لقاء كـ،ـ،ـارثي
تاهت ليله جوه وسط الفساتين و الكوليكشن اللي يجنن من كتر ما كانوا حلوين وعاجبينها مكانتش عارفه تختار بس كل اللي كان في دماغها انها تختار فستان يعصب عشري خصوصاً بعد ما عرفت انه هيجي الفرح هي كانت واثقه ان حتي لو محدش كلموا هيجي عشان يشوفها هتعمل ايه هتلبس ايه فا قررت تضايقه و تلعب معاه بطريقتها.
لمحت فستان من اول ما شافته علي المانيكان خطف قلبها و عرفت ان الفستان ده هيوقف قلب عشري يمكن لثانيه حست انها خايفه و مكدبتش علي نفسها هي فعلاً كانت خايفه من عشري لانه زي ما ديماً تقول عليه بلطجي لا هيهمه انها زعلانه منه ولا انها قلعت شبكته و لا انه مبقاش ليه صفه رسميه في حياتها و ممكن يتجنن عليها بس الفستان كان خاطفها و عارفه انه هيجننه.
كان طويل لونه سيلڤر ليه حمالات رفيعه و الحمالات نازله علي ضهر مكشوف بالكامل لحد اخر عمودها الفقري الحمالات كانت شبه السلسله
الجزء اللي قدام مبين صدرها لحد فوق الركبه الاستراس مخبي جسمها بس من بعد كده الفستان شيفون كان فستان مجرم بمعني الكلمه.
و اللي عحبها اكتر ان كان في قطعه فوق الفستان كلها استراس ونازله علي الفستان مخبياه و في زرار بسيط من علي الصدر بمجرد ما تفك الزرار القطعه بتتشال بسهوله كان عامل زي الكاب اللي من غير اكمام و ليه زرار بس .
و كان معاه حاجته كامله اكسسوري و الهيلز حبت الفستان زي ما هو بكل الكماليات بتاعته و قررت انها خلاص مش هتاخد غيره .
دخلت الاول قاسته و اول ما شافت نفسها بيه في المرايه قررت انها خلاص هتاخده مستحيل يتساب لازم تنتقم من عشري بطريقتها
سرحت في المرايه و حطت ايدها علي صدرها و شافت الحرق اللي معلم و افتكرت كلامها مع عشري
فلاش باك..
عشري….كان لازم تحطي كريم تجميل كتير عشان متعلمش كده
ليله….بحب لا سيبها دي علامه الحب اللي بيني و بينك وعجباني كده .
بااااااك…
ليله…بهمس و دي كمان يا عشري ليها حل و يا انا يا انت.
قلعت الفستان و غيرت و خرجت و استنت شويه احد ما جهزولها كل حاجه في الشنط و بعدين خرجت بهدوء علي عربيتها.
لمحها عشري من بعيد وفي شنط في ايدها كانت الساعه تسعه الا ربع
عشري….بهمس مسموع استر يا رب و ديني يا بلطجيه لو جبتي فستان ترازيني بيه لا هيبقي يوم اسود علي دماغك .
اتحركت ليله بالعربيه و مكانتش حاسه ان هي عايزه تروح البيت فا قررت تروح تقعد مع نفسها شويه تشرب قهوه او تجيب حتي قهوه و تقعد في العربيه تسمع اغاني
و فعلاً راحت جابت من مكان قهوه و هي راجعه لمحت عربيته من بعيد و بمجرد ما حست ان هي عربيته فعلاً بعدت عينها بسرعه و دقات قلبها عليت
مشيت بهدوء و هي بتحاول تتأكد هي ولا لأ تاني لحد ما اتأكدت ركبت واتحركت بهدوء.
ليله….بابتسامه تحدي ججيت لقضضاك يا ببلططجي.
مشيت ليله شويه و بعدين ركنت العربيه في مكان هادي قدام قسم التجمع كان مكان كله زرع و رايق قررت تلعب معاه بقي بطريقتها.
نزلت بهدوء من العربيه و سندت علي الباب وحطت القهوه علي العربيه من قدام و وقفت ولعت سيجاره و هي مشغله الاغاني و اتعمدت انها تبص عليه عشان تعرفوا انها شافته.
عشري من بعيد.
عشري…..ااااااه حلوووو هو يوم اسود انا عارف فكر ثواني يقرب منها و لا جايز تبقي مشافتهوش؟ طب هي ايه اللي جابها هنا ناحيه القسم؟ هي عمرها ما حبت تقف في الشارع كده يا بتدخل تقعد في مكان يا بتفضل في عربيتها؟ طيب يا تري مستنيه حد و لا جايه هنا ليه ؟ طيب شافته و ناويه تلعب معاه بطريقتها واختارت القسم بالذات عشان تهدده ؟ أو يمكن واثقه انه مش هيقدر يقربلها فا عايزه تستفزه من بعيد لبعيد؟
ابتسم عشري بتحدي هو كمان و حس انه معاه حق هي فكراه لما يشوفها عند القسم هيخاف ينزل ويقرب منها عشان كده بتحاول تعرفه انها شافته متعرفش انه أعند منه و مش بيهمه ابداً بس قرر يأمن نفسه و كويس اوي انه عمل كده..
اتصل عشري علي عسال و هو بيضحك
عشري….بضحك عسال انت فين؟
عسال….بابتسامه في الطريق خير
عشري….بص هو في حاجه غريبه بتحصل انا مش عارف هي ايه اولاً ليله لاحظت اني وراها ثانياً راحت جابت قهوه و طلعت بالعربيه وراحت وقفت كده في مكان قريب من قسم التجمع
هنا عسال فصل من الضحك
عسال….ايه ناويه تحبسك؟
عشري….بضحك مش دي المشكله هي في العموم لو جابت قهوه بتفضل في عربيتها او بتقعد في مكان و تشربها الهانم بقي واقفه قدام عربيتها في وسط الشارع قدام القسم بتشرب سيجاره و عماله كل شويه تبص عليا هي غالباً بتستفزني و فكراني هخاف من وجودها قرب القسم فا بصراحه مش هكدب عليك يا صاحبي ضحك من قلره و كمل هي استفزتني و انا هروحلها بس اللي بعد كده هيحصل ايه مش عارف انا قولت اعرفك لان دي مجنونه و انا مش ضامنها
عسال….بضحك طيب ما نوحد الله و اعمل نفسك مش شايفها واستعبط زيها و بلاش تستفزك و خليك مكانك انت بكره عريس يعني مش وقت اقسام دي قالتلك انا شيطاني كافر
عشري….بضحك لا ماهو انا مش قادر عموماً انا هروح بهدوء كده احاول اتكلم معاها و انا وحظي كمل بضحك انا قولت يعني اعرفك عشان لو حسيت اني اتأخرت تعرف مكاني بدل ما تلفوا عليا في الاقسام اكيد هبقي في قسم التجمع او يمكن اي مستشفي هنا.
عسال….بضحك اقسم بالله احنا داخلين علي ايام ما يعلم بيها الا ربنا يا ابني اتقي شرها وروح
عشري….والله يا انا يا هي
عسال….بضحك ربنا يستر و متبقاش هي ارجع عشان اليوم شكلوا غامق
عشري….بضحك و انا واثق يا صاحبي يلا سلام انت الوقت لو عدت علي خير هكلمك
عسال….اشطا يلا سلام.
