لقاء كـ،ـ،ـارثي
لقاء كارثي
أميره أسامه
صاحبة البطل الواحد
.البارت الثامن و الخمسين .
…………………….
نزلوا البنات مع سلامه و قفلت نادين وراهم و جريت نعيمه تبص عليهم من البلكونه وراحت بسرعه نادين وراها .
نعيمه…..عربيه عشري اللي هناك دي صح.
نادين….الوووو ايوه يا عشري نزلوا
عشري…..انا مستني اهو و بعيد متقلقيش
نادين….بقولك ايه لو عرفت تاخد الورقه بسرعه من سلامه خدها هي معاه
عشري…..طيب انتي قولتيلي ان في صور ليها معاكي و هتطلعي عليها عشان كتب الكتاب
نادين…..يانهار اسود انا نسيت الصور خالص
عشري….مطلعتيش عليها
نادين….لا طلعت بس نسيتها اووووف و البطاقه نسيت اخدها هي كمان من شنطتها و الله يا عشري كنت مرعوبه
عشري…طيب طيب مش مهم خير الصور هبقي ابعت ميدو ياخدها منك و عرفي نعيمه لما ترجع تاخد بطاقتها منها علي طول من غير ما تحس ويا اما فضل يجي ياخدها منها لما ترجع ليله او بكره الصبح
نادين….طيب تمام علي فكره هما واقفين تحت شايفهم
عشري….اه اه شايفهم بيسلموا اهو و ماشين
نادين….علي فكره عربيه سلامه قريبه ليك اكتر استني بس ليله تطلع و قرب خد منه التوكيل بقولك ايه احدف الصور لسلامه بالمره
عشري….لا لا خليها عشان متاخدش بالها ولا تطير بعيد عسال هيبقي يجيلك كده كده اكيد هقابلوا تاني بليل وممكن اجي معاه اخدهم منك بدل ما يجيلي بليل كل ده
نادين….اوك تمام ابقي طمني عليها ماشي
عشري…..تمام يلا باي عشان راحت علي العربيه
نادين….باي
راحت ليله ركبت و ايمي كمان ركبت و سلمي و مشي سلامه و ايه ناحيه العربيه و بعدين ايده بالتوكيل لايه
سلامه….ايه بهدوء كده من وراء العربيات اجري اديها لعشري عربيته وراء شيفاها
ايه….اوك استني بس تتحرك ليله
سلامه….يلا يلا بتتحرك اهي
مسكت منه ايه التوكيل و جريت بسرعه علي الرصيف و بعدين نزلت كان عشري اتحرك قربت منه بسرعه وهي بتضحك
ايه…..امسك يا عشري
عشري…..بضحك تجار مخدرات والله سلام يا مجانييين
ضحكت ايه وراحت علي سلامه ابتسم سلامه ورفع ايده لعشري بتحيه عسكريه
ابتسم عشري و غمزله ومشي وراء ليله من بعيد عشان متلمحهوش.
ركب سلامه هو وايه و مشيوا.
نادين….اوووووف واخيراً حاسه ان كان في جبل علي قلبي و خلصت منه.
دخلت نعيمه وراها و قعدوا الاثنين علي الكنبه و هما مبتسمين و بيبصوا لبعض..
نعيمه….رفعت رجلها و ربعتها نودي تفتكري ليله لما تعرف هتزعل مننا
نادين….بأبتسامه رفعت عينها لفوق انتي عندك شك اكيد في الاول ممكن تزعل بس لما تهدأ اكيد هتفهم اننا عملنا كده عشان بنحبها
نعيمه….بس انا خايفه بصراحه من اللي احنا عملناه ده
نادين….لا بقولك ايه فات وقت الخوف احنا عملنا الجريمه خلاص يعني مفيهاش رجعه ده كتب كتابها بكره
نعيمه….انا عارفه بس ليله مش متوقعه بالنسبالي يعني امبارح و هي بتعيط في حضن اميمه و بتقولها عشرني و جعني اوي و مش هقدر ابعد ولا هقدر اكمل حسيت ان احنا معانا حق ليله الوقت مش عارفه هي عايزه ايه تايهه موجوعه من بعدها عنه و موجوعه من انها تقرب باختصار الموضوع عشان داخل عندها في موضوع كرامه و مستعده تيجي علي نفسها و قلبها و تبعد فا حسيت اني اقتنعت ان الحل ده هو انسب حل يعني في النهايه لما تحس انها اتجوزت من غير ما تعرف ده مش هيقلل من كرامتها هي موافقتش بمزاجها ولا سامحته و في نفس الوقت خايفه اننا نكون خدنا قرار غلط بصراحه مرعوبه من رد فعلها خايفه تفكر اننا اتفقنا عليها و ضحكنا عليها كلنا و غصبناها
نادين…..هو احنا حقيقي اتفقنا عليها و ضحكنا عليها بس صدقيني احنا مغصبنهاش ليله عايزه عشري بس زعلانه منه و بتكابر و عشان عمرها ما سامحت في الكدب احتمال كبير تكون مش عايزه تحس قدامنا و قدام عشري انها ضعفت و اتنازلت عن مبدأها
نعيمه…..ايوه بس احنا كده بردوا كدبنا عليها يا نودي يعني لما تعرف ان لا كان في مشروع و لا هباب و كل دي تمثليه هيبقي يوم ازرق دي كانت مرعوبه نكون عارفين موضوع عشري احنا كمان و لما عرفت اننا منعرفش ارتاحت نقوم احنا الوقت و نيجي نكدب علينا و كلنا يعني مش واحده بس .
نادين….ماهي كمان لازم تعرف ان احياناً البني ادم بيضطر يكدب يا نعيمه انا بصراحه بدأت اعذر عشري يعني هو لما خبي عليها كان عشان ميخسرهاش و خوفه من رد فعلها خلاه سكت احنا كمان عارفين رد فعلها عشان كده ساعدناها بطريقتنا كدب بقي تغفيل مش هتفرق المهم نعملها الحاجه اللي قلبها عايزها و بعدين متخافيش لو حصل كده قولوا ان انا السبب في كل ده
نعيمه….هي مش فكره مين السبب يا نادين اه هي فكرتك بس كلنا وافقنا عليها و كلنا اشتركنا فيها بعني زي ما الشباب عملوا بالظبط مع عشري اللي اقصده هنا خايفه الموضوع ميبقاش زي ما احنا متخيلين انها تتصدم تتعصب شويه و بعدين ترضي بالامر الواقع مش ليله خالص اللي ترضي بالامر الواقع
نادين…..مش هترضي بسهوله ودي حاجه انا واثقه منها بس صدقيني ده دور عشري بقي لو قدر يثبتلها هو بيحبها و متمسك بيها قد ايه هيقدر يشيل الوجع من قلبها و هي من غير ما تحس هترجع تقرب تاني و بعدها هتنسي اي حاجه احنا نيلناها
نعيمه……ربنا يستر بقي
نادين….طيب بقولك ايه عايزه أسال سؤال
نعيمه….أسالي
رن موبايل نادين كان عسال
نادين….وهي بتقوم طب استني ارد علي ميدو ورجعالك.
نعيمه….روحي علي بال ما اكلم فضل..
