لقاء كارثي

لقاء كارثي
أميره أسامه
صاحبة البطل الواحد

~° البارت الثالث عشر°~
……………

نزلوا البنات لقوا الشباب كلهم واقفين و باصين ناحيتهم و مبتسمين و في مقدمة الشباب كان واقف عسال وسلامه و باقي الشباب الاربعه وراهم

ليله…..بأبتسامه ايه ده مالكم واقفين كده ليه؟

سلامه….بطريقه مضحكه حط كفه علي صدره بصفتي المتحدث الرسمي و بصفتي
منسق الحفله انهارده حبيت اشارككم انا والشباب افتتاح المكان بره و قولت يعني بما أن في مناسبه سعيده وهو اعلان ارتباط الاستاذ محمد عسال من الانسه نودي

ضحكوا البنات كلهم و ابتسمت نادين بكسوف

سلامه….يعني قولت أننا نبدأ حالتنا برقصها افتتاحيه ليهم و كمان قولت لو يعني البنات الحلوه دي تسمحلنا احنا كمان يشاركهم الرقصه

ايمي….بضحك يا سلام طبعاً طبعاً بس يعني عندي سؤال ليك يا استاذ سلامه بما أن حضرتك متعهد حفلة انهارده لو مفيهاش أزعاج يعني

سلامه….بطريقه جديده لكن مضحكه طبعاً طبعاً

ايمي….انت عرفتنا عليك ممكن نعرف بقي انت لوحدك المسؤول ولا انتوا تيم

سلامه…..لا طبعاً يا افندم احنا تيم كبير في خدمة حضراتكم زي ما قولتلك انا متعهد الحفله و تقدري تعتبريني كمان المرشد السياحي للمكان يعني لو حابه تتفرجي و اشرحلك كل تفصيله يعني علي سبيل المثال عندنا هنا قاعده عربي تاخد العقل وفي في وسطها نار عشان تساعد علي التدفئه اكيد حضرتك عارفه أن الجو بليل بيكون برد شويه كمان في شيش لو حضراتكم تحبوا تدخنوا و هنا في قاعده تانيه زي ما حضرتك شايفه ترابيزه وكراسي عشان لو مش حابين تقعدوا في الأرض

كمان هنا في شازلونج لو حابين تسترخوا واستمعوا موسيقي و بما اني ذكرت الموسيقي احب اقولك كمان اني مش بس متعهد الحفله معاكي اكبر d.g في مصر

ايه….بضحك d.g ساسو رررريمكس

سلامه….بطريقه جديده d.g سلامه ريمكس من فضلك الاخ ساسو زميل عزيز بس يعني في بينا مشاكل

ضحكوا البنات و الشباب كلهم علي طريقه سلامه.

سلامه…..المهم يعني في خدمه حلوه هتعجبكم اوي بالنسبه بقي التيم اللي معايا احب اعرفكم في البدايه علي الاستاذ محمد عسال المطرب العاطفي بتاعنا اسمع سقفه من فضلكم

ضحكوا البنات وهما بيسقفوا والشباب كانوا واقفين فطسانين من الضحك عليه

ايمي….اتعرفنا يا نجم

عسال…..بضحكه جميله الشرف ليا يا افندم

ايمي….طيب وباقي التيم يا استاذ سلامه

سلامه…معاكم الاستاذ فضل والاستاذ عشري و دول تقدروا تعتبروهم بما انهم عندهم سلسله كافيهات فا هما هنا بمسابقة القهوجيه

ضربوا عشري علي راسه و فضل ضربه في كتفه

سلامه…..بضحك اااااه

ليله….بضحك القهوجيه

عشري….ايه عجبتك

ليله…..انا مالي هو اللي بيقول

سلامه….و خدي بالك هما عندهم خلفيه كبيره للمكان يعني فاهمين كويس كمان لو حابين تأكلوا أو تعملوا حفله شوي ممكن يشوا ليكم خروف أو تيس صغيره باعتبارهم رعاة غنم قد الدنيا

البنات ضحكوا اوي و عشري مكانش طريقه

فضل….والله لو ما خلصت هشويك انت شخصياً

سلامه…..معانا كمان الاستاذ حسان ده صاحب المكان يعني الاونر هنا زي ما حضراتكم شايفين راجل شيك و محترم و صاحب أملاك

وأخيراً وليس أخيراً معانا الاستاذ رشيد و ده الجارد بتاع المكان

مسكه رشيد من قفاه وهو بيضحك

رشيد….جارد في عينك

سلامه….بضحك وزي ما حضراتكم شايفين كده دي مجرد تجربه عشان تقدروا تشوفوا بنفسكم قوته البدنيه يعني اي حد ممكن يضايقكم في المكان هيجيبه من قفاه زي كده بالظبط

ايمي…..بضحك انت مجرم والله يا سلامه

نعيمه….بضحك بطني وجعتني والله

سلمي……لايه الميكب باظ من الضحك صح

ايه….لا لا كويس متقلقيش

سلامه….طيب المكان عجبكم

ليله….عجبنا جداً الصراحه و بجد كان اختيار موفق

سلامه…..طيب بما أنه عجبكم خلينا نبدأ حفلتنا جري سلامه شغل الموسيقي و رجع تاني بسرعه وقف و عدل هدومه

تقدري تفتتح الرقصه يا استاذ عسال

عسال….بضحكه جميله مد أيده لنادين

ابتسمت بإحراج و مسكت أيده و راحوا يرقصوا

رشيد…..بابتسامه تسمحيلي بالرقصه دي يا هانم

ايمي….بضحك يا سلام الجارد بنفسه بيطلب الرقص معايا اكيد طبعاً

خدها رشيد وراحوا يرقصوا

قرب عشري و حسان و سلامه

عشري…..مد أيده بابتسامه جذابه و هو مبتسم يلا

ليله….بدلع يلا

حسان….تسمحيلي بالرقصه دي

سلمي….بأبتسامه اكيد

سلامه….اظن انتي الطرف الاكثر حظاً مرشد و متعهد حفلات و d.g يعني حظك حلو

ايه…..بضحك موافقه بس انت محتاج تشتغل علي نفسك عشان في نقص

سلامه….نقص ايه يا افندم اتفضلي اطلبي

ايه….مفيش رقاصه

سلامه….بضحك رقاصه في عينك انجري قدامي يا بت

ضحكت ايه و راحت معاه فضل و نعيمه كانوا باصين عليهم و بيضحكوا و بعدين بص لنعيمه و رفع حاجبه

بصتلوا نعيمه بنظره حاده و هي رافعه حاجبها

فضل…..ايه مش هترقصي

نعيمه…..ايه مش هترقصي دي اسمها ممكن ترقصي معايا

فضل…..ايه هتعلميني الكلام

نعيمه….انت مش صغير بس لو اضطريت هعلمك عادي ده في حالة لو شايف نفسك لسه صغير

بصله فضل وهو رافع حاجبه

فضل……لا متقلقيش بعرف اتكلم

نعيمه….مالك كده ما تهدي علي نفسك شويه و يلا تعالي

نعيمه…..قولها بطريقه احسن شويه

فضل…..بابتسامه غيظ ايه اتحايل يعني لا مليش في المحايله

نعيمه…..وانا مقولتش تتحايل بس اطلب بطريقه كويسه

فضل…اممممم طيب تسمحيلي بالرقصه دي

ابتسمت نعيمه ورفعت حاجبها

نعيمه……اسمحلك

ابتسم فضل وعض علي شفايفه بغيظ وهو باصص في عينها.

