لقاء كارثي
(لقاء كارثي)
لقاء كارثي
أميره أسامه
صاحبة البطل الواحد
~° البارت الثاني عشر°~
……………
الشباب في الڤيلا كانوا متحمسين جداً
و كل واحد فيهم كان بيعمل حاجه
فضل بره ماسك في عربيه ايمي و حالف ما يسيبها غير وهي شغاله.
حسان و سلمي و نعيمه و ايه وسلامه
فضلوا يخرجوا في المخدات و خدوا ركن جانبي قريب من الباب و عملوا قاعده جميله و خرج معاهم عشري وفضل يجيب رمل من بره هو والشباب و دخلوا فردوا في نص القاعده علي شكل دايره مش كبيره اوي و بعدين جاب خشب رصوا فوق دايره الرمل عشان لما يولوعوا النار
المكان كان جاهز للقاعده بتاعتهم و طلع بعدها عشري جاب الشيش من الشنطه و خدهم منه سلامه غسلهم و ظبطهم وبعدين خرجوهم بره
اما رشيد كان قاعد علي كرسي البار مع ايمي وهي بتعمل الاكل و عاملين يتكلموا
دخلوا الشباب مره تانيه علي جوه بعد ما ظبطوا كل حاجه.
رشيد…..ايه خلصتوا بره
حسان….اه كله تمام مش ناقص غير نخرج نقعد
ايمي….مفيش اخبار عن فضل
عشري….اهو عمال يحاول بس متقلقيش خلاص فضل حط الموضوع في دماغه يعني انسي
رشيد….انت بتشتغله صح ؟
عشري….لا والله أبداً كنت بتكلم جد
رشيد….الموضوع صعب وكبير يا عشري بلاش تعشمه
عشري…..ده حلمه و انا مش بعشمه بحاجه مش هقدر عليها متقلقش
رشيد….والله لو هياخد الموضوع جد أنا معاكم اهو علي الاقل نخلص من زنه
ايمي….علي فكره هو مشروع حلو اوي وناجح بس هو محتاج دماغ
عشري….فضل دماغه حلوه وحابب الموضوع علي فكره بس المشكله ان في شغل كتير عندنا يعني محتاج حد يكون متفرغ ليه و فضل لو المشروع ده اتعمل مش هشوفه في الكافيهات
ليله….هو مش انت قولت في ناس كتير معاكم غير اخواتكم يعني هتظبط اكيد
عشري….هتظبط أن شاء الله نخلص بس من فرع معرض السيارات التاني وبعدها ربنا يحلها
ايمي…..ربنا يوفقكم أن شاء الله
رشيد….بابتسامه بنات صحيح انا في سؤال في بالي هموت واسأله بس تردوا بصراحه
ايمي….سؤال ايه ؟
رشيد….في حد فيكم كان معترض أو مش حابب فكرة أننا نفضل معاكم بعد ما اضطرينا نفضل بسبب الجو
ابتسمت سلمي بصدمه
ليله….بضحك اه في سلمي
ايمي…..بابتسامه سلمي الوحيده اللي كانت معترضه
رشيد….ده بجد
سلمي….انا لا
حسان….ابتسم ورفع حاجبه مكنتيش موافقه
سلمي…..كدابين علي فكره متصدقهمش
ايه….انت بنت خالتها و بقولكم كانت معترضه
سلمي…..اه يا جزمه
حسان…..طيب اعترضتي ليه
سلمي….والله مش زي ما انتوا فاهمين كل الحكايه مكنتش اعرفكم و كنت شايفه الموضوع مش حلو بس مش اكتر
ايمي….بضحك لا كانت خايفه
سلمي….بضحك و إحراج علي فكره انتي رخمه بجد
رشيد…..طيب كنت خايفه مننا ليه
سلمي……والله مش عارفه يا رشيد بس يعني اكيد اي حد مكاني كان هيقلق البلد كلها بايظه ومفيش حد.حوالينا و معانا ست شباب واحنا ست بنات فا خوفت منكم بصراحه بس انا مكنتش اعرفكم يعني
رشيد…..طيب و الوقت
سلمي….لا خلاص الوقت اكيد يعني بيتهيألي اتعرفنا عليكم وعلي شخصيتكم و بجد انتوا محترمين كملت بضحك بس بجد انا ليه السؤال ده جه في دماغك
رشيد…..بابتسامه والله مش عارف
سلامه….طيب مصعبناش عليكي نمشي في جو زي ده
سلمي….لا اكيد بس يعني ده كان في وقتها بس و اكيد يعني كان لازم يكون في حل
حسان….طيب مين اللي اقترح أننا نفضل
ليله…..انا وايمي مع بعض يعني كنا بنتكلم وقولت انا بفكر في حاجه قالتلي انا تقريباً فهمتك و عارفه هتقولي ايه ولما فتحت الموضوع قالتلي انا كنت عايزه اقول كده لان مش هينفع
رشيد….ام قلب حنين دي
سلمي….بضحك عاجبكم كده يا جزمه طلعتوني انا الشريره اللي في وسطكم
رشيد…لا خالص والله و علي فكره حقك تقلقي
حسان….علي فكره انا توقعت اصلا اول ما رشيد سأل أن انتي اللي هتعترضي
سلمي…ليه بقي
حسان….مش عارف بس باين علي شخصيتك و مش قصدي حاجه وحشه والله اقصد يعني انتي من الأشخاص اللي بيقلقوا شويه و نادين كمان
ليله….لا علي فكره نادين معترضتش قالت أنا مش فارق معايا المهم يكون في حل عشان محدش يتأذي
عشري….بابتسامه جميله طيب وانتي ليه بقي اقترحتي الاقتراح ده
ليله…..يعني انتوا في الاول اتحملتونا و لما الجو باظ خالص مقدرتش بصراحه لأن احنا قبلها كنا جايين من نفس الطريق وشايفين البدله و مكانش لسه الجو باظ كده فا كان صعب اعرضكم للخطر
رشيد….بس سخنتي انتي علي عشري
ليله….بابتسامه عشان استفزني بصراحه و اضايقت منكم لما سمعتوا كلامه اصلا قولت ايه ده هما ساكتين و ماشين وراه ليه ده هيموتهم
رشيد….مش حكايه ماشين وراه بس هو لما طلع فوق قال مينفعش نفضل معاهم في البيت هما مش هيبقوا مرتاحين و كمان الوضع مش حلو في النهايه انتوا بنات لوحدكم يعني كان مصمم عشانكم بصراحه و في النهايه اقتنعنا بكلامه الوضع مكانش احسن حاجه
حسان….وكمان حطينا احتمال لرفضكم في النهايه لو رفضتوا احنا مضطرين نمشي
سلامه….واصلا عشري قال احنا مش هقول تيجي منهم هما
ليله….لا والله عايزنا نتخايل عليكم كمان
عشري…..لا مش تتحايلوا بس لو انتوا اللي عرضتوا علينا يعني مش مجبورين لكن لو احنا طلبنا و انتوا شايفين أن كل حاجه متقفاه ممكن توافقوا غصب عنكم و كنت عامل حساب لقلقكم علي فكره زي ما حصل كده مع سلمي
حسان…..و لاحظنا احنا علي فكره اول يوم كان باين عليكم التعب ومع ذلك محدش فيكم طلع ينام
ليله…..صراحه انا كنت فاصله لاني مكنتش نايمه قبلها بيوم يعني كنت مطبقه غير السواقه بس عشان سلمي ترتاح و متبقاش متوتره قولتلها اللي عايز ينام ينام و انا هنا و ايمي قالت انا كمان هنزل تحت وقاموا براحتكم
نعيمه…..محدش فينا كان يعرفكم و ده كان طبيعي في النهايه احنا بنات و لوحدنا و في وضع صعب زي ده يعني كان في خوف منكم بصراحه
رشيد…طيب والوقت يا نوني
نعيمه….بصراحه لا يعني انا عن نفسي مشوفتش منكم غير كل احترام علي فكره انا كمان كنت معترضه شويه بس مش اوي زي سلمي يعني لما ليله وايمي أتكلموا معانا شوفت أنه فعلاً مينفعش و بصراحه لو كنتوا مشيتوا كنت بحس بالذنب
حسان….بأبتسامه طيب انا عندي سؤال تاني خالص
سلمي….بضحك حاسه اني عرفته علي فكره
حسان….طب قولي
سلمي….مش عارفه هيطلع صح ولا لا بس توقعت انك تسأل يعني لو سالم ظهر الوقت هنعمل ايه
ابتسم حسان و رفع كفه ضرب كفها
حسان…..صح فهمتيني لو سالم ظهر يا بنات هتبقول عايزنا نمشي صح
ليله….يعني تروحوا مكان تاني
حسان….اه
ليله….بابتسامه وجرئه انا لا و هضايق
حسان…ده بجد
ليله….اه والله العظيم بصراحه خدت علي وجودكم يمكن تستغربوني بس يعني وجودكم مش مضايقني بالعكس يمكن يكون هو احلي حاجه حصلت بعد السفريه اللي باظت دي
عشري…..ده عشان مسلينكم يعني ولا عشان فعلاً خدتي علي وجودنا
ليله….الاتنين الرحله معاكم جميله و مش مزعجه يعني مفيش اي حد فيكم مسببلي توتر أو مضايقه منكم بالعكس زي ما نوني قالت كلكم محترمين و مشوفتش منكم حاجه وحشه يمكن وجودنا مع بعض في نظر الناس مش الطف حاجه بس انا واحده عمري ما عملت حساب للناس لاني عارفه انا بعمل ايه كويس فا الناس اخر همي في كل الأحوال بيتكلموا
حسان….طيب وانتي يا ايمي
ايمي….بضحك وهي بتعمل الاكل والله انا عادي لان لو مشيتوا هاجي معاكم بشنطت هدومي
نعيمه….شوفوا الواطيه باعتنا عشانهم
عشري….والله ايمي دي عسل عشان تعرفوا أن قعدتنا احلي من قعدتكم
ايمي….لا مش اوي كده صحابي بردوا بس زي ما البنات قالت يعني وجودكم معانا أولاً انا عن نفسي مطمني في الوضع اللي احنا فيه ده مش حاسه أننا لوحدنا باختصار حاسه بأمان ثانياً اليوم معاكم بيعدي يعني قعدتكم جميله وحلوه وخفيفه ثالثاً وده الاهم كل واحد فيكم بقي ليه مكانه في قلبي و حاسه اني اعرفكم من زمان
رشيد….بأبتسامه عموما انا اول واحد لو مشيت من هنا هاخدك معايا مش هسيبك
عشري…..لا والله واشمعني ايمي
رشيد….ما تطلع انت منها بقي
ضحكوا كلهم وابتسمت ايمي بهدوء وبصت لرشيد و بعدين رجعت كملت الاكل.