قفل عشري معاه و مشي بهدوء بالعربيه و قرب ركن عربيته وراها كانت بصاله بأبتسامه و مضيقه عينها و رافعه حاجبها و السيجاره في بوقها ست قادره بصحيح..
نزل عشري بهدوء و بصلها بابتسامه غيظ و هو رافع حاجبه.
عشري….يعني فستان مفسر جسمك و قصير و وقفالي في وسط الشارع و السيجاره في ايدك عادي و لا هامك
كانت بصاله و مبتسمه ابتسامه جبروت.
عشري….كل ده مش مهم هنتفاهم فيه بعدين وهنتحاسب بس انا عندي سؤال يا قلب عشري من جوه؟
ابتسمت بهدوء و هي بترفع حاجبها و هزت راسها بمعني أسال.
عشري….في جمله كده بسمعها كتير بتقول ابتسم و غمزلها ماذا لو عاد معتذراً ؟!
ابتسمت بسخريه و خرجت الدخان في وشه.
ليله…لللا دددي قددمت اوووي الجممله دي فيي جمممله أجدد منها نااززله.
عشري….بابتسامه تجنن غمزلها ايه هي ؟
ليله….سسمعت عن ججملة ماااذا لووو عاااد مكسووراً
عشري….بضحك لا بس اكيد هنعفي عنه ولا ايه ؟
ليله….بابتسامه غللطاان هنكسرر اللي باااقي منه و منحنش ابداً
عشري….بضحكه عاليه ده ايه القلب الاسود ده طب بالذمه اهووون عليكي
ليله….مماشي وورايا ليه يا عششري؟
عشري…..والله انا حر هو عشان انتي سكان من التجمع تبقي اشتريتي المكان؟
ليله….لا خااالص بس اننت جاااي ووورايا مموووش خاايف ممني
عشري….بضحك اخاف من مين منك تؤ تؤ تؤ عيب عليكي مش عشري اللي يخاف من بنت
ليله….بضحكة سخريه عججباني اوووي ثقتك في ننفسك جااايبها منين الثقه دي؟
عشري….منك اصلي عارف اني مش ههون عليكي
مسكت القهوه بأيدها و شربت منها بهدوء وهي بتهز راسها شمال و يمين و بعدين سابتها وبصتلوا وهي مضيقه عينها بنظره شر و خد نفس طويل من السيجاره وكتمته و طلعته و سط الكلام بنبره قويه
ليله….نصيييحه بلاااش تررفع سسقف توقعاااتك في اي حد و خصوصاً اننا يا عششري
عشري….بحب ابتسم بس انتي مش حد انتي حبيبتي
ليله….بضحك خاااف من عدوك مممره و من حبيبك الفف ممره و سبق و قوولتلك انااا لما بحب من قلببي بأذي من قلبي و حذذرتك ملمحككش في مككان عشاان انا شيييطاااني كااافر
عشري….بضحك تصدقي بالله انا ماشوفت حد قلبه زي قلبك
ليله….موووش هتتتمشي يعنني صح؟
عشري….بضحك اه مش همشي واقولك اللي عندك اعمليه؟
ليله….بأبتسامه طبب اننا بحذرررك تاني فكررر
عشري…..نفسي طويل
ليله….بابتسامه طططب قااابل بقي يا عم الغطااااس
ركبت عربيتها و دورتها و بصتلوا
ليله….تتعالي وررايا يا جااامد
ابتسم عشري و هو متوتر مش عارف هي هتعمل ايه بس قرر انه يروح وراها عشان ميبانش مقلق منها
مشيت بالعربيه كام متر وقربت من كافيه صغير جنب القسم علي طول هي عارفه الشباب اللي بيشتغلوا فيه ركنت و دخلت علي طول علي جوه
ركن و استني شويه مش عارف يدخل وراها ولا هي راجعه تاني بس قرر ينزل ويشوفها راحت فين و ليه دخلت الكافيه ده.
طلعت ليله و طلع معاها شابين واحد في منتصف العشرينات و واحد في اول الثلاثينات ديماً لو بتخلص اي ورق هي او نادين او نعيمه في القسم بتقعد تستني في الكافيه فا الشباب عارفينهم و هما زباين عندهم شاورتلهم ليله بهدوء علي عشري و وقفت مكانهاو أبتسمت بتحدي قربوا الشباب منه.
الشاب الكبير اسمه احمد.
احمد….خير يا ابو الكباتن في حاجه؟
بصلها عشري و ابتسم و بعدين بص للشاب
عشري….كل خير انت اللي في ايه ؟
احمد….ماشي وراء الانسه ليه و بتضايقها ؟
عشري….اممم وراء الانسه وبضايقها طيب بص يا صاحبي الانسه دي تبقي خطيبتي يعني مش حلوه تدخل في حاجه متخصكش
الشاب التاني بص لليله.
شريف…..تعرفيه يا انسه ليله؟
ليله……كدداب هوو ممووش خطييبي و مااشي ورااايا و بيضاايقني
احمد….طيب بص يا كابتن يا تتكل علي الله يا هتحصل مشكله و مفيش داعي انت شكلك حد محترم فا بلاش شوشره الله يباركلك
عشري….طيب بص انت وهو اطلعوا منها عشان بجد متحصلش مشكله هي خطيبتي و مش من حق حد فيكم يتدخل تمام بصلها بنظره حاده يلاااااا
ليله….اناااا مموش خطيييبتك و موووش همممشي ممن هنننا
احمد…..بغضب بسيط حط ايده علي كتف عشري يبعده و يمشيه اديك سمعت يلا بقي بعد اذنك عشان حتي لو انت خطيبها هي قالت لا
عشري….بابتسامه طب ايدك تنزل مكانها عشان متوحشكش
شريف….خيررررر هي بلطجه و لا ايه يلا غور من هنا بقي عشان منعملش معاك الصح
عشري…..بأبتسامه اغووور وانت تعمل معايا الصح بص بعيد وهو بيضحك و رجع بصلوا بنظره مرعبه و ضربه بالبوكس في وشه طيره.
بصت ليله بصدمه و رجعت تاني لوراء.
احمد قرب منه ضربه بس الضربه مكانتش قويه مسك عشري دراعه وضربه وقفت ليله ساكته مصدومه بس كانت ثابته علي موقفها الناس بسرعه اتجمعت و وجودهم جنب القسم كان مصيبه اكبر كان في عربيه شرطه ملاكي فيها اتنين ظباط مستنين اي بلاغ عشان يتحركوا لو جالهم اي بلاغ نزلوا بسرعه و بعدوهم عن بعض و خدوهم علي جوه كلهم و ليله معاهم.
الشباب حكوا اللي حصل و بص الظابط لليله و علي حظها كان حسين نفس الظابط اللي كان موجود وقت مشكله نادين موجود.