نادين…..الووو
عسال….ايه يا حبيبي الاخبار عندك
نادين…..نزلوا خلاص و التوكيل مع عشري
عسال…..بتهرجي مضت يعني؟
نادين….بابتسامه اه خلاص و نزلوا كلهم و هي كمان نزلت و عشري طلع وراها
عسال….بتهرجي يا نادين و سيباني كده متوتر
نادين….حقك عليا والله كنت متوتره جداً و يادوب مشيوا من خمس دقايق بس
عسال….يعني كل حاجه تمام المهم
نادين….اه الحمد لله اطمن بس انا نسيت حاجتبن صور كتب الكتاب و البطاقه الصور معايا و طلعت عليها ونسيت اديها لسلامه بس البطاقه نسيت اخدها اصلا منها
عسال….طيب مش مهم الصور امرها محلول هبقي اعدي عليكي انا بليل واخدها منك بس المشكله الوقت في البطاقه
نادين….ماهي هتروح انهارده و نعيمه هتاخدها منها اةل ما توصل يعني لو دخلت تغير او تاخد شاور هتدخل بسرعه تاخدها من شنطتها
عسال…..طيب هي ليه ماشيه مش كانت عايزه تفضل معاكي
نادين….اه بس هي قالتلي هرجع كده كده مش حابه ابعد عن البيت واكيد مش هتدخل عشري غصب عنها و كمان قالتلي اخواتي بيجوا يشفوني و يطمنوا عليا ممكن جوز اميمه يجي معاها او جوز قمر فا هي قالتلي عشان ميدو ميضايقش
عسال….بهدوء ايه العبط ده هضايق من ايه دول ناس محترمه و بعدين اكيد هي معاكي هما مش جاين وانتي لوحدك
نادين….والله قولتلها يا ميدو انك مستحيل تضايق بس هي اصلا ليله حسيسه بشكل مش طبيعي و انا عارفه انها مش هتاخد راحتها غير في البيت عندها
عسال…..طيب هي راحه فين عشري قالي هكلمك ولا عبرني
نادين…..قالت هتزور مامتها و باباها مش عارفه بقي اللي حصل امبارح قلب عليها المواجع ولا ايه
عسال…..لا تكون عايزه تمشي امبارح مكانتش طبيعيه خالص و كنت حاسس انها هتتعب اكتر
نادين…لا لا انهارده هي صاحيه احسن كتير وبعدين انا قولتلها كدن حلفت برحمة مامتها و ليله بتكدب انا واثقه انها بجد راحه و هترجع و علي فكره هي فتحت موبايلها و شافت كمان رسايلي
عسال…..اه عشري قالي شافت رسايله وانا كمان كنت باعتلها و شافت
نادين….يمكن لما شافت الرسايل دي هديت شويه عشان كده مودها افضل انهارده
عسال….بضحك انا خايف تكون بدأت تهدأ و تتفاجئ بالمصيبه اللي هنعملها بكره دي و ترجع تاني تتجنن
نادين….انت هتخوفني زي نادين ليه بقولك ايه اللي حصل حصل خلاص
عسال…..طيب قوليلي عرفتي ازاي تمضيها مشكتش خالص
نادين….لا هي مبصتس اصلا وبعدين حاولت اخليها تقرأ هي والبنات هي مرضيتش و قالتلي هتمضي علي طول
عسال…..تقرأ ايه التوكيل ؟
نادين….بضحك لا ورق الخطه
عسال….مش فاهم
نادين….لا لما تيجي تاخد الصور بقي او سلامه يبقي يحكيلك
عسال….ماشي يا ستي هتعملي ايه الوقت
نادين…..ولا حاجه هقوم انا و نوني نلم حاجتها عشان نوني شويه و هتاخد شنطتها و تروح علي البيت
عسال….طيب وانا هخلص اللي ورايا و شوؤه و هكلمك يا عمري
نادين….اوك يا حبيبي
عسال….باي يا روحي
نادين….باي
……………….
فضل….بضحك يهربيت عقلك يا نادين دي مطلعتش سهله
نعيمه….بضحك عايزه اقولك سلامه كان هيموتني من الضحك و هي بتشرح المشروع مقنعه بطريقه و هو كاتم الضحك هو وايه و انا هموت بس مرضتش اضحك عشان هي متتوترش و ليله هتلاحظ بجد طلعت مصيبه
نادين….بابتسامه مين دي انا ؟
نعيمه…..بضحك هو في غيرك فضل مصدوم منك
فضل…..بضحك افتحي الاسبيكر
نعيمه….اهو اتكلم هي سمعاك
فضل…..من هنا ورايح انتي اسمك الشيطانه
نادين….بضحك طب ليه طيب بدل ما تشكرني يا سي فضل
فضل…..لا هو انا هشكرك اكيد علي الدماغ دي بس بجد انتي طلعتي مشكله كان معاهم حق البنات واضح اننا كنا فاهمينك غلط قولنا هاديه قالوا لا قولنا ملهاش في الشغل طلعتي انتي الراس المدبره بس توصل للخطط دي بقولك ايه انا بدأت اخاف منك
نادين…..بضحك علي فكره بقي مش هفكر معاكم تاني
فضل….بضحك لا لا ده انا محتاجك في حياتي انا مش هسيبك غير لما تقنعي الغجر بمشروعي
نادين…..بضحك انت لسه مصمم
فضل…..والله كنت نسيت بس بسبب دماغك دي هرجع افكر تاني
نادين…..بضحك طب والله اسأل نوني انا كنت مرعوبه ازاي
فضل…..مرعوبه ايه بقي انا بقول علي نعيمه وليله و ايمي قادرين ده انتي طلعتي الراس الكبيره
نادين…..طيب خاف مني بقي بدل ما أقلب نوني عليك و دي بتسخن بسرعه خد بالك
فضل….بضحك لا وعلي ايه السماح والرضا ربنا يجعل كلامنا خفيف عليكي بت يا نوني قومي روحي يلا
نعيمه….بضحك متخافش نودي مسالمه بتسعي في الخير بس
فضل…..بضحك علي يدي تصدقوا بالله ده طلع ان كيدهن عظيم بجد
نعيمه….بضحك منك لله اهو خاف مننا
فضل….بضحك يلا امشوا امشوا يا مصايب
نعيمه….بضحك لما اروح هكلمك اوك
فضل…..ماشي يا قلبي متطوليش معاها هااا
نادين….بضحك اتلم يا فضل
فضل….بضحك سلام
نعيمه….باي يا روحي
قفلت وهي بتضحك هي و نادين
نعيمه….فضل مصدوم فيكي صحيح ميدو عرف
نادين….بضحك لا خوفت اقوله يخاف مني والله
نعيمه….هو مش هيخاف بس هيتصدم فيكي محدش كان مصدقنا
نادين….خليهم يخافوا مننا
نعيمه….طيب قوليلي كنتي هتسألي سؤال قبل ما تكلمي ميدو
نادين….اااه صح كنت هقولك لو نفس الموضوع ده معاكي انتي و عملنا فيكي نفس العامله دي كان رد فعلك هيبقي ايه يعني هتضايقي هتتبسطي