حسان….وانتي يا سلمي
سلمي…..بصراحه معرفش يعني انا شكلي انا كمان خدت عليكم مع اني عكس ليله شويه بصراحه انا بعمل حساب لكلام الناس لأن هما بجد مؤذيين اوي وكلامهم مش بيرحم في النهايه انا بحب أحافظ علي شكلي لأن مهما شرحت و وضحت وجهة نظرك مش بتتفهم صح
ليله….تولع الناس وقولتهالك الف مره الناس لو ملاقتش حاجه تتكلم عليها بتتكلم علي نفسها طول ما انتي صح سيبي الناس تتكلم كلامهم مش مقياس لتربيتك و تفكيرك والموقف اللي احنا اتحطينا فيه ده لو كنا رفضنا أنهم يفضلوا الناس كانت هتقولك بصوا سابوا الشباب في جو زي ده و عرضوهم للخطر و لو وافقتي وشرحتي سبب موافقتك مش هيبصوا علي انك خوفتي عليهم من خطر زي ده ولا هيشوفوا أننا اتجبرنا لأن البلد كلها قفلت الطرق يعني في النهايه محدش بيعجبه الحلو قبل الوحش اللي ممكن تعمليها فهمتي
رشيد….براڤو عليكي يا ليله انا زيك عمري ما فكرت في الناس ولا أدتهم اهميه
حسان…..شوفوا انا صراحه عاجبني اوي تفكير ليله وشايفها بنت جدعه وبنيت راجل وبحب انا الشخصيات اللي بيبقي اخر همها الناس بس كمان انا مع سلمي و فاهم كلامها لأن حقيقي كلام الناس مؤذي وجارح في النهايه لا انتي غلط ولا هي غلط
سلامه…..والله لو كل واحد يحط لسانه في بوئه و يبطل ينظر علي الناس و يتلهي في حاله الدنيا هتبقي احسن بكتير بس زي ما قالت ليله لو ملاقوش حد يتكلموا عليه بيتكلموا علي نفسهم واقرب ما ليهم
رشيد….أهلاً بالمهندس بتاعنا خلصت
فضل….بابتسامه اتقل
ايه….بضحك طب ايه البريمه لسه مجابتش زيت
فضل…..هتجيب متقلقيش بقولكم ايه انا عطشان
ايمي…..استني هجيبلك
عشري…..في امل ولا اصرف نظر
فضل…..بتهرب ولا ايه في امل طبعاً دقايق و عربية ايمي هتكون اشتغلت
عشري….دقايق ايه واثق
فضل….طبعاً
ليله….بقولك ايه يا فضل مش مهم عربيه ايمي خليك في عربيتي
ايمي….اه يا واطيه ماهي عربيتي لو مشتغلتش هتفضل عربياتكم محبوسه جوه
فضل….كله بيشتغل بعون الله أبشروا
سلمي….طيب هي عربيه رشيد وعشرين كويسين ولا هما كمان فيهم حاجه
فضل….لا كويسين متقلقيش
رشيد….عربياتنا عاليه اكيد متأثرتش
فضل….بقولكم ايه انا جعان هتأكلونا أمته
عشري….فيه ايه انت جاي من صحراء عطشان وجعان
فضل…..مش بشتغل بره
ايمي…..نص ساعه بالكتير وهتاكل يا فضل
رشيد…انا لو مكانك مياكلش غير لما العربيه تتصلح
ايمي….بابتسامه حرام عليك
في اللحظه دي وصل عسال و نادين علي البيت وقبل ما يدخلوا من باب الڤيلا الداخلي وقفت نادين وهي متوتره
عسال….بابتسامه ايه وقفتي ليه قولتلك انا اللي هتكلم
نادين…..مكانش لازم ننزل المايه خالص مش هنخلص منهم
عسال….بضحك مالكيش دعوه بيهم سبيلهم عليا انا
نادين…..اسيبهم عليك ازاي هو انت هتقول ايه اصلا اوعي تكون بتتكلم في حاجه من اللي قولناها
عسال….بابتسامه ماهما كده كده هيعرفوا
نادين…..ميدو لا عشان خاطري
عسال….يعني بذمتك سواء صحابي أو صحابك مش هيفهموا يعني انا قولتلك الشباب كلهم عارفين و اكيد فاهمين اني كنت بتكلم معاكي و كمان البنات فاهمين حتي ايمي وليله أتكلموا معايا علي فكره
نادين…..أتكلموا معاك طيب قالولك ايه وليه مقولتليش
عسال….لأن انتي مش محتاجه تتوتر اكتر من كده يلا بقي خلينا ندخل اللبس بتاعك غرقان وهتبردي
نادين….طيب ما بلاش انهارده
عسال….يلاااا و قولتلك متقلقيش انا هتكلم اوك
نادين ….اوك
دخلوا هما الاتنين نادين كانت هتموت من الاحراج مبتسمه وحاطه عينها في الأرض بتهرب من عيون صحابها عشان عرفاهم كويس.
عسال…..بابتسامه جميله و هو داخل عليهم مش لابس قميص مساء الفل
بصوا كلهم علي نادين وعسال الشباب مبتسمين ابتسامه واسعه والبنات مصدومين ومش فاهمين
عشري…..بضحكه جميله مساء العسل يا عسال
فضل….نزل المايه من علي بوئه ايه ده خير انتوا كنتوا بتشوفوا صرف البحر ولا ايه
رشيد….بضحك هو في ايه بالظبط
ليله….بت هدومك مالها انتي نزلتي البحر
رفع نادين عينها لفوق و بعدت عينها عنهم وهزت راسها بأيوه.
ايمي…..خرجت من جوه وهي مبتسمه
طب ايه البحر حلو
بصتلوا نادين ورفعت حاجبها وهي مبتسمه
ليله….ااااااه ده شكله حلو اوي
سلامه…..ابتسم وغمزله علي صدره العريان ايه يا عم طرزان خير
عسال….بضحكه جميله ايه خلصتوا حفله و مسرح و لا لسه
فضل…..لا هو انت لسه هتطلع مسرح بس لما تتكلم
ليله……عامل حساب المسرح يا عسال متقلقش هتطلع عليه انت و نادين يعني هتطلع
نادين….ااااا ايه مسرح ايه اااا مفيش عادي يعني كنت واقفه في المايه بس الموج عالي اصلا واتغرقت ومش معايا فوطه عشان مكنت عامله حسابي يعني فا ميدو اداني القميص بتاعه
البنات….في صوت واحد ميدوووووو
ضحكوا البنات والشباب ضحكوا عليهم و فضل عسال واقف بضحك
نادين….بهمس قولتلك مش هيسكتوا
عسال….بهدوء بصلها وابتسم قولتلك سيبكم منهم أنا هتصرف
نادين….طيب أنقذ الموقف قول اي حاجه وعشان خاطري اوعي تقول الوقت الموضوع اللي اتكلمنا فيه مش هنخلص
ليله…..خير يا ست نودي ما تشاركونا معاكم الوشوشه دي
نادين…..ااااا بت انتي اسكتي شويه و شوشه ايه انا بقوله اني ياريتني منزلت عشان عارفه انكم هتفهموني غلط بس يعني شكل المايه عجبني و مقدرتش منزلش
نعيمه…..لا والله
عسال….بأبتسامه طيب ايه خلصتوا عشان اتكلم و نخلص من المسرح ده بقي ولا ايه بالظبط
ليله…..خلصنا يا فنان المايك معاك
عشري…..ادينا واحده بصوتك الحنين بقي و هات اللي عندك
عسال….بابتسامه جميله و سعاده باينه علي ملامحه طيب ادام بقي اجيب اللي عندي هجيب اسمعوا
مسك كف نادين قدامهم كلهم و هي بتحاول تسحبه بهدوء و بصاله بصدمه و اول ما قبض علي كفها اوي بصت في الأرض وهي هتموت
بصوا البنات كلهم لبعض بابتسامه بصدمه وركزوا مع عسال
عسال…..من اللحظه دي نادين بقت في حياتي و هتفضل في حياتي أمته وازاي و ليه مش مهم المهم اني قدرت الاقيها
عشري…..بطل ياض والله العظيم
الشباب كلهم فرحوا وقربوا من عسال حضنوا و البنات كانوا واقفين يضحكوا و مش مستوعبين اللي حصل اصلا
سابت نادين الكل و طلعت جري علي فوق
ايمي…..دي هربت
ليله…..ورايا يا بنات
طلعوا البنات وراها بسرعه دخلوا وقفلوا الباب كانت واقفه قدام الدولاب و مش عايزه تبصلهم.
ليله…..انتي بتهربي مننا احكي يا بت
سلمي…..بابتسامه واسعه هو اللي حصل ده بجد انا دماغي عملت ايرور
نعيمه….يا بت انطقي مالك واقفه عامله زي التمثال كده ليه
نادين….بابتسامه و توتر واضح ايه عايزين مني ايه
ايمي….والمصحف اجيب الشبشب
نادين….بضحك لا لا خلاص
ايمي….احكي يابت حصل ازاي
نادين ….بتصنع عدم الفهم لعبت في شعرها اااا هو ايه
ليله…..ورحمه امي وابويا انا اللي هجيب الشبشب هو ايه يابت ده اللي هو ايه امال فين مش اللي مش هتقدر و طول الوقت بتهرب و كنا قاعدين نتحايل عليها تدي حتي فرصه تسمع خير ان شاء الله انتي بتلقطي اسرع من البلوتوث
نادين….بضحك بقولك ايه احترمي نفسك انتي وهي و بعدين كله بسببكم قولتلكم محدش فيكم يسيبني و محدش يديله فرصه يستفرد بيها
ايمي…..واستفرد بيكي يا بت
نعيمه…..ده استفرد و كتر كمان والموضوع في بحر و مايه و القادره مرجعاه من غير هدوم انطقي يابت عملتي ايه تاني
نادين….بضحك احترمي نفسك يا سافله وبعدين هو اللي اداني القميص عشان الفستان كان مبين هدومي لما اتغرق
ايه….لا وربنا انا الفضول هيموتني انتي هتحكي ولا اجيبلهم الشبشب
سلمي….بابتسامه جميله علي فكره انتوا رخمين سيبوا بقي مش شايفين مبسوطه ازاي
نادين…..والله انتي اللي حبيبتي
ليله…..يابت انطقي حصل ايه
نادين…اااااا مفيش اتكلم معايا و اتكلمنا في حجات كتير اوي و لاقيته فجأه بيتكلم معايا بكل صراحه و فضل يقنعني بخصوص موضوع السن و بصراحه حاولت اهرب منه كتير بس مدانيش اي فرصه و هو اللي خلاني اوافق
ليله….بابتسامه يعني حصل
نادين….بابتسامه هزت راسها اه
ليله….طب اقعدي هنا احكي كل حاجه بالتفصيل
ايمي…..عملتي في ايه الواد راجع طاير من السعاده
نعيمه….اصلا انا اتصدمت فيه بجد يعني جريئ و شكله بيحبك يا نودي والله بجد
نادين…..هحكيلكم اللي حصل كله بس باختصار عشان هموت والغير
ايمي…..مفيش اختصار احكي يلا
ليله…..انا عايزه اعرف اقنعك ازاي اصلا
ايه….يا اختي ما لديها فرصه انتي وهي
ليله…..هاتي الشبشب كده عشان اضرب ايه
ايه….بضحك لا لا خلاص ما تحكي بقي الفضول هيقتلنا
قعدت نادين و فضلت تحميلهم كل حاجه من اول ما خرجوا لحد ما وصلوا و ابتسامة البنات مكانتش مفرقاهم أبداً وبعد ما خلصت قامت ليله نكت فوقها و حضنتها.
