت و طلعت علي السرير و غمضت عينها ونامت و هي موجوعه لكن جواها طاير من الفرحه بمشاعر عشري اللي كانت تقريباً اول مره تشوفها حتي في عز ما كانت مبسوطه معاه و واثقه من حبه ليها مشاعره المرادي كانت مختلفه اظهر ضعفه قدامها ودي مش سهله علي اي راجل إلا اللي حب بجد من قلبه

مسكت الموبايل تاني و فضلت تسمع رسايل كتير و تمشي ايدها علي صورته في الڤديو و هي مبتسمه و دموعها نازله براحه..

كان نفسها تكتبلوا كلام كتير جواها تقولوا ايه اكتر حاجه وجعتها منه و قد ايه هي بتحبه بس كل ما تحاول تمسح مكانتش قادره..

خرجت بره الشات بتاعه خالص و رجعت تختار كام رساله من كام حد علقوا معاها و من ضمنهم اخر رساله لوليد.

وليد….ليله يا اللي طول عمرك مغلباني و واجعه قلبي طول عمري عايز اكون في حياتك الجزء الامن اللي بعيد عن الحرب يعني مش بقرب و مش ببعد بخاف اقرب عشان عارف ان جايز انا وانتي منتفقش و انا مقدرش احارب معاكي مش عشان انتي اقوي يا بت وهتكسبيني بس عشان انا مقدرش احارب حته من روحي مش هقدر اقنعك باللي في دماغي و انتب عترفضي انك تحاولي تفهمي عشان كده اختارت اكون في الجزء البعيد الامن عشان افضل معاكي بس في هدوء انا يمكن اوقات كلامي مش بيعجبك بس انا بحبك اوي يا ليله انتي عارفه يا بنت كامل لو انا وانتي كنا متفاهمين كنا عملنا عمايل في الدنيا دي بس للاسف دماغك زي الجزمه و انا دماغي بردوا تعبانه بس والله بحبك اقولك علي سر بس لو فتنتي هطلع روح امك في ايدي انا صحيح بحب اميمه و هي الركن الهادي بتاعؤ و بحسها امي اللي لما بتتعب اروح اترمي في حضنها و بحب قمر عشان حنينه و علي طول تسأل عني اكتر ما بسأل عليها بس انتي يابنت الجزمه واخده قلبي كله لوحدك
بحسك بنتي البكريه اللمضه اللي لسانها طويل العنيده اللي مهما عملت مش بقدر ازعل منها ابقي روحي قوليلهم بقي عشان اطين عيشتك ضحك ضحكه هاديه بحبك يا ليله و لو مش عايزه ترجعي الوقت براحتك بس علي الاقل افتحي موبايلك بلاش تخليني احس بقلة الحيله كده.

ابتسمت ليله بدموع..

ليله….بهمس وانا كمان بحبك اوي

كملت تاني سماع الرسايل اللي علمت في قلبها وخصوصا رسالة حماده سرحت فيها و عادت الڤويس اكتر من مره..

بس اللي خلاها أبتسمت بجد و ركزت كلام امنيه..

امنيه….بقولك ايه يا لولي اوعي تفضلي مختفيه كده و متجيش فرحي ارجعي عشان خاطري و بعدين مين هيرقصلي اقولك انتي تيجي و ترقصي و تغيظي عشري

ماريز….يابت انتي بتسخنيها علي الراجل اكتر.

ضحكت ليله من بين دموعها و هي بتسمعهم عمالين يتكلموا معاها ومع بعض كأنها قاعده قدامهم

قفلت ليله الموبايل و هي مقرره لو هتتنازل عن مبدأها لاول مره عشان عشري فا هي الاول لازم تاخد حقها منه حماده كان معاه حق الحب مش ساحة حرب يمكن لازم نتمسك بقوانينا و مبادئنا بس كمان لازم يكون في استثناءات لأشخاص مهمين في حياتنا.

نامت ليله من غير ما تحس علي الساعه تسعه ونص..

كانت في الوقت ده نادين صحيت خدت شاور ولبست و جهزت نفسها وبعدين خرجت بهدوء من اوضتها

لقت نعيمه نايمه بره و الغطاء واقع منها قربت منها بهدوء.

نادين….نوني نوني انتي يا بت اصحي

نعيمه…..ايه ايه ليله فين استني طيب

نادين….بضحك في ايه يا مجنونه عالصبح مين دي اللي تستني

نعيمه….في ايه يا نادين عالصبح خضتيني

نادين….بقولك ايه انا نازله قومي اقفلي ورايا و خدي المفتاح خبيه و ابقي اتغطي كويس ايدك متلجه

نعيمه….انتي راحه الوقت تجيبي الورق؟

نادين…اه المحامي مستنيني

نعيمه…هتتأخري

نادين…ان شاء الله لا هخلص واجي علي طول لو محتاجين حاجه كلميني اوعي يا نوني ليله تنزل

نعيمه….ماشي بس والنبي ما تتأخري

نادين….حاضر والله ان شاء الله هخلص و ارجع علي طول

نعيمه….طيب تمام

راحت نادين فتحت بهدوء و خرجت

نادين….يلا اقفلي و خدي بالك ها

نعيمه….حاضر

نزلت نادين و مشيت.

علي الساعه 11 صحي عشري كان نايم نوم قلق وعايز يتطمن اتصل علي نادين خاف يكون راحت عليها نومه.

نادين….ايوه يا عشري

عشري….كويس صوتك في الشارع انا قوات راحت عليكي نومه

نادين…لا متقلقش انا مواعيدي مظبوطه

عشري….طب ايه عملتي حاجه ولا لسه

نادين….انا هناك بس اااا عشري بقولك ايه اقفل الوقت هكلمك تاني عشان الموظف جاي باي

عشري…..طيب طيب باي

قفل معاها وخرجت منه تنهيده طويله و حس بتوتر فظيع قام بهدوء طلع لبس و دخل خد شاور كان خلاص كده النوم راح من عينه و توتره زاد الضعف.

دخل خد شاور بارد و بعدين خرج كمل لبسه وراح عمل قهوه و ولع سيجاره و عينه راحه جايه علي الموبايل مستنيها تتصل و عينه علي الساعه بقت 11ونص و لسه متصلتش استني و فضل عينه علي الساعه بقت 12 الا ربع و خلاص هيتجنن لقي الموبايل بيرن بص بسرعه لقاه عسال فا رد.