عسال….بهدوء بص لنادين كانت خاصه علي كتفه و باعده عينها عنه شكلك حلو علي فكره

نادين…..شكراً

عسال….طب ايه هتفضلي مكسوفه كده كتير

نادين….ااااا لا عادي انا تمام

عسال…..طيب ما تبصيلي كده

نادين بابتسامه بصت جنبها و سكتت

عسال…..لا بصيلي انا مش بصي عليهم

نادين….ميدو بطل توترني

عسال…..وانا عملت ايه بس انا بقولك بصيلي

نادين…..ما انا بتوتر لما ببصلك

عسال….ليه بس هي عيني مش حلوه

ضحكت نادين ومردتش

عسال….هاااا يلا بصيلي

رفعت نادين عينها و هي بتحاول تخفي ابتسامتها و اول ما بصت في عينه ضحكت وبعدت عينها بسرعه

ضحك عسال ضحكه جميله

عسال…..طيب انا عايز افهم بس ليه بتتوتري لما تبصي في عيني

نادين….مش عارفه بس عندك نظرات غريبه

عسال…..غريبه وحلوه ولا غريبه و وحشه

نادين…..أبتسامه علي فكره كلامك كمان بيوترني

عسال…طب ايه ولا اتكلم ولا ابصلك

نادين….امممم اه

عسال…..طب وده ينفع كده بتظلميني

ابتسمت نادين ورفعت عينها في عينه

نادين….طيب بطل تكون قاصد توترني وانا اتكلم وابص في عينك كمان

عسال….بضحك والله انتي فهماني غلط انا مش قاصد اي حاجه

نادين….بس انا بتوتر بجد

عسال……وانا مش عايزك تتوتري عايزك تتعاملي بطريقتك اقولك انسي أن انتي بتكلميني

نادين….بضحك ودي اعملها ازاي

عسال….مش عارف بس حاولي

نادين…..تمام هجرب.

عشري…..بنظره غيظ هو انا مش قولت متلبسيش فستان

ليله….بضحكه بسيطه بصت لبعيد اه قولت

عشري…..طيب كويس انك لسه فاكره و لبستي ليه بقي

ليله…..عشان لازم تعرف أن مش كل حاجه انت عايزها هتتعمل

عشري….ااااااه ده كلام جديد بقي

ليله….بدلع مش جديد ولا حاجه يعني بس لازم تقتنع أن ليا شخصيتي

عشري….تاني هنرجع نتكلم في موضوع الشخصيات ده تاني

ليله…..كل ما احس انك قاصد تمشي كلامك لازم ارجع تاني لموضوع الشخصيه

عشري….هو انا ممكن اعرف انتي ليه مشخصنه الموضوع

ليله….مش شخصنه علي فكره بس ده اللي حسيته من كلامك

عشري…..يعني لما ابقي مش حابب انك تقعدي بفستان قصير علي الارض قدام الشباب ابقي كده بمشي كلامي مش شايفه مثلا انها غيره خوف

ليله….اكيد يعني هخلي بالي مش هيبقي قاعده وجسمي باين

عشري….طيب تمام ادام انتي شايفه كده اوك عايز اشوفك بقي وانتي بتقعدي هتقعدي ازاي و بالمره بقي ادام هتقدري تبعدي نظرهم عنك عشان انتي جامده اوي كده ابقي البسي بكره مايو شكلك عندك قوه خارقه تعمي عيون الناس عنك

ليله….بضحك انت بتتريق

عشري….بنظره حاده لا مش بتريق انا بقولك بس

ليله…..علي فكره الشباب كلهم محترمين و محدش فيهم ليه نظره مش حلوه مش عليا انا بس علي كل البنات

عشري…..وانا مقولتش أنهم مش محترمين علي فكره

ليله…..ايوه بس انت اكتر حاجه كلماتي عنها موضوع اللبس ده لما انت شايف انهم محترمين ليه ديماً بنتجادل في الموضوع ده

عشري….هو المفروض اني اغير عليكي من اي حد مش محترم وبس و لا انتي شايفه أنك مع المحترم تكوني براحتك

ليله…..لا ده ولا ده بس علي فكره انت المرفوض يكون عندك ثقه في صحابك و لا انت بقي من النوع اللي بيبص فا شايف أن الكل ممكن يعمل زيك

عشري…..أولاً انا عمري ما ابص علي حاجه مش بتاعتي و البنات هنا بالنسبالي صحاب واخوات مش اكتر

ليله…..طيب وهما كمان كده ليه شايفه أن مفيش ثقه

عشري…..بنبرة و نظره حاده انا بثق فيهم اكتر ما بثق في نفسي بس مع الست اللي تخصني انا مش بثق في اي راجل خلقه ربنا علي الارض

ليله…..بابتسامه صدمه من غضبه حتي من صحابك يا عشري

عشري…..حتي من ابويا نفسه هو مش بيحب امي بس عينه زايغه عشان راجل و بيحب الست الحلوه فا انا حافظ الرجاله و نظرتهم يعني باختصار انا مش بثق في اي مخلوق غير نفسي مش هقولك بقي انا غير و انا مش ببص وانا وانا لا انا راجل عادي جايز مبصش لاي ست تخص حد مني بس مضمنش اللي قدامي أصل انتي متعرفيش الشيطان لما بيزين الغلط في عقل بني ادم

ليله…..بهدوء ابتسمت طيب هو انت اتعصبت ولا انا بيتهيألي

عشري…..لا اتعصبت يا ليله و المشكله انك قاصده تعصبيني

ليله …بضحكه دلع خالص والله بس انت كمان لازم تتحملني يا عشري انا شخصيتي بجد قويه مش بقدر اقتنع برأي اي حد بسهوله مش بعرف أخلي حد بتحكم فيا و في أسلوب حياتي يمكن انت معاك حق في كل حاجه بس انا كده بجد يعني عنيده شويه لازم احس أن الطلب اللي متوجهلي مش أمر انا كده دي تركيبتي وبعدين متنساش اني قولتلك اني انا مدخلتش في علاقه من ثمان سنين بعد ما سيبت

عشري….قاطعها طيب مبدأياً كده واعتبره أمر يا ليله الشخص ده ميتحابش سيرته وانتي معايا لا بحلول ولا وحش تمام

بصتلوا ليله بنظره طويله كان باين علي عينه نظرة غضب بسيطه

ليله….بأبتسامه هاديه هزت راسها تمام

عشري….بصي يا ليله انا عارف أن شخصيتك قويه و عارف انك عنيده و جداً بس لازم تعرفي أن انا اللي كلمتي هتمشي في اي حاجه مش عجباني أمر بقي تحكم رخامه راس ناشفه اعتبريها زي ما تعتبريها و مش هقولك عاجبك علي كده عاجبك مش عاجبك براحتك عشان انا معنديش كده كلمة براحتك دي مش هتسمعيها يا ليله عشان لو سمعتيها هتعرفي انك مش فارقه معايا و كأني بقولك انتي من طريق وانا من طريق وده مش هيحصل طريقي معاكي واحد و أنتي فارقه معايا و عشان اصلح الجمله و تفهمينها عاجبك يبقي ربنا يكملك بعقلك مش عاجبك تخبطي راسك في اتخن حيطه و كلمتي هتمشي بردوا يعني باختصار سواء عاجبك أو مش عاجبك انتي في كل الأحوال معايا

نظرته الحاده وكلامه الغاضب حتي لو كان نبره هاديه و تمسكه بيها في كل الجمل اللي قالها حتي لو كلامه مش عاجبها خلي قلبها دق بسرعه ابتسمت ابتسامه اعجاب و كان جواها سعاده كبيره خصوصاً من تمسكه بيها علي كل الأحوال

عشري…..ايه ساكته ليه مش عاجبك كلامي صح

ابتسمت ليله بهدوء و من غير ما تقول اي كلمه لفت أيدها علي رقبته ونامت علي صدره

ابتسم عشري ابتسامه بسيطه وضمها من وسطها اكتر و همس في ودمها بهدوء

عشري…..شكلنا كده هنعيش مع بعض ايام ما يعلم بيها الا المولي بحبك يا ليله

خرجت منها تنهيده علي صدره قويه و حاره .