ليله……بت والله شكله بيحبك اوي
نادين…..طيب انا عايزه اعرف منكم اللي عملته ده صح ولا مكانش لازم أقوله ايوه انا حاولت وكل ما احس انه اقنعني اطلعها بسؤال تاني و عقدهاله بس بيرجع يقنعني بطريقته مش عارفه بجد ازاي بيخلي اي حد يتأثر بكلامه كده
ايمي…..عشان بيحب بجد انا قولتهالك من الاول ونظرتي مخيبتش الواد ده راجل و قد كلمته يا نادين
نادين…..بس انا خايفه اوي يا ايمي
ايمي….يا بت خايفه من ايه
نعيمه…..لا دي عايزه جزمه مش شبشب نادين علي فكره يمكن الموضوع سريع و جه بسرعه غريبه بس عسال شكله بيحبك وباين علي لمعة عينه اوي
سلمي….علي فكره نعيمه معاها حق حتي انا حسيت أن الشباب كان عندهم فكره شكله اتكلم معاهم
نادين…..ايوه اتكلم وهو قالي
ليله….اه اتكلم اصلا قبل ما تخرجوا كان بيتكلم معايا انا وايمي و عشري كان واقف ومن كلامه فهمت أنه بيحمسه و انا معاه
نادين….طيب وعشرين قالك ايه رأيه
ليله….متكلمناش عشان كنا بنعمل حجات كتير لما مشيتوا بس عشري ملوش علاقه المهم عسال و بيتهيألي هو مش من النوع اللي يسأل عن رأي حد زي ما قالك
سلمي….صح هو واخد القرار
ايه…..طيب ايه انتوا كده مرتبطين خلاص
نادين…..معرفش
ليله….ضربتها علي راسها هو ايه اللي معرفش ما الجواب باين من عنوانه يابت انتي كنتي لما بتشوفيه بتبقي عامله زي الفار اللي خايف من الشبشب و بتهربي بسرعه و الوقت راجعه مبسوطه و نازله المايه و مسك ايدك قدام الكل وقالها صريحه
ايمي…..عارفين انا هموت واشتغل اغاني وافضل ارقص للصبح و الله العظيم مبسوطه اوي
نادين…..بضحكه جميله حبيبتي يا ايمي
نعيمه….طيب انتي ايه احساسك الوقت مرتاحه
نادين….ماهو انا خايفه اتكلم من ليله بصراحه موتراني والدها تقيله
ليله….بضحك لا قولي مش هضربك
نادين….انا مرتاحه ومبسوطه و حاسه اني طايره و الوقت اللي قضيته معاه كان زي الحلم خلص بسرعه اتكلمت وقولت كل اللي في قلبي و على قد ما كنت متوتره علي قد ما صممت اني اجي علي نفسي ومهربش تاني وبصراحه هو كل ما كان يحس اني اتوترت و عايزه اقوم اجري بطريقته يجبرني اكمل صدقوني انا حتي مش عارفه انا ازاي وافقت انا كنت عامله زي المغيبه المسحوره اللي تحت تأثير مخدر معرفتش اقاوم ويمكن ده اللي كان مخليني بهرب منه طول الوقت عسال عنده طاقه فظيعه تجذبك ليه من غير رما تحسي اول ما جينا وبدأت احس بحاجات غريبه جوايا من قربه ونظراته خوفت اتكلم معاكم عن اللي حاسه بيه
ايمي….طب ليه ومن أمته في بينا الكلام ده
نادين….معرفش بس قبل ما نتكلم خصوصا علي موضوع السن قولت اكيد بتقولوا عليا اتجننت و بصراحه انا نفسي كنت طول الوقت بأنب في نفسي واقول انا اكيد اتجننت اني افكر في عسال بالشكل ده ده اصغر مني بس صدقوني هو مسابش اي فرصه ليا للرفض و كأني كنت متحمسه وحابه اقول ايوه موافقه
وعلي قد ما انا الوقت مرتاحه ومبسوطه مش هقدر أنكر خوفي وده مش عشان اي حاجه بس يمكن مش عارفه هتصدقوا ولا لا انا كل العلاقات اللي مريت بيها مش هنكر أن كلهم في البدايه كنت متحمسه ومبسوطه موافقه اني ارتبط بس بعد شويه كنت بحس أنه لا مش هو ده اللي انا عايزاه وطول الوقت كنت بكتشف في عيوب بس لكن مع عسال الموضوع مختلف انا مبسوطه و مرتاحه وفي شعور تاني غريب جوايا مش هقدر أوصفه بصراحه لاني اول مره احس بيه انا في حاجه جوايا بتتسحب مني ناحيته بمجرد ما تشوفوا بس قلبي بحس أنه بيضحك ويمكن ده تشبيه غريب بس ده أقرب حاجه للوصف اللي جوايا طول الوقت بحس اني مش علي بعضي قلبي مش بيبطل دق عايزه اهرب منه وفي نفس الوقت محتاجه اكون جنبه
ايمي…..بابتسامه جميله مش قولتلك حبتيه
ليله…..بحب حبيته يا نودي و كل اللي انتي بتقوليه ده انا حساه اوي و مصدقاكي وحتي الوصف اللي انتي مش قادره توصفيه انا فهماه لاني حاسه اوي مع عشري عسال جدع يا نادين و بجد لو رجعتي تفكري في موضوع السن تاني تبقي غبيه
نادين….طيب اعمل ايه انا لحد الوقت حتي لو وافقت حاسه اني موضوع العمر ده جوه عقلي
ايمي….خليه جوه عقلك لحد ما يختفي شويه شويه
سلمي….بس انا عندي نصيحه ليكي يا نودي لازم تعمليها
نادين….قولي
سلمي…خلي موضوع السن جواكي انتي بس لحد ما تقدري تتخطي الموضوع بلاش طول الوقت تتكلمي معاه هو علي العمر ده لانه في النهايه راجل
ايمي….براڤو عليكي يا سلمي هي معاها حق الراجل هيبذل مجهود عشان يخليكي تتخطي حاجه زي دي وهو وعدك بس مقابل الوعد ده اوعي تحسسيه أنه أصغر لازم طول الوقت تحسي بقيمته و تكبيره اوعي تشوفيه أنه أصغر منك وانك كبيره عليه دي بتكسر الراجل و وقتها طاقته في بذل المجهود هتقل وهيحس انها ملهاش لازمه انسي الموضوع ده وانتي معاه ومش طول الوقت تفضلي تقولي اصل موضوع العمر اصلي مش قادره اصلي مش عارف ايه انسي
نعيمه….واتبسطي باللحظه مش بس تنسي انسي عشانك عشان تقدري تحسي بالعلاقه وتحسي بالحب نفسه انتي مبسوطه يا نادين و ده واضح عليكي عيشي بقي معاه بطريقه ترضيكي و ترضيه و تخليكم مبسوطين
ليله….لو قدرتي تعيشي كل يوم كأنه اخر يوم حب صدقيني حياتك كلها هتبقي جميله يمكن انا كنت من المعارضين علي موضوع السن بس بعد اللي عمله عسال ده و بعد الحب اللي شوفته في عينه صدقيني غيرت رأيي عسال كان محتاج اوي أنه يفرح و يمكن اكتر وقت حسيت عينه بتضحك هو الوقت عسال بيحبك يا نادين صدقيني
ايه….وبصراحه هو محترم و جدع وفي صفات كتير حلوه اتبسطي بقي وبطلب نكد علي نفسك
نادين …بحب حاضر هتبسط و هتبسط اكتر لما اشوفكم انتوا كمان مبسوطين ربنا يخليكم ليا
ابتسموا البنات وقاموا كلهم حضنوها بحب
و هما مبسوطين من قلبهم .
……………
قرب سلامه بسعاده كبيره من عسال باس راسه و بعدين ضمه بحب
سلامه…..ربنا يسعدك يا حبيبي
عسال….عقبال ما افرح بيك يا كبير بص علي عشري لقته باصص عليها بابتسامه جميله ايه يا عم
عشري….فرحان و مبسوط عشانك اوي
عسال…..عارف والله
رشيد….طيب قولي هي مبسوطه يعني ولا قالتلك هتفكر ولا ايه بالظبط
حسان….انت مش شايفه مبسوط ازاي وبعدين هي كمان مبسوطه و باين انها مكسوفه يعني
رشيد….عارف بس بطمن عشان عارف عسال متمسك بيها وخلاص هي في دماغه و مش عايز بعد كده يحصل أي خلاف في الموضوع ده و هو اللي يزعل
عسال….اطمن الموضوع ده اصلا مش هيتفتح تاني انا عارف أنه هيفضل شاغلها بس انا هقدر اخليها تنساه خالص
رشيد….قدها يا ولا
فضل….افرح و اتبسط بقي و عايزين انهارده نحتفل
عسال….صراحه انا متحمس افرح بيكم انتوا كمان ايه محدش فيكم ناوي ولا ايه بالظبط
رشيد….بابتسامه والله فتحت نفسي يا ابن الايه و خلتني اتحمست اكتر
عسال…طب ما تتحرك يا أبو الهول و انت يا عم العاشق
عشري…..انا قولت اول واحد علي فكره بس يعني ناقص اني أعلنها قدام الكل
حسان….افضل عشان هي تحس انك جد بيتهيألي المواضيع دي بتفرق جداً مع البنات قدام بعضهم
عشري….يا سلام وماله هعمل كده اكيد مع أن يعني هما فاهمين جداً و حتي ايمي بيتهيألي الموضوع واضح قدامها
فضل…طيب مش احسن لما تستني انت شويه لحد ما تظبط امورك
عشري….انا اموري متظبطه و واضحه بالنسبالي خلاص و بعدين استني ايه انا اصلا اعترفت ليها خلاص الموضوع بالنسبالي مجرد وقت مش اكتر يعني باختصار معتمد علي رجوعي
عسال….وانا واثق انك قد كلمتك يا عشري ليله شكلها اتعلقت بيك علي فكره زي ما انت اتعلقت بيها
عشري….عارف و متقلقش كله هيبقي تمام المهم الوقت خلينا في رشيد ايه ناوي
رشيد….بضحكه جميله ناوي بس أمته مش عارف خلوها تيجي بظروفها يعني انهارده كده نشوف الدنيا هتمشي ازاي
فضل…..المهم تأكلوني و لازم نحتفل
عسال….بضحك انت مالك وشك عامل حادثه ولا ايه
فضل…..ايه ماله مهبب
عسال…..بضحك اه خالص
فضل…..من العربيات يلا خليني اروح اخلص
عسال….وانا هطلع اخد شاور كده
سلامه…..اعملك حاجه تشربها يا فضل
فضل….أخيراً حد فيكم طلع عنده دم اعملي شاب يا ابني
سلامه…..يلا هعمل وجاي
رشيد….نهار اسود الاكل ايمي طلعت تعرف الاخبار وسابت الاكل
عسال…..بضحك طب الحق بسرعه
عشري…..انا خارج بره شويه هشرب سيجاره
حسان….محدش فيكم شاف الشاحن بتاعتي
رشيد….معرفش شوفه فوق.
حسان….تمام.