عشري….ايوه يا ميدو

عسال…..انت صاحي

عشري….اه مستني اي مكالمه من نادين هي كلمتك

عسال….لا انا صحيت و قولت اسالك اصلي اتصل عليها كنسلت

عشري….ماهو انا كلمتها علي 11 كده بس ملحقتش قالتلي اقفل الموظف جاي و من وقتها انا علي اعصابي و بصراحه بدأت اتوتر

عسال…اهدأ ياعم بلاش توترني معاك نادين هتقدر انا واثق فيها و بعدين هي كانت واثقه انها هتقدر متقلقش

عشري….يارب يا ميدو هتجنن و بصراحه مش عارف لو الموضوع باظ هيحصل ايه

عسال…خير يا عشري اتفائل و لو لاسوء الظروف معرفناش خلاص مش مهم و اكيد مع الوقت هنظبط كل حاجه ليله والله محتاجه وقت مش اكتر بس هي بتحبك وانت عارف

عشري…..دماغ امها جزمه و اديك شوفت اللي حصل امبارح

عسال….هتهدأ والله متقلقش خير انت هتعمل ايه الوقت

عشري…..والله ما عارف يا ميدو انا قومت خدت شاور و لبست و عملت قهوه و بحاول اشغل نفسي بأي حاجه مش عارف انزل اروح الكافيه و لا اروح اطمن علي ليله ولا اروح لنادين

عسال…..استني الوقت ليله ممكن تبقي نايمه و لو صاحيه مش عايزك تقرب منها الوقت خالص خلينا نخلص من موضوع التوكيل ده علي خير اقولك انزل الكافيه شويه

عشري….ماهو انا خايف انزل وانا متوتر كده اعمل مصيبه

عسال….لا وعلي ايه خليك طيب بقولك ايه انا صحيت خلاص ايه رأيك تجيلي

عشري….انت معندكش مشاوير

عسال….عندي انهارده المفروض هنستلم اخيراً المعرض عايز احاسب المهندس علي باقي فلوسه و استلم منه و كنت هروح انا وحسان اخر النهار نبص بصه علي الكافيه بس حسان رايح لسلمي عشان يعمل ضرسه

عشري….طيب اقفل انا هنزل اجيلك

عسال….طيب علي ما تيجي اكون خدت شاور وجهزت و انش اء الله تكون نادين خلصت و تتصل تطمنا

عشري….طيب تمام يلا مسافه السكه.

قفل عشري معاه و خد حاجته بسرعه ونزل و قابل فضل كان لسه نازل من البيت

فضل…..صباح الفل علي فين ؟

عشري….رايح لعسال

فضل….خير في حاجه

عشري….لا بس لو فضلت قاعد كده لحد ما نادين تتصل تطمني هيجيلي جلطه

فضل…..هي لسه مخلصتش

عشري….لسه يا عم و انا مش عارف اعمل ايه متوتر جداً

فضل….طب اهدأ كده و خير ان شاء الله بقولك ايه تعالي طيب نقعد شويه في الكافيه

عشري….هعملك مصيبه عالصبح

فضل….بضحك وعلي ايه غور بمصايبك بقولك ايه هنخلص من حوارك ده وهاخد اجازه من الشغل اسبوع عشان تعبت خلاص

عشري….ياعم شهر انا موافق بس نخلص بقولك ايه معلش ظبط انت الشغل مع الشباب و مر كده مع علي و عمر شوف النواقص

فضل….طيب تمام متحملش هم المهم بس لو عرفت اي حاجه طمني

عشري….طيب تمام يلا سلام يا اخوي

فضل….سلام.

ركب عشري عربيته و طار و علي الساعه 12 و ربع لمح اسم نادين بترن علي موبايله ركن بسرعه ورد عليها و هو متوتر جداً و قلبه بيدق بسرعه زي اللي مستني نتيجه الامتحان.

رد بترقب و سمع صوتها.

عشري….الووو

نادين…بهدوء ايوه يا عشري

عشري….غمض عينه ايه اوعي تقولي منفعش يا نادين ده انتي اخر امل ليا

نادين…..بص يا عشري هو انا حاولت بس يعني في كل الاحوال ليله مهما زعلت منك و غلبتك اكيد هترجعلك

سكت عشري و حط راسه علي الكرسي بحزن كبير و مردش

نادين….بابتسامه بس ده يعنييييي ميمنعش انك تستحمل زعلها و عنادها و هي معاك في بيتك يا عم عشري

بص بصدمه و رجع تاني بسرعه لقدام.

عشري….تقصدي ايه ؟

نادين….بضحكه جميله اقصد ان التوكيل في ايدي يا عريس

عشري…اووووووف يا شيخه حرام عليكي وقعتي قلبي ينصر ديييييينك يا نادين

فضلت نادين تضحك من قلبها

نادين….حقك عليا والله قولت اوقع قلبك شويه

عشري…..ده وقع و مات والله نادين احلفي بجد انك عرفتي تخلصيها

نادين… لا بص انا كده ازعل خلوا في شويه ثقه بقي انا شكلي كده لازم اغير فكرتكم عني قولتلك و قولت لميدو انا عارفه هعمل ايه بس معلش بقي انا عايزه الحلاوه

عشري….بضحكه تجنن حلاوه اطلبي و اتمني و ديني يا نادين لو ما حققت اللي انتي عيزاه ابقي مش راجل بجد زي ما الجزمه قالت عليا

نادين…..بضحك لا يا سيدي انا مش عابزه غير دعوه منك بس اكمل الخطوه الجايه علي خير عشان دي بالنسبالي اصعب من استخراج التوكيل واصعب من كتب الكتاب ليله لو قفشتني مش هتعرفوا تلموا جثتي

عشري….بضحك بعد الشر عليكي لا متقلقيش انتي قدها بقولك ايه انتي طلعتي جباره و مش سهله و يزعل بقي عسال ولا يتفلق انا بحبك اوي و بموت فيكي ويلا اللي عنده يعملوا

نادين….بضحك والله وانا وكمان و بجد مبسوطه عشان فرحتك عقبال ليله كده ما تفرح هي كمان