رشيد…..ايه الحلاوه دي

ايمي…..عيونك اللي حلوه

رشيد….شكلك زي القمر كالعاده طبعاً

ايمي…..انت كمان شكلك حلو اوي بس طويل اوي يا رشيددد

رشيد…..بضحكه جميله ما بلاش رشيد اللي بتقوليها دي بالله عليكي انا راجل وحداني و عاذب

ايمي….بضحك ما قولنالك ندورلك علي عروسه

رشيد….لا خلاص لقيتها بس مستني اشوف كده رأيها

ايمي….ماشي يا سيدي مبروك مقدماً

رشيد…الله يبارك فيكي عقبالك

ايمي….عندك عريس

رشيد….يا خبررررر ده انا عندي ريس زي القمر طول بعرض و شوية إمكانيات كده حلوه مش هتكلم عنها الوقت

ايمي….بابتسامه جميله و هي خاصه في عينه بجرأه اممممم طيب ما تعرفني عليه او علي الاقل قولي كده من بعيد لبعيد بيشتغل ايه بيعمل ايه كده يعني

رشيد…..هو حالياً شغال جارد

ضحكت ايمي و سندت برأسها علي صدره وبعدين بصتله

ايمي….طيب حلو ده علي الاقل مبقاش خايفه وانا معاه

رشيد….خايفه وده كلام بقولك طول بعرض اعرفك بس عليه و انا واثق انك هتحبيه اوي

ايمي…..تمام وانا مستنيه اعرفه

…………

سلامه….انا نفسي اعرف انتي بتعملي ايه

ايه….بضحك بقولك ايه انا مش بعرف ارقص

سلامه….اه مش محتاجه تقولي هرستي رجلي الف مره لحد الوقت صباعي بيصرخ جوه الجزمه

ايه….بضحك ايه ده بجد وجعك

سلامه…..بنظره قرف مضحكه يا حنينه لسه بتسألي انا غلطت اني رقصت معاكي ما كنت اختارت حد هادي و بيعرف يرقص

ايه….وانا كيس جوافه مش عجاك يعني

سلامه…..يلا امري لله عرفت عليكي قولت كل واحد هيرقص مع حد وانتي هتفضلي لوحدك

ايه…..يا علي كرم اخلاقك يا استاذ سلامه شكراً بجد

سلامه…..بجد بقي انتي عمرك ما رقصتي

ايه….انا مليش في جو الرقص ده اصلا انا احب التنطيط

سلامه….اااااه مش واكل معاكي يعني جو السلو ده صح

ايه….خالص بحب المهرجانات

سلامه….بقرف انا قولت بردوا مفيش فايده دي دماغ سرسجيه سواقين تكاتك

ايه….بضحك ومالهم بقي سواقين التكاتك بتغلط ليه

سلامه…يا ستي هتلبسيني مصيبه زي الفل بس عاملين ديماً دماغ مهرجانات زي الفل شبهكك كده

ايه…..ايش فهمك انت و بعدين انت واحد صاحب d.g يعني عيب في حقك

سلامه….طيب بقولك ايه هو انتي علي طول مطرقعه

ايه….يعني ايه؟

سلامه….يعني مفيش جانب مختلف الواحد يقدر يبص منه

ايه…..نهارك اسود عايز تبص علي ايه

سلامه….بغيظ حط شعرها علي وسهلا وغطاه ارقصي ارقصي يا ايه هتوديني في داهيه ابص علي ايه يا حسره

ضحكت ايه و كملت الرقص معاه.

……….

حسان…..مالك ساكته ليه

سلمي….بابتسامه مفيش بس حاسه اني متوتره

حسان…ليه بس مكسوفه يعني

سلمي….اااا يعني شويه بس انا مش بعرف
ارقص اوي فا حاسه اني عبيطه شويه

حسان….لا عادي و بعدين انا كمان مش بعرف ارقص يعني كلها كام حركه اتحركي وخلاص

سلمي…..بحاول

حسان….مجربتيش ترقصي قبل كده

سلمي…..رقصت مره مع خطيبي وقت الخطوبه

حسان…..يعني مش اول مره متوتره ليه بقي

سلمي….لا مش اول مره بس يمكن اول مره كان خطوبتي بقي وكنت متحمسه و مبسوطه وزي ما قولت كنت بحبه بس مش عارفه المرادي حاسه اني كأني اول مره ارقص عشان كده متوتره و حاسه اني محرجه جداً

حسان….اممممم طيب وده شعور حلو ولا وحش

سلمي…..لا مش وحش هو حلو اكيد بس إحساسه مختلف وغريب

حسان…..يعني ايه ؟

سلمي…..يعني متفهمنيش غلط بس اول مره ارقص مع حد غريب و كده يعني

حسان….بابتسامه واضح من ايدك اللي بقت متاحه بس لو حابه تقعدي و مش عايزه تكملي خلينا نروح نقعد لو مضايقه

سلمي….لا كمل انا مش مضايقه خالص

ابتسم حسان في عينها و كمل الرقصه بهدوء.

الوضع كان مختلف بين فضل و نعيمه الاتنين نظراتهم لبعض كلها تحدي ابتسامه بسيطه ورفعه حاجب و كأنهم في خناقه و كل شويه فضل يحرك رأسه علي يمين كتفه أيدها كانت علي رقبته مضايقه.

نعيمه ضحكت و سكتت

فضل…..بتضحكي علي ايه ؟

نعيمه….ولا حاجه

فضل….ايه اتجننتي

نعيمه…..لا متقلقش لسه بعقلي

فضل….امال بتضحكي علي ايه ضحكيني معاكي

نعيمه….ما انا لو ضحكتك هتضحك علي نفسك

فضل…..رفع حاجبه اضحك علي نفسي اسمعني وشي في حاجه غلط

نعيمه….لا بس اكتشفت حاجه فيك و عشان كده ضحكت

فضل……حاجه حاجه زي ايه ؟

ابتسمت نعيمه و قربت صباعها من رقبته بجرأه و حركتها بهدوء علي رقبته

نعيمه….بضحك زي دي مثلاً

غمض عيونه بسرعه و مال برقبته و بعدين بصلها وهي بتضحك ورفع حاجبه و عض علي شفايفه بغيظ.

نعيمه…..بضحك انت بتغير من رقبتك

فضل…..بضحكه جميله و هو مش طايقها لا بس عادي بقشعر

نعيمه…..بتقشعر يعني بتغير عادي قولها مش هتنقص منك حته يعني الرجاله بتغير عادي

فضل….بغيظ وانا مش بغير

نعيمه….كررت حركتها تاني وهي بتضحك ده بجد

ضحك فضل غصب عنه و بعد راسه لوراء وبصلها

فضل…..طب ايه

نعيمه…ايه قولت أنك مش بتغير كنت بجرب

فضل…..قولتلك مش بغير بس بضايق مش اكتر

نعيمه….لا بتغير من اول ما رقصت معاك وايدي عملالك مشكله في رقبتك

فضل…..بابتسامه طيب يا ستي بغير انتي ايه مشكلتك

نعيمه ….ولا حاجه بتغير قول بغير عادي و انا هغير مكان ايدي

فضل….و دي هتحطيها فين بقي

نعيمه…..رفعت حاجبها و ابتسمت بلاش اقولك احسن تطلع بتغير بردوا

ضحك فضل و هو بيهز راسه بصلها بجرأه

فضل…..طيب ايه رأيك نجرب

نعيمه…..بابتسامه نجرب ايه

فضل…..تحطي ايدك و نشوف هطلع بغير ولا لا

نعيمه….بإحراج ابتسمت علي فكره انت قليل الادب

فضل….بضحك ليه بس انا برد علي كلامك

نعيمه….بس انت نيتك مش حلوه

فضل…..لا و الشهاده لله انتي اللي نيتك صافيه

ضحكت نعيمه وحطت أيدها علي وسهلا

نعيمه…..نروح نقعد

فضل…..نروح وماله.

راحوا مع بعض و ثواني و الكل انضم ليهم

وقف عشري يبص علي ليله و هي بتقعد

كانت عماله تحاول وهي واقفه وتجرب القاعده المناسبه و بعدين رفعت عينها لاقيته باصص عليها ورافع حاجبه

عشري….هاااا يلا اقعدي

ليله…..بقولك ايه بلاش البصه دي اصلا انت موترني عشان كده مش عارفه اقعد

عشري….طيب انا ساكت اهو اقعدي يلا

ليله…..هقعد اه

قعدت ليله علي ركبتها و بصله وهي رافعه حاجبها بتحدي

عشري….بأبتسامه قعد جنبها حلو وريني بقي هتقدري تقعدي قد ايه كده

ليله…..عادي متشغلش دماغك انت

سلامه…..اتمني يا افندم تكونوا مبسوطين معانا و بعد الرقصه الافتتاحيه بكده نكون بدأنا سهرتنا المميزه

ايمي….بصراحه يا سلامه البدايه جميله

سلامه….استاذ سلامه من فضلك

عسال…بقرف يا اخي ابعد من هنا خليني اقعد بقي

سلامه….بضحك مضطر اتحمل حضرتك لأن مفيش مطرب غيرك يا افندم المهم في اي طلبات عايزين تسمعوا اي اغنيه معينه