سلامه….اعملك شاي معانا
رشيد….اعمل ياعم
سلامه….ايه الاكل باظ
رشيد….لا لحقته
سلامه….بضحك لما تنزل قولها الاكل اتحرق
رشيد….ما انا هعمل كده خليني أخوفها شويه عشان تبقي تجري وتسيب الاكل
سلامه….طب ايه كلمني عن احساسك الدنيا تمام
رشيد…..بابتسامه اه تمام اوي
سلامه….امال ايه حسيت من كلامك انك متردد
رشيد…متردد ازاي
سلامه….انت قولت خلينا نشوف الدنيا انهارده يعني حسيت انك محتاج تعرف حجات اكتر
رشيد…لا بالعكس ايمي واضحه جداً علي فكره يعني من الشخصيات اللي تحس انها بتحكي وتقول كل حاجه و يمكن الفتره اللي قعدناها مع بعض حسيت اني عرفت عن كل حاجه و اني اعرفها من زمان شخصيتها جميله وتدخل القلب كده فجأه يعني مفيش تردد
سلامه…..طب ولما هو كده مستني ايه
رشيد…..مستني فرصه مناسبه يعني مش اكتر اكيد الموضوع مش هيجي خبط لزق و بعدين انا بيتهيألي اني لمحت لها و حسستها اني مهتم بس محتاج اعرف اكتر هي ايه
سلامه….انت حاسس ان هي مش مركزه معاك يعني ولا ايه اصل بصراحه انا شايف غير كده
رشيد…شايف ايه؟
سلامه….يعني أنها مهتمه باين اوي علي كلامها معاك و نظراتها حتي دلعها يعني بيبقي واضح يا صاحبي أن الست لو معجبه بشخص معين طريقتها بتبقي مختلفه معاه عن طريقتها مع الكل وبيتهيألي انت صايع يعني واكيد ملاحظ
رشيد…بأبتسامه هو من ناحية ملاحظ ملاحظ اكيد بس يعني اللي انا أقصده اللي بينا حتي لو قوي و واضح بس هو لسه اااا مش عارف اقولهالك ازاي يعني اللي أقصده هو واضح ليكم واكيد لينا بس كل ده بيحصل علي المتغطي بمعني أن هي مأظهرتش اكتر من كده ولا حتي عارف انت الطبخه اللي بتسيبها علي نار هاديه أوي و تستني كل ثانيه تستوي شويه اهو ده اللي بيني وبينها حالياً
سلامه….بضحك والطبخه بيتهيألي استوت ايه ياعم مستنيها تتحرق ولا ايه
رشيد….لا مش كده انا عموماً لحد الوقت خلاص مقتنع و زي ما قولتلك هي واضحه جداً بالنسبالي شفافه يعني وقلبها جميل و بردوا موضوع أهلها انا حبيت الناس دي و عايز ابقي فرد منهم ومتحمس كمان بس انا محتاج الشراره مش شراره الحب وكده لا شراره اللي هو في حاجه هتحصل أو تتقال أو تتعمل بعدها انا خلاص كده هقول
سلامه….يعني خلينا نقول انك مستني جرئه اكتر منها عشان تاخد الخطوه
رشيد…الله ينور عليك هي لحد الوقت بتلعب معايا علي المتغطي ابتسامات نظرات كلام عايز بقي اشوف الجزء اللي في اهتمام أو غيره أو حاجه من الحاجات دي
سلامه….بأبتسامه وماله مش عيب
رشيد….طيب سيبك مني انا بقي انت ايه ظروفك مع ايه
سلامه….زي ما قولتلكم قبل كده عادي يعني بص هي جميله بجد و روحها حلوه بس لسه مش لاقي اللينك ده اللي يخليني اشوفها بنظره تانيه
رشيد…لا يا شيخ امال لما كنا بنفطر زعلت و وشك قلب و مشوفتش يعني أنها بالنسبالك صاحبه أو اختك الصغيره انت قلبت و مرجعتش غير لما هي جابتك
سلامه…..بابتسامه هرش في رأسه مش عارف ماهو ده بردوا انا أستغربته علي فكره يعني حسيت كده بحاجه غريبه و في نفس الوقت مش متأكد
رشيد….طيب ايه رأيك نتكلم بصراحه اكتر بما اننا واقفين لوحدنا
سلامه….قول
رشيد…بأمانه كده انت عينك علي حد تاني
سلامه….من البنات يعني لااا ياجدع مش كده خالص الموضوع مش كده صدقني
رشيد…..مش عارف انا حسيت و عادي علي فكره لو في حاجه قول يمكن تكون معجب بحد و مش حابب تقول يعني عشان الشباب
سلامه….لا خالص انت فاهم غلط وبعدين هيبقي معجب بمين يعني
رشيد….اي حد انا مقصدش اسم معين بس انا بلاحظ انك بتقعد مع ايه وسلمي و نعيمه و بتتكلموا و حتي ليله و نادين ويمكن ايمي
سلامه….انت عبيط يا رشيد حتي لو في حاجه زي دي انت عارفني كويس يمكن اكتر حد شايف أنه جد انت وعشرين وعسال و مهتمين و وضحتوا ده اعجاب بقي تعلق حب مش هتفرق وحتي لو لاقدر الله في حد فيكم مكملش انت عارف خلاص الموضوع منتهي ده في حاله لو في اعجاب يعني خلاص اتحرموا عليا
بالنسبه لايمي وليله أولاً بعيداً عن السن هما مش استايلي أولاً شخصيتهم تجنن يعني مزيج حلو كده من قوه الشخصيه والجرأه و الجدعنه بس انا احب النوع ده صداقه اخوه مش اكتر
رشيد…طيب وباقي البنات نعيمه مثلا
سلامه….زيهم بردوا هي زي القمر و مفيهاش عيب بس بردوا شخصيتها قويه شويه مش معني كده أن استايلي الشخصيه الضعيفه لا بس انا ليا دماغ كده
شايفهم اكتر صحاب جدعه فاهمني و بعدين انا مطرقع وانت عارفني شخصيتي قويه لكن بطريقه مش جديه اوي يعني انا حد سلس مش شديد للدرجه ولا بحب النوع ده من العلاقات
رشيد….طيب ونادين
سلامه…..أن شاء الله هتبقي مرات اخويا و خلصت نادين زي القمر بت جدعه و تعبت كتير و قد المسؤوليه كيوت و في نفس الوقت بتعرف تقف علي رجلها بس مش مطرقعه حتي سلمي حلوه و شخصيتها حلوه بس مش التركيبه بتاعتي هي اعقل اكتر و انا مليش في الجو ده
رشيد….يعني ايه
سلامه….هي ايه بصراحه الاستايل اللي بحبه يعني مجنونه مطرقعه شوفت منها الجانب الجد والعصبي لكن في الحدود بتاعتي اللي انا بتعامل بيها بتعصب و بروق بسرعه دمها خفيف كلها طاقه و جدعه بردوا و مسؤوله رغم أن سنها صغير بس زي ما قولتلك مش عارف لسه يمكن فرق السن هو اه مش كبير بس انا حاسسها صغيره معرفش ليه
رشيد…يمكن عشان زي ما قولت مشوفتش منها الجانب اللي انت كاراجل محتاجه هي لسه بتتعامل معاكي كصديق و يمكن عشان ده انت اللي محدده ليها
سلامه….يمكن بردوا يمكن محستش منها بحاجه لاني محاولتش اشوفها بنظره تانيه
رشيد…طيب ما تجرب انت مش خسران حاجه في النهايه هي كلها علي بعضها عجباك جرب بقي تتعمق معاها شويه بعيد عن الجنان بتاعكم و شوف الجزء اللي بين حبيب وحبيبته
سلامه….طيب انت شايف ايه؟
رشيد….شايف أن سبحان الله كل واحد فينا مال اكتر للشخص اللي شايف أنه شبهه و يمكن لما سألتك عينك علي حد كنت قلقان بس الحمد لله محصلش ده معانا يعني أننا نبص علي نفس البنت
سلامه….لا خالص مفيش الكلام ده
رشيد….انا عموما رأيي أن انت وهي لايقين علي بعض اوي و بجد انتوا مع بعض كده حاله حلوه و طاقتكم جميله
و جرب انت مش هتخسر حاجه يعني مش هتجرحها في النهايه انتوا لسه مفيش بينكم حاجه و بعدين احنا شويه وهنقعد بره كلنا تقدر تسألها يعني كل اللي عنده سؤال فينا نسأله لبعض و الاسئله دي بتوضح أمور كتير عن الشخص اللي قدامك و بنتسلي
سلامه….تمام بص لفوق لقي ايمي نازله تجري
سلامه….حرقتي الاكل
ايمي …لا اوعي متقولش
سلامه….بضحك رشيد جري عليه يلا انا خارج ادي الشاي لفضل خليها تعمل بداله يا رشيد
ايمي…..هو اتحرق بجد
رشيد….الله الله علي ست البيت صاحبة المطعم الكبير اللي سابت كل حاجه وطلعت تعرف اخر الاخبار
ايمي…..بزعل قربت من البوتجاز والفرن انا نسيت خالص
رشيد….بابتسامه سند علي حرف البوتجاز قدامها بس انا لحقته اي خدمه
ايمي…..بابتسامه بجد شكراً انت مفيش منك و الله لو كان اتحرق كنت زعلت اوي
رشيد….لا يا ستي انا لحقته خلاص بس يعني انا عملت فيكي جميل وانقذتك
ايمي….بابتسامه دلع وقفت وربعت ايديها وانا قولت شكراً
رشيد….اسف مش كفايه
ايمي….بضحك امممم عايز ايه بقي
رشيد…والله كلك نظر بقي غمزلها بابتسامه جميله اللي يجي منك حلو
ايمي….بإحراج هو انا ليه حاسه ان الكلام مش مريحني
رشيد…بضحك حلو الذكاء بردوا بس يلا هيطلع اكرم منك وهكتفي بسيجاره من عندك
ايمي….بضحك سيجاره بس
رشيد ….بضحك والله لو في اكتر مش هقول لا انا قولت بس وشك احمر مبقاش رخم و كفايه سيجاره
ايمي……بإحراج بعدت وشها وهي بتضحك والله انت مؤدب
رشيد….طب والله ظلماني انا مؤدب خالص
ايمي….هنشوف
رشيد…..بضحك وممكن منشوفش عادي علي فكره
ايمي…..هو انت ممكن تمشي من هنا بقي وترتني
رشيد…عارف بس شكلك حلو وانتي متوتره علي فكره
ايمي…..انا اصلا حلوه علي طول
رشيد…..في دي عندك حق
ايمي…..امممم طيب ممكن تمشي من هنا
رشيد….اوباااااا بتطرديني من المطبخ
ايمي….أااااه بطردك
رشيد…طب ليه بس ده انا غلبان و عايز اقعد معاكي
ايمي……لو هتقعد بأدب و من غير ما توترني اقعد
رشيد…..ماشي مش هتكلم خالص هبص بس
ايمي….بضحك زقته من كتفها وضهره طيب يلا بره بقي
رشيد…الله الله طب خلاص يا ستي مش هقول حاجه تاني والله
ايمي….يبقي تقعد هنا بره علي البار
رشيد…بضحك حاضر
ايمي….وتمسكت
رشيد….هسكت
ايمي…..و متبصش
رشيد…..بغمزه هحاول
ايمي….بضحك هغرقك بالمايه
رشيد….ليه كده ده حتي رش المايه عداوه
ايمي…..أااه وساعات بتكون علاوة
رشيد….بأبتسامه اوبااااااا لا دي فيها كلام تاني