نعيمه….امممم معرفش بصراحه يعني بيتهيألي بردوا هتعصب اكيد بس هبقي فرحانه يعني هحس ان فضل متمسك بيا و ده هيخليني انسي غلطته بس هي اكيد بتختلف من كل واحده فينا انا بردوا مقدرش احكم علي وجع ليله اللي وصلها لكده و شخصيتي غير شخصيه ليله يعني انا بردوا قويه بس بهدأ بسرعه طب انتي ايه
نادين…..مش عارفه بس حاسه اني هتصدم بس صدمتي مش هتبقي فيها عصبيه ممكن اعيط شويه و فرحتي تبان علي وشي بسرعه و ممكن اضايق شويه بس الاكيد مش هزعل منكم لاني واثقه فيكم و عارفه انكم لو شاكين واحد في الميه في ميدو مش هتبيعوني يعني تخيلي نفس الموقف مثلا مع هادي
نعيمه….نهار اسود ده لو اقترح الفكره بس اموته
نادين….بضحك عشان كده بقولك هبقي واثقه فيكم و خدي بالك كلنا يا نعيمه عارفين كويس ان عشري بيحب ليله و اوي كمان و لو احنا مش واثقين في حبه مش هنعمل فيها كده
نعيمه….اينعم انا اضايقت منه اوي و يمكن لحد الوقت مضايقه انه مقالش في البدايه بس بصراحه حب عشري لليله محدش فينا يختلف عليه انا يمكن اتعصبت يومها و طيحت في الكل بس ده عشان ليله وهي بتحكي كانت في صدمه انا والله يا نادين فكرتها هي و عشري متفقين بس لما كملت كلامها صدقت لكن اللي عشري عملوا بعد ما هي مشيت اكد للكل انه بيحبها و صعب عليا عايزه اقولك انا لو مش واثقه في حبه مكنتش في نفس اليوم اتصلت عليه بعد ما رجعنا من عند اميمه عيطت وقولتله انها خدت الباسبور فضل يهديني و كان طيب اوي مع اني مسكتش بصراحه ليه
نادين…..لا هو بجد طيب يعني ميبانش عليه تخسيه بلطجي علي رأي ليله بس والله قلبه طيب علي فكره انا بعز عشري جداً عايزه اقولك اني وقعت قلبه الصبح قولتله ان التوكيل منفعش ولازم يعني العروسه بنفسها اللي تستخرجه اتصدم و مردش و بمجرد ما عرف اني بهزر و اني جبت التوكيل كان عامل زي الطفل اللي طاير من الفرحه
نعيمه…..يارب يكملها بكره علي خير و يسعدهم ويهديكي يا لولي و ميفرحش فيكم الواطيه
نادين…..بضحك خلاص بقي الله يسهلها حالها بعيد عنهم
نعيمه…..بقولك ايه قومي معايا يلا نشيل حاجه ليله عشان عايزه اروح
نادين….طيب اوعي تنسي تاخدي بطاقتها بليل احنا نسينا ناخدها خالص
نعيمه…..نعم يا اختي و دي هاخدها ازاي
نادين….بمجرد ما توصل اكيد هتدخل تاخد شاور تاخديها بسرعه من شنطتها و فضل هبجيلك بليل او الصبح ياخدها منك عشري اللي قالي كده
نعيمه….طيب تمام ربنا يستر و متقفش
نادين….لا مش هتتقفشي ان شاء الله يلا قومي خلينا نلم حاجتها
نعيمه….بابتسامه ناااادين
نادين….ايه خير
نعيمه….احنا ناسين حاجه مهمه
نادين….ايه؟
نعيمه….هو المفروض عشري ياخد ليله بوم فرح امنيه صح
نادين….اه المفروض
نعيمه…. طيب هي مش ليله المفروض يبقي ليها لبس هناك يعني المفروض نعملها شنطه لبس عشان ندبها لعشري صح ولا ايه
نادين….بابتسامه ااااه انا ازاي نسيت
تعالي يا عم فضل عشان تقول عليا شيطانه اهي دي مخطرتش علي بالنا كلنا
نعيمه…..لا يا جزمه دي ملهاش دعوه بالشيطانه خالص ده امر طبيعي هتلبس ايه و بعدين هي المفروض هتفضل معاه لحد ما تهدأ و ده امته و هياخد قد ايه محدش يعرف يعني اكيد لازم يكون في لبس
نادين….طيب دي هنعملها ازاي دي راجعه البيت يعني لو كانت هنا كنتي انتي ظبطي شنطه هدوم
نعيمه…..لا لازم نلاقي حل طبعاً ننزلها بيه من البيت كملت بضحك بس هو احنا المفروض نحط ايه لا نچيري بقي و جو العرايس ده
نادين….بضحك لانچيري ايه دي كانت مرمطتنا بجد لو فتحت الشنطه و اتفاجئت لا طبعاً يعني ترنجات شتوي الجو برد غيارات داخليه برفانات ميك اب كده يعني
نعيمه….بضحك لا ما احنا ادام بدأنا بخطه الابالسه دي نكملها للاخر بقولك ايه انتي مش هتنفعي معايا ايمي الخبره هي اللي هتقولنا
نادين…..والله هتقتلنا قومي يلا يا مصيبه
نعيمه….بضحك يلا قومي.
……………….
عشري كان ماشي وراها من بعيد و في لبنهم مسافه كبيره و بيحاول علي قد ما يقدر ميقربش عشان متلمحهوش
اما عند ليله فا قررت تروح لوليد مكانتش تعرف هو فين فا اتصلت بتقي سألتها قالتلها انه رجع البيت عشان كان في المزرعه من بدري و مصدع و اكيد نام
فا طلبت منها انها تكلموا اول ما هي توصل و تعرفها وتخليه ينزل من غير ما يعرف انها تحت عشان لو زعلان منها ممكن مينزلش
مكانتش تعرف انه اكيد مش هيعمل كده و مهما حصل بينهم عمره ما هيرفض يقابلها.
وصلت ليله تحت بيت وليد و اتصل علي تقي.
تقي….ايه يالولي وصلتي
ليله…ااايووه ووصلت
تقي….طيب هو صاحي علي فكره و لسه قافله مع ماما من خمس دقايق قالتلي انه بيشرب شاي و نازل تاني عشان عنده مشوار
ليله…ططيب ككلميه بردووا عشان ميتأخرش
تقي…..تمام يلا اقفلي.
عشري كان واقف بعيد و مش عارف هي واقفه ليه و مستنيه مين لانه مراحش بيت وليد قبل كده بس فضل واقف مستني.
اما عند ليله فا قعدت مستنيه و شردت بعقلها لسنين بعيده.
فلاش باااك.
خرج وليد من غرفه المستشفي وهو بيعيط و معاه اخواته و جوز عمته و عمته اللي كانت ديما سبب مشاكلهم
بس وقفت بعيد شويه عن نهاد و مقربتش منها
كانت نهاد واقفه بعيد و حزن الدنيا باين في عينها بس رافضه تعيط قدامهم و تبين قد ايه اتكسرت و اتوجعت بموت كامل.
قربوا منها بهدوء.