ليله…..سلامه من فضلك هات المايه اللي هناك

سلامه…..بطريقه مضحكه و هو ماسك أيده في بعض اسف يا افندم ده مش اختصاصي القهوجي اللي جنبك يجبلك

مسك عشري طوبه صغيره من وسط الزرع وحده بيها

كلهم كانوا فطسانين من الضحك

عشري…..والله يا سلامه هقوم اوريك القهوجي ممكن يعمل فيك ايه

ايمي……سلامه ممكن اقولك علي حاجه

سلامه….اتفضلي يا افندم

ايمي…..ليه مجربتش تعمل برنامج استاند اب كوميدي بجد انت دمك خفيف

سلامه…..الله يسترك يا افندم دي شهاده كبيره بس انا لا اهوي الشهره والأضواء وبعدين هو اللي يعرف الاشكال دي يتقدم خطوه

فضل….مالها ياض الاشكال دي

سلامه…..مالك يا قهوجي انت كمان

فضل….بضحك والمصحف هقوم اكسر عضمك

ليله…..انت مش طبيعي بجد ممكن طيب انا أسالك عن سر الهيبره دي

سلامه…..مبسوط والله يا افندم زي ما حضرتك شايفه انهارده افتتاح مكان جديد يعني لازم تكون هي دي الأجواء

نعيمه….طيب بمناسبة الأجواء بقي ممكن تغير الموسيقي و تشغل حاجه تانيه

ايه…..انا هشتغل معاك في الd.g

سلمي….لا يا سلامه ابوس ايدك ايه لا هتشغل مهرجانات و هتصدعنا

سلامه…..في مسكنات للصداع يا افندم متقلقيش قولتلك الخدمه هنا ممتازه

سلمي….والله شكلك مجنون زيها و بتحب المهرجانات

فضل…..ما هو واقف و متحمس قدامك اهو

ايه….تعالي تعالي نشغل اغنيه حلوه هتعجبهم و بالذات ليله

ليله….بضحك لا بلاش

نعيمه….عرفتها خلاص

ايمي…..بضحك ايه هتقدري تقاوميها و لا هتقومي

عشري….بهمس لو قومتي من جنبي يا ليله هتزعلي

ليله….بضحك انا مقومتش بس متخليهمش يشغلوها مش هقدر انا بقولك اهو

عشري….بابتسامه طيب هنشوف

في نفس الوقت الاغنيه اشتغلت

وجاءت ايه جري تتنطط بشعرها و تغني مع الاغنيه و تبص علي ليله و تشاورلها تيجي بايديها

وليله تضحك و تقولها لا و هي مش قادره

خلاص سلامه واقف حاطت أيده علي ودينه كأنه لابس سماعات و عامل فيها بتاع d.g و ايه واقفه تتنطتت وراحت تقوم كل البنات قومت ايمي وسلمي ونعيمه و نادين وراحت شدت ليله غصب عنها هي و ايمي

عشري كان مبتسم بس متغاظ منها و قفوا البنات حواليها و هي وقفت تعمل حركات هاديه مرضيتش ترقص نظرات عشري ليها كانت كلها توعد

الشباب كلهم كانوا مبسوطين و متحمسين و اتبسطوا اكتر لما سمعوا الاغنيه لأن أغلبهم مكانش فاهم أن فيها اسم ليله

نظرات عشري ليها كانت كلها اعجاب و سعاده بس في نفس الوقت كان غيران

خلصت الاغنيه و اشتغلت اللي بعدها ايه و نعيمه وقفوا مع بعض علي جنب يرقصوا ويعملوا تيك توك و فضل كان مراقب نعيمه بهدوء

قعدت ليله و هي مبتسمه

رشيد…..ده طلع بيغنيلك بجد

ليله….شوفت بقي عشان تعرف اني جامده

ايمي….اهي الاغنيه دي شغلها من غير ما ليله تكون واخده بالها تلاقيها بسرعه لقطت اشاره اسرع من البلوتوث

سلمي….بضحك حتي وهي مضايقه علي فكره بنشغلها من غير ما تحس تلاقيها نسيت اللي مضايقها

فضلوا يتكلموا مع بعض بصت ليله علي عشري مكانش باصص عليها

ليله……ايه مالك

عشري….زي الفل

ليله….هما اللي شدوني علي فكره

عشري….وانتي مصدقتي بس حلوه الفقره دي اوي

ليله…..بدلع حبت تغيظه اكتر عجبتك يا روحي

يصلها عشري بابتسامه غيظ عضو علي شفايفه

ليله….بضحك لا خلاص بلاش البصه دي

عشري…..طب اسكتي بقي و ملكيش دعوه بيا الوقت

ليله…..طيب هات المايه

عشري…..حاضر حاجه تاني

ليله….ميرسي

عشري….اتفضلي

قام فضل غاب دقايق جوه ورجع معاه المنقد اللي بيتحط فيه الفحم

سلامه……بضحك اهو عشان محدش يقولي بقول حاجه من عندي حن لأصله القهوجي

فضل…..انت عارف لو مسكتك حكميك بالفحم ده

سلامه….بضحك لا خلاص

عشري….هو مش هيرتاح غير لما اعرفه القهوجيه بيعملوا ايه وراء نصبه الشاي

سلامه….بضحك لا ابوس ايدك بلاش

ايمي…..بضحك والله يا سلامه انت مصيبه بجد مجرم زي ايه

سلمي…..علي فكره انا شيفاه قدامي نسخة ايه بجد مش قادره ابطل ضحك منهم هما الاتنين

ايمي……اه والله توأمها بس علي راجل

عسال….بص علي سلامه كان واقف مع نعيمه وايه هو بيعمل ايه الاهبل ده

سلمي….بضحك تقريباً بيصوروا تيك توك

قربوا كلهم تاني و قعدوا معاهم

ايه….وسعولي خدوني جنبكم مش قادره

رشيد….ايه تعبتي خلاص

ايه…..لا قولت ارتاح شويه بس

ايمي….هي دي بتتعب أبداً

رشيد….مهيبره علي طول كده ها

ايمي….دي فظيعه عندها فرط حركه رهيب

عسال…..ابتسم و هو بيضيق عينه بيتهيألي مش هي بس

بصتلوا نادين وضحكت و بعدت عينها بسرعه

ايمي…..نهار اسود و مش فايت لا لو تقصد نادين فا صدقني ايه جنبها ملاك

عسال….بضحك لا مش للدرجادي هي مهيبرتش معايا زي ايه كده

ايه……يا راجل صلي علي النبي في سرك دي نادين تكرهك في العصب الحركي كله

عسال…..ايه ده بجد ولا بيهزروا

ليله….لا بجد وغير رأيك

ضحكت نادين وحطت أيدها الاتنين علي وشها

رشيد….انا نفسي اعرف ليه ظالمينها ديماً ماهي قاعده و هاديه خالص اهي

حسان…..علي فكره بجد ايه اللي بتتحرك كتير اوي و حاسس انها هتقعد في نص الدائره

سلمي…..بضحك حتي حسان نطق الله يكسفك

ايه…..هو في ايه يا حسان كلكوا عليا

حسان….بضحك لا والله مش قصدي بس يعني حركتك واضحه لكن نادين لا

ليله……نادين صعبه صعبه و لما تتوتر بجد تربيلك العصبي صدقني كل ما يتعرفوا نادين هتكتشفوا فيها حجات متعرفوهاش أولها شخصيتها الهاديه الكيوت دي هتنسوها اصلا

حسان…..بضحك مش قادر اكدبهم يا نادين واضح أن سمعتك عندهم سبقاكي

نادين…..بابتسامه بص هما معاهم حق بس انا مش ببقي قاصدي اتحرك كتير بس لما بتوتر اصلا مش بحس اني بتحرك لما بهدأ شويه و استوعب افتكر الحركه و التوتر اللي كنت فيها بس ده لما بتوتر يعني مش قصه

ليله….بتكدب و الله نادين فراكه بجد سيبك من التوتر اللي ينام جنبها يبقي يومه اسود زي يومي كده انا بيتهيألي لما ارجع القاهره هقعد اسبوع نايمه في السرير بسببها