عشري….يا باشا بقولك انا خطيبها وهما اللي بدأوا مش انا
شريف….يا باشا هو اللي ضرب الاول
عشري….اه ضربت بس هو اللي غلط و قل ادبه وانا قولتله متدخلش
احمد….يا باشا انسه ليله احنا عارفينا زبونتنا و بتيجي ديماً هي وصحابها لو بتخلص ورق في القسم و طلبت مساعدتنا و شكلها تعبان خرجنا نتكلم معاه بالذوق بس مرضيش
عشري….انا اتكلمت معاهم بالذوق و قولالهم ميتدخلوش
حسين…..ده خطيبك يا ليله؟
ليله…لاااا كدداب
الشباب….يا باشا انت شايف عمل ايه فينا و احنا مش هنتنازل عن حقنا بعد اذنك انا عايز اعمل محضر
عشري….حلو وانا كمان عايز اعمل محضر و في كاميرات اكيد بره هتأكد ان ده مد ايده يبعدني الاول و طبيعي يا باشا انا مش هسمي عليه
حسين…طب و بعدين انتوا كده هتفضلوا معانا و تتعرضوا علي النيابه
عشري….يا باشا نيابه ليه هما اللي بدأوا
احمد….محدش بدأ يا حسين باشا حضرتك عارفنا كويس مش بتوع مشاكل
حسين….افتح يا ابني محضر
بصتلوا ليله بنظره هاديه عينها كانت بتضحك وهي قاعده علي الكرسي
بصلها بغيظ و هو بيضغط علي فكه و هز راسه بهدوء كأنه بيستحلفلها
حسين…..ها يا ابني انت وهو افتح محضر و لا نمشيها تصالح
عشري…..ياباشا هما اللي غلطوا الاول انا بقولك هي خطيبتي زعلانين شويه مع بعض بس اكيد انا مش ماشي اضايقها
حسين….طيب استناني يا ابني انت وهو بره شويه
خرجوا الشباب و فضلت ليله جوه هي و عشري.
بص حسين لليله و ضيق عينه
حسين….بيتهيألي اني شوفت الاستاذ ده معاكم يوم مشكله انسه نادين صح ولا ايه يا ليله
عشري…..الله ينور يا باشا عرفت بقي اني مش بكدب والله خطيبتي
حسين….ها يا ليله؟
ليله….كدداب ككان خطيبي و سييبنا بعض و هو مصمم ارجع بااللعافيه و ماااشي ورااايا و بيجييلي البيت و عااايزني اررجع غصصب عني وو كممان بااعتلي ڤوويس بيقوولي لو مرجعتتتليش هقتتلك و بسبببه انناا ززي ماانت شاااايف يا حسيين باااشا فا رأيي يعني تفتتتح محضرر عششان حقق الشباااب اللي كاانت بتحميييني منه.
ابتسم عشري وهز راسه شمال و يمين بص حسين عليه و حس ان في حاجه غلط
حسين… امممم طيب تمام هنفتح محضر ثواني وراجعلكم
قام حسين و بص لعشري و خرج
عشري….بابتسامه هااااا شيطانك مش ناوي يتوب يا ليله؟
ليله….بابتسامه لاااا حذذرتك و انتتت مسممعتش الكلامم
عشري….ليله ده مش تهريج دي فيها حبس و نيابه و هبات في الحجز
قامت ليله وقفت قدامه و ابتسمت
ليله….المفرووض تشكرررني بيقووولوا السجن لللرجاااله و اننا بعممل فيييك جممميل عشااان تسترجل شوويه يا عشررري و متفكرررش تلعبب ببننات الناااس تاني
عشري….بضحك و غيظ قرب منها ورب الكعبه يا ليله لو ما خرجتيني الوقت من هنا لا هطين عيشتك و عيشة اهلك
ليله…بضحك ممووش بقوولك عجبباني ثقتتك بتهددني في القسسم ططب اللي عنندك اعملوواا بس متقلقشش اللي عنددي أكتر و بعددين زعلاان ليه مش اننت قووولتلي رووحي القسم و بلغي عني انني بهددك بالقتل اايه موووش قد كلاامك بتقوولوا ليه
عشري….ماهو انا هخرج كده كده بس مش هسيبك هندمك خرجيني الوقت بالذوق احسنلك كمل بأبتسامه غيظ ويمين بالله يا ليله لا هعيشك ايام تندمي عليها
ليله…ومااله انا بششجع اللعبه الححلوه صصحيح ممكن اااعمل مككالمه من مووبايلك يا ابو الرجوووله
عشري….بضحك كمان و بتقولي عليا انا اللي بجححححح وماله اتفضلي خليني اجدع منك بس هتكلمي مين
خدت منه الموبايل و قعدت علي الكرسي بص يشوفها هتتصل علي مين أتفتح الباب و دخل حسين تاني و معاه الشباب.
حسين….هااااا نفتح المحضر ولا نتفاهم سوا ؟
الشباب….نفتح المحضر يا باشا
ليله…حسسين باااشا هووو حضضرتك محتتاجني
حسين…ايوووه عشان شهادتك في المحضر
ليله…ططيب انا عنددي ممعاد دكتوور و علاااج طببيعي و كمان شااهده مع الشبباب و لوو احتاجتتني رقممي مع حضررتك بسس انا تتعبانه اووي
حسين….طيب تمام اتفضلي انتي يا انسه ليله و انا هسجل فب المحضر اللي قولتيه
قامت ليله بهدوء و بصت بطرف عينها لعشري اللي كان بياكل شفايفه و هيقطعها من الغيظ فضل باصص عليها و قبل ما تقفل الباب رفعت موبايله و غمزتلوا
بصلها بصدمه خدت موبايله و مشبت و هو مش حافظ اي ارقام و لا هيعرف يجيب حد يضمنه
عشري….بهمس حط ايده علي وشه يااااابنت الجزمه
خرجت ليله بكل هدوء و لا كأنها عملت حاجه سعادتها كانت كبيره عارفه انه مش هيتأذي و ان المشكله هتبقي بسيطه و هتتلم بسرعه بس كانت حاسه بسعاده متتوصفش
خرجت بهدوء ركبت عربيتها وقفلت موبايله خالص عشان محدش يتصل عليه و يعرف هو فين و روحت علي البيت .
اما عشري لا كان عارف يجيب محامي و لا عارف يتصل بأي حد
هو مش حافظ غير رقمها بس و اكيد مش هترد حتي رقمه مش حافظه حاول يفهم الظابط و الشباب انها خطيبته بس مفيش و الشباب بسبب ضربه ليهم قرروا انهم ميتنازلوش فا قرر هو كمان يتهمهم بالتعدي عليه عشان يبقي محضر قصاد محضر و يخافوا و يمشوها بالتصالح بس هما مهمهمش و اتصلوا بحد تبعهم يجيب محامي حسين سأل عشري لو حابب يكلم حد سكت و قرر يكلمها يمكن تحن و ترجع او تتصل بأي حد اتصل علي موبايلها كتب الاسم مكتب حسين باشا ضحكت و بسرعه علت صوت الاغنيه و ردت
ليله…الووو
عشري…بهمس ليله انا عشرري أرجعي خرجيني امي لو عرفت هتتجنن هي و ابويا
ليله….لللا
عشري….عشان خاطري طيب هنتفاهم بس أخرج وهعملك اللي انتي عيزاه
ليله…اسففه و يلا اممشي عششان ممحتاجه اروووح اننام علي سريرري و حشني سلملي علي البووورش
عشري…..بأبتسامه هقتلك يا ليله
رفعت صوت الاغنيه ((مسيطره)
ضحك عشري بهدوء و فضلت سايبه الموبايل جنب السماعات و مش بترد فا اضطر يقفلل و بص لحسين بقلة حيله..
قرر حسين ينزلهم الحجز مؤقتاً يمكن يعرفوا يحلوها ودي
و لحسن حظ عشري انه كان فاهم دماغها و اتصل بعسال قبل ما يروحلها و دعي من قلبه عسال يلحقه
لكن لسوء حظ عشري ان عسال وصل علي بيت نادين علي الساعه عشره بالظبط و اتسحل معاها شويه و نسيه ماهو مع بنته بينسي الدنيا هو كمان.