وليد….بدموع ماما عم خالد عايز يقولك حاجه
نهاد….خير يا ابو هاجر
خالد….بصي انا هقولك حاجه و انتي حره تقبلي او ترفضي محدش فينا هيقدر يجبرك او حتي يقنعك بس دي وصيه ميت و الوصيه لو مش هتتنفذ علي الاقل اخلص ضميري كامل بقاله كام يوم تعبان و كان حاسس انه هيموت كنت معاه انا و عزه في الاوضه و وصانا لو مات اطلب منك طلب
نهاد….بوجع طلب ايه ؟ اسامحه متقلقش مسمحاه يا خالد
خالد…لا مطلبش تسامحيه هو كان عارف اصلا انك هتسامحيه هو طلب يتدفن في المدفن عندك طلب يبقي معاكي ربنا يطول في عمرك طبعاً بس هو قالها من قلبه انا مقدرتش اعيش معاها و انا عايش خلوني اكون جنبها و انا ميت و بعد عمر طويل ليكي هتلاقيه مستنيكي قال كمان انه عارف انك كل اسبوع بتروحي تزوري والدتك و والدك الله يرحمهم و وجوده معاهم هيخليه يحس بيكي لما تروحي تزوريهم
بصت نهاد بوجع و غمض عينها عشان متنهارش و فضلت ساكته
وليد و ليله و اميمه وقمر كانوا منهارين علي جنب و ساكتين مش قادرين يتدخلوا.
قربت منها عزه بهدوء لاول مره
عزه….نهاد انا عارفه انك زعلانه و عارفه انك ممكن تشوفي ان دي فرصه انك توجعينا و ترفضي وصيه اخويا بس لو عايزه تنتقمي من حد فينا هو راح خلاص انتقمي مني انا من امي من باقي اخواتي بس كامل كان بيحبك و طلب يتدفن جنبك في مدفنكم مش هنقدر نلومك لو رفضتي بس دي وصيه ميت ياريت تفكري.
بعد ما سمعت كلامها كله فتحت عينها بهدوء و بقوه و تماسك و بصت لوليد بهدوء من غير ما تبصلهم ولا توجهلهم اي كلمه
نهاد…وليد اتصل بالحاج سمير و قولوا يفتح المدفن و يجهز العين الرجالي اكرم ابوك يا وليد و تخلص و تروح تعملوا في الشارع اكبر صوان .
نزلت دموعهم كلهم الا نهاد قربت منها عزه عشان تحضنها وتشكرها
بعدت نهاد خطوه لوراء و مدت ابدها توقفها بدون ما تقول حرف رجعت عزه و سكتت
خالد…..الف شكر يا ام وليد ربنا يكرمك هو كان عارف انك هتوافقي
نهاد….ربنا يرحمه و يبارك في ولاده و ابنه انا وافقت عشان دي وصيته وانا مستحيل ارفض وصية ميت و عملت كده عشان ولادي ده ابوهم و ليه حق عليهم.
اتماسكت و حاولت تبان قويه بس ولادها كانوا اكتر حد حاسس بيها
وافتكرت ليله اول يوم لابوها في قبره بليل و هي سامعه صوت امها في الفجر منهاره في اوضتها.
بااااااك
مسحت ليله دموعها بوجع و حزن و بصت علي مدخل البيت لمحت وليد خارج من جوه فتحت الباب بهدوء و نزلت بصلها وليد وقف ثواني و بعدين خرج و قرب منها وهو ساكت و هي ساكته
ليله…اااا سكتت تانب و بعدين بصتلوا و هي دموعها بتنزل اننا عيززاك تتيجي ممعايا نزوور قبرر ماما و باابا و اننت عاارف انننا مووش بحب اروووح المدااافن و بخاااف
خد نفس وبص علي جنب و بعدين بصلها وهز راسه
وليد….هركب عربيتي واجي وراكي
ليله….خخليك ممعايا و هررجعك
وليد….بتنهيده تمام
ليله…مدت ايدها بالمفتاح و بصتلوا سسسوق اانت اانننا ممووش قاادره
هز راسه تاني و خد منها المفاتيخ و لف معاها فتحلها الباب و ركبها كانت ايدها بتترعش جامد و بعدين راح ركب و اتحرك
كل ده كان تحت نظرات عشري اللي مش فاهم حاجه كان عايز يتصل علي وليد بس مرضيش عشان متحسش فا كمل مشي وراهم من بعيد بس خد جنب وليد عشان متشفهوش في المرايا.
طول الطريق كانت ساكته و هو ساكت بيشرب سجاير و بس و هي سانده راسها علي الكرسي و باصه من الشباك و الهواء عمال يخبط في وشها..
بعد وقت مش طويل اوي دخلوا علي المدافن و ركن وليد قدام مدفن امه و وقف عشري بعيد اوي
نزل وليد بهدوء و قرب من المدفن و هي فضلت قاعده باصه علي المدفن و ساكته.
خد نفس و قرب منها فتحلها الباب و بصلها وهو ساكت كان عارف ان ليله مش بتحب خالص تروح المدافن و كل فين وفين ممكن كل سنه مره لو قدرت كانت ديماً تعمل خير كتير علي روحهم بس مش بتقدر تروح
فضل واقف باصصلها و هي باصه علي المدفن و ساكته.
وليد…..يلا انزلي
بصتلوا بهدوء و هزت راسها حاولت تفتح الحزام ابدها كانت بتترعش بطريقه فظيعه دخل بجسمه بهدوء فتحه و خرج مدلها ايده مسكت ليله ايده و عينها كلها دموع
قفل العربيه بالمفتاح وراح علي المدفن طلع المفتايح من جيبه و فضل يدور فيهم معاه كميه مفاتيح كتير و بعدين طلع المفتاح و فتح السلسله و القفل و زق الباب بأيده.
ضربات قلبها مكانتش طبيعيه خوف علي رهبه علي وجع علي حزن علي اشتياق علي احساس مميت بوجع الفراق
بصلها وليد وهو فوق في ثالث سلمه من المدفن
وليد….تعالي يلا
طلعت بهدوء و دخلت قبله كان المدفن كبير جزء للرجاله و جزء للستات.
قربت بهدوء و وقفت ساكته و دموعها حجرت في عينها.
وليد….بهدوء السلام علبكم ورحمه الله وبركاته انتم السابقون ونحن اللاحقون رفع ايده و بدأ يقرأ الفاتحه و اول ما خلص فضل يدعي بهدوء في سره و بعدين بصلها
اقرأيلهم الفاتحه يا ليله.
بصتلوا و نزلت دموعها تجري من عينها وهزت راسها و بعدين بصت تاني علي قبرهم و رفعت ايدها بسيط تقرأ الفاتحه و كفها بيترعش جامد تعبها كان مأثر علي نطقها و رعشه ايدها اللي مش بتقف خالص
رن موبايل وليد طلعوا بهدوء لمح اسم عشري.
وليد….هرد وراجعلك يا ليله.
خرج وليد و بعد شويه و رد علي عشري.