رشيد…..بأبتسامه هي نايمه جنبك انتي

ليله…للأسف و قعدت في حظي المهبب

سلامه……صحيح انتوا قسمتوها ازاي انا مخدتش بالي خالص

ليله….انا وهي و نوني في اوضه و ايمي وايه وسلمي

سلامه….طيب خلينا نهدي النفوس شويه ليه التقسيمه دي هنا الأقرب ليكي يعني

ليله….بضحك لا مش كده بس ايه انا طرداها مستحيل ننام في اوضه واحده بسبب ميلو

ايه…..احسن بردوا ده قمر

ليله….وسلمي اصلا مرتبط وجودها بوجود ايه فا الاتنين مطرودين

سلمي…..منك لله يا ايه

ايه…..انا مالي دي هي اللي طردانا

سلامه…..طب وانتي يا ايمي بتحبي الكلاب عادي يعني

ايمي….والله يا سلامه مجبوره بس انا معرفش انام مع ليله و نوني استحاله

سلامه….اشمعني

ايمي….بنرغي كتير ومش بننام و بعدين انا
بحب انام علي الشمال اكتر أو لو في حيطه و ليله عامله زي يعني مش هنعرف نتفق

نادين…..ايوه بتخليني بره و هي عارفه اني بخاف

سلامه…..بتخافي تنامي من علي الحرف؟

نادين….اه اوي

سلامه…..طيب ازاي بتنامي لوحدك في الشقه

نادين……لا ما انا سريري حطاه جنب الحيطه و بره بحط مخدات كتير

رشيد….بضحك فرقت

سلامه….بطريقه مضحكه بص لرشيد مش فاهم ايوه ما هو لو العفريت طلعلك مش هيفرق انتي نائمه فين كده كده انتي لوحدك في الشقه يعني هيروق عليكي

نادين…..بضحك في ايه يا سلامه انت بتخوفني ليه

سلامه…..بضحك نهار اسود انتي لسه مستوعبه انك تخافي مفكرتيش فيها يعني قبل كده

نادين…..بضحكه جميله معرفش يمكن اتعودت

سلامه…..لا ده واضح ان العقل في اجازه الله يكون في عونك يا عسال

ضحكت نادين وحطت أيدها علي عينها

عسال….بابتسامه اطلع منها انت

سلامه….طلعت يا عم

ايمي…..انا عندي فضول اعرف انتوا الاتنين عايشين ازاي مع بعض يعني علاقتكم شكلها ايه

حسان…..شايفه ايه و سلمي نفس الشكل

ايمي…..لا بس سلمي هاديه شويه عموما لكن عسال بيتهيألي يعني يبان هادي لكن حساه مطرقع شويه زي سلامه

عشري…..علي فكره هو عسال انتوا لاحظتوا أنه دمه خفيف بس ده ولا حاجه في الحقيقه هو في الحقيقه دمه اخف من سلامه بس هو في مثل كده بيقول ما جمع الا موفق اللي انتوا بتقولوا علي نادين ينطبق علي عسال يبان هادي بس هو عكس كده و دمه خفيف جداً بيموتني أنا شخصياً

ايمي……انا قولت في مواهب مدونه

عسال…..بضحك متصدقيهمش

ايمي….لا انا شوفت بعيني كفايه موقف القهوه

عشري….بضحك علي سيرة القهوه صحيح احطلك يا عسال

عسال…..بضحك حط يا عم والله ما هكسفك

نعيمه….عسال طيب هما قالوا إنك بتقلد

عسال…..بقلد اصوات يعني و اغني

نعيمه…..معرفش بس هما قالوا بتقلد في العموم

حسان….ده فظيع والله

ايمي…..طيب يلا يا عسال بالله عليك قلد اي حد تحبه

فضل……بضحك لا استنوا في حاجه احلي من التقليد عسال قلد عشري بالله عليك

ضحك عسال و حط أيده علي عينه

عشري….بضحك هزعلك خد بالك

ليله…..ليه سيبه عسال قلد عشري

رشيد….قلدنا كلنا يا عسال

عسال…..بضحك طيب أقلد مين

رشيد…..اي حد فينا اللي يعجبك بص للبنات انتوا طبعاً بقولكم كام يوم معانا يعني تقدروا تعرفوا مين فينا اللي هيقلده

عسال….بضحك اه يعني مقولش انا هقلد مين.

رشيد…..لا متقولش

عسال….بس فضل وعشرين ممكن يتعرفوا بسهوله عشان اللهجه

حسان…..مش مهم المهم يتعرف مين فيهم فضل ولا عشري

عسال…..بضحك طيب تمام

قام وقف و راح قعد علي الدرج من فوق

وهما كانوا قاعدين قدامه علي الشمال شويه.

حاول عسال يتقمس الدور برأيكش وشه و بعدين ضحك وحط أيده علي وشه تاني

كلهم كانوا بيضحكوا ونادين لصاله بأبتسامه جميله.

عسال…..طيب اسمعوا انا هقولكم علي حوار كده حصل بينا و الحوار ده دار في الموبايل اليوم ده كان يوم مهبب من الاخر يعني الكل بيتصل يشتكيلي و حسيت في اليوم ده انا الكبير مش هما المهم يعني الحوار كان كده بالظبط خرجت من الحمام بعد ما خدت شاور و لافف الفوطه علي وسطي لاقيت الموبايل بيرن رديت و طبعاً أنا عارف مين اللي بيتكلم انتوا بقي خمنوا.

ايمي…..بابتسامه تمام

عسال…..قولت الوووو وطبعاً دخل هو في الحوار علي طول لأن هو مش بيقول الو زينا ضحك عسال و كمل

انت عارف المشكله فين فيا انا ليه بقي عشان انا براعي كل واحد فيكم وهو متعصب إنما أنا لو صغرت عقلي زيكم هتبقي مصيبه

ضحكوا البنات كلهم و توقعوا أنه حسان

ايمي…..ده حسان

ليله…..بضحك حسان والله هو بيتكلم كده

ضحك حسان وحط أيده علي عينه وبعدين بصلوا

عسال…..بضحك صح حسان المهم قولتله في ايه يا حسان عالصبح
قالي انت عارف ان انا مواعيدي مظبوطه والاستاذ مواعيده مهببه و يومه اسود و لما اتعصب لان درجة الحراره عاليه زعل و بدأ يتعصب فا شوف بقي حل عشان منكدش عليكم

ضحكوا كلهم وضحك عسال

سلمي…..والله ده جايب نبرة صوتك بالظبط

حسان….مشكله اسمعي بس الباقي

عسال….المهم قفلت معاه بعد ما هديته وكده قولتله خلاص انا هكلمه

ايمي….ايوه مين بقي ابو مواعيد مش مظبوطه ده

عسال….هتعرفيه حالاً انا قولت هلبس واكلمه ملحقتش قفل حسان وهو كان بيرن اصلا وانا بقفل معاه فصلت ورديت عليه و لسه بقول الو

ايوه يا عسال بص بقي مشاوير مع حسان تاني محدش يبعتني الجو نار و انا اصلا نازل غصب عني مش فاهم يعني عامل مشكله ليه الدنيا اجتهدت عشان اتأخرت عليه ساعه ونص

ضحكوا البنات بصوت عالي والشباب كانوا فطسانين من الضحك

ليله…..ده انت يا رشيد

رشيد بضحك هز راسه

ايمي….بضحك انت مواعيدك وحشه

عشري….بضحك لا زباله مش وحشه

رشيد….انا في العادي والله بنزل مشاوير بدري و جداً كمان وهما يشهدوا بس انا بضايق لما نكون مش متفقين علي اي مشوار واتفاجئ قبل ما انام اللي هو لازم الصبح تنزل مشوار فا طبيعي مش عامل حسابي ولا مهيأ فا بتأخر غصب عني

سلامه…..بقرف يا شيخ بطل كده ده انت مواعيدك نيله خالص

نعيمه….بضحك انا هموت من ريأكشنات سلامه

سلامه….بقرف والله مواعيده زباله بجد

رشيد…..بضحك اه يا واطي

حسان….كمل يا عسال يلا

عسال…..المهم قفلت مع رشيد هو كمان بعد ما هديته مع اني عارف أنه غلطان في الوقت ده حسان مكانش ساكت و متعصب فا اتصل علي حد فيهم حكاله المهم نفس السيناريو بيتصل هو كمان و انا لسه مع رشيد قفلت معاه ورديت

عسال….ايوه

ايوه يا عسال بقولك ايه حل القصه دي عشان هو يوم اسود من أوله حسان كل دماغي و انا مش فايق و بدور علي بنزينه و مش لاقي والله ادخل في عربيه وتريح دماغي

ايه….بضحك والله سلامه

ليله….سلامه ايوه

عسال….هو مكانش معايا في البيت و نزل و طبعاً حسان اصطاده و كل دماغه المهم قولتله تمام يا سلامه كبر انت دماغك وروح شوف مشوارك وانا هتصرف

قفلت معاهم و قولت البس بقي واخلص
لقيت واحد من البشوات دول بيكلمني و طبعاً لما بيتعصب بيبقي عامل زي حسان كده مش بيقول الو بيدخل في الموضوع بس بقي القافله بتاعته مش حسان هو بيتكلم يقول اللي عنده و يروح قافل في وشك من غير سلام ولا حتي رد فاهمين

ضحكوا كلهم و عسال مكانش عارف يندمج من الضحك سكت شويه و حط أيده علي وشه لحد ما ظبط الريأكشن وبعدين شال أيده و ملامحه كانت غضبانه.