عشري…..وغلاوتكم عندي انتوا الاتتين هفرحهالك من قلبها و هخليها اسعد ست في الدنيا

نادين….ودي بالنسبالي اهم حاجه خد بالك منها و النبي يا عشري ليله بتحبك اوي و الله العظيم

عشري….مش مختاجه توصيني يا نادين انا بحبها اكتر ما هي بتحبني بكتير متخافيش عليها دي بنتي و حبيبتي و عقبال كده بكره ما تبقي مراتي

نادين….بضحك يارب عشان لو مبقتش مراتك انا هبقي من الشهداء

عشري….بضحك لا لا ان شاء الله خير و بجد مس عارف اقولك ايه علي وقفتك دي يا احلي و اجدع اخت في الدنيا

نادين….بابتسامه حبيب يا عشري ربنا يسعدكم يارب و يبعد عنكم اي حاجه وحشه و اشوفكم اسعد اتنين في الدنيا كلها

عشري…..بابتسامه يا عمري انتي و يسعدك انتي و ميدو يارب انا رايح الوقت ليه و شوفي بقي هتخلصي امته حوار الامضاء ده انتي صحيح هتعملي ايه

نادين….بضحك لا بلاش عشان لو قولتلك هتخاف مني و تقول عليا شيطانه

عشري….بضحك انا مبدأياً كده خوفت منك عموما اعملي اللي انتي عيزاه و ابقي اعرف بعدين انا واثق فيكي

نادين….ماشي يا سيدي يلا انا هروح الوقت علي الببت لسه قافله مع ايمي و ايه وسلمي و قولتلهم يجوا هوصل قبلهم و هعرف ليله انهم جايين عشان في موضوع شغل مهم لازم نخلصه قبل ما البنات يروحوا شغلهم

عشري….طيب خلصي و عرفيني ماشي انا رايح لميدو الوقت

نادين…..تمام انا هكلموا بقي اطمنوا هو كمان عشان اتصل و كنسلت عليه بس قولت افرحك الاول عارفه انك متوتر

عشري….طيب تمام يلا علي مهلك

نادين….باي يا عشري

عشري….باي يا نودي.

قفل عشري و هو طاير من السعاده و كان بيدعي من جواه ان باقي المهمه بتاعت نادين تخلص بسرعه.

……………….

علي الساعه واحده وصلت نادين البيت كانت نعيمه صحيت و ليله كمان صحيت و كان باين عليها الهدووووء و مرتاحه شويه عن الايام اللي فاتت

دخلت بهدوء لاقتهم قاعدين بيفطروا علي البار

نادين….بابتسامه ااااااه دي نداله دي علي فكره بتفطروا من غيري

نعيمه…..بابتسامه خلي الشغل ينفعك يا ست يا نودي البت عندها علاج لازم تاخده

قربت منها نادين وضمتها وباستها من خده بوسه قويه

نادين …بألف هنا

ليله…بابتسامه جميله و ااانتي للليه نززلتي ممن غيير فطااار اصلااا

نادين….بضحك لا حوشي اللي بتصحي الصبح تحضر سفره كامله يا بت انتي بتصحي علي القهوه و السجاير لولا العلاج مكنتيش كلتي

ليله….بضحكه هاديه قصددك لووولا الززنانه دي

نادين….جدعه يا نوني ايوه ما يجيبها غير بناتها

نعيمه….بضحك لا اسمها ما يجيبها غير نسوانها

نادين….بضحك اي حاجه المهم جنس حواء اللي بيعرف يجيبها

ليله…طببب يلا تتعالي ااففطري احننا لسسه بنفططر

نادين…..ماشي

سابت نادين شنطتها و ورق كتير من ايدها نعيمه بصتلها بهدوء بتسالها بعينها عايزه تطمن عملت ايه

ابتسمت نادين و هزت راسها فا وسعت ابتسامه نعيمه اكتر و فرحت.

ليله….اااننتي كننتي ففين عالصصبح كدده

نادين….بضحكه جميله هقولك بس مش عايزه حد فيكم يهزقني اولا انا اتصلت بايمي والبنات يجوا قبل ما يروحوا شغلهم و بعدين معلس بقي يا لولي نركن الزعل و المساكل علي جنب الوقت انتي عارفه في السغل واي حاجه فيها مصلحتنا انا مش بشوف قدامي و من غير تهزيق كالعاده يعني انا لبستكم في مشروع واللي فيكم هتنطق هعمل زيك انتي وايمي معنديش غير الشبشب

ضحكت ليله هي و نعيمه علي نادين.

ليله…ششبشب يااواططيه لااا بصيي ميغررركيش هدوئي ده هقووم اجييبك من شععرك

نعيمه….بضحك لا كده لولي بدأت تفوق ولمي لسانك عشان انتي مش حملها

ليله…مشرروع ايه يا مممصيبه عالصصبح

نادين…طيب نفطر بس و البنات توصل و هقولكم بس اسمعي مني مشروع يجنن و هيعجبك انتي بالذات مش ديماً تقولي انك عايزه مكان تشتغلي فيه براحتك و ان موضوع الشقق كويس بس مفيهوش مجهود اهو انا يا ستي وقعت علي مشروع هيهد حيلك و من الاخر انتي انسب واحده تمسكوا

ليله….طبب ايه عررفيني ممموش يمكن مبعجببنيش

نادين…قولت لما البنات تيجي عشان جعانه و بعدين يعجبك او ميعجبكيش انا خلاص اتفقت و من الاخر كده رأيكم ميهمنيش انا بس عايزه امضتكم و بصمتكم عشان اسجل الورق باسمنا

ليله…انننتي يا بت بتتتعاملي معااانا كددده ليه

نادين….بصحك طيب بزمتك عمري دخلتكم مشروع و منجحش

ليله…صصراحه لا

نادين….طيب و ده بقي هيبقي انجح مشروع في الدنيا و مكسبه رهيب انتي بس خليكي واثقه فيا

ليله….انتتي عااارفه اني بثثق في دماااغك بسس اخبااار الفلوووس اييه اوووعي تلبسييني في مبلللغ كبيرر

نادين….بضحك هو مبلغ كبير بس احلي حاجه فيه انه علي عشر سنين و من غير فوايد يعني هندفع الوقت المبلغ الكامل زي ما هندفعه علي عشر سنين فا قولت نقسطه انما يضيع من ايدنا علي جثتي