وليد….ايوه يا عشري
عشري….وليد هو في ايه انا مش فاهم بتعملوا ايه في المدافن
وليد….بص حواليه انت هنا؟
عشري….انا واقف وراك بعيد
وليد….اه شوفتك ايش عرفك انها جايه
عشري…..نادين عرفت منها انها هتنزل و تروح المدافن بس كانت فاكره انها بتضحك عليها و هترجع تمشي و قالتلي فا مشيت وراها عشان اتأكد و لمحتها بتاخدك
وليد….انا كمان اتفاجئت بيها تقربباً كانت مكلمه تقي عشان تخليني انزل و تقي قالتلي ليله جيالك و عابزه تروح المدفن روح معاها و متسيبهاش فا نزلت و طلبت مني اجي معاها و بس
عشري….طيب انتوا اتكلمتوا في اي حاجه
وليد….لا خالص هي طول الطريق ساكته
عشري….طيب عشان خاطري ياوليد انسي اللي حصل امبارح منها انا عارف انها وجعتك بس معلش خلبنا نتحملها و امسحها فيا انا لان ده غلطي مش غلطك
وليد…..بهدوء اطمن يا عشري انا مش هتكلم في حاجه ليله اصلا مش متحمله اول مره اشوفها كده متخافش عليها هنخلص و هترجعني تاني علي البيت معلش يا عشري خليك شويه و ابقي اطمن انها رجعت احسن تكون ناويه تمشي بجد
عشري…..انا مس همشي اصلا يا وليد غير لما اتأكد انها روحت فعلاً
وليد….طيب قولي خلصتوا الموضوع ولا لا
عشري….اه كله تمام اطمن
وليد….طيب تمام يلا انا هقفل و ارجعلها
عشري….تمام.
قفل وليد مع عشري ودخلها تاني كانت واقفه عامله زي التمثال كانت لابسه فستان اسود بكم ورقبه مرفوعه كاچوال عند ركبتها و كوتشي و ضامه نفسها
قلع وليد الچاكت وقرب منها حطه علي ضهرها و وقف جنبها
دموعها كانت نازله بسرعه اوي
فضلوا ساكتين و هو فضل سايبها براحتها تعيط و تخرج اللي جواها
ليله…بدموع انننا سسمعت مماما يا ولييد يوووم ما بابا مممات في اوول ليله ليه ككانت بتصللي الفجر و بتتعيط ككنت اول مرره أشوووفها بتتعيط كدده
بصلها وليد بتركيز و تأثر
ليله…طوول عممري بشوفها جامدده و قوويه ببس الليله دي بالذذات مامما ككانت تعباانه اووي يا وليد
ففضلت ووواقفه ججنب الباب ككان مووارب طوولت في السجوود خوووفت عليها تكوون ماااتت هي كممان بس سمعتتها بتعيييط بططريقه مممرعبه ممن كتتر ما ككنت بشوووف شخصيتتتها ققويه مكننتش قاادره استوعب صوووت عياااطها اللي ككان خااارج من قلبهها فففي ودني مموش بيففارقني ابدداً
نزلت دموع وليد بهدوء
ليله….انننا كنت اوقااات احس انننها بتحبه اوووي و اوقاات احس انها بتتكرهه كأننه شيطان و لوو جات سيرتته بتتتحول اوووقات كتتير كنتت ببحس انني بكرررهه من كررهها ليه و كنننت بكررهه اكتر لما احسس بببحبها ليه ككنت ببحس قد ايه ههي محتججاله زي ماا انا كمان ككنت بحتتاجه ككنت بعذذرها لان اننا كممان وقت مااا كنت بحتتاجه و موووش بلاقيه بكررهه اكتر
ليلة موووته ككانت بتعيط و بتتتقول ياااارب لووو خدته ممني انننا راااضيه بسس خدد حبه منن قلببي و ادفنننه معااه هووو انننا المفروووض أكرررهه يا وليييد عششان وججعع قلب ااممي باللشكل ده اااصل انا كمممان حاااسه بيها اوووي لاننني ددعيت نفسس الدعووه دي وطلللبت ممن ربنا يشييل حب عششري من قللبي
قووولي يا وليد هووو اداام بييحبها اوووي كده وططلب انه يتدفن ممعاها لييه سااابها تتوجع ككل السنيين دي من غيرره طببب هوو حببها لدرجه انننه اختتار مكانه جنبها و هوو مميت ليييه حرم نفسسه منها وهووو عااايش.
بصت لوليد وهي دموعها بتجري و هو كمان دموعه نازله وساكت.
ليله….اقووولكك علي ححاااجه هممما ممع بعض الووقت اننا ححلمت بيهم يا وليييد كااانوا ماسكين ايد بعضض و أستغررببت سألتهم انتوا ازاااي مع بععض ماما قالتتلي احنننا خلااص رجعنا لبعض يا ليله و اتصااالحنا كاانووا فرحااانيين اووي يا ولييد وككنت اتمني اشووف و لو ممره فرحتتهم دي وسططنا هما بججد ممكن يكوونوا ممع بعض يا وووليد.
بصت لوليد و نزلت دموعه بوجع مدلها ايده.
وليد….بدموع تعالي يا ليله
شدها لحضنه و انهارت انهارت انهارت عياط مبيقفش و صوتها و كلامها كان كله واصل لعشري اللي واقف بره ساند جنب الحيطه و قريب من الباب و دموعه نازله عشانها و هيموت عليها.
ليله…..ليه عملتوووا فينا كددده ااااااااااه اااااااااه
وليد….بدموع بس يا ليله بس عشان خاطري
ليله….قلبي واججعني يا وليييد والله والله العظيممم ما كنتت عاايزه ازعلك او اوووجعك ده انا مليش غيرررك
وليد….بدموع طب بس عشان خاطري مش زعلان والله ما زعلان انا كمان مليش غيرك يا ليله ده انتي بنتي و حبيبتي و نور عيني
ليله…انا اسسفه والله حققك عليا بس اننت وجعتتني اوووي زيه كككنت محتججاالك يا ووليد مكككانش لاازم نمششي جننب الحيط مككاننش لازم حدد يستضعفننا و يدوووس عليننا مككانش لاازم حدد يووجعنا و نسسكت و الله اللعظظيم يا ووليد عمممري مااا اذيت حد او بدأت كللهم كانووا بيووجعوني و يجووا عليا
وليد….طب خلاص والنبي اهدي ليله هيجرالك حاجه.