عسال……الوووو

ابشِر والله العظيم ندمان ع اليوم اللي طرحت فيه هالسِيرة معكم وكان يوم ما طلعله شمس يوم سمعت هدرِتكم خسارتي لحسان ورشيد بتصير من ورا هالمشروع الله ياخذكم و يريحني منكم وين كان عقلي اني

ضحكه البنات كانت عاليه من طريقته وهو بيقلد حتي اللهجه

ايمي…..ده فضل ؟

ليله….لا لا ده عشري

نادين…..بضحك ايوه عشري

عشري…..بضحك وهو عينه مدمعه انا انا

عسال….طبعاً هو قفل في وشي علي طول مستناش حتي أقوله اهدأ بقيت انا اشتم واسب فيهم كلهم طبعاً اخر واحد مش محتاج بقي تعرفوا

اتصل فضل و طبعاً أنا علي أخري هموت والبس البنطلون وطبعاً اغلب الوقت عصبية فضل هاديه يعني في عصبيته بارد

الكل كان فطسان من الضحك

عسال……ايوه يا فضل خير ؟

فضل….إيش فيه من صباح الله خيره!! بدي أفهم المشروع من يومه ليش مقلوب كذا؟ يعني انتوا شراكة ولا چايين نخسر بعض يا خوي

عسال….قولتله بقولك ايه يا فضل كبر دماغك انا هنزل اهو و رايحلهم ملكش انت دعوه طبعاً فضل ميسكتش لانه متعصب و غالباً معحبوش كلامي

..والله ما لقى الواحد راحة الله يسود وجيهكم و جيه اللي علي شاكلتكم من هالصبح

قام عسال وهو بيضحك وشكراً

ضحكوا كلهم علي تقليد عسال ليهم كلهم وراح قعد جنب نادين تاني و الكل بيضحك لسه.

سلمي…..علي فكره يا فضل انت بجد بتتكلم كده انا لاحظت انك حتي وانت بتتكلم بعثبيه في اي حاجه هادي

فضل……انا عصبيتي مش صوت عالي يعني بتحصل بس لو جايب أخري من حاجه فاهمه

سلمي….بضحك ايوه ايوه

ايمي….والله ضحكت كتير انت مشكله يا عسال بجد و علي فكره انت وسلامه فقره والله

سلمي…..ايه قلدينا انتي بقي

حسان….ايه ده بتعرف هي كمان

ايه….بضحك لا انا بعرف أقلد طريقه لكن مش بجيب صوت كده زي عسال

سلامه….طيب يلا قومي قلديهم

ليله….ليه الفضايح بس

عسال….قومي يلا يا ايه

ايه….بضحك هقوم بس خايفه منهم هيقتلوني بالذات الاشرار دول شاورت علي نعيمه وليله

فضل….لا متخافيش يلا قلديهم.

ايه…..طيب بصوا انا مش فاكره موقف معين بس هقولكم طريقه كل واحد يعني مثلا خرجنا و روحنا مكان أو سافرنا مثلا طريقه كل واحد هتبقي ازاي احمممم

سلمي….بضحك ايه أحكيلهم علي اخر مره خرجنا و روحنا كلنا بره قبل السفر

ايه….بضحك اه اه استنوا

نادين……بصدمه لا لا لا اوعي

عسال….بابتسامه ايه ده في ايه ؟

ايه….بضحك اسفه يا نادين

نادين…..ايه بجد هزعلك

عسال…..لا انا عندي فضول اعرف

عشري…..شكلها فضيحه ولا ايه

ايه….بضحك و اي فضيحه اسمعوا روحنا ناكل في مكان كده علي النيل كافيه شيك اوي و جامد المهم يعني اول ما دخلنا قعدنا و طلبنا الامل شويه والأكل جه.

قعدت ايه علي حرف السلم و بقت تقلد حركاتهم

ايه اعتبرني خاصه كده من الشباك علي النيل هااااا حبيبي يا بابا يا تري بتاكل ايه الوقت

رشيد….بضحك دي سلمي اكيد

سلمي….اه يا جزمه

ايه….طبعاً ليله لسانها مسحوب منها نكت في قلب الكلام بسرعه بعصبيه

يعني هيكون بياكل ايه يعني اكيد اكل من اللي موجود في البيت انتي هتاكلب و انتي ساكته ولا جايه تنكدي علينا ولا اجيب الشبشب

ضحكوا كلهم و ضحكت ليله و سندت علي ايد عشري

عشري….متعصبه علي طول ليله

ليله…..ما انت كمان متعصب

ايه….طبعاً طلعت الرايقه بتاعتنا و بصت الاتنين الاول وجهت كلامها لسلمي طيب اتصلي عليه و لو مكانش نجيبله اكل و احنا ماشين فا طبعاً ليله معجبهاش الحوار بصتلها بقرف وقالتلها

ليله….بضحك لااااااا

عشري….بضحك قولي قولي

ايه…..بضحك احمممم مكرهش في حياتي قد المحن فصلوا كلهم من الضحك و خبت ليله وشها وهي ميته من الضحك

طبعاً ايمي معجبهاش الكلام بصت لليله بقرف وقالت لها بيئه انتي

ايمي…..بضحك استفزتني اوي والله

ايه…..طبعاً نعيمه في دنيا تانيه اول ما كلت وشبعت سابت من أيدها المعلقه ورجعت بضهرها لوراء زي كده و كالعاده قالت جملتها الشهيره بعد الاكل عايزه اناااام

ضحكوا كلهم و فضل ضحك بصتلوا نعيمه بضحك و هي متغاظه منه

نعيمه….ايه عجبتك

فضل……صراحه تخيلتك وانتي نايمه في المطعم و فاتحه لو بوئك

نعيمه….بصت لنادين منك لله يا نادين الكلب

نادين….بضحك انا مالي انا مش صالحتك و مسحتها

ايه….المهم يعني خلصنا وغسلنا ايدنا و خرجنا بقي نشرب حاجه آخر واحده فينا دخلت كانت نادين

نادين….بضحك يويو انا بحبك علي فكره

ايه….بضحك اسفه يا نودي بس لازم افضحك

عسال….بابتسامه عملتي ايه

نادين….بأبتسامه احراج معملتش دي بتكدب

نعيمه….لا عملت بقي عشان تبقي تصوريني اوي

ايه…..المهم نادين راحت وهي ماسكه موبايلها و بتكلم حد في الشغل وكده وراحت علي الحمام غابت حوالي ثلاث دقائق وجبات تجري

قامت ايه جريت ورجعت تاني قعدت علي السلم و قلدت نفس حركات التوتر بتاعت نادين وكلهم بيضحكوا

ايه…..كانت راجعه وشها ابيض و مرعوبه و متوتره كلنا بنسألها في ايه ايمي تقولها يا بنتي في ايه ليله تقولها حد عملك حاجه و فجأه نادين انا دخلت الحمام الرجالي و شوفت واحد بيعمل بيبيييي

كلهم فطسوا من الضحك و نادين وشها جاب الوان و بقت تضحك وتخبي وشها

رشيد….بضحك مخدتش بالك

نادين….بضحك لا كنت بتكلم في الموبايل و مركزتش اصلا فتحت بس انصدمت وجريت علي بره

ليله…..بضحك اصلا هي صممت تمشي كانت خايفه الراجل يطلع يشوفها

عشري…..بضحك خلي الموبايل ينفعك يا نودي

ايمي….انا تعبت من كتر الضحك والله الاتنين دول مصايب لا الثلاثه عسال انضم ليهم خلاص.