نعيمه….بضحك ربنا يستر

ليله….ممماشي ياااا ست نوودي اما أشووف اخررتها ممعاكي

نادين….طب قوليلي بقي القمر ده متشيك كده ليه عالصبح هو اينعم فستان اسود و من يوم ما لبستي الاسود ده وانا مش متفائله بس ميمنعش ان في قمر

نعيمه….بضحك البت دي من يوم ما كتبت كتابها وهي مش مبظوطه

ليله….بضحك ااايوه بسس المممشكله ان مييدو هااادي مييعممملش فيها كددده

نادين…بضحك لا مش هادي علي فكره و كمان طلع مش مؤدب

ليله…بضحك اووووبا عمممل اييه

نادين….بضحك لا دي عايزه قاعده بعدين بقي المهم ايه القمر ده

ليله…شووويه و ناازله

نادين….بصتلها بتوتر رايحه فين ؟

نعيمه…..لولي عايزه تروح تزور مامتها و باباها

بصتلها نادين بهدوء و تأثر

نادين….ربنا يرحمهم يارب طيب تمام نخلص بس مع البنات و هما ينزلوا يروحوا شغلهم وانا معاكي انا ونوني

ليله…لااا ااانا ممحتاجه اكوون لووحدي مممعلش

نادين…لا مش هسيبك و متزعليش مني يعني انا مش هثق فيكي هتمشي و بجد يا ليله لو عملتي كده تاني تبقي بتأذيني انا اول واحده

نعيمه….اااه وبجملت بقي لولي قالتلي اخد.شنطتخا وارجعها علي البيت تاني عشان هترجع

نادين….نعم يا اختي انتي وهي لا طبعاً انتي لسه امبارح قايله انك مش هتروحي هناك الوقت خالص كده انتي بجد ناويه تمشي.

ليله….وووورحمة اامممي مموش همشي يا ناادين انتي عاارفه انني مموش بكدب اننا هرووح ازووورهم و ببعدين ههرجع عادي و مووضوع رجووعي ده لاززم اعمملوا اصلااا كننت غللطانه لما ففكرت اسييب البييت ددده موووش ححل

نادين…بصت لنعيمه بغضب طبعاً انتي اللي اقنعتيها بزنك و مش قادره تسيبيهالي يومين

نعيمه….بضحك والمصحف ما نطقت والله هب اللي قالتلب الوقت الم كل حاجتها و اوديها البيت علي ما هي ترجع و لما سالتها قالتي مش هتسيب البيت عشان خاطر عشري يعني في النهايه مش هيدخل البيت غصب عنها و كمان هي مش عايزه تضايقك اخواتها وارد يجوا يطمنوا عليها كل شويه و هي عيزاكي براحتك

نادين….بزعل ليه كده يا ليله هو انتي حسيتي اني مضايقه ده انتي طول عمرك بتقولي بيت نادين مفتوح للكل هو انا يعني هضايق لو اخواتك جم او اي حد جالك ده انا مفتاحي معاكم كلكم عشان البيت ده بتاعكن زي ما هو بيتي

ليله….ببببت بطللي عبط اننا مققصدش كدده والله ككل الحككايه ان لازم نحتترم ممشاعر ميدوو عااارفه انه مش هيضضايق بس كممان ككل شووويه حدد ييجي و هوو كمممان لازززم يحسس انك ممركزه ممعاه ششويه

نادين….ميدو عمره ما هيضايق ولا حتي حسيت بده منه

ليله….عااارفه بس ككده هببقي ممرتاحه اكتتر رريحييني

نادين…..لولي انا عارفه انك حساسه و موضوع بياتك في بيت غير بيتك ده فظيع بس ده بيتك و بعدين احلفي انك مش ناويه تعملي حاجه

نعيمه…..انا معاها متخافيش و بعدين ما انتي جنبنا تعالي كل شويه يا ستي شوفيها

نادين…..علي اساس انتي نومك.خفيف هتغفلك و تمشي تاني

ليله….يااابت بقوولك ورحممة امي مش هممشي

نادين….طيب يا لولي زي ما تحبي المهم انتي حلفتي وانا مصدقاكي و لو ده هيريحك اعمليه.

رن جرس الباب.

نادين….البنات شكلهم وصلوا.

قامت نعيمه تفتح لقتها تقي بنت وليد

نعيمه….اهلااااا بليله الصغيره

حضنتها وسلمت عليخا بصتلها ليله من بعيد بابتسامه هاديه و حزينه

قربت منها تقي و هي رافعه حاجبها
كانت خايفه ليله تكون زعلانه منها و وليد حكي اللي حصل.

سلمت نادين عليها وحضنتها وبعدين بصت لليله

تقي….اااااه تتشيكي و تقعدي كده زي القمر و احنا نلف زي النحل عليكي خدي بالك دي مش اخلاق

ابتسمت ليله بهدوء و قربت منها تقي حضنتها بقوه

تقي…..وحشتيييني حاسه اني بقالي سنه مشوفتكيش مالك خاسه كده ليه بالذمه البطل ده ينفع يبقي كده

ليله….بضحكه جميله ااانتتي كمماان وحششتيني

تقي…..احييييه عليا و علي طريقه الكلام لا بقولك ايه انا سمعت انك تعبانه و الكلام بعفايه بس مكنتش اعرف انه هيبقي قمر كده انتي متخفيش خليكي كده علي طول

ضحكت لياه وضمتها تاني و البنات فضلوا يضحكوا

نعيمه…..بت انتي متنمره

تقي….متنمره احيه يا نوني عارفه ليله بتتكلم زي مين

نعيمه….بضحك زي مين ؟

تقي…..زي كارين مرات اخو عشري بقيتي اجنبيه يا لولي

نادين…بضحك خدي يا اقي هاتي بوسه انا بحاول افكر الطريقه دي سمعتها فين ومعرفتش جبتيها صح