دخل عسال و هو مبتسم و رافع حاجبه لنادين
نادين….بابتسامه ايه مالك باصصلي كده ليه و حشتني
عسال….بضحكه جميله وانتي و حشتيني اكتر بس انا بصراحه مش عارف اقول ايه
نادين….تقول ايه ؟ في ايه ؟
عسال….بضحك سلامه حكالي اللي حصل انا عايز افهم انتي مين بالظبط ؟
نادين….بضحك بقولك ايه انا عملت كده عشان صاحبك
عسال…..طب تعالي بس هنا نتفاهم عشان انا هتجنن من وقت ما عرفت الحوار الفظيع اللي نفذتيه ده
مسكها من ايدها و هي بتضحك و راحت معاه قعد علي الكنبه و قبل ما تقعد شدها علي رجله
عسال….اسمع بقي مين اللي قالك الفكره دي
نادين….بضحك انا
عسال…..لا ماهو متقنعنيش اللي عملت الفكره و فكرت و نفذت مستحيل تكون نادين اللي اعرفها
نادين….بابتسامه جميله ايه خوفت مني انت كمان
عسال….بضحك ده لازم
نادين….ببراءه يعني الحق عليا اني فكرت في فكره مقنعه اعرف اقنع بيها ليله
عسال….لا يا عمري بس دي فكره تخرج من ايمي من ليله نفسها لكن انتي لا.و الله حتي ايمي و ليله مش هيفكروا كده
نادين…..طب حلو اوي انا هقوم بقي الوقت اعترف لليله بكل حاجه ادام انت زعلان اوي كده
عسال….بابتسامه قفشها من وسطها بقووووه
نادين….اااااه
عسال….رفع حاجبه و ابتسم اقعدي هنا
نادين…..علي فكره بقي وجعتني
عسال….بجد
نادين….بابتسامه بجد
عسال…..بحب مشي ايده براحه علي جنبها و بعدين بصلها بصي انا لحد الوقت اصلا مش مصدق انك قدرتي تقنعي الموظفين في الشهر العقاري و كنت مرعوب ليله تكتشف و هي بتمضي و كنت حامل هم اللي هتقوليه بخصوص الورق عشان تقنعيها لان لما سألتك هتعملي ايه او هتقولي ايه رديتي وقولتي هشوف هفكر كنت حاسس ان مفيش فكره عندك لسه و هتطيني الدنيا سلامه وهو بيحيكيلي مع انه كان في الموقف بس مش مصدقك
نادين….بضحكه جميله علي فكره بقي انا عايزه أشتكيلك منه
عسال…..ليه عملك ايه؟
نادين….والله هو اللي كان هيبوظ كل حاجه وانا بتكلم كل ما عيني تيجي عليه المحه كاتم ضحكته و انا عايزه اضحك و كنت متوتره
عسال….بضحك ماهو ليه حق الملاك البرئ بتاعنا طلع مش ملاك خالص
نادين….بصتلوا بزعل طفولي ده بجد
عسال….بضحك طب اقولك ايه انا مش مصدق تفكري كده يا نودي دي ليله لما تعرف هتقتلك
نادين…طيب قولي انت كنت هقنعها ازاي لما جينا نجيب المزرعه قولنا هنأجل موضوع الشقه الجديده اللي كنت عايزه اشتريها فا مستحيل تقتنع اني جايه بفكره شقه جديده كان لازم تحس ان في مشروت وفي حماس و بعدين حبيت اقنعها من ناحيه ان ده هيبقي شغل وهي اللي هتمسكوا و ده هيحسن نفسيتها في الوقت ده بالذات و انا كنت واثقه ان الداخله دي هتقنعها و هتتحمس ليها خصوصا ان هي مضغوطه واكيد حابه تنزل او تعمل شغل زياده و تفرغ الطاقه دي رتبت الفكره في دماغي و قررت اني اطبع الورق بنموذج في بنود وكل حاجه تثبت ان ده مشروع بجد قولي بقي لو انت مكاني كنت هتقنعها ازاي
عسال….صراحه مش عارف انا اصلا كنت شاكك ان ليله في حالتخا دي توافق اصلا انها تقعد و تسمعك او تفكر في شغل في الوقت الحالي لاني عارف ان اي حد بيحصل معاه ضغط حتي الشغل بيتعبوا اكتر بس هي كمان طلعت زيك الشغل عندها تفريغ طاقه و الحمد لله قعدت و سمعت و اتحمست هو مفيش شك انه براڤو عليكي بس بردول مليش دعوه دي مش بنتي اللي فكرت
نادين….بضحك خلاص نمشيها مراتك
عسال…بضحك ماهي دي المصيبه لو مراتي بالدماغ دي يبقي ضمنت اني اتطرد
نادين….بضحك لا لا انت حبيبي لفت ايدها علي رقبته بسرعه و حضنته جامد
عسال….بحب حضنها و انتي نور عيني بس بجد بجد يعني و من غير تهريج
بعدت نادين عنه و بصتلوا
عسال….انا كل يوم معاكي بتفاجئ بجزء جديد من شخصيتك نودي الهاديه اللي ديماً ساكته اللي بتتوتر من اقل حاجه عندها شخصيه تانيه مش هاديه و سكوتها بيتحول لطاقه كبيره في الشغل في التفكير و التخطيط يمكن لسه بتتوتر بس كمان جريئه و قويه
نادين….علي فكره بقي انا لا جريئه و لا قويه ولا اي حاجه انا كنت هموت و هي ليله بتمضي و يمكن انا كمان مستغربه اني فكرت بالطريقه دي بس مكانش قدامي حل يا ميدو ماهو يا نقف معاهم و نساعدهم بطريقه حل جذري يا نفضل مستنين ليله تهدأ و عشري مش مضمون صبره هيكون قد ايه عارفه انه مش هيتخلي عنها بس كمان مش هيتحمل طريقتها
عسال…..بس هو بيحبها
نادين….طيب ممكن اسألك سؤال و ترد بصراح
عسال….اكيد
نادين….لو انا وانت مكان ليله و عشري بنفس الاحداث و التفاصيل و حصل مني نفس اللي حصل من ليله في حق عشري كنت عملت ايه
عسال….مش فاهم تقصدي طريقتها في الكلام معاه
نادين…. امممم ايوه
عسال….بصي شخصيتك غير شخصية ليله و شخصيتي غير شخصية عشري بمعني ايه ليله غضبها أعمي و ده انا شوفته بنفسي يعني ايه غضبها اعمي يعني الغضب اللي جواها بيعميها عن اي تفكير سواء في رد فعل في طريقه في كلمه تخرج من لسانها مش غلاطه بس هي خلاص اتجرحت فا الجرح عمي كل جزء فيها و اظن عملت مع وليد نفس اللي عملتوا في عشري
و عشري نفس طبع ليله هما سبحان الله الاتنين نااار موقوده و ربنا جمعهم فا عشري جايز ميقدرش يتحمل غلطه فيه حتي لو كلمه ابسط من اللي ليله قالتها بس عشان هو حافظها كويس و عارف طبعها سكت و عشان غلطان سكت و عشان شاف حالتها سكت انتي مش زي ليله يعني غضبك هادي سهل السيطره عليه
نادين….بس بيتهيألي انت لو في نفس الموقف و عرفت اني في حد تاني في حياتك اكيد مش هتقدر تسيطر عليا
عسال…..عارف انا اقصد حجم غضبك ليه ليڤل معين مش هتتخطيه يعني ممكن تقولي كلام يوجع كتير بس من غير غلط غضبك مش اعمي يا نودي يعني توجعي بس عقلك مش بيغيب ليله حقيقي عقلها غاب و انا بجد من قلبي بقولك انا كنت حاطت ايدي علي قلبي و حاسس ان ليله هيجرالها حاجه