ليله…..عسال بمناسبة انت صوتك حلو يعني انت عرفت أن صوتك حلو من امته

عسال…..لا من زمان اوي كنت صغير

سلامه…بضحك لا عسال كان مسؤول الd.g في المدرسه زمان و كان بيغني في الحفلات

ليله….اه يعني ده من زمان اوي

عسال…..اه كنت في ابتدائي

ليله…..طيب وقتها محستش انك نفسك تطلع مطرب يعني ولا كان نفسك تطلع ايه لما تكبر

بص سلامه لعسال وضحك بصوت عالي

عسال….بضحك انت قولتهم شكلك كده

سلامه …لا والله ما نطقت

ليله…..بابتسامه ايه كنت عايز تطلع ايه ؟

عسال….مطرب مطرب

سلامه….بضحك كداب

ايمي…..بصت لرشيد كان عايز يطلع ايه يلا افضحوا بعض

رشيد….والله ما اعرف انا اصلا عمري ما سألت السؤال ده لحد فيهم

عشري….وانا معرفش علي فكره كنت عايز تطلع ايه يا ميدو

سلامه….بضحك اقول ولا تقول انت

عسال….بضحك بصوا والله هي حاجه عاديه بس مضحكه شويه كنت عايز ابقي عطار

ضحكوا البنات كلهم و الشباب

ايمي….بضحك علي الاقل احسن من نادين اللي كانت عايزه تطلع رقاصه

عشري….بعصبيه مضحكه انتوا ايه مشكلتكم مع الرقص بجد

نادين….بضحكه جميله علي فكره انا مش بعرف ارقص والله بس معرفش ليه طموحي كان كده

ليله….أشمعني عطار يا عسال ؟

عسال….زمان و احنا صغيرين بالمناسبه يعني انا وسلامه كنا ديماً بنتخانق يعني بعيداً عن ان علاقتنا حلوه بس بنتخانق كتير و لحد الوقت علي فكره

سلامه….بضحك اه والله لسه متخانق معايا فوق من شويه علي التيشرت بتاعه

ليله……طيب ليه ؟

عسال….استني اقولك بس عن موضوع العطار ده امي كانت طبعاً معاها اربع اطفال انا و سلامه و مصطفي وريهام دول بيني و بين سلامه يعني انا اصغر واحد ريهام أكبر مني بسنه ونص تقريباً

سلامه….ايوه سنه ونص

عسال….المهم يعني هي كانت بتشتغل و احنا مش بنبطل خناق و مشاكل و كنا مع جدتي ديماً فا هي عشان تفصل بينا المشاكل دي كانت بتضحك علينا بلعبه كده عشان تخلينا نتسحل فيها وقت طويل و في نفس الوقت نريحها هي و جدتي و منعملش مشاكل كانت جايبه لينا علب صغيره كده و كانت بتجيب ارز و عدس و مكرونه و فول و الحجات اللي هي بتاعت العطاره دي و كانت بتحطهم كلهم في صنيه كبيره وتلغبطهم و تقعدنا في الارض و معانا العلب مكتوب عليها كل نوع و المفروض اننا نقعد ننقي و نحط في العلب

طبعاً أنا وقتها دي كانت اللعبه المفضله بتاعتي لو قعدت ساعات مزهقش و كنا ممكن ننقي كل نوع ونرجع نفضي تاني و نخلطهم فا المشاكل قلت بس انا وقتها حبيت الموضوع هو وقتها انا كنت طفل يعني و اكيد طموحي واحلامي كانوا مختلفين بس اللعبه نفسها خلتني احب المهنه يعني في النهايه معاكي كل علبه فيها نوع و الوان و بالمناسبه بجد اللعبه دي بتزود التركيز للاطفال يعني نقدر نميز النوع واللون وحتي الاسم غير أنها مسليه و بتمنع مشاكل ومصايب لأن انا وسلامه و مصطفي بالاخص كنا بنعمل بلاوي يعني الولاد كمان غير البنات مكناش هاديين خالص

ايمي….طب والله شاطره و لعبه حلوه

سلمي…..ايوه بجد هي يمكن مفكرتش فيها وقتها غير في انها تخفف مشاكلكم لكن هي حقيقي بتزود التركيز و بيتهيألي بتزود الصبر

سلامه….طبعاً بتزود الصبر مش شايفه عسال بارد ازاي

ايه….بضحك طب ما انت كنت بتلعب معاه مزودتش الصبر عندك ليه ؟

سلامه….بضحك انا كنت الكبير وكنت بضحك عليهم كنت بلم الفول والمكرونه عشان حجمهم كبير واسيبلهم هما العدس و الارز كنت عايز اخلص يعني

ضحكوا كلهم علي سلامه .

ايمي…..طيب قولي بتتخانقوا ليه بقي يعني ايه سبب خناقكم في العادي

سلامه…..حبيبي يا عسال مش عايز اي حاجه تشربها

عشري…..بضحك اه طبعاً عشان ميفضحكش

عسال….لا هفضحه بصوا سلامه نضيف جداً جداً يعني نقدر نقول عليه مريض نضافه بس نضافه شخصيه يعني نضيف في نفسه سيبك من منظر الاوضه بتاعته و سريره اللي انا لحد الوقت بظبطه و حتي دولابه

سلامه….بضحك يعني بذمتك بعد اللي قولته ده هيصدقوا اني نضيف الله يكسفك

عسال….بضحك لا حقيقي هو نضيف في نفسه جداً يعني لو حس بس أنه عرق و هو لسه واخد شاور وخلاص بيتسرح ونازل يقلع بسرعه ويدخل ياخد شاور تاني ويغير المهم يعني انا نضيف الحمد لله و هو يشهد بس انا نضيف اللي هو العادي يعني لو عندي مشوار بخلاصه وبرجع لو هقضي طول اليوم في الشارع خصوصا في الحر لازم يبقي معايا غيار ممكن اروح لعشري و فضل في الكافيه اغير اروح المعرض اغير كده يعني بس سلامه مستحيل .

المهم يعني انا شخص بيحب اللبس بتاعه جداً و بحب دولابي يكون مترتب ديماً و ليا طريقه كده في تنظيم حاجتي الشخصيه ملهاش علاقه بسلامه خالص

سلامه……لا عسال مدمن لبس بجد يعني بيجيب لبس علي لبس و بيحب لبسه اوي

ايمي…..زيي يا عسال انا و نادين كده

عسال…..بصي انا مش باخد لبس من سلامه خالص بس معنديش مشكله أنه ياخد مني حتي لو الحاجه لسه جديده و متلبستش مش فارقه اكيد واحد بس سلامه بجد شخص مزعج و يخرج الواحد عن شعوره

سلامه….بضحك لا استني هفهمهم حاجه بس .. انا مش بحب اجيب لبس لوحدي و بسبب الشغل عسال ديماً زي النحله و مش عارف بيجيب الوقت ده منين اصلا الاقيه فجأه داخل عليا بشنط مليانه لبس

عسال…..ايوه وانا اطلع اللبس وافرجه عادي ده يقوم و يفضل يحط اللبس عليه في المرايا و يقولي ده بقي هيبقي طرش علي البنطلون الاسود بتاعي يمسك تيشرت تاني ده بقي عايز نزولة بكره علي الكوتش الابيض هو خلاص وفق الطقم كل ده مش مشكله.

سلامه….بضحك طب كفايه

عسال….بضحك زفه بعيد انا مشكلتي مع سلامه أن رغم كمية التيشرتات اللي عندي انا مش بلاقي حاجه ألبسها

ايه….بضحك بيحطهم في دولابه اكيد؟

عسال…..اه بتحصل كتير بس مش دي المشكله انا ببقي مثلا كاوي كام حاجه كده يعني اللي محتاجه والباقي مش مكوي ده يلبس تيشرت و يقف يظبط نفسه يتكرمش مش عاجبه فا يقلع ويحدف علي السرير وزي ما قولت يخرج يلبس حس أنه عرق في لحظه يقلع و يدخل ياخد شاور
و ممكن ينزل تحت يقف يظبط العربيه و ينضفها و يجهزها وفجأه لا انا عرقت فا يطلع يغير تاني طبعا أنا عارف أن في كام حاجه مكويه ابص الاقي الكل اتلبس واتقلع و مرمي كمان يروح مشوار ساعه و لا ساعتين يرجع يغير و ينزل يرجع تاني بعد شويه يغير و ينزل فا سلامه مستفز جداً بجد و مشاكلي كلها بسبب اللبس

سلمي….بضحك بصت لايه ايوه خير..