ايمي….بضحك خليك مكانك اياك تقوم
رشيد…اهو قاعد في مكاني بس يعني سيبي بقي اللي في ايدك ده وتعالي اقعدي هنا شويه
ايمي….لحظه هغسل الكوبايه واجيب مايه
رشيد…طيب يلا مستني
قربت ايمي من الحوض و غسلت الكويتيه وهي بتنزل الصابون و بتغسلها صباعها اتعور
ايمي….اااااه
رشيد….في ايه ؟ اتعورتي؟
ايمي….اااا تقريبا حرف الكوبايه مكسور
رشيد….وريني صباعك
ايمي….خلاص بسيطه بسيطه
رشيد….وريني طيب
مسك صباعها لاقاه اتفتح حاجه بسيطه و من غير اي تردد أو حتي حساب للفعل قرب صباعها من شفايفه وعض عليه بسنانه براحه وصلها في عينه وهو رافع حاجبه و بيغمزلها
اتصدمت ايمي وابتسمت وهي وشها جايب الوان و رغم جرأتها بس اتوترت اوي و اتلغبطت
ايمي…..ااااا بابتسامه صدمه انت مجنون اكيد
رشيد….بابتسامه ليه بس ده انا بخفف الوجع حتي
ايمي….اااا طيب اااا
رشيد…بضحك ايه مالك
ايمي…..مفيش امشي من هنا بسرعه
رشيد….مش لما اطمن علي صباعك
ايمي….بضحك رشييييييد
رشيد….الله يخربيت اسمي اللي حبيته فجأه ده عيون رشيد
ايمي…..علي فكره بجد انا اتوترت و حاسه اني عامله عامله امشي من هنا يلا
رشيد….بضحك ما انا قاصد اوترك عشان بيبقي شكلك حلو
ايمي…..بضحك هو انت عايز ايه بالظبط مالك انهارده
رشيد….مبسوط
ايمي…..وايه السبب
رشيد…..يعني عسال ونادين مبسوطين وانا مبسوط عشانهم وبصراحه كده شكلي غيرت منهم
ايمي….امممم طب ما تعمل زيهم
نزلت ليله في الوقت ده
ليله…..هما فين
ايمي….بره كلهم
ليله….اوك خرجت ليله وسابتهم وراحت تشوف عشري
ايمي….كنا بنقول ايه؟
رشيد…بتقولي اعمل زيهم
ايمي…..اه مش غيرت جرب عندك بقي عروسه ولا اشوفلك
رشيد….امممم انا بثق في ذوقك اوي لو عندك مفيش مانع
ايمي…امممم يعني معندكش ولسه بتدور
رشيد….لا عندي بس قولت اشوف ذوقك الاول
ايمي….وادام عندك عايز تشوف ذوقي ليه خليك واثق في ذوقك
رشيد….واثق طبعاً هي زي القمر
ايمي…اممممم حلوه يعني
رشيد….لا هي حلوه اوي يعني هي قمر عليها عين جابت امي الارض
ابتسمت ايمي بإحراج
ايمي….امممم حلو وايه تاني
رشيد…..شعرها جميل ملامحها تدوخ قصيره بس بطل
ايمي…..رفعت حاجبها وهي بتضحك هي مين دي اللي قصيره
رشيد….اللي عيني عليها مالك انتي اضايقتي ليه
ايمي….لا وانا هضايق ليه وانا مالي
رشيد…يمكن عشان كلمه قصيره وانتي قصيره
ايمي…..وانت بقي عندك مشاكل مع القصيرين
رشيد…بالعكس دول يجننوا كل حاجه معاهم سهله
ايمي….بضحك حطت أيدها علي وسهلا وبعدين بصتلوا انا قولت انت انهارده مش تمام و شكل كده سلمي كان معاها حق لما خافت منكم اهو ظهرت علي حقيقتك
رشيد…..بابتسامه وانا عملت ايه بس مش بوصفهالك وبعدين انا محترم مع الكل اسألي كده سلمي والبنات عملت ايه حاجه
ايمي…..انا شايفه وسامعه اهو مش محتاجه اسألهم
رشيد….ودي شهاده حلوه أن انتي بس اللي سامعه وشايفه
ايمي…..اااااا هو انت مش ناوي تخرج بره شويه
رشيد….تؤ
ايمي…..طب ليه؟
رشيد….عجباني الوقفه معاكي وبعدين لسه مخلصتش كلام ولا وصف
ايمي…..وانا خلاص مش عايزه اعرف يلا امشي
رشيد….معندكيش فضول تعرفي هي مين دي طيب
ايمي….بإحراج ضحكت لا معنديش ويلا بره بقي من غير مطرود
رشيد…ولا حتي عايزه تعرفي اسمها
ايمي…..رشييييييد
رشيد…..ااااااااه علي رشيد دي
ايمي…..مالك فيك ايه انهارده
رشيد…مالي
ايمي….غريب
رشيد….غريب حلو ولا وحش
ايمي….ااااا وحش
رشيد….كدابه حلو و شكلك مبسوطه
ايمي…..والله شكلي هرتكب جريمه عشان التوتر اللي انت عامله فيا ده
رشيد…..طب ايه رأيك نتكلم جد
ايمي….بضحك يا سيدي انا مش عايزه اتكلم معاك
رشيد….اوباااااا ده انا اكتشفت جانب مكانش ظاهر عندك
ايمي….ايه هو
رشيد….بتتكسفي واوي كمان
ايمي….وليه لا مش عيب
رشيد….مش عيب طبعاً و اصلا وترك وكسوفك ده عاجبني
ايمي…..اممممم مش خايف بقي اللي انت معجب بيها تزعل منك لما تسمعك معجب بتتوتري وكسوفي
رشيد….هي لو عرفت اصلا مش هتزعل
ايمي…..امممم طيب كويس
رشيد…..طب ايه ؟
ايمي….بضحك ايه انت ؟
رشيد….مش عارف اتكلم ولا اسكت
ايمي….اسكت وامشي ياريت
رشيد….هتبقي مبسوطه يعني لما امشي
ايمي….اه يلا روح
رشيد….بأبتسامه ماشي هروح بس هرجعلك تاني
ايمي…..مترجعش لا
رشيد…..من قلبك
ايمي….رشييييييد
رشيد….بضحك خلاص خلاص خارج
خرج رشيد وسابها ابتسمت ايمي و حطت أيدها علي قلبها
ايمي….بهمس يخربيتك يا رشيد وقفت قلبي.
…………….
ليله…..طيب هو كده مش تعب عليك وانت رايح جاي بين العربيتين كده ما تشتغل في بتاعت ايمي الاول وخلصها
فضل…..اتقلي بس والله لا اخلص ابوهم الاتنين
ليله….بضحك مع سلامه ده خلاص مصمم
سلامه….متحمس للمشروع
ليله…..طيب بقولك ايه عربيتي فيها ايه بالظبط
فضل….فاصله كهرباء و فيها صوت كده غريب بس بتشتغل متقلقيش البطاريه بس تكمل شحن و اشحنهالك عشان البطاريه نفسها كانت محتاجه تتشحن
ليله….مفيهاش حاجه تاني
فضل….لحد الوقت مش ظاهر تلقط بس و هنشوف بس خير يعني بتاعت ايمي خلاص هظبط حاجه كده واجربها وان شاء الله تشتغل
ليله….يارب يلا كملي انت
سألتهم ليله وخرجت بره تشوف عشري كان واقف يشرب سيجارته و بيلعب في الموبايل
قربت ليله من الباب الخارجي و مدت راسها بهدوء
ليله…..اجي ولا بتعمل حاجه
عشري…..تعال يا حبيبي
ابتسمت ليه بسعاده وقربت منه
ليله…..بتعمل ايه ؟
عشري….ولا حاجه بلعب في الموبايل و كنت بتكلم الشباب بشوف الشغل
ليله…..هما فتحوا
عشري….لا بس في كافيه منهم كان غرقان بشوف يعني عملوا ايه
ليله…امممم طيب تحب اسيبك تكمل
عشري…..لا طبعاً وادي الموبايل كمان يا ستي تعالي
قربت منه ليله حط أيده علي كتفها ضمها ليه وباس راسها
ابتسمت ليله و غمضت عينها وهي قلبها بيدق جامد و بعدين بصتله
ابتسم عشري وغمزلها و شال السيجاره من شفايفه حطها في شفايفها
ليله….ابتسمت ورفعت حاجبها و بعدين شالت السيجاره و ده ازاي بقي مش قولت مش هتشربني
عشري….بابتسامه جميله اه قولت بس قولت معايا هتعملي كل اللي انتي عايزاه يلا اشربي
ابتسمت ليله و فضلت لصاله ثواني و بعدين حطت السيجاره في شفابفها خدت نفس وسندت تاني علي صدره
عشري…..اااااااه
ليله….رفعت راسها وبصتله مالك ؟
عشري….بابتسامه ونظره طويله عملتي فيا ايه يا ليله؟
ليله….بابتسامه انا ؟! عملت ايه ؟
عشري…..انا اللي بسألك
ليله….ااااا مش عارفه انا معملتش حاجه
عشري…..لا عملتي و المشكله اني مش قادر اعرف عملتي فيا ايه
ليله….طيب اوصفلي احساسك يمكن اعرف
عشري…..جوايا لغبطه
ليله….لغبطه حلوه ولا وحشه
عشري…..حلوه وحلوه اوي و اول مره اجربها
ليله…..وانا كمان
عشري…..يعني حاسه بيا
ليله…اااا امممم حاسه بيك عشان انت كمان لغبطتني
عشري….وايه كمان
ليله…..لا حجات كتير مبسوطه و في نفس الوقت مضايقه و خايفه
عشري….من ايه؟
ليله…..يعني كل ما افتكر أن كام يوم و هنرجع تاني و اصحي الصبح فجأه الاقي نفسي في بيتي و انت مش معايا احس اني مش هقدر اتأقلم بسرعه
عشري…..هتصدقيني لو قولتلك أن ده اللي بفكر فيه حاسس ان وجودنا هنا مع بعض هيبوظ كل حاجه لما نرجع
ليله….يبوظها ازاي
عشري….فكرة اني اكون كل يوم بصحي اشوفك و طول الوقت مع بعض و بعدين ارجع تاني لحياتي الطبيعيه حاسس انها فكره متعبه شويه لأن التعود ده ادمان
ليله…..يعني وجودك معايا تعود
عشري….لا مقصدش كده بالمعني وجودي معاكي هو حب يا ليله انا خلاص عارف انا عايز ايه و عارف انا عايز اكمل مع مين بس لحد ما ده يحصل انا اتعودت خلاص علي وجودك فا صعب اني اتعلق بيكي اوي كده وفجأه متبقيش معايا غير في أوقات بسيطه اللي هي بتحكمها الحياه العاديه
ليله…..بس احنا هنشوف بعض اكيد صح
عشري…..لا هو ده اكيد بس انا واضح كده اني مش هقدر استني
ليله….تستني ايه؟
عشري….استني أننا نبقي مع بعض تاني
ليله….بابتسامه وهتحلها ازاي
عشري…..نرجع بس و دي بتاعتي ليله انا تعبت من اني ابقي لوحدي و خلاص محتاج ابقي مع الست اللي اختارتها و انتي اللي انا اختارتها و بقي صعب ارجع لحياتي الأولي وانتي مش فيها عشان كده انا بفكر أن الموضوع يدخل في الجد بشكل أسرع
ليله….بابتسامه توتر و صدمه ايوه بس يعني ده كده بشكل أسرع اوي
عشري…..اه ماهو اوعي تفكري أن هيبقي لسه في تعارف وقرايه فاتحه و خطوبه فتره و الكلام ده خلاص يا قلبي مبقاش ينفع
ليله….بضحك ايوه امال هنعمل ايه
عشري….انتي اخرك معايا زيارتين مره عندكم نتعرف فيها علي بعض و نقرأ فاتحه و التانيه في بيتي لما نتجوز
ليله…..متجوز !