نادين….طيب وفرضنا انا وصلت لنفس الليڤل ده رد فعلك هيبقي ايه
عسال….بابتسامه سكت و بعدين بصلها هو انا مش عارف بس اتكلم بصراحه
نادين….اكيد
عسال….مش هتزعلي
نادين….اكيد
عسال…..جايز اوي مكنتش اتحمل الاهانه
نادين….حتي لو انت اللي غلطت
عسال….ممكن لان انا لو غلطت هعمل كل اللي اقدر عليه بطريقتي عشان اعتذر عن الغلط ده و الاعتذار ميقللش.من قيمه راجل و المحاوله في الاعتذار المفروض تخليكي تهدي شويه يمكن اتقبل منك كل ده لو انا وانتي لوحدنا ادام الكلام مش هيخرج بينا هتقبلوا بس لو خرج ممكن متحملش
نادين….اممممم ده علي كده عشري بقي طلع بيحب ليله اوووي
عسال….بضحك مسك دقنها لا بصي هي ملهاش علاقه بالحب هي ليها علاقه بقوة التحمل انا نفسي بقولك اتصدمت ان عشري سكت بعد كلمه انت مش راجل و قولت لا كده خلصت خلاص لاني حافظ شخصية عشري جداً هو روحه في مناخيره و موتيه و لا انك تهيني كرامته بس زي ما قولتلك هو عذرها لاسباب كتير لانه متوقع رد فعلها وعارف شخصيتها و ردود افعالها لانها كانت في حاله مش طبيعيه و لانها كانت تعبانه عشري اتصدم في طريقه كلام ليله و خاف عليها كان حابب انها تخرج اللي جواها عشان ترتاح و تخف و عشري بيعتبرنا منه اوي فا سكت وعدي الموقف بس يمكن مكانش قدر يعديه لو قدام اخواته و امه وابوه تخيلي بقي
نادين….طيب ماهو ده قمة الحب
عسال…..ماهو انا بقولك اللي جوايا الوقت جايز انا لو في نفس الموقف و انتي في نفس موقف ليله هسكت
نادين…اااه يعني لازم اتعب عشان تسامح و تسكت
عسال….لا يا حبيبي مش كده بالظبط نادين انا حبيتك عشان انتي شبههي طباعي شبه طباعك يعني انا مقدرش ارتبط بحد زي ليله ليله احب اوي انها تبقي في حياتي صاحبه جدعه اخت بجد سند لو احتاجتلها الاقيها بس حب مش هننفع مع بعض طبعنا مختلف عشري كمان صعب يرتبط بيكي و بشخصيه زيك هو عايز اللي تبقي شبه هيقدر يتعامل معاها و هتقدر تتعامل معاه فهماني
فا انا بتكلم علي اللي انا فيه حالياً مظنش انتي توصلي للحاله بتاعت ليله ولا انا اوصل لحالة عشري مع اني واثق و حطي تحت كلمه واثق دي مليون شرط انا لو هقبل منك اي غلط بيني و بينك عشري لما يبقي مع ليله مستحيل يقدر يسكتلها لو غلطت تاني
نادين….بضحك يعني ايه ده ليله تعرف بس اللي حصل هيبقي اللي اتقال قبل كده كان كلام بسيط
عشري…..هيعديه في وقتها بس بعد كده هيبدأ يقلب علي فكره عشري علي قد ما قلبه طيب بس شخصيه قويه و طبعه لا يطاق ليله الوحيده اللي تمشي معاه زي ما قولتلك دماغهم واحده جداً
نادبن….امممم بس يعني كان في واحد كده بيقول انه مستحيل يزعلني او يتعصب او حتي يبعد عني و هو زعلني مره و اتعصب كذا مره و اهو عنده استعداد يسيبني..
عسال….بابتسامه لا استني لو تقصدي زعلتك في موضوع اني خبيت حوار عشري فا انا فهمتك كل حاجه و لو علي العصبيه افتكر اننا واحنا في دهب فهمتك طبعي و قولتلك اللي بحبه و بكرهه و قولتلك انك لو في رمره زعلتيني او غلطتي او حسيت ان النقاش بينا بقي حاد هسيبك بهدوء وانزل شويه لحد ما نهدأ لكن عصبيتي عليكي كانت عشان قرار خدتيه و فاجئتيني بيه زيي زي الغريب و اظن ان في موقف معين المفروض كنت اتعصبت فيه و قلبت الدنيا كمان بس عديته عشانك و هو اللي حصل من الحيوان اللي اسمه هادي هاااا و متحنلتش كمان عصبيه عشري عليكي انتي و ليله مع انه صراحه كان معاه حق هااااا فا منقولش كلام احنا مش قده اما موضوع اني اسيبك مين قال اني هسيبك انا اه مش هقبل اهانتك بس زعلي منك هيطول اوووووي يا نادين
نادين….و ههون عليك
عسال….لو هونت عليكي اه يمكن مش هتهوني عليا و هبقي هموت و نتصالح بس لو وجعتيني مقدرش احكم علي رد فعلي
نادين….بس علي فكره بقي انت عارف اني مش هعمل كده
عسال…..بضحكه جميله طب ما ده اللي بقوله من الصبح انا عارف انك مش هتعملي كده انا اعذر ليله او ايمي او حتي نعيمه بس معذركيش و معذرش سلمي و لا ايه لانكم مختلفين يمكن سلمي فاجئتني زي ما فاجئت حسان و زعلت منها لاني توقعت انها تهديكم وده الفرق اللي بقولك عليه لما تكوني متوقعه رد فعل حد بتغذريه لان دي شخصيته لكن هاتي حد هادي و مسالم و طبعه رايق و فجأه تلاقيه حد تاني بتتصدمي زي ما اتصدمت بالظبط من حسان لما زعق في الكل انا عارف ان حسان بيفضل ساكت و مش بيحب ابداً انه يتعصب و لو حصل يبقي جاب اخره بس متوقعتش يتعصب كده و خوفت عليه علي فكره توقعت ان رشيد يتكلم بس كان مصدوم و يمكن عذرته لان رشيد بصراحه كان في موقف لا يحسد عليه لسه عريس بقاله ثلاث ايام لو نطق و انحاز لاي طرف جايز تيجي فوق دماغه بس كمان اتفاجئت من كميه العقل اللي كانت عند ايمي و احتوت بيها الموقف فهمتي اقصد ايه
نادين…اممممم فهمت طيب سيبك بقي من كل ده انتوا بكره هتروحوا امته
عسال….يعني بعد العشاء او المغرب مش عارف لسه هنتأكد المهم يعني تحاولوا تبقوا مع ليله طول الوقت ده خايف تفكر انها تروح لاميمه اختها
نادين….لا متقلقش انا اصلا بفكر ناخدها و نروح نشوف فساتين لفرح امنيه
عسال…..اااااه بصي بقي فستان عريان قصير بلاش
نادين….بابتسامه براحتي علي فكره
عسال……لا مش براحتك و فكري كده تجيبي فستان مش علي مزاجي هقتلك
نادين….مش ههون عليك
عسال….بأبتسامه اكيد بس اكيد بردوا انا مش ههون علي القمر بتاعي و بنوتي القمر هتسمع كلامي
صح ولا ايه
نادين….صح
عسال….قوليلي بقي كلتي ولا لا انا جعان
نادين….بسعاده بجد.