ليله….حلووو المسسرح دده مماااشي لييكم يووم

تقي….بضحك مسرح ايه ده مدح لا بجد تحسيها بطل من أيچيبت

نادين…يالهوي علي ليله الصغيره بموت فيها

ليله….دددي قلببي دي ككنت خااايفه تكووني جااايه و ززعلانه ممني عشااان وليد

تقي…..لا بصي انتي وابويا مش جديد عليكم و بعدين طلعينؤ انا من حوارتكم دي انشاالله تولعوا في بعض هو المووز بتاعي و انتي قدوتي يعني مش هزعل من حد فيكم و بعدين انتوا اخوات ابنعم بعني هو مقالش اي حاجه بس جاي وشه عامل كده و بوزه ده شبرين كنت فاكره انه زعلان عليكي و فيكي حاجه كبيره بس سمعته بيتكلم مع عمو احمد في التليفون و بصراحه رميت ودني و عرفت يعني انك قفشتي فيه

ليله….بضحك مصييبه دي

تقي….المهم يعني انا مليش علاقه يا عمتي

ليله….عمتتتي فففي عينك ياااكلللبه

تقي….بضحك ايوه كده طول ما لسانك طويل انتي بخير بقولك ايه انا عارفه انك ملكيس في الحلو بس قولت انتي مريضه بقي و بعافيه فا جبتلك شيكولاته هي اينعم مش اوي يعني بس مش هقعد انا اللف علي نوع فاخر عيشي عيشة اهلك انتي مش من ايچيبت

ضحكوا كاهم عليها و ضربتها ليله علي كتفها و نعيمه خدتها في حضنها وهي بتضحك

نعيمه….البت دي مصيبه يارب ايه تيجي قبل ما تمشي بحب تجمعهم مع بعض

تقي…..لا بقزلك ايه انا مش فضيالكم انا جيت ابص عليها و ماشيه انا بقيت سيدة اعمال قد الدنيا لو قعدت ثانيه مش هتعرفوا تعيشوا من غيري خدوا بالكم انا اهم شريكه في المشروع ده يعني تحترموني

ليله….بابتسامه حب ببححبك يا تقي

تقي….احييييه قوليها تاني كده

ليله…اتتلممي يا جززمه

تقي….بحب الف سلامه عليكي يا احلي و اغلي حد في حياتي بحبك و عارفه انك قويه جددددا و بجد انتي قدوتي و انا بحاول اكون زيك اوعي تزعلي ابداً من اي حاجه عشان انتي تستاهلي تكوني مبسوطه ديماً يا اجدع عمه في الدنيا

ليله….ياااعمممري انتتي و اووول فرررحه لينا ربنا يخخليييكي لليا

تقي….بصي انا همشي عشان بجد عندي شغل كتير بس كل شوبه هقرفك

نادين….طيب اشربي حاجه يا رخمه

تقي….بقولك مزرعتكم في ايدي مس وقت رغي و شرب و ضيافه مالك كده كنتي سيده اعمال قد الدنيا خيبتي ليه

نادين…بضحك طب بره يا بت و متجيش هنا تاني

ضحكوا كلهم وقربت تقي حضنت ليله و باست كفها بحب و بعدين سلمت علي البنات و مشيت.

ابتسمت ليله و نزلت دموعهغ.

نعيمه….احييييه بقي ليه الدموع دي

ليله…بضحكه هاديه بحببها بجدد و ككنت خااايفه تكوون عررفت و ززعلت و جااايه تتعاتبني

نعيمه….لا تقي بجد بتحبك و بعدين طالعه جدعه لعمتها

نادين…..بطلي عياط

ليله…..بقووولك ايه شوووفي العييال دي فيين خلييني اروووح يلاا.

نادين….استني اكلمهم.

اتصلت نادين علي ايمي

نادين….الووو انتي فين

ايمي…في الكريق خلاص عشر دقايق وابقي عندكم

نادين….طيب يلا متتأخريش.

ايمي….اوك يا عمري باي

نادين….باي اهي قربت ايمي

الباب رن تاني

نعيمه….اكيد ايه وسلمي وصلوا.

فتحت نعيمه لقت سلمي و ايه و معاهم سلامه. سلموا عليها ودخلوا و سلموا علي نادين كمان

بصت ليله شويه فكرت عشري مت سلامه بس لما قفلوا الباب اطمنت و ابتسمت بهدوء سلموا عليها و قرب سلامه منها وهو رافع حاجبه

سلامه…اااا ايه اسلم و لا اخد ساتر

ليله….بابتسامه لااا سسسلم ممتخاافش

سلامه….بضحكه جميله عامله ايه انهارده

ليله…زززي الففل

ايه….بابتسامه ديماً يارب

سلامه….بقول ايه انا مش جاي رخامه يعني عارف انك مش طيقاني بس قولت اجي اشوف اختي حبيبتي و اطمن عليها و بعدين رايح مع ايه المحل شويه

ليله….ااااه قووولتلي يعني موووش جااي مخصوووص جاااي عشااان ست ااايه

سلامه….نهار اسود يا باشا ارضي بس عني بت يا ايه انا قاعد مع ليله خلاص مش جاب معاكي

ايه….بضحك ايه النداله دي

ليله….بضحك ااانت عااارف يا سللامه اننك غااالي عنددي وو اننا مموش زعلاانه منك

سلامه….عارف يا ليله و لو زعلانه حقك والله بس اللي لازم تتأكدي منه مش انتي بس والله انتي والبنات بجد انتوا غالين عندي و بعتبركم اخواتي و صحابي و عيله جديده في حياتي و بجد وجودكم فارق و ده مش هزار بعيداً عن ايه طبعاً لان ايه غلاوتها عندي مفروغ منها انا بتكلم عنكم انتوا الاربعه و ايمي كمان اكيد ربنا شاهد عليا انا بحب اشوفكم مع بعض بحب لما نتجمع ميبقاش في حد فيكم ناقص

كل واحده فيكم ليها غلاوه خاصه في قلبي و يمكن ده نفس شعور الشباب مش انا بس لكن انا بتكلم الوقت عن نفسي انتي غلاوتك زي غلاوة ريهام كنت مضايق زعلان و خايف عليكي طبعاً عيشت مع ايه اسبوع حزن اورجانيك بس ده ميمنعش انه كان نفس شعوري والله فا حقك عليا لو زعلتك و بجد انا اسف انا مش حابب بس ادافع عن نفسي ولا حابب كمان اتكلم وافتح في موضوع معين عشان متضايقيش بس صدقيني لو هتكلم بصفه هامه وانتي اكيد فاهمه انا اقصد ايه لو في حد مننا كلنا شباب او بنات كان هيتجنن عليكي فا كان في واحد فينا بيموت كل ثانيه عشانك