ليله….كننت ببحبهممم حتتي ابووك ككنت بحببه اوووي لمما كننت اشوووفه من بعيييد كككنت بققف علييي جنب ابصلوا و اعاااكس فيه كااان زززي القمر كككان لييها حق مماما تتحبه كككان نفسيي لوو مرره واحددده امشيي جنببه و انا ايييدي في اييده و اقووول للدنيا بحااالها و اقوول لكل حددد قااالي انتي ملكيش اب اقوولهم ددده ابوويا البااااشا ده ابوويا انا والله كككنت بحبببه اوووي
وليد….بدموع وهو كان بيحبك اكتر و الله العظيم كان بيحبك لما زعلتي مني عشان كدبت عليكي زمان كان هيموت عشان يوصلك فلوس ابوكي مكانش وحش اللي حواليه اللي كانوا وحشيين كانوا مستكترينه علي امك كانوا عابزين يبعدوا عننا عشان هو اللي بيصرف علي العيله كلها عيب ابوكي الوحيد انه كان بيسمع ليهم و كان عنيد زي امك بالظبط بس والله كان بيحبنا اوي لو مكانش حاسس انه بيحبنا و اننا عيلتة الحقيقيه مكانش طلب يتدفن مع امك دي حب عمره يا ليله سامحيه عشان خاطري و انسي
ليله….بوجع مسممحاه ممن قلببي والله ممن زممان بس زززعلانه اوي مممنه يا ولييد كااان نففسي احضنه و هوو عااايش ممموش وهو ميت كان ننفسي اقووله ببحبك اووي
وليد….ادعيلوا يا ليله و ادعيلهم يكونوا مع بعض بجد و يعوضوا في الجنه اللي اتحرموا فيه من الدنيا
ليله….ووليد عششان خخاطرري و ررحمة اممك و ابوووك متزعل منني و الله غصصب عني ممعرفش ازاي عمملت كدده
وليد …بحب باس كفها و ضمها تاني بقوه مش زعلان و الله ما زعلان و نسيت خلاص كل حاجه عايزك بس تهدي و ترتاحي عايزك ترجعي ليله تاني اللي انا اعرفها البت ااجدعه اللي بميت راجل واوعي اوعي يا ليله تزعلي ابداً من الكلمه دي لان انا بشوفك بجد.جدعه و قويه عايزك تفكري بعقلك يا ليله في موضوعك انتي و عشري انتوا الاتنين بتحبوا بعض
ليله….مش هقدر يا وليد والله ما هقدر حتي لو هفكر انا محتاجه وقت طويل اوي عشان اقدر انسي عارفه ان عشري بيحبني بس ابوك كنان كان بيحب امك مريم قالتلي كلمه مش قادره انساها قالتلي ابوكي كان بيستعر من امك و من اخواتك و منك و عشري لسه موصلش للمرحله دي و اكيد لما يوصلها هيعمل زي ابوكي
وليد….امك كانت ست الستات مكانش حد بيستعر منها عمتك و ستك اللب كانوا ببكرهوها من حب ابوكي ليها كانوا طماعين و مش عايزين فلوسه تروح غير ليهم و خدوا مننا كل حاجه قدروا يسطيروا عليه و هو عايش و بالتوكيل عمك خد كل حاجه هو وستك و عمتك و قالوا احنا كنا شركاء و حتي لما امك طلعت جدعه وقبلت وصيه ابوكي مفكروش يرجعوا الحق لصحابه عارفه ليه يا ليله لانهم محبوش ابوكي هما حبوا فلوسه و خيره ولما مات جثته مكانتش تلزمهم اوعي تكوني فاكره انهم حبوا ينفذوا وصيته بجد هما فعلاً يا ليله مفرقش معاهم ابوكي اللي طول عمرهم عاملين بيحبوا و عايزينه ده المفروض علب قد كرههم لينا ده و حبهم اللي كانوا بيقولوا عليه لأبوكي مكانوش وافقوا يسيبوا حتي وهو ميت لينا بس والله يا ليله هما ما فرق معاهم ابوكي كان طيب و غلبان و بيصدق اي كلمه و سهل يتسيطر عليه لانه زي ما كان بيحب امك كام بيحب عيلته و لو علي امك اه امك كانت من منطقه شعبيه بس مكانتش ست حد يستعر منها يا ليله ده انا كنت بخاف عليها من عيون الرجاله اللي بتاكلها زي ما كنت بخاف عليكم كانت ست ليها كلمه و قويه و جدعه كانت بتقدر تمشي البيت بأقل فلوس معاها و رغم قلة الفلوس امك عمرها ما حرمتنا لا من اكل ولا شرب و لا فسح كانت بتحاول تعوضنا علي قد ما تقدر
عشري مش زي ابوكي يا ليله و حتي انتي مش زي امك اللي اتجوزت صغيره و متعلمتش و مشتغلتش و مكانش عندها حاجه تتسند عليها بس انتي مش محتاجه انك تطمعي في عشري ولا عشري يقدر يستعر منك انتي ست البنات متعلمه مثقفه طورتي من نفسك واتحديتي كل الظروف اللي كانت هتتجبر عليكي حتي مكنتيش زي اميمه و قمر انتي ناضجه و قويه فيكي صفات كتير حلوه فكري يا ليله عشان خاطري وعشان خاطر قلبك الموجوع ده.
ضمها تاني في حضنه و باس راسها
ليله….ممووش قادددره يا ووليد مش قادررره انا بس محتتجاك انت جنبييي موووش عااايزه حااجه تاانيه موووش عااايززه رراجل تتتاني في حيااتي يووجعني
وليد….وانا جنبنك و مش هسيبك هعمل كل حاجه تريح قلبك العنيد ده و مش هسمحلك تكوني نسخه من امك عاشت موجوعه بس لو هي كان معاها حق انتي لا يا ليله مش هسمحلك ابداً توجعي نفسك كده.
سكتت ليله و فضلت في حضنه شويه من غير ولا كلمه ودموعها نازله مشي عشري بهدوء و بعدين مد بسرعه وراح لحد العربيه وقف بعيد و استني لحد ما خرجوا بعد عشر دقايق.
خرج وليد و قفل الباب و قفت ليله ماسكه الباب من بره و بصالهم و دموعها نازله حط وليد ايده علي كتفها
وليد….يلا يا حبيبتي يلا يا قلب اخوكي خلينا نمشي و اي وقت تحبي تيجي حتي لو امته قوليلي وانا هجيبك تقعدي معاهم براحتك يلا يا حبيبتي
نزلت ليله معاه فتحلها الباب و ركبها و بعدين قفل وراح ركب و مشي و عشري وراهم من بعيد.
وليد….بقولك ايه انتي ناويه تعملي ايه بقي الوقت هتروحي ولا تحبي نروح نقعد انا وانتي في مكان
ليله….لللا ررووح علي بيتك عشان تاخخد عربيتك و تشوووف ششغلك اننا همممشي
وليد….انا لا عندي مشاوير ولا شغل و لا اب حاجه و بصراحه يعني ابقي حمار لو معايا بت زي القمر كده و مخدتهاش و قعدت بيها في مكان حلو كده نشرب حاجه
ابتسمت ليله بهدوء و هي بصاله.
ليله…..و ممراتتك فييين الغغلبانه دي ملهاااش حق تتخرج ممعاك
وليد….ماهي بتخرج بس القمر ده مش بيخرج معايا خالص ايه رأيك نروح نشرب حاجه في المكان اللي يعجبك
ليله….زززي مما تحب
وليد….يا سلاااام ده انا امي دعيالي هخرج مع موووزه قمر مسك كفها باسه و فضل ماسك ايدها بقوه
ضحكت ليله بحب و كانت فرحانه اوي قربت منه و نامت علي كتفه ابتسم وليد و خرج منه نفس طويل براحه فظيعه هي مكانتش عايزه غير كده وبس مكانتش محتاجه غير حب و اهتمام و خوف و حضن
راح وليد علي كافيه في وسط البلد هادي و رايق و قدام النيل دخلوا و قعدوا.
وعشري واقف بره بعيد شويه عن عربيه وليد ولع سيجاره و جاله رساله من وليد.
وليد….عشري انا مع ليله جوه في الكافيه هنشرب حاجه و هحاول اغير مودها شويه متقلقش عليها انا مش هسيبها لو عندك مشوار روح و انا هخلص واروحها
عشري….انا بره يا وليد متحملش همي خليك معاها هي محتجالك
شاف وليد الرساله وقفل الموبايل و بصلها.