عشري….ايه مش عايزه تتجوزي
ليله…بضحك عشري انت بتتكلم بجد
عشري…..ليه انتي شايفه اني بتسلي بيكي
ليله…اكيد. لا بس انا متوقعتش في البدايه انك تعترف بسرعه و لا الوقت اتوقعت أن الموضوع معاك يكون سريع اوي كده
عشري…..مانا قولتلك في بدايه الكلام عملتي فيا ايه معرفتيش تردي
ليله…..يعني انت بجد شايف انك مستعد انك تتجوزني
عشري…..انا لو كان ينفع اتجوزك هنا كنت عملتها بس انا مش هعمل غير الأصول و اللي يليق بيكي زي اي بنت في الدنيا هاجي تخبط علي بابك و هكلب ايدك و في نفس القاعده هنحدد الجواز
ليله…..بصدمه انت بتقول ايه
عشري…..هو انتي ليه مش مصدقاني
ليله….لا مش كده بس من غير ما تفهمني غلط انا عارفه انك مش بتتسلي و متأكده منك وواثقه فيك والا مكنتش هيبقي جنبك الوقت و موضوع السرعه ده كمان انا قادره الاقي ليه تفسير لأن انا كمان اتعلقت بيك في نفس المده بس جواز
عشري…..انتي شايفه اني متسرع في موضوع الجواز مش حابه يعني الوقت
ليله….اكيد و حابه بس انا بتكلم عنك انت انا مش متخيله أن الموضوع معاك خد الاتجاه ده بالسرعه دي قولت اكيد هتحب انك تعرفني اكتر ناخد وقت اكتر كده يعني
عشري…..لو عليا الوقت مش محتاجه بس كلامي ده مش معناه اني بمجرد ما هنزل هنتجوز عارف أن في حجات كتير لازم تتعمل بس يعني اول حاجه انا مش هستني عليها هي اني اتعرف علي اهلك وانتي تتعرفي علي اهلي و هاجي اطلب ايدك و نحدد المعاد طبعاً أنا مستعجل بس في النهايه هخلي موضوع المعاد ده قرارك انتي شوفي عايزه أمته وانا معاكي لو شايفه انك لسه محتاجه تتعرفي عليا اكتر معنديش مشكله بس علي الاقل نعمل خطوه و نحدد بعدها المعاد و خلال الفتره دي تتعرفي عليا اكتر بطريقتك
ليله…..اه بس لو كده هبقي معاك علي طول
عشري….وانا موافق لو عيزاني كل يوم اجيلك و نخرج موافق طبعاً
ليله…..عشري
عشري…..قلب عشري
ليله…..كل يوم و كل دقيقه بتعدي انا بتعلق بيك اكتر اوعي توجعي يا عشري
عشري….بحب قرب من راسها وبأسعار بوسه طويله كلها مشاعر مش هوجعك يا ليله خليكي واثقه فيا انا حبيتك و اتعلقت بيكي اكتر ما انتي اتعلقتي بيا انتي مش مجرد ست حل هو عجبتني و حابب اقضي معاها وقت انا عايز اتجوزك يا ليله عايز اكمل معاكي عمري
ليله….بسعاده وانا كمان يا عشري
عشري….بحبك
ابتسمت ليله و رجعت نامت علي صدره ضمها و خد من أيدها السيجاره خد نفس طويل و رجع حطها في شفافيها تاني.
قامت مره واحده وبصتله
ليله….عشري
عشري…..عيون عشري
ليله…..انا عايزه اروح البحر شكله حلو اوي و بعدين نادين وعسال راحوا يعني المكان بقي امان
عشري…..حاضر هوديكي بس ايه رايك نروح بكره و نقضي اليوم من أوله علي البحر كده كده شويه والشمس تروح و لسه هناكل و انهارده انا مجهزلكم قاعده حلوه
ليله…..تمام بس عرفهم عشان الكل يعمل حسابه
عشري…..تمام بس عشان نكون متفقين من الاول مفيش نزول مايه
ليله….لا انت بتهرج !!
عشري……لا والله بتكلم جد
ليله…..امال انا عايزه اروح ليه
عشري….عادي اقعدي قدام البحر في الهواء غيري جو العبي اجري اعملي اللي يريحك
ليله…..هو انا حابه من القاهره لحد هنا عشان اقعد
عشري….والله ده اللي عندي
ليله….بقولك ايه انت كده مزودها معايا
عشري….مين قال اني مزودها عايزني يعني اقعد و اشوف الهدوم لازقه عليكي وانتي طالعه من المايه
ليله….طب ماهو ده طبيعي وبعدين ما هو في اختراع اسمه كاش هلبسه اول ما اخرج
عشري….وهتلبسي ايه في المايه أن شاء الله
ليله….ايه السؤال ده اكيد مايو
عشري…..كمااااان مايو و ده قطعتين ولا قطعه واحده
ليله….لا واحده والله
عشري….صادقه صادقه
ليله….بضحك انت بتتريق؟
عشري….مش احسن ما اكسر راسك
ليله….علي فكره دي كده بقي مش غيره دي تحكم لان الطبيعي اني انزل البحر بمائة مش باب حاجه تانيه وبعدين ما البنات اكيد هينزلوا
عشري…مليش علاقه باي حد انا ليا علاقه باللي يخصني غيره بقي تحكم الاسم اللي يجي علي بالك سميه المهم اللي قولته هيتعمل
ليله….بدله عشان خاطري يا عشري
عشري…..بابتسامه بلاش الطريقه دي معايا مش هجيب نتيجه خصوصا لو بتكلم في الأصول وبعدين احنا في بينا اتفاق صح
ليله….بس علي فكره انت قولت أنك مش متشدد ولا متمسك بعادات ولا تقاليد
عشري…..انا مقولتش مش متمسك بس قولت اني متفتح اكتر
ليله….فين التفتح ده بقي أن شاء الله
عشري….والله لو الجمله دي معناها اني موافق تلبسي مايو و ماية البحر تفسر جسمك يبقي انا مش متفتح يا ستي
ليله…..تمام يا عشري اوك
عشري….شوفي انا مش عايزك تقولي تمام و انتي قالبه وشك انا مش برخم عليكي بس قدامك خمس شباب و انا اكيد مش هسيبك تنزلي قدامهم بمايو لو عندك حاجه احسن تنزلي بيها هطنش موضوع المايه شويه و هنالك و هقفلك بفوطه أو ماشي أو اي حاجه غير كده معنديش وده أخري
ليله…..طيب هنزل بأيه طيب هنزل بفستان ولا چينس ولا ببچامه نوم
عشري….والله دي بتاعتك انتي مصممه تنزلي هاجي علي نفسي عشان متفكريش اني بتحكم فيكي بس هتنولي بطريقه ترضيني عاجبك اوك مش عاجبك براحتك انا كده عملت اللي عليا
ليله….لا كتر خيرك
عشري…..رفع حاجبه و بصلها بنظره حاده عدي الجمايل بقي رجع تاني ضمها لصدره
فضلت ثواني وبعدين بعدت عنه
ليله…..وسع كده انا داخله
عشري….ايه قلبتي
ليله….ملكش دعوه بيا
عشري…..براحتك
وقفت ليله بغيظ و رجعتله تاني وقفت قدامه
ليله….تقصد أخبط دماغي في الحيط يعني
عشري….لا سلامة راسك خليها عليا انا انا اللي هكسرها شكلي
ليله…..بزعل هتكسر راسي
عشري….خد نفس من السيجاره التانيه اه عشان تسمعي الكلام
ليله….هو انا عايزه افهم انت ايه مشكلتك انا هنزل معاك وهفصل جنبك
عشري….حتي لو
ليله….خلاص اوك زي ما تحب حتي لو مش عايز تروح خلاص
عشري…..لا هنروح و هتتبسطي و مش عايزك تفضلي زعلانه
ليله…..ما هو انا عمري ما شوفت حد يروح البحر و ميقربش منه بس اوك اوامرك
عشري…..وبعدهالك يا ليله
ليله….انا قولت حاجه خلاص قولت طيب
عشري…..مانا مش عايزك تبقي زعلانه علي فكره
ليله…..خلاص خليها انت بقي بطريقتك
عشري….اه بترمي الكوره في ملعبي يعني
ليله….بابتسامه حاجه زي كده
ابتسم عشري وهو راسه و بعدين شدها من أيدها لحضنه
عشري…..شكلنا هنتعب مع بعض يا ليله
ليله….عاجبك ولا لا
عشري…..عاجبني يا ستي شوفي هتنزلي بس زي ما اتفقنا مايو لا عشان خاطري اتصرفي واكيد هتلاقي حاجه ينفع تنزلي بيها و في المايه تفضلي جنبي أو جنب البنات تمام
ليله….بابتسامه حب حطت أيدها علي صدره تمام.
وفجاه سمعوا صوت عالي
فضل….عاااااااااااااا
ليله….في ايه
عشري….الله يحرقك يا فضل الكلب صلح العربيه اكيد
دخلوا بسرعه سلامه كان واقف يضحك هو ورشيد و فضل واقف يتنطط و كلهم نزلوا بسرعه و خرجت ايمي
فضل….صلحتهاااااااا
ايمي….يا شيخ حرام عليك وقفت قلبي
حسان….يا ابن اللذينه دارت
فضل….دارت دارت
رشيد…..صالحها يا عم
فضل…..عليا النعمه يا عشري مش هسيبك
عشري….بضحك انا اللي مش هسيبك قطعت خلفي
فضل….صلحتها و هتنفذ وعدم
ليله….وعد ايه يا ابو وعد مش لما تصلح بتاعتي
فضل….بتاعتك بشحن البطاريه بتاعها و هتدور متقلقيش
ايمي…..طيب دورها بقي كده وخليها تتحرك
فضل…..أخرجها الوقت بره و هسيبها دايره شويه عشان البطاريه ترجع تشتغل كويس دي طلعت عين امي
رشيد….مع أن في اول مره جربتها بتاعت ايمي اللي كانت شغاله شويه ليله اللي كانت فاصله خالص
فضل…..في كذا حاجه فصلت فيها وغيرهم عشري كان معاه قطع غيار و علي فكره دي محتاجه تغير زيت انتي نسيانها ولا ايه
ايمي…..لا والله كنت مغيره من قريب
فضل….لا لازم تغير تاني و لازم الفلاتر كمان تتغير
ايمي…..تمام المهم تتحرك
حسان….بس الحجات دي لازم تتغير قبل ما نرجع
فضل…..انا هروح اشوف في البلد هنا متقلقش
عسال…..يا ابن اللذينه والله جدع و خلال عليك المشروع
فضل….طب ايه انتوا صحاب عالفاضي
عسال…..بضحك خلاص هفكر اشاركك بس مش الوقت نخلص من الافتتاح
فضل….المهم النيه يا عم انا موافق
ايه….طب ايه انتوا مش ناويين تأكلونا بقي
سلامه….ما تطلع تغير و تظبط نفسك بسرعه عشان نأمل شكلك بقي عمره
فضل….هكلع اهو كده كده عربيه ليله مفيهاش شغل كتير
عشري….طيب يلا بسرعه
رشيد….هات انا هخرج عربيه ايمي ويلا روح انت استحمي
فضل….تمام
نعيمه….علي فكره تحت العربيات لسه في شويه مايه وفي تراب
سلامه….هسحبهم و اظبط الدنيا بس لما يخرجوا العربيه الاول
ركب رشيد عربية ايمي و حطها بره علي جنب بره الڤيلا و سابها شغاله
وسلامه سحب المائه علي الصرف
عسال كان واقف عينه علي فوق نادين لسه منزلتش و كان قلقان تكون لسه متوتره من اللي حصل وعشان كده مش راضيه تنزل حتي مكانش لسه خد رقم موبايلها.