ابتسمت ليله بوجع طبطب سلامه علي كفها انا بثق فيكي جداً بحب شخصيتك بحب طريقه تفكيرك و واثق انك بس ترتاحي هتفكري بشكل سليم في كل حاجه المهم بقي في مشكله كبيره الوقت انا مش مليش في جو العقل و الكلام العميق ده

ليله….بضحك وووالله كننت عااارفه و مسستنيه القلبه ددي

نعبمه….بضحك والله استغربتوا بس كنت ماشي حلو قلبت ليه

سلامه….بضحك مبقدرش مش جووي خالص ده

ليله…بضحك ااانا يا سيدي مموش ززعلانه والله منك اووو من الشبباب و فاااهمه مووقفكم كوويس يممكن كنننت مش طيقاااكم وقتتتها بس كمممان مموش ززعلانه خلااص

سلامه….طيب بقولك ايه انا لما هنزل الوقت رايح علي فرع اتصالات تحبي اشحنلك

ليله….تشحنننلي ايه

سلامه…..الباقه عندك يا ليه في اخرها و بتقطع خااالص الشبكه في ذمه الله

ضحكوا كلهم و مسكت ليله علبه السجاير حدفتوا بيها وهي بتضحك

ليله….تتصدددق انننا غلططانه انني بتتتكلم ممهاك يا متتنمر

ايه….بضحك ليله بتتكلم عربي مكسر

نعيمه….بضحك تقي لسه كانت هنا و بتقولها بتتكلمي زي كارين

سلامه….بضحك اه والله

ليله…..افوووق ببس و هطللعه.علي عيينكم

سلمي….بضحك لولي انا مليش دعوه

ليله….ضححكتي كللكم وااطيين

خبط الباب فتحت نادين دخلت ايمي و سلمت علي الكل و باست ليله

ايمي….ايه يابت الحلاوه دي

ليله….انننتي اللي قمممر

ايمي….بت يا نودي انا عايزه اقول حاجه بجد في حاجه غرببه في بيتك انا طالعه بنهج انا كمان

سلامه….بضحك هو ايه الحكايه صحيح

نادين…بضحك والله ما اعرف المشكله انهم بيطلعوا في الاسانسير

ضحكوا كلهم .

نادين….تشرب ايه يا سلامه

سلامه….ولا اي حاجه انا هبقي اشرب انا وايه لما ننزل عشان هنفطر

نادين….طيب في فطار

سلامه….بضحك ايه ده بجد عندك اكل في الثلاجه

نادين….بضحك انت بتتريق طب انا غلطانه

ليله….مممقووولتلييش ليه علي موووضوع ففرح امنيه يا ايمي

بصتلها ايمي بهدوء و سكتت

ليله….ااايه ففي ايه انا سمممعت الڤويس بتتاعها

ايمي….بصراحه انا مكنتش عارفه بصراحه اقولك ايه زي ما سمعتي كده الموضوع جه فجأه و انا كان مودي زي الزفت و علي قد ما فرحت علي قد ما بان عليا العكس لاني كنت خايفه عليكي و في نفس الوقت مقدرس اقولهم اجلوا

ليله….يأجلوووا ايه اننتي هبللله انننا رجعتت خلاص خلييها تتجوز ونخللص منها

سلامه….علي فكره انا معزوم و احتمال بعني كلنا نبقي معزومين

ايمي…ااااه كويس انك قولت كده لولي انتي عارفه ان عمرو بقي قريب من الشباب ومحمود و بابا و زوزو و جايز يعني انهم يعزموا عشري بصي انا لو ده هيضايقك هتكلم مع عشري بس الاكيد ان انتي هتبقي معايا

ليله….بهدوء بططلي هبل يا ايمي اننا ممليش دعوووه بييه و لااا اقدر اقووول ممين يجي و مييين لا اننا عااارفه اكيييد ان عمررو او محموود اوو حتي حماااده هيعززموا الكل فا ملككيش دعووه بيا و اكيييد يعني هكوون ممعاكي دي امنننيه اختي الصصغيره

ايمي….يغني لو جه مش هتزعلي او تغيري رأيك و تقولي يا هو يا انا احنا فيها ممكن من الوقت اقولوا

ليله….عيييب يا ايييمي اننتي عرفاااني كووويس موووش اننا اللي افككر بالططريقه دي حتتتي لو مفففيش بيني و بينه حاااجه مليييش علااقه بيه.

ايمي….طيب ريحتيني

ليله….طييب خلللصي بقي عشااان اممشي يا ست نووودي

ايمي….انتي راحه فين ؟

نعيمه….هتزور مامتها و باباها و بعدين هترجع البيت بتاعنا مش هتبجب هنا

ايمي…بتهرجي و انتوا صدقتوها بت انتي ناويه تختفي تاني

نادين….لا حلفت برحمة مامتها خلاص انها هتزورهم وترجع

ليله….موووش همشسي خلاص متخااافيش

ايمي….طيب هاجي معاكي

ليله….انا ححلفت برحمة اممي

ايمي….ماشي هاجي اقرأ الفاتحه معاكي ليهم

ليله…ممحتاجه اببقي لوووحدي مممعلش

سلامه….خلاص يا ايمي سيبوها وبعدين ليله حلفت سيبوها ترجع تتعامل براحتها وتنزل وتفك كده احسم

ايمي….ماشي يا لولي

سلمي….طيب يلا بقي يا نودي عرفينا في ايه

نادين…..ماشي لحظه رجعالكم.

دخلت اوضتها و مسكت الموبايل بسرعه كلمت عشري.

رد عليها بسرعه.