وليد….قوليلي بقي تاكلي ايه
ليله…ااانا مموش ججعاانه هششرب ببس قهووه
وليد….لا قهوه ايه الساعه خمسه ونص و خارج من غير غداء و هموت من الجوع و بعدين انسي القهوه دي خالص يابت كنتي موززه و خسيتي خالص فاكره عصير الكيوي و الاناناس يا ليله
ليله…بأبتسامه هزت راسها بقاااالي كتتتير اوووي مشربتهووش ككنت لمما بتتتعملوا في الببيت اقوولك مووش عااايزه طعمممه مزز واول ما تعمل لييك ااشربه من ورراك
وليد….بضحك كنتي طفسه زمان خدي بالك و بتشربي حاجتي و مش بيحلالك الاكل غير من طبقي
ليله….بأبتسامه كككنت بغلب ماما طوول اليووم في الاككل و مش باااكل كتتير غيرر لمما تتترجع
وليد….طب يلا خلينا ناكل سوا قوليلي بقي تحبي تاكلي ايه المكان ده انا باجي فيه كل فتره انا ومها والبنات بيعمل اكل حلو اوي البت تقي بتختار طبق مشاوي يجنن بصراحه ايه رأيك نطلبه
ليله….بهدوء ابتسمت مماشي ززي ما تتحب
ابتسم ولبد وشاور للويتر و طلب نفس الاكل ليها وليه و طلب عصير اناناس بالكيوي ليهم هما الاتنين.
قام بهدوء من مكامه وراح قعد جنبها و رفع ايده ضمها علي صدره
فضلت نايمه علي كتف وليد بسعاده كبيره و باصه للنيل الجو كان برد بس كانت حاسه بدفي.
رفعت راسها وبصتلوا.
ليله…خخد الچاككت بتتاعك هتتتبرد
وليد…لا الجو جميل وبعدين انا لابس تقيل متقلقيش عليا قوليلي ايه رأيك في المكان
ليله..حلوو اوي علي ففكره تقي جاتتلي الصببح كنت خاايفه تكوون جايه ززعلانه مني او تعااتبني
وليد….انا مقولتلهاش خاجه علي فكره هي امبارح كانت عايزه تيجي تشوفك بس كان عندها شغل الصبح و بليل كان عندها ابحاث للجامعه لازم تخلصها قالتلي انا هروح الصبح بدري الجامعه اسلم الابحاث و بعدين اروحلها قبل شغلي و مكانتش تعرف حاجه وحتي لو تعرف مكانتش هتزعل منك انتي عارفه تقي بتحبك قد ايه
ليله….ععارفه واننت عاارف بحبها قد اايه هي و اخووواتها
وليد…بأبتسامه البت بقت نسخه منك يا ليله في كل حاجه نفس طريقه الكلام نفس التصرفات والجنان حتي في الشغل و الله يا ليله فاجئتني
ليله…..بضحكه جميله سيبهاالك نننسخه ممني تطلع عننيك
وليد….هي من ناحيه مطلعه عيني فا اه بس يعني ده من حبي فيكي بنتي طلعت نسختك
ابتسمت ليله و قرب الويتر بالاكل و العصير و بدأوا ياكلوا
وليد….بقولك ايه انا عايز الطبق ده كله يخلص تقوليلي بقي شبعت مش قادره مليش نفس هقوم احدفك في النيل
ليله…بضحك لاا هاااكل الاككل ششكلوا ححلو تقيي بتتفهم ززي عممتها
وليد…بضحك الوقت زي عمتها بس تيجي هي تقولك عمتي تطلعي عينها
ليله….اننا اقول بس الكللبه دي متتقولش
وليد….طب يلا دوقي وقوليلي رأيك
كلت ليله بهدوء و ابتسمت
ليله…ححلو اووي
وليد…بالف هنا قوليلي بقي هتروحي علي طول ولا عندك مشاوير
ليله….مووش عاارفه هووصلك الاووول
وليد….ملكيش دعوه بيا انا هوصلك وهرجع باوبر
ليله…لااا خليك اننا احتتمال ارووح ااشوف فستتان عششان ففرح امنيه انتت عااارف انها هتتجوز السبت صصح
وليد…اه صحيح عرفت طيب اجي معاكي لو عايزه يعني
ليله…لللا خخليك اننت انا بلللف مع نفسي ععلي ففكره انا هررجع علي بيتي مش علي نااادين
وليد….طيب ماشي اللي يريحك اعمليه بقولك ايه ما تيجي كده تقعدي معايا انا و مها والعيال لحد يوم الفرح و نروح كلنا سوا العيال ومها هيفرحوا اوي انتي عمرك ما عملتيها موحشكيش ايام الشتاء يا ليله الغطاء الواحد و البرتقال و اللب و الافلام و حمص الشام و السهره
ليله….بابتسامه و تنهيده ووحششتني اووي
وليد….خلاص يبقي تيجي معايا
ليله….خخليها شوويه كده علي الاققل اكوون اتحسسنت اكتتر
وليد….اللي يريحك يا حبيبتي
كملوا كلامهم و كلوا و شربوا العصير و طلبلها قهوه بعد كده كانت مبسوطه و بتضحك و هو عمال يضحك و يحكيلها علي حجات بينهم زمان كان متعمد انه ميتكلمش في شغل او اي حاجه تخص عشري او تخص اموره الشخصيه كان حابب يتكلم عنه وعنه وعن اخواتها و ايام زمان لانه كان حاسس انها مبسوطه بالكلام في المنطقه دي بالاخص .
وبعد ما قضوا وقت جميل حاسب وليد و قام خدها وخرجوا و بعدين اتحركوا وعشري وراها.
حاول وليد يقنعها كتير انه يمشي هو حتي و هي تشوف رايحه فين صممت توصله و فعلا وصلتوا لحد البيت سلم عليها و حضنها و بعدين اتحركت.
اتصل وليد علي عشري.
وليد….ايوه يا عشري انت وراها ولا مشيت
عشري…..وراها متقلقش انا شوفتك لما نزلت هب رايحه فين الوقت
وليد….بتقول هتروح تشوف فستان عشان فرح امنيه وتروح بيتها
عشري….طيب هي عامله ايه الوقت
وليد….هي مش تمام بس يعني تقدر تقول ان الخروجه دي فكتها شويه كتير ليله محتاجه وقت و انا عارف يا عشري انها هتنسي كل اللي حصل و تسامحك هي بتحبك اوي مكنتش متخيل انها بتحبك للدرجه دي
عشري….طيب انت تقصد يعني اننا نأجل موضوعنا بكره؟
وليد….لا بص لو استنينا ليله تسامح هناخد وقت انا يمكن واحنا في المدافن حاولت اهديها اكلمها عنك حبها ليك واضح بس وجعها كبير ليله قلبت في الماضي والذكريات لحد ما اثروا علي عقلها كلام خطيبتك دي وجعها وبمكن ده السبب الاكبر اللي مخليها قالبه عليك كده لو انت عايز تأجل و نستني عليها معنديش مشكله بس لو هتسألني علي رأيي هي جايز تضايق تغضب لو حست اننا حطناها قدام الامر الواقع بس كمان ليله هتقدر اوي قدام شويه انك مسبتهاش تهدأ لوحدها و انك رضيت بأي حاجه هتعملها و هي جنبك و معاك متسيبهاش تاخد وقتها و تهدأ يا عشري امتص غضبها وهي جنبك ده افضل واسرع
عشري….بابتسامه يبقي احنا علي معادنا بكره يا وليد
وليد…..بضحكه جميله علي معادنا بكره يا ابو نسب.
عشري…..ان شاء الله يلا سوف اللي وراك انا وراها من بعيد متقلقش عليها.
وليد….تمام يلا مع السلامه
عشري….سلام.
……………..