عسال….والله جعان مش عارف ليه بقيت اجوع لما اشوفك
نادين….بفتح نفسك اكيد
عسال….مسك وشها بأيده و قربها باس خدها بقوه ياااااخرابي اكيد طبعاً طب يلا قومي نشوف حاجه ناكلها
نادين…يلا بينا.
دخل معاها علي المطبخ يعملوا اكل و هو ولا هنا و نسي عشري خالص و مكانش مركز و الساعه كانت 11 ونص.
…………..
اما عند ليله رجعت البيت و كان مزاجها رايق و هاديه و مبتسمه.
نعيمه….بطلي رخامه و فرجيني
ليله…لاا قوولت مفجأه
نعيمه…طب علي فكره بقي انتي رخمه و علي فكره كمان المفروض كنتي عرفتيني كنت نزلتلك انا نسيت اصلا موضوع الفستان ده خالص
ليله….ببكره شووفي البننات و ننروح تتاني مفييش مششكله
نعيمه….طيب مش هتفرجيني بردوا
ليله….بابتسامه لللأ
نعيمه….طيب بلاش قوليلي بقي ايه سر الروقان ده حساكي احسن انهارده و اقولك علي حاجه بصراحه انا لما اتاخرتي قلبي وقع في رجلي و خصوصا لما اتصلت وكنسلتي
ليله….كنننسلت عششان كنت طاالعه
نعيمه….اه ما انا عارفه بس.كنت خايفه متجيش
ليله….بسس انا ححلفت
نعيمه….طيب قوليلي يومك كان عامل ازاي
ليله…ااننا رووحت لووليد ععلي فككره و خددته معااايا المددفن و صااالحته
نعيمه….بابتسامه بجد و الله جدعه علي فكره وليد غلبان والله و بيحبك اوي
ليله…عااارفه ووالله و اننا بصصرااحه غللطت ممعاه و ووجعته
نعيمه….لا يا لولي انتي قولتي اللي كان في قلبك و دي حاجه كويسه مش حلو انك تتعاملي مع حد.بتحبيه و تكتمي جواكي وجعك منه و كمان وليد اكيد هيعذرك و بيتهيألي بعد اللي حصل ده الدنيا بينكم هتبقي احسن كتير
ليله…ياااارب
نعيمه….طيب قوليلي اقوم اعملك عشاء يلا
ليله…لااا عشاااء ايه ووليد خددني غدااني و شبعاانه علي الاخخر
نعيمه….يا سيدي يا سيدي كمان طيب دي بشرة خير انكم اتصافيتوا كده مس ناوبه بقي تحني علي حد تاني
قامت ليله و بتصلها بغضب
ليله…..خخليكي في ححالك و اقففلي السيرره دي
نعيمه….بضحكه هاديه طيب خلاص هسكت بقولك ايه خدي الدواء طيب
ليله…هدددخل اخدد شاور الاول
نعيمه….ماشي يا قلبي
سكتت و افتكرت البطاقه و فضلت مستنيه راحه جايه تسمع صوت قفل الحمام عشان تدخل بسرعه تاخدها
دخلت ليله شالت شنط الفستان في دولابها و بعدين قعدت علي السرير شويه مبتسمه فتحت شنطتها و طلعت موبايل عشري و هي بتضحك بهدوء و تحدي وقامت عشان تحطه في دولابها و للحظه كده وقفت لما شمت ريحته قربت الموبايل من مناخيرها و غمضت عينها و هي بتاخد نفس طويل و حطته وسط هدومها و بعدين خدت لبس و دخلت علي الحمام تاخد شاور.
سمعت نعيمه صوت الباب استنت دقيقه عشان تكون قلعت كانت متوتره جداً قربت من الباب و فتحت بهدوء بصت في الاوضه ولمحت شنطتها علي السرير و قفت ثواني و ركزت مع صوت المايه و اول ما سمعت جريت بسرعه دورت علي محفظه المروت اللي حاجه فيهم الڤيز و الرخص و البطاقه خدتخا بسرعه و رجعت كل حاجه مكانها و خرجت جري من الاوضه و هي بتتنفس براحه و جريت علي اوضتها تتصل علي فضل كانت الساعه خلاص داخله علي 12
فضل…..ايوه يا جلبي
نعيمه…. فضل فضل انا نجحت في مهمتي
فضل….بابتسامه ايه خدتي البطاقه اكيد
نعيمه.. ايوه معايا اهي قولي بقي هتقدر تيجي تاخدها ولا لا.
فضل…..انا قدامي ساعه ونص يعني او ساعتين بالكتير و اخلص شغل و نقفل و بعدها هتصل علي عشري هو المفروض كان بيروح لعسال ياخد منه الصور لو هناك لسه هتصل عليكي و لو ليله نامت تنزلي بالاسانسير تديهالوا و تطلعي علي طول هو مش هيطلع و تلبسي حاجه عليكي متنزليش بلبس البيت لو مشي انا باجي و لو مش هتقدري و هتنامي يبقي الصبح اجيلك و كأني جايلك عادي و انزلي شويه
نعيمه…..بابتسامه ماشي بس يعني هو ليه البس حاجه علي لبس البيت ده ترنج يعني
فضل…..اللي بينجال بينسمع يا نعيمه خلااص يعني متاخديش واتدي معاي كثير زين كذي
نعبمه….بابتسامه علي عصبيته اللي بتقلب بدوي طيب ماشي بس بفهم يعني و بعدين ليه يعني ميطلعش ياخدها من علي الباب ولا هو لازم تنزلني
فضل…..اووويلي علي حرقه الدم كيف بيطلع يعني نعيمه انا باجي زين
نعيمه….بضحك خلاص ياعم براحه عليا بعصبك عشان تتكلم كده
فضل…بابتسامه طيب وليه ما تقولين من أول إنك تريدي أَسولف كذي بدل حرقة الدم
نعيمه….بضحك فضل
فضل…..عيونه
نعيمه….ما تتجيب بوسه
فضل…..خير يا بت الحلال ايش بك عالمسا شيطاانك راكبك
نعيمه….بضحك صراحه لما بتتكلم كده شيطاني بيركبني
فضل….بضحك يصير خير و ماله عيوووني
نعيمه….بضحك طب يلا يا قليل الادب روح شوف هتعمل ايه و ابقي كلمني
فضل….من عيوني يا دقاقه
نعيمه….بابتسامه تجنن بحبك يا شيخ العرب
فضل…..وانا نموت عليكي
نعيمه….يلا باي
فضل….باي يا مجنونه
………………
في منزل ايمي
كانت نايمه في حضن رشيد.