عشري…..الو ايه يا نودي اوعي تقولي اتقفشتي

نادين…لا لا لسه اصلا مفتحتش الموضوع اسمعني كويس انت فين

عشري….في مدينة نصر في ايه

نادين….ليله لابسه والمفروض انها هتنزل بعد ما اخلص الموضوع معاهم

عشري….رايحه فين

نادين….هي بتقول رايحه تزور قبر بباها و مامتها و مش عايزه حد معاها

عشري….اوعوا تنزلوها يا نادبن لحد ما اجي ليله هتمشي تاني سلامه وصل عندكم

نادين….عندنا بس اسمع ليله مش بتكدب و حلفت برحمة مامتها انها هترجع و كمان قالت لنعيمه تاخد كل هدومها و قررت فجأه ترجع البيت

عشري….طب ليه اكيد في حاجه في دماغها

نادين….لا هي بتقول عشان اللي بيجي يزورها واخواتها ومش حابه يعني ميدو يضايق بص انا واثقه انها مش بتكدب بس قولت اعرفك و بصراحه يعني قولت لو انت قريب تيجي و تخليك وراها من بعيد بس اوعي تخليها تشوفك

عشري….طيب تمام انا هتحرك الوقت و هاجي و خلي عينك علي موبايلك عشان لو اتصلت بيكي

نادين….متتصلس ابعت رسايل يعني هعرفك هي فين نزلت ولا لا كده فهمت

عشري….تمام

نادين….انا هحاول اطول معاها شويه علي قد ما اقدر تكون وصلت

عشري…..تمام خلاص يلا انا هقفل وهتحرك

نادين… اوك باي.

عسال….في ايه؟

عشري…..هتحرك الوقت واكلمك في الموبايل عشان ليله شويه ونازله عايز الحقها وامشي وراها بس احسن تكون ناويه تمشي تاني

عسال….طيب طيب روح يلا بسرعه.

……………

وقفت نادين بعد مكالمتها لعشري حاطه ايدها علي قلبها و بتحاول انها تهدأ عشان ميظهرش عليها التوتر
خدت نفس طويل و بعدين خرجت.

نادين….الورق انا سيباه بره و بدور عليه جوه .

سلامه…..ده زهايمر ده عيني عليك يا ميدو

نادين…بضحك مش وقتك خالص

سلامه….بضحك كان عارف انها متوتره لا اجمدي كده

قربت نادين و هي ماسكه في ايدها ست فايلات و كانت سايبه فايل ليله الاخير عشان ميتلغبطش بصت فيه قبل ما تمضي البنات و تتأكد ان هو فعلاً الفايل بتاعها كان في خمس ورقات و الورقه الاخيره هي اللي فيها توكيل الجواز ده في فايل ليله بس.

قربت نادين وقعدت قدامهم ايدها كانت متلجه و كانت بتخفف توترها بهز رجلها

حطت سلمي ايدها علي رجل نادين بهدوء عشان تلفت نظرها متبينش توترها.

ايمي….يلا يا ست يا نادين كلنا سامعينك دبستينا في ايه المرادي

نادين….بابتسامه بصوا بقي خلينا متفقين انكم بتثقوا فيا و اني مش بتحمس لاي مشروع كده غير لما بكون واثقه انه ناجح و عملاله دراسه قويه.

سلمي….اكيد طبعاً واحنا طبعاً بنثق فيكي.

نادين….طيب من حوالي ثلاث ايام قبل ما لولي ترجع يعني اتصل عليا شخص بتعامل معاه في شغلنا و قالي انه عنده صالة چيم عارضها للبيع مش للايجار في المهندسين واخده اول و ثاني دور في برج كبير ليها مدخل خاص و اسانسير خاص و حصه من الارض .

المهم يعني هو حابب يبعيها لان كان معاه صاحبه بيشتغل فيها و كان هو اللي ماسك الشغل اصلا بس هو مات مكانس شريكه في الچيم هو كان مسؤول اداره وكوتش فا طبعاً ملوش في الجو ده خالص و قالي انه محتاج يبيعه خالص مع العلم انه هيفضل شغال عادي في ناس و كباتن موجودين يعني اللي هياخد الچيم ده مش محتاج يعنل في اي حاجه قالي كمان انه من ثلاث شهور كانت الاجهزه متجدده بالكامل و بعتلي صور الچيم وهمممم بجد

طبعاً البنات بيسمعوها و مركزين و بدأوا يصدقوها و سلامه ماسك ضحكه بالعافيه عشان ميوترهاش هو وايه كانت بتتكلم بثقه و باقناع

نادين….المهم يعني الصور مبدأياً عجبتني اوي فا قولتله طيب ده علي الطبيعه قالي لو حابه تيجي تشوفي بنفسك تعالي فا بصراحه الموضوع عجبني و اتحمست وروحت لاقيته احلي من الصور و فكرت اننا ناخده هو اتكلم معايا في تفاصيل كتير يعني زي بيطلع قد ايه في السنه و قد ايه كل ست شهور

كمان هو قالي ان الچيم ميكس بنات و شباب و اللي حابب يغير في نظامه هو حر اتكلمت معاه في السعر المبلغ مش بسيط لانه في منطقه جامده و حيويه جداً و في نفس الوقت انا شابفه انه مش غالي خالص بالنسبه لمساحته والاجهزه و كل الامكانيات اللي فيه كان في تفاوض شويه و لما عرف ان فنيتي ان انا اللي اخده قرر ينزل في السعر و قالي كمان ان في تقسيط علي عشر سنين من غير فوايد يعني نفس المبلغ

ايمي….امممم طيب والمبلغ قد ايه

نادين….15 مليون

ايمي…..اوووف

نادين…لا هو مش كتير لو شوفتي بنفسك هتتأكدي بجد خساره يروح

سلامه…..علي فكره ده مبلغ بسيط اوي و حلو المهندسين كمان لا لا حلو

سلمي…..صراحه انا شايفه انه سعره حلو

ايمي….مختلفناش بس اكيد هياخد جزء كبير في الاول و بيتهيألي بعد حوار المزرعه مش هنقدر

ايه….ايوه صح موضوع المزرعه ده اللي خد اغلب الفلوس

كانوا متفثين انهم ميوافقوش علي طول ويحصل نقاش عشان الموضوع يبان انه مقنع و كانت ليله فعلاً مقتنعه.

ليله…انتتي عاارفه انني مموش بعااارضك ابداً يا نوودي خصوصا لوو اننتي متتحمسسه ببقي واثقه ففيكي بس الببنات معااهم حق اننا عننن نفسي موووش هقددر حاالياً اتصرررف ففي ككل السيوووله اللي ممعايا

نادين….و مين قال ان حد فيكم هيتصرف في السيوله اللي معاه اولاً المكان زي ما قولت شغال موقفش هو قالي انه هيسلمني باقي المبلغ اللي استلموا من الشهريات والسنويات لحد ما هيفضل موجود الباقي هيكون لينا ده و بعدين بعد كده المبلغ اللي هيطلع منه هنكمل عليه جزء بسيط و نسدد يعني هيبقي شغال منه فيه ده اولاً ثانياً بقولكم التقسيط علي عشر سنين يعني 15 ملبون مش قصه كبيره احنا شغلنا بيطلع كتير و المزرعه ادوها سنه بالكتير و هتبدأ تطلع اكتر و ده هيساعدنا نسد من غير ما نحس.