فات وقت بسيط والأكل كان جاهز ظبطت ايمي طبق لكل واحد فيهم و قعدوا جوه كلهم عشان ياكلوا كل واحد فيهم خد مكان اللي علي السفره اللي علي الكنب
ايمي…..كده كله خد ؟
ليله…اه كده تمام ناقص بس فضل و نودي
ايمي….هي نادين فين كل ده
نزل فضل من فوق بعد ما خد شاور و نضف.
فضل….فين اكلي
ايمي….بابتسامه اهو تعالي خد طبقك
سلامه…..نضفت
فضل….طول عمري يا واطي وسعوا كده خدوني جنبكم
ليله….ايه روحي نادي علي نادين الاكل هايبرد
ايه…..ما تنادي عليها انتي انا باكل
ليله….يا باااااي عليكي طفسه
طلعت ليله تنادي علي نادين فتحت الباب لقتها واقفه قدام المرايا بتظبط شعرها
ليله…..خير هنفضل مستنين النجمه كتير يلا عايزين ناكل
نادين….خلصتوا
ليله…اه يا اختي ومستنينك تقصي الشريط
نادين….بضحك بقولك ايه مش وقت رخامتك دي علي فكره انا متوتره
ليله….تاني انتي في ايه يا بت انتي مكنتيش كده
نادين…..حاسه اني عامله عامله والكل هيبقي مركز معايا
ليله….لا محدش هيعبرك اطمني كلهم بياكلوا ويلا اخلصي سي ميدو مستنيكي علي البار و مكلش لسه شكله مستنيكي
نادين…..ايه ده انا هقعد معاه
ليله….لا تقعدي جنب عشري وانا اقعد مع ميدو ما تخلصي وربنا انتي شكلك عايزه تأكلي بالشباب
نادين…يا باااااي الواحد ميعرفش يتكلم براحته معاكي يلا انزلي
ليله…..يلا اخلصي قدامي
نزلت ليله و نزلت وراها نادين و هي محرجه اوي ابتسمت بهدوء وهي بتبص علي الكل
راحت ليله جنب عشري وقام عسال وقف و يصلها بابتسامه جميله ابتسمت بهدوء وراحت قعدت وبصت في طبقها كانت لابسه چيب لونها اسود قصيره خالص و لابسه بلوزه لونها ابيض كت ليها ياقه و الصدر علي شكل سبعه ولابسه سلسله نازله في وسط صدرها شكلها كان يجنن وسايبه شعرها
عسال….اتأخرتي ليه كده ؟
نادين…ااااا كنت بس باخد شاور و كنت بلبس اااا بس انت مكلتش ليه
عسال….كنت مستنيكي
نادين….بابتسامه جميله لعبت في شعرها اااا طيب ناكل بقي
عسال….بضحكه جميله علي توترها ناكل بقي سكت ثواني وبعدين بصلها علي فكره شكلك حلو اوي
نادين….بابتسامه وهي باصه علي طبقها ااااا ميرسي انت كمان شكلك حلو
عسال….طب ايه مش هتبصيلي خالص
نادين….بتوتر ابتسمت وهزت راسها لا و بطل تبصلي انت كمان
عسال…..طيب اعمل ايه مش بمزاجي لو في حاجه احلي منك ابص عليها كنت عملت كده
ابتسمت نادين و كلت عشان متردش ضحك عسال وكمل اكله.
سلمي…..بهدوء حسان ممكن تديني المناديل
حسان…..لا
بصتلوا سلمي باستغراب بصلها وابتسم
حسان….ايه مش كنتي معترضه أننا نفضل معاكم مفيش مناديل
سلمي….بابتسامه وهمس بسيط علي فكره انت شكلك قلبك اسود
حسان….خالص بس انتي اللي شكلك طلعتي شريره شويه
سلمي…..لا والله مش كده
ابتسم حسان وقرب منها المناديل
حسان…..ماشي يا ستي انا عارف بس بهزر معاكي امسكي المناديل
سلمي…..اوعي تكون زعلت بجد
حسان….زعلت من ايه لا طبعاً وبعدين انا قولت أن معاكي حق بس بهزر معاكي
سلمي….طيب طمنتني
كل اتنين كانوا بياكلوا و مندمجين مع بعض و بعد وقت بسيط خلصوا كلهم اكل و قاموا يشيلوا الاطباق و طبعاً قربوا من نادين و عسال.
عشري….بابتسامه ايه كلتوا
عسال….الحمد لله
عشري…..طب ايه ناوي تفضل قاعد كتير كده ما تقوم و تسيبني قاعد مع نودي شويه
عسال….بأبتسامه بس كده ماشي يا سيدي وقف عسال وخد الطبق بتاعه و بتاعها و دخل علي جوه نادين كانت متوتره اوي
عشري…..ايه الاخبار
نادين….اااا الحمد لله
عشري….ما تيجي نخرج بره شويه
نادين…..اه اكيد يلا
قامت نادين وخرجت علي بره مع عشري و ثواني بالظبط وخرج رشيد وحسان كمان علي بره وراهم
عشري….أولاً يا ستي مبروك و انا اتبسطت عشانكم اوي
نادين…..بأبتسامه احراج ميرسي يا عشري الله يبارك فيك
رشيد…مبروك يا نودي
حسان….مبروك يا نودي
نادين….بضحك و هي وشها احمر علي فكره انا متوتره شويه بس الله يبارك فيكم
رشيد….و متوتره ليه بس هو في احلي من كده
نادين….اااا يعني مش عارفه بس يمكن عشان الموضوع جديد و كده
عشري…..المهم انك مبسوطه ودي اهم حاجه
نادين….اكيد مبسوطه بس يعني كنت بصراحه حابه اسمع رأيكم
عشري….رأينا احنا في ايه مبسوطين يعني طبعاً مبسوطين عشانكم انتي وعسال باين جداً عليكم انكم متحمسين و مبسوطين ودي اهم حاجه
حسان…..و لو فرضنا أن حد فينا مش مبسوط أو عادي بالنسبه ليه المهم انتوا
نادين…..لا مش كده بس يعني ديماً اللي بره اي موضوع بيبقي شايف اكتر فا عشان كده حبيت اسمع رأيكم
رشيد…..لو تقصدي رأينا في علاقتكم عموماً فا انا شايف انكم حلوين مع بعض و انتوا الاتنين واضح اوي انكم موافقين بس لو تقصدي حاجه تانيه واللي هي السن عشان نكون بنتكلم بوضوح اكتر فا دي كمان انا شايف انها مش مشكله.
عشري….علي فكره انا خدتك من عسال جوه عشان اتكلم معاكي في موضوع السن ده لاني باختصار عارف من عسال و من ليله ز حتي ايمي أن موضوع السن ده عندك في مشكله
نادين…..مش مشكله بالمعني الحرفي بس يمكن انا قولت الكلام ده انهارده لميدو لما اتكلم معايا انا امي وابويا في فرق سن بينهم سنه وشهر
حسان….مامتك اللي اكبر ؟!