ايمي…..و الله يا رشيد مش عارفه بفكر اخد ليله و البنات نشوف موضزع الفساتين ده و في نفس الوقت حاسه اني هفضل متوتره لحد ما تقولي خلاص كل حاجه تمت و كتب الكتاب اتكتب
رشيد….طيب روحي احسن غيروا جو و تلهوا ليله شويه عشان انا مش عارف ليه عندي احساس ان في حاجه هتحصل
ايمي….انت هتخوفني ليه يعني ايه في حاجه تحصل
رشيد….يعني حاسس ان ليله لو قعدت مع نفسها ممكن تفكر انها تروح لوليد و اخواتها و تتأسف علي اللي حصل تحاول تصلح الموقف كده يعني تخيلي بقي جات عند اميمه و لقيتنا نهاااار اسود
ايمي….لا لا مظنش
رشيد….طيب يبقي رأيي خديها هي والبنات و رحوا احسن و لما اقولك تمام و مشينا يبقي خلاص ارتاحنا
ايمي…..ماشي هشوف كده الصبح اتفق معاهم بكره الاربع اصلا و لازم الحق اشوف حاجه البسها
رشيد….يارب بس نختار حاجه عالهادي كده هااا مش عايز قلبان
ايمي….بابتسامه لا انا براحتي علي فكره
رشيد…..هتتعاكس مني يا قمر و انا مش هسكت
ايمي….محدش يقدر يعاكسني وانا معاك بس قولي اختار لون ايه
رشيد….انتي اي لون بيليق عليكي
ايمي….مش اوي كده احسن اتغر
رشيد… بضحكه تجنن باسها من خدها و ضمها ليها اتغر براحتك يا قمر يحقلك ده كفايه القناصه اللي جابت امي الارض
ابمي….بابتسامه قناصه ايه
رشيد….العيون اللي بعشقها دي
ضحكت ايمي بجرأه و باسته و هو باسها و فضلوا كده شويه و بعدين اتجننوا.
…………..
عند نادين..
كانت قاعده فوق رخامه البار و مربعه رجلها و بتاكل مع عسال
نادين…انت تفضل معايا خطوه بخطوه تقولي كل حاجه بتحصل انا هبقي علي اعصابي علي فكره..
عسال…..هكلمك و اعرفك متقلقيش
اكلها بأيده اخر لقمه و بعدين راح يغسل ايده
نادين….انت كلت ؟
عسال….اه يا عمري شبعت اوي
نادين……طيب تعالي قرب عايزه انزل اغسل ايدي انا كمان
عسال….بضحكه جميله انتي ايه اللي شعلقك كده شالها من وسطها ونزلها وراحة غسلت ايدها بسرعه.
بص عسال علي الساعه كانت واحده ونص
عسال…..حبيبي يلا هاتي بقي الصور عشان لازم امشي و اقابل عشررر سكت ثواني و رتح بسرعه مسك موبايله
نادين….في ايه مالك ؟
عسال….يا نهار اسود ده متصلش
نادين….هو مين ؟
عسال….عشري
نادين….هو مستنيك فين ولا انت اللي هتروحلوا
عسال…..لا مش حوار صور ده انا بتكلم علي حاجه تانيه
نادين….بقلق حاجه ايه ؟
حط الموبايل علي ودنه لقي الموبايل مقفول اتصل تاني مقفول
نادين….في ايه يا ميدو قول قلقتني
حكالها عسال بسرعه اللي حصل نادين اتصدمت
نادين….لا لا مستحيل يكون حاجه حصلت مش للدرجادي يعني يمكن روح او موبايله فصل او اتصل بسلامه يمكن رجعلوا وشوف فضل بردوا
عسال…..عشري مش هيرجع قدام قالي انا هيستناني و موبايله لو هلص شحن هيشحنوا في العربيه عادي
نادين….طيب اتصل بس بسلامه و فضل كده الاول
اتصل عسال علي سلامه لقاه في البيت حكاله بس سلامه قاله لا اكيد روح اتصل علي فضل و عرف اللي حصل
فضل…..لا مجاش انا لسه من ربع ساعه متصل بيه عشان خلاص بنقفل و عايز اعرف فين عشان نعيمه معاها البطاقه بس موبايله مقفول
عسال….يعني ايه؟ طب راح فين كده في حاجه حصلت هو اتصل و هو مقلق منها وقالي انهم قدام القسم
فضل….ياجدع مستحيل و بعدين ليله روحت بقولك من بدري و نعيمه خدت منها البطاقه
عسال….من بدري امته يعني
فضل….هي نعيمه كلمتني استني خليك معاي بص علي السجل كانت الساعه 12 الا ربع عسال كلمتني 12 الا ربع و ليله وصلت قبل كده اكيد لانها كلمتني بعد ما هي دخلت تاخد شاور و خدت البطاقه يعني قول انها روحت علي 11 مثلا
عسال….يا نهار اسود و منيل يعني لو اللي بفكر فيه صح يبقي عشري بقاله ثلاث ساعات في القسم
فضل…..يا غبي افهم لو حصل معاه اي حاجه هيكلم اي حد فينا
عسال…..و موبايله مقفول جايز خلص شحن و هو مش بيحفظ ارقام
فضل….انت هتقلقني ليه ؟ طيب نكلم ليله
عسال….نكلمها نقولها ايه يعني لو عملت كده هتقولنا اه
فضل…..اه مش هي مبتحبش الكدب
عسال….بس لو عايزه تنتقم من عشري مش هتتكلم يا فضل بقولك ايه انا هروح علي هناك الاول اشوفه يمكن محصلش بينهم حاجه ومشي
فضل….طيب استناني انا جايلك
عسال….طيب يلا متتأخرش
نادين….ايه اتصل علي ليله اسألها
عسال….مش عارف يا نادين ماهي ممكن تقولك عرفتي منين
نادين….يا سيدي تقول اللي تقولوا المهم نطمن او حتي هقولها ان كلكم بتدورا علي عشري و اشوف لو حاول يشوفها او قابلها كده يعني
عسال….طيب جربي كده
اتصلت نادين علي ليله لقت موبايلها هي كمان مقفول
نادين….مقفول هي كمان هتصل علي نعيمه
اتصلت علي نعيمه سألتها عن ليله
نعيمه….ليله نايمه يا نادين بس ميتهيأليش تعمل حاجه زي دي اكيد في حاجه غلط
نادين…..طيب تقدري تصحيها تسأليها
نعيمه…..ماشي هجرب بس هي واخده العلاج بتاعها و اكيد المنوم فصلها خالص
نادين….يا ستي جربي
نعيمه….طيب خليكي معايا
راحت نعيمه خبطت بهدوء و دخلت كانت نايمه بجد
نعيمه….لولي لولي ليله
ليله…هااا
نعيمه….ليله معلش اصحي لحظه ركزي معايا عشري الشباب بيحاولوا يوصلوا ليه و مش عارفين و موبايله مقفول
ليله…ووانننا مممالي
نعيمه….ماشي يا قلبي انا اقصد مشوفتيهوش محاولش مثلا يقابلك يكلمك
ليله….نننعيمه اخخرجي وسبييني اننام ملييش دعووه بيه.
نعيمه….بتنهيده قامت وسابتها سمعتي
نادين…..طب ايه ؟
نعيمه…..معرفش طيب خلي عسال و فضل بعملوا زي ما قالوا يروحوا يشوفوا
نادين….طيب اقفلي هنشوف هنعمل ايه
نعيمه….هكلم فضل انا و اشوف لو عايزني معاه
نادين….اوك باي بصت لميدو اللي كان عمال بحاول يتصل بيه بقولك ايه تعالي نروح طيب نشوفوا
عسال…..لا خليكي انتي انا نازل
نادين…طيب هاجي معاك
عسال….مش هتيجي و مش هتدخلي اقسام تاني خليكي وانا هطمنك
نادين….طيب ماشي .