ايمي….طيب اول جزء ده لازم يكون جاهز مع كتابه العقد

نادين….بضحكه جميله لا ماهو انا في الاول قولت اني دبستكم خلاص اعتبروا ان اول دفعه جاهزه ماهو انا بقي اقتنعت اخيراً اخد الفلوس اللي بابا وماما كانوا بببعتوها ليا طول السنين اللي فاتت و جات في وقتها و اعتبروها اتدفعت خلاص يعني اول دفعه جديده هنسلمها ليه هتبقي بعد سنه و كل دفعه جديده قصادها شيك بيتقطع و بنخلص منه قولتوا ايه بقي انا صحيح دبستكم بس اوعوا حد فيكم و يدبسني في باقي المبلغ

ايمي….بضحك ماشي ياستي خلاص اللي انتي شيفاه

نادين….ايوه كده طب وانتي يا لولي مش عايزه تبقي مسؤوله عن مكان و زهقتي من قاعده البيت و مكانش عجبك تروحي المطعم قولتي بردوا هقعد علي مكتب اهو جالك شغل و فرهده و هتبقي مديرة صالة چيم قد الدنيا

ليله….بابتسامه مماشي يا سستي مووافقه اما أشووف اخرتها ممعاكي و ممكن شهر وونص او ششهرين ادديكي جزء عششان برددوا تتمشيي نفسك لو ددفعتي كل اللي معاكي

نادين…لا متحمليش همي انا زي الفل المهم انك وافقتي

ليله….مممقدرش اقوول للشغل لا انتي عرفاااني

ايه….وانا معاكم بس لو هتستنوا عليا

سلمي….وانا كمان

نعيمه…..هي جات عليا يعني كده كده فلوسي معاكم

سلامه….بضحك مش عابزبن شريك

ايه….لا شكراً كفايه عليك المزرعه هتصاحبنا ولا ايه

سلامه…..انتوا تطولوا اتنيلي بس بقول ايه انا هعمل اشتراك سنوي و مش هدفع

ايمي….بضحك بلطجه يعني طيب وماله.

نادين….حلو كده بقول ايه خدوا يلا اقراوا العقود قبل ما تمضوا عشان لازم اسلمها للمحامي

ايه….لا اقرأ ايه انا مليش خلق ومليش في القصه بتاعت الاوراق دي احمدي ربنا اني همضي.

نعيمه….وانا كمان

نادين….لا بصوا ده حقكم و لازم تقراوا كل حاجه

ليله….اخخلصي و بطلي عبط انتي مش قررأتي خليييني اوووقع عشسان امممشي بقي

نادين….لا معلش ريحوني امسكي كده يا لومي اقراي انتي و سمعيهم

سلمي….يا بنتي بطلي عبط

نادين….معلش يلا اخلصي

سلمي…..انا هقرأ كل ده

نادين…..ياستي شوفي حتي بنود البيع و التراخيص و التراخيص الخاصه بالاجهزه و كل حاجه سيبك من الرغي اللي فوق ده كله.

سلمي…اممممممم كانت بتمشي عينها بسرعه و بتهز راسها وهي ولا بتقرأ ولا بتعمل اي حاجه غير الورقه وشافت التانيه و فضلت تبص علي باقي الورق.

ليله…للللا اخلصصصوا ااانا مموش فضياالكم

سلمي….طيب تمام زي الفل بس بقولك ايه مساحته حلوه اوي و اينعم انا مليش في الچيم اوي بس واضح ان الاجهزه جامده

سلامه….وريني كده

ايه….اه خلي سلامه يشوف هو بيروح الچيم و فاهم اكتر

نادين….امسك يا سلامه كده

سلمي….بهدوء خدي بصي يا لولي

ليله….ياااابنتي انا مممليش في ككل ده

نادين…ملكيش ايه ده انا هخليكي تروحي تتعلمي و تاخدي شهاده عشان تبقي كوتش قد الدنيا

ايه….بقول ايه والنبي خلوه ميكس زي ما هو بلاش يبقي بنات بس

ساب سلامه الورق و بصلها بنظره غضب ضحكتهم كلهم و قفشها من رقبتها

سلامه…..خيررررر ان شاء الله

ايه….بضحك استهدي بالله ده مجرد كلام لزوووم الشغل

بصلها وضحك

سلامه…..لا بقولك ايه نلم لسانا بدل ما ابوظ انا السغل ده علي راسكم الوقت

كلهم فطسوا من الضحك بس هما كانوا فاهمبن يقصدوا ايه ليله كانت بتضحك علي غيرته بس

ايمي….بضحك امسحها فيا انا معلش

سلامه….ده انا هنفخها بس اتقلوا

نادين….بضحك خلاص مش هنخليها تروح خالص اسكت بقي

سلمي….طيب يلا امضي فين قوليلي

قامت نادين بهدوء بالقلم و معاها علبة حبر عشان البصمه

قربت من سلمي و وقفت جنبها و بدات تجيبلها صفحه صفحه و تخليها تمضي في اخرها و هي قلبها بيدق و هما كلهم حتي سلامه قلبه بيدق.

ايه….بهمس لما تيجي تمضي هزر او اعمل اي حاجه شتتها والنبي

سلامه….ده احنا هناكل علقه

ضحكت ايه و ضربتوا علي كتفه.

ليله…كانت سرحانه و هاديه خالص

نادين….يلا ابصمي بقي هنا

سلمي….ايدي هتتوسخ

نادين….بغيظ اخلصي بدل ما البسهتلك في وشك

سلمي….بضحك خدي بالك بقيتي عنيفه اوي

نعيمه….بضحك اه واخلاقها اتغيرت خالص.

نادين….اااا لولي يلا يا قلبي

ليله….اممضي ففين

نادين…ااا قربي طيب من التربيزه

ليله….طيب اانا ايدي لسسه فيها ررعشه بسييطه

نادين….براحه متقلقيش