في عياده سلمي وصل حسان و بمجرد ما خرج الكشف اللي جوه دخل هو ابتسمت اول ما شافته و هو ابتسم و هو رافع حاجبه.
سلمي….بضحك ايه بقي البصه دي احنا مش اتصالحنا خلاص
حسان…اه اتصالحنا بس بصراحه مكنتش عايز اجي قولت اشوف دكتوره تانيه
سلمي….وليه مش دكتور ان شاء الله
حسان…. الله انا حر مبكشفش عند رجاله
سلمي…..لا والله ايه حبيت الستات فجأه
حسان….اه انتي مالك
سلمي….طيب حلو اوي انا كمان لما بتعب بروح لدكاتره ولاد عادي
حسان……طيب روحي و انا مالي انتي حره
سلمي….ماشي تمااام ولا ابقي اتجوز كدن ان شاء الله و اجيب بيبي هولد عند دكتور
حسان….ابتسم بغيظ و رفع حاجبه طب جربي
سلمي….هتشوف
حسان….ماشي و انا بقولك جربي عشان انتي وهو تخرجوا من اوضه العمليات مقتولين
سلمي….بضحك لا استني هو بجد انت مش هترضي تخليني اروح لدكتور راجل
حسان….اكيد لا و الدكاتره البنات قصروا في ايه ان شاء الله
سلمي….عادي مقصروش بس اغلب دكاتره النساء اشطر في الرجاله
حسان….بضحكه غيظ طب بصي عشان متبقاش ليله زرقاء علي دماغك انا جاب و مرعوب لان ضرسي واجعني جداً فا عدي يومك و خلصيني عشان متزعليش مني
سلمي….بضحك طب تعالي اقعد خلاص .
قعد حسان و بصلها
حسان…..طمنيني الاول كل حاجه مشيت تمام انهارده
سلمي….اه ما انا قولتلك
حسان….محصلش اي حاجه تاني يعني
سلمي….لا كله تمام لحد الوقت يعدي بس بكره علي خير و نرتاح
حسان…..ربنا بس يكملها علي خير
سلمي….يارب يلا بقي يا استاذ نكمل شغلنا
بصلها تاني بغضب بسيط
سلمي….بضحك لا بص هتفضل تحسسني بتأنيب الضمير كده ولا هشتغل من غير بنج
حسان….كمان يا ام قلب قاسي
سلمي….خلاص بقي هعيط والله قربت منه ونامت علي صدره ضمته
حسان….بابتسامه خلاص اتصالحت ضمها بأيدها وباس راسها
سلمي….والله بحبك اوي
حسان….وانا بموت فيكي يا قلبي بس وحياتي عندك علي قد ما تقدري براحه انا مس حمل الوجع اللي خسيت بيه ده تاني خالص
سلمي….بعدت عنه اطمن والله انهارده هنموت الجزء الباقي من العصب و هنقفل علي كده خلاص يعني مش هتحس بأي حاجه تاني
جابت بنج في قطنه و فتحت بوئه حطتها علي اللثه قبل ما تديلوا حقنه البنج ثواني و قربت منه ادتلوا الحقنه غمض عبنه بوجع بسيط..
سلمي…اهدي بلاش تنشف جسمك يا عمري خلااااص اهو خلصنا
حسان….ااااه بقولك ايه ما تديني واحده تانيه خايف احس والله مش قادر
سلمي….مش محتاج والله البنج الكتير غلط انت الوقت مش هتحس اصل بحاجه
استنت عليه شويه و فضلت ماسكه كفه في ايدها بحب
سلمي….ايه يلا نبدأ
حسان….اوك يلا
جابت سلمي ادوات الشغل و قربتها منه و بدأت تشتغل مكانش حاسس بأي حاجه كانت عماله تكلموا و ترغي في حجات كتير عشان يركز معاها خدت وقت و بعدين خلصت اخيراً
سلمي….باااااس خلصنا حمد الله علي السلامه
حسان….تسلم ايدك
سلمي….جرب كده تضغط علي ضرسك شوفوا عالي نبرده شويه ولا كويس
حسان…..لا تمام بس كده مش هتعب تاني اكيد
سلمي….لا خالص والله موت العصب اللي وجعك ده خالص
حسان….بضحكه جميله ماشي يا ستي تسلم ايدك قوليلي بقي هتعملي ايه الوقت
سلمي….لسه عندي كام حاله
حسان….طيب ايه رأيك اروح شويه اشوف حد من الشباب و ابقي ارجعلك
سلمي….انا هخلص متأخر يعني مش هينفع اقعد معاك و بعدين انت روح شوف مشاويرك و روح علي البيت ارتاح عشان بكره تبقي مع عشري
حسان….انتوا بكره صحيح هتعنلوا ايه
سلمي….لسه مش عارفه انا عندي شغل هحاول اخلصوا بدري و بعدين اروح ابص علي ليله اكيد البنات هيبقوا معاها عشان متروحش هنا او هنا و تكتشف كل ده
حسان….طيب تمام عموماً هنبقي علي موبايل اكيد
سلمي….ماشي يا عمري
حسان…..مش عايزه اي حاجه
سلمي….سلامتك
حسان…قرب منها بهدوء باسها من خدها و غمزلها بشقاوه بحبك
ابتسمت سلمي بهدوء
سلمي….وانا بموت فيك باي
حسان….باي يا عمري
رجعلها تاني بغيظ و افتكر كلامها
حسان….عايزه تولدي مع دكتور هااا
سلمي…بضحك ايه فوقت خلاص
حسان….مش هتتكشفي غير عليا يا سلمي ماشي عشان تحطي الموضوع ده في بالك
سلمي…بضحك و كسوف طب بطل قلة ادب وامشي
حسان….مش همشي بس بحذرك يعني في اماكن محظوره هااا ملكيه خاصه
ابتسمت سلمي و غمضت عينها اوي
سلمي….امشي يلااا
ابتسم حسان و باسها بوسه سريعه علي شفابفها وسابها و فتح الباب و خرج
ابتسمت سلمي و حطت ايدها علي شفايفها .
…………..
الساعه كانت سبعه و نص و عشري وراها من بعيد وقفت في مكان اتيله كده شيك مطولتش فيه و راحت واحد تاني و هو وراها بردوا مطولتش فيه و بعدين راحت واحد تالت كان دورين و كان في التجمع شيك جداً هي متعوده اصلاً تجيب منه فساتينها بس قالت تشوف في دول الاول الساعه كانت داخله علي 8 ونص ركن عشري و استناها و اتصل علي عسال.
عسال….ايوه يا عشري
عشري….خلصت ولا لا
عسال….اه يعتبر خلصت خلاص
عشري….طيب معلش يا عسال هتقدر تروح تجيب الصور من نادين ولا ابقي اعدي عليها انا انا اصلا في التجمع مسحول وراء ليله هانم
عسال….بضحك ليه هي فين؟
عشري…..وليد قالي انها قالتله هتجيب فستان لفرح امنيه
عسال….امممم طيب بص هو انا سلامه معايا و حسان كمان و كده كده كنت رايح لنادين لو انت حابب تروح روح و انا هكلمها تجهزهم
عشري….لا خلاص ادام رايحلها تمام و انا مش همشي غير لما تيجي و هاخدهم منك
عسال….طيب تمام هتحرك انا الوقت خلاص
عشري….ماشي يا صاحبي يلا سلام
عسال…..سلام.