نزل عسال و علي اخو عشري سمع فضل و عرف اللي حصل و راح معاه من غير ما يعرفوا اي حد
وصل عسال قبلهم و هما وصلوا بعده بشويه لمحوا عسال واقف و معاه سلامه اللي نزل راح لعسال.
فضل….ايه يا عسال عرفت حاجه
عسال…..بابتسامه صدمه عشري جوه زي ما توقعت
علي….ازاي يعني حصل ايه مش فاهم
عسال….حكالهم اللي حصل في مكالمه عشري ليه و حكالهم اللي عرفوا و سبب المشكله .
علي…..بصدمه ابتسم دي طالعه قادره بجد
فضل….طب وايه هنسيبه يعني يعني ايه مش هينفع يخرج
عسال….الظابط اللي جوه ظابط نبطشي ميقدرش يخرجه الوقت و قالي الشباب اللي معاه مس راضين يتنازلوا و المفروض انهم هيتعرضوا علي النيابه الساعه واحده لو قدرنا نقنعهم يتنازلوا بأي طريقه و يتم تصالح هيخرجوا كلهم و مش هيروحوا نيابه ولا حاجه
فضل….طيب يخرج بكفاله حتي او بضمان محل اقامته
عسال….بقولك مش هينفع ده ظابط نبطشي و بعدين الساعه ثلاثه لازم نستني و لازم ليله تغير اقوالها كلمت نادين قالتلي ان هي ممكن تقدر تقنع الشباب لانها تعرفهم و هتقولهم انها خطيبته فعلا بس زعلانه منه و قالتي هتكلم الظابط بكره
فضل…..بس ليله كمان لازم تيجي تخرجوا
عسال….انسي ليله خالص هي اللي دخلتوا بنفسها و انا قولت لعشري بلاش و هو الله اعلم استفزها ازاي
علي…..طيب اخوها اكيد يعني لو جه وقال انه اخوها و اكد بتفسه انها خطيبته هيبقي الموقف بسيط شويه كمان نعرض علي الشباب مبلغ و نحاول نراضيهم
سلامه…..كده كده حتي لو كل ده هيحصل لازم نستني للصبح
فضل….طيب انتوا شوفتوا
عسال….بضحك شوفته و حالف ينفخها
علي….بضحك و الله متخيل منظره
سلامه….بقولك ايه محدش فيكم يقول قدام ابوه وامه
علي…..لا مش هنقول لحد خالص يخرج بس هو الصبح علي خير
عسال…..بضحك المشكله ان هي خدت من موبايله وهي ماشيه عشان ميتصلش علي حد
فضل….بصحك الله يخربيت عقلك يا ليله طيب ايه هنعمل ايه
عسال….بضحك ولا حاجه هنروح و نيجي علي عشره او 11 قبل ما يروحوا النيابه و هات معاك محامي و نادين هتيجي تحاول تقنع الشباب و بردوا هنشوف و ليد كده عشري قالي انها صالحته انهارده و طلب مني لو مرضيتش تيجي هو يجي يقولهم انها خطيبته
وقفوا الاربعه فطسانين من الضحك وعارفين ان عشري هيخرج يطين عيشتها
روحوا و علي الساعه عشره ونص كانوا موجودين الاربعه و معاهم نادين و المحامي و ليله ولا هنا نايمه في سابع نومه.
دخل وليد و نادين و المحامي و علي اخوه والباقي دخلوا بس وقفوا بعيد شويه حاولوا بكل الطرق يقنعوهم
و حاولت نادين تقنع الشباب و عرفتهم ان ليله بتمر بأذمه نفسيه و اكيد هما شافوا حالتها و قالتلهم انها مش في وعيها و ليد كمان اخوها اتكلم معاهم و مع المحامي اللي معاهم و المحامي كمان اتدخل و طلب انهم يتنازلوا وبتم التصالح و اللي هما عايزينه موافقين عليه بعد ما اقتنعوا خلاص قرروا انهم يوافقوا عشري شكرهم و اعتذر و حاول يراضيهم بهدوء و طلب منهم يقولوا التعويض اللي عايزينه
بس طلعوا شباب محترمه و قدروا الموقف و رفضوا اي تعويض ماي و تم التصالح و من عشره ونص لحد الساعه واحده و هما هناك و بعدها خرجوا.
خرج عشري بره و في وسط الشارع بص لوليد كان مش طايق نفسه
سلامه….بضحك اجيبلك عيش وحلاوه
عشري….بص يا تروح يا تقف ساكت عسان والمصحف با سلامه هدخل تاني جوه بس المرادي وانا قاتلك
ضحكوا كلهم و وليد كان عمال يضحك
عشري….بابتسامه غصب عنه بص انا هروح الوقت اطين عيشه اختك وده براك يا معلم اخنا علي معادنا بليل تمام بس اللي هقولوا متاخدهوش بصفة جد و والله العظيم لا هخليك تشوف بنفسك يا وليد ان اختك بتحبني
وليد….بضحك طب قولي هتعمل ايه
عشري….كل خير هقولها اني رفعت الرايه البيضا و اني خلاص مش هقرب منها تاني و كل شئ قسمه ونصيب مش هي بتقول مش عبزاني يلا خلينا بقي نشوف رد فعلها بس اسمع وربناااااا ياوليد ما هسيبك اختك انا انام مع عشرين نفر في اوضه اربعه متر انا يحصل فيا كده لا وانا سايب كل حاجه امبارح و عمال اللف وراها من غير اكل وشرب دي يومها اسود
وليد….بضحك حقك عليا هأكلك و افطرك
عشري…..تأكلني ايه انا عايز اخد دش يا نهار اسود ومنيل ده انتي يومك مهبب يا ليله
علي….بضحك خلاص يا ولد ابوي طب والله دمها خفيف
عشري….علي اخوي الكبير انت بلاش تحرق دمي معاي و لا معاها انت
علي….بضحك الصراحه معاك و كده هي واحد صفر
عشري….برده اليوم ليها هاتريك لما تبجي مرتي والله العظيم لا هطلعوا علي عينها
وليد….بضحك لا بقولك ايه دي اختي هاااا
عشري….اختك طلعت عين اهلي دي خدت الموبايل القادره عشان متصلش بحد ينجدني و مش حافظ غير رقمها اتصل عليها تشغلي انا يا وليد اغنيه مسيطره
كلهم فطسوا من الضحك و نادبن كانت واقفه ميته من الضحك علي منظره
عشري…..اضحكوا اضحكوا ليكم يوم ودوني ليها يلاااات ودوني ليها عشان اخد حقي وينها سيارتي
عسال….بضحك اهي ياعم مفتاحك معاك ولا خدته هو كمان
عشري…لاه معاي لو خدته كان زمانها باعتها خرده طلع شيطانها كفار صدق
وليد….بضحك طب خلاص اعصابك بقولك ايه الحلاوه هتظبط السكر معاك
عشري…..طب اقوله ايه ده كمان
وليد…..عشان تصدقني و تعرف اني كان معايا حق و الله يا عشري ليله لو ما اتحبست كويس و عينك سهيت عنها شويه يا انا وانت و الشباب هنبقي في زنزانه واحده علي نفس البورش والبنات في الزنزانه اللي جنبنا و مش هنلاقي حد يجيبلنا عيش وحلاوه
عشري….بابتسامه شر احبسها ده انا هسلسلها بتقول عني بلطجي ماشي يا بلطجيه خلتني مسجل خطر صدق
كلهم ضحكوا و بعدين اتحركوا راحوا عليها
وللحديث بقيه…..