نادين….ايوه و كان في البدايه في بينهم حب و توافق بس بعد سنين و بعد جواز بابا و حتي انفصالهم هو شاف أن فرق السن كان عليه عامل و حتي لما اتجوز اتجوز من ست اصغر منه بحوالي ثمان سنين يعني اصغر من امي فا مش هقدر اقول ان الموضوع ده عمل معايا عقده بس هو في بالي و مش هقدر أنكر ده ميدو شخصيته تجنن و عقله أكبر من سنه و يمكن لما حكي حكايته انا شوفته بنظره تانيه يعني راجل بجد مسؤول بيعرف يسيل الجميل ودي حاجه مهمه بالنسبالي و الاهم بيعرف ازاي يتعامل مع الست كل ده انا مركزه فيه و عجبني اوي بس طبيعي اني اخاف و اقلق و انا حياتي مكانتش سهله و لا كنت عايشه في بيئه أو محيط هادي بتحكمه عيله انا كنت لوحدي تماماً و كمان انا قولت نفس الكلام لميدو
انا عيشت مع جدتي و هي عمرها ما قصرت في اي حاجه تخصني بس مهما كان انا قضيت طفولتي و مراهقتي مع ست كبيره مكانش في غيري انا وهي بس و ده مش هنكر أنه اثر فيا لكن بردوا مسببش معايا اي عقد فا باختصار انا ضد فكره الارتباط بشخص اصغر مني لاني مش حابه اكرر نفس تجربه امي وابويا مش عايزه اتعلق بميدو و يحصل بينا ارتباط و فجأه في نص الطريق يكتشف فرق السن زي ما حصل مع ابويا
رغم أن كمان فرق السن بيني وبينه اكبر من امي وابويا فا انا خايفه وده طبيعي وبيتهيألي انتوا فاهمني صح
عشري…..طبعاً فاهمينك و حقك جداً كمان بس صوابعك مش زي بعضها يا نادين في علاقات كتير زيكم و فرق السن اكبر وناجحه جدا و مش شرط عشان في علاقه انتي عشتيها مع حد قريب منك كانت مش ناجحه انتي كمان علاقتك متبقاش ناجحه ده بيعتمد علي قوة الترابط بينكم
حسان…..كمان انا حابب اقول حاجه مهمه اوي انتي قولتي أن علاقتهم ببعض كان فيها حب وتوافق و مكانش موضوع فرق السن ده بيتحكي فيه غير بعد سنين او بعد ما تم الانفصال فا انا عندي وجهة نظر تانيه انتي قولتي أن والدك بيشتغل بره تقريباً في سفاره أو حاجه زي كده و كان وجوده هنا محدد يعني مجرد اجازات كل فتره و انا عندي رأي قوي في الموضوع ده بصراحه انا ضد أن الزوج يشتغل في بلد و مراته و ولاده في بلد تانيه لأن مع الوقت بيحصل بينهم فجوه و من غير ما الطرفين يحسوا بيحصل بينهم جفاء و بيتعدوا علي البعد و بشوف كمان أن لو حصل و الزوج قرر يستقر مشاكلهم بتبقي اكبر لأن فات سنين و كل واحد فيهم في بلد و مدة الاجازه بتبقي بسيطه يعني مش يلحقوا يعيشوا جو المشاكل ليخرجوا وبيسهروا بيقضوا وقت حلو مع بعض يعني باختصار هي اجازه دلع و هزار و راحه من الشغل لكن بمجرد ما بيقعد مش بيطيقوا بعض
لأنهم مجربوش يعيشوا المشاكل و المسؤوليات مع بعض فهمتي فا انا واثق أن سبب كبير من انفصال والدك مكانش سن زي ما انتي متخيله حتي لو والدك قالها اكيد ده مجرد تبرير لكن الحقيقه هو البعد اللي حصل بينهم
رشيد…حسان معاه حق الراجل يا نادين لما بيتجوز بيبقي وجود الست في حياته مهم و اكيد بعده عن والدتك خلي في عنده فرصه أنه يتعرف علي غيرها و حصل اعجاب و بطبيعة وجودها معاه في نفس البلد من غير ما يحس اتعلق بيها ولقي نفسه داخل علاقه جواز فا طبيعي الدنيا تتغير معاه
عشري……و حتي لو فرضنا أن السن هو كان العائق بينهم ده مش مقياس لحكمك علي علاقتك بعسال و انا هتكلم معاكي عن عسال و ياريت متاخديش كلامي ده علي أنه مقارنه بشخصيه والدك انا هتكلم عن صاحبي وعشره عمري اللي انا عارفه كويس بصي يا نادين انا مش من النوع اللي ممكن اطلب لصاحبي مع بنت يعني اتأكدي أن ولا كلمه تقولها هو عشان الهرك بشخصيه عسال لاني واثق أن مع الوقت انتي هتكتشفي ده و هتتبهري بشخصيته لوحدك عسال راجل لابعد حد ممكن تتخيليه لازم تعرفي أن الكلمه اللي نطقها قدام الكل أنه خلاص عرف هو عايز ايه وان انتي بقيتي معاه دي مش مجرد كلمه عاديه هو عارف هو فعلاً عايز ايه و مقرر
وعسال قد كلمته وقد وعده يمكن عشان اكون صريح معاكي عسال اتكلم معانا قبل ما يفتح معاكي الموضوع و كان باين اوي عليه أنه واثق من مشاعره
رشيد….عسال مش هيخرج كلمه من لسانه الا لو كان واثق منها
عشري….بالظبط فا هو عينه فضحته قدامنا كلنا و يمكن احنا صحابه و دي اول مره نشوف عسال في الحاله دي و انتي كنتي السبب في أننا نشوف جزء جديد من عسال عمرنا ما شوفناه
حسان…..مش هقولك أن عسال معرفش اي بنت لأن هو بنفسه قالها قدام الكل أنه اتعرف بس ولا علاقه استمرت و لا علاقه كان فيها حماس و لا علاقه عسال كان فيها بيتكلم جد و يمكن عشان كده علاقته كانت بتخلص بسرعه لانه مش حابب يطول في علاقه و يضيع وقته ووقت البنت اللي معاه غير وهو حاسس انه جد
بس عسال لما اتكلم معانا عنك يمكن الكل استغربه لانه متكلمتش بس عن اعجاب و انجذاب لا عسال اتكلم في علاقه حقيقيه اتكلم علي أنه خلاص بقي الشخص اللي هيكمل معاه حياته و بيتهيألي أنه يقرر من قبل ما حتي يتكلم معاكي أو يشوف رد فعلك علي طلبه ده معناه كبير هو عارف هو عايز ايه و كان واثق أنه هيقدر يقنعك
فا انا كل اللي طالبه منك زي ما قال كده عشري محدش فينا هيحكيلك علي مواقفه ولا يبهرك عشان انتي لوحدك هتكتشفي ده بس طلب منك تشوفي بنفسك وتركزي بس العديد خالص عن موضوع العمر ده اولا انتي زي القمر ومش باين عليكي فرق السن ثانياً انا واثق أن فرق السن عمره ما هيكون حاجز بينكم
رشيد…..عسال بتحب يا نادين عشرتة طيبه و خفيف علي القلب و عنده كميه حنان متتوصفش يعني يجبرك تتعلقي بيه واهم حاجه أن اي وعد هيوعدك بيه هيكون قده
عشري…..و يوم ما يحصل عكس كده وانا واثق أنه مش هيحصل اتأكدي أن وراكي اخوات انا والشباب مش هنسيبك هنفضل ديماً في ضهرك مع اني واثق أن عسال مش هيدي اي حد الفرصه أنه يحسسك بالامان لأن عسال هيكون ديما اماكن وسندك و كل حاجه
نادين….بابتسامه بجد انا مش عارفه اقولكم ايه يمكن كل الكلام ده انا حسته من عسال بس كلامكم طمني اكتر و كمان مبسوطه انكم متحمسين للعلاقه دي يعني محستش أن حد فيكم مضايق اوي حاسس ان عسال لازم يكون مع حد اصغر منه
رشيد….بالعكس أنا شايف أن عسال مع حد اصغر منه أو اكبر منه الموضوع مش هيبقي فارق لأن هو في اي علاقه هيكون الطرف الأكبر بعقله وقلبه صدقيني و هتشزفب بنفسك
عشري….المهم يا نودي مبروك اتبسطي متفكريش في موضوع السن ده خالص افرحي و فرحي عسال معاكي عشان هو يستاهل الفرحه اللي حاسس بيها وعايشها الوقت و كمل بضحك ورفع حاجبه و معلش بقي لو هنوصي حد فيكم علي التاني هوصيكي انتي عليه لأن هو مش هيقصر معاكي انا عارف
نادين….بضحكه جميله اطمن متقلقش عليه
حسان….ربنا يسعدكم و يوفقكم و أن شاء الله حياتكم من بعض هتكمل بالشكل اللي يرضيكم و هتبقي احلي ثنائي عاش قصه حب جميله
رشيد….مبروك يا نووودي
نادين….بضحك الله يبارك فيكم كلكم وبجد شكراً علي كلامكم الحلو ده فرحتوني بجد
قرب منهم سلامه و هو بياكل خيار
سلامه…..فرحتوني معاكم اشمعني نادين
عشري….ماتبطل طفاسه بقي انت مش لسه واكل
سلامه….تاخد حته
عشري…بضحك لا شكراً
سلامه…طب ايه بترغوا في ايه
رشيد….بنقول لنودي مبروك
سلامه….بابتسامه جميله و هو بيرقص بايظه مبروك يا نودي بقولك ايه بسرعه بقي عشان هموت علي فرح
نادين….بابتسامه الله يبارك فيك يا سلامه عقبالك
حسان…..طب ايه طمن نودي عندك مشكله او رأي في موضوع فرق العمر عشان هي كانت متوتره شويه من الموضوع ده
سلامه…..متوتره ليه بااااس لا بقولك ايه انا اخويا راجل مفيش زيه و عقله كبير متقلقيش و بعدين هو عارف هو عايز ايه و دي اهم حاجه العمر والكلام العبيط ده يتكلموا فيه الناس اللي عقلها صغير يا نودي و انتي عقلك كبير
نادين….يعني انت مش حاسس انك رافض أن ميدو يكون مع حد اكبر منه و شايف أنه مع حد اصغر احسن ايه
سلامه….لا طبعاً أولا لأن القرار في أيده و فكره السن دي مش في قاموسي انا كمان و بعدين عسال مينفعش مع حد اصغر لأن عقله كبير يعني لو دخل علاقه و اتجوز حد اصغر انا واثق أنه هيطلقها من الصباحيه مع أن يعني عسال عمره ما هتجوز غير لما يحب بس صدقيني هو عقله ملوش علاقه بسنه خالص و انتي كمان انسي الحوار ده وبلاش تتكلمي ديماً في حوار السن انسيه خالص اعتبري نفسك معاه طفله
رشيد….اهو يا ستي شوفتي حتي اخوه قالها
نادين…..ربنا يخليكم لبعض و بجد فرحتوني
سلامه….لا لسه هنفرح اكتر ولازم نحتفل بيكم
نادين…لا احتفال ايه بلاش والنبي انا متوتره لوحدي
ضحكوا كلهم علي نادين
سلامه ….أبداً لازم نحتفل و بقولك ايه تعالي كده عايز عايز اطردكم انتوا و البنات فوق شويه كده تظبط القاعده خلاص النهار بيروح
نادين….نروح فين؟
سلامه….تعالي بس
دخلوا كلهم جوه
سلامه….يا بنات من غير مطرود كده كلكم علي فوق معاكم نص ساعه بالكتير تعملوا اللي يعجبكم و بعدين انزلوا
ليله….ايه ده ليه ؟
ايمي…..اوعوا تكونوا هتاهدواوالعربيات وتهربوا و تسيبونا
سلامه….بص أللي نيتها وحشه دي
ايمي….امال بتوزعونا ليه
سلامه…..هنظبط الدنيا بره اكتر يعني نجهز القاعده عصير و حجات حلوه ونظبط الشيش يعني لزوم القاعده و انتوا اللي حابب فيكم يغير يظبط نفسه من الاخر كده حابب احتفل بعسال نودي
البنات….ايوووووه بقي
ابتسمت نادين بإحراج و بصت لعسال وهو مبتسم.
رشيد….يلا اطلعوا و شويه كده انزلوا
قرب عشري من ليله بهدوء وهمسلها
عشري…..لو هتغيري متلبسيش فستان
ليله….يا سلام حتي الفساتين ممنوعه
عشري…..عشان تعرفي تقعدي و بطلي تجادلي كتير عشان متبقاش ممنوعه ماشي
ليله….طب براحه شويه
عشري….ما انا براحه اهو انتي بس امسكي العقل شويه هااا
ليله….بابتسامه بردوا براحه
عشري….بأبتسامه جميله طب يلا اطلعي
ليله…..طيييب
طلعوا البنات علي فوق و بدأ الشباب يظبطوا كل حاجه في نفس الوقت فضل كان بيجرب البطاريه بعد ما اتشحنت و دور العربيه اشتغلت
فضل…..اشتغلت اشتغللللللت يا عشرررري جهز فلوسك
رشيد…بضحك الللللبس
عشري…..بضحك مكانش لازم اتسرع
عسال….طب ايه دورها كده وارجع بيها
فضل….طيب وسعوا يلا
عشري….بضحك انا مني لله
حسان….طب والله صعب عليا و يومه ضاع عشان يثبت لك
عشري….بضحك يلا ارجع
سلامه……طب نخرج باقي العربيات ولا ايه
رشيد…..اه عايز عربيتي انا وعشري بره احسن
سلامه….طيب يلا مفاتيحك فين يا عشري
عشري…..جوه فوق الثلاجه كل المفاتيح
سلامه….يلا هنخرجهم
خرجوا العربيات و رجعوا تاني عربيه ايمي جوه خالص كانت شغاله كويس و سابوا عربيه ليله دايره شويه عشان البطاريه ترجع تشتغل كويس وبعد كده ظبطوا الارض و نضفوا تحت العربيات اللي خرجت و ظبطوا كل حاجه و استعدوا لنزول البنات
و بعد وقت بسيط نزلوا الست بنات علي تحت و الشباب كلهم كانوا واقفين مستنينهم و مشغلين اغنيه هاديه عشان الشباب قرروا يطلبوا منهم الرقص معاهم
وللحديث…..بقيه….