ايه…..ايه ملناش دعوه هما عندهم مشاكل عائليه

سلمي….بضحك والله يا عسال انت بتحكي علي ايه مش علي سلامه

ايمي…..مش بقولك فيهم من بعض كتير

سلمي….انا بقي مشكلتي معاها انها بتلبس هدومي الجديده في الشغل ترجع مليانه شعر كلاب علي قطط و بيبقي يوم مش معدي

ايه….بضحك طب اعمل ايه بتجيب حجات بحبها

سلامه….صحيح احنا مالنا بتجيلوا ليه الاستايل اللي بنحبه

فضلوا يتكلموا ويهزروا مع بعض و بعدين قرروا أنهم يلعبوا لعبه و يسألوا بعض.

حسان….بقول ايه بما اننا قاعدين و بنتسلي بيتهيألي احنا تقريبا عرفنا بعض بس يمكن في حجات لسه منعرفهاش ايه رأيكم نسأل بعض او اللي يجي في باله سؤال لاي شخص يسألوا.

ايه……أو خلينا نلعب لعبة تانيه احلي صراحه ولا جرأه

حسان…..يعني ايه ؟

ايه….يعني انا اسألك صراحه ولا جرأه لو اختارت صراحه هسألك سؤال و لو اخترت جرئه هطلب منك طلب جرئ و مجبر انك تنفذه.

حسان….بابتسامه ايوه جرئ ازاي انا مش ضامنك

رشيد…بضحك لحسان قلقت منها انت صح

حسان…..اه مش متوقعه ايه

ايمي…..لا حلوه هتعجبكم لعبناها كتير و مضحكه اصلا يعني الأحكام اللي فيها تضحك بس المهم يعني الجرأه متبقاش صعبه

ايه….والله اختاروا اللي مش حابب جرأه يختار صراحه

سلامه….انا موافق

عسال….طيب تمام انا عادي

ايمي……انا علبة السجاير بتاعتي جوه ولا فين

ليله…..لا دي فوق انتي منزلتيش بيها

فضل…..خدي يا ايمي انا بشرب نفس النوع

كلها فضل سيجاره و طلع واحده تانيه مد أيده بيها لليله

فضل…..امسكي يا ليله سيجاره

بصت ليله علي ايد فضل اللي ممدوده بالسيجاره وقبل ما تمد أيدها تاخدها عشان متحرجهوش مسك عشري أيدها قدام الكل رجعها وراء و خد من فضل هو السيجاره حطها في بوئه و بص لفضل

عشري….ليله مش بتشرب

فضل…..ايه ده انتي بطلتي

عشري…..طيب بمناسبة موضوع السيجاره ده خلوني اروح لموضوع تاني اهم حبيت افتحه قدام الكل يعني بما أن الكل فرحان عشان عسال و نادين قولت اهلي فرحتكم فرحتين انا وليله ارتبطنا

الشباب….اوباااااااا
ابتسموا البنات بصدمه وحطموا ايدهم علي بوئهم ابتسمت ليله بصدمه و سكتت

عشري……وان شاء الله بس نرجع و نظبط امورنا و الموضوع هيكون بشكل رسمي انا قولت اعرفكم مع اني واثق أن الكل لاحظ حاجه زي دي

باركولهم كلهم و قام الشباب وقفوا راحوا علي عشري فضلت ليله في مكانها مصدومه البنات قربوا منها وهما بيضحكوا اللي ماسك أيدها واللي بيقولها كلام هي مركزتش فيه بس هي كانت متفاجأه برد فعله و فهمت أنه عمل كده مع فضل و بعدين قال الموضوع ده عشان يمنع اي تصرف معاها تاني بالشكل ده.

باركولها الشباب و الكل كان مبسوط بجد و رجعوا تاني قعدوا مكانهم.

استمرت المشاركات والكلام و الضحك عن حوار عشري و ليله كانت بترد علي اي كلام بس كانت لسه تحت تأثير الصدمه مبسوطه و طائره من السعاده وحراسه بالاحراج لكن كانت اجرأ كتير في رد الفعل عن نادين.

بدأوا يتفقوا تاني علي اللعبه

بص عشري لليله بهدوء و هو مبتسم

عشري…..بحبك

ليله….عشري ممكن نخرج بره ثواني عيزاك

عشري……رفع حاجبه تمام يلا

قام عشري بهدوء ووقف قدامها مسكها من أيدها عشان تعرف تقوم

عشري…..راجعين تاني يا شباب

سلامه…رايحين فين مش هنلعب

عشري….جايين تاني حد فيكم بس يبقي يغير الحجر ده و ظبطوا الدنيا و هنرجع علي طول

سلامه….تمام فضل يا قهوجي غير الحجر للقهوجي التاني

ضربه فضل بالزجاجه بتاعت المايه وكلهم ضحكوا.

خرج عشري و ليله بره و بعدوا شويه

عشري…..ايه مالك متفجأه ليه ؟ ولا انا حاسس غلط

ليله…..اه متفجأه يا عشري

عشري…..بس ده اللي كان هيحصل عادي يعني اكيد الكل كان لازم يعرف

ليله…..عارفه بس بيتهيألي الموقف مكانش حلو يا عشري

عشري….بأستغراب موقف ايه انتي اضايقتي يا ليله اني قولت قدام الكل ؟

ليله….اكيد لا يا عشري مقصدش انك أعلنت الموضوع

عشري….امال ايه اصل احنا اخر مره اتكلمنا سرعتي في الموضوع كانت مضيقاكي

ليله…..قولتلك لا واصلا مكنتش مضايقه وانا فهمتك ده وقتها بس انت عارف انا بتكلم عن ايه كويس

عشري…..انتي تقصدي حوار السيجاره اللي حصل جوه ؟

ليله…..ليه عملت كده يا عشري ليه احرجت فضل كان ممكن أخدها و اسيبها مشربهاش بس المنظر مكانش حلو و بعدها انت قولت أننا ارتبطنا يعني فيما معناه متعملش كده تاني

عشري….طيب كويس اوي انك فهمتي اللي أقصده من اللي عملته و بيتهيألي فضل و الكل فهم

ليله…..مكانش ليه لزوم علي فكره قولتلك مكنتش هشربها

عشري…..عارف بس موقف زي ده مش هيخلي حد يتجرأ تاني و يمدلك أيده بسيجاره و كأنك واحد صاحبه

ليله….وايه المشكله هما عارفين اني بشرب وشافوني اكتر من مره و عادي أنهم يدوني هو ممدش أيده مثلا لسلمي ولا ايه و لا اي حد مش بيشرب وبعدين ما ايمي خدت منه معناها انها واحد صاحبه

عشري…..ايمي اللي طلبت اصلا و هو عزم عليها عشان متطلعش فوق بس انتي عزم عليكي بما انك بتشربي فا لما يعرف انك مش بتشربي و اني خدتها منه بالطريقه دي مش هيكررها لا هو ولا غيره و هنقطع الموضوع ده وبعدين احنا مع بعض و فاهمين بعض متقلقيش انتي

ليله….ايوه يا عشري بس انت أحرجته

عشري…..مأحرجتش حد انا فهمته بالطريقه و فضل عارف اسلوبي كويس و مش هو بس الشباب كمان واديكي شايفه بارك و ضحك و مفيش اي حاجه و حتي لو الموقف استغربه اكيد بعد ما أعلنت قدام الكل انك تخصيني فهم اللي عملته و فهم رسالتي هو والشباب أن من هنا و رايح محدش يتصرف مع ليله بالشكل ده يعني خلصت والموضوع مش محتاج كل ده

ليله…..بس انت خليت منظري زي الزفت كمان يا عشري يعني انت فاهم أن فضل و صحابك مش هيزعلوا و هيفهموا اسلوبك بس طريقتك في انك تلغي رأيي قدام الكل مش حلوه

عشري ….انا ملغتش رأيك انا قولت ليله مش بتشرب سجاير و خدتها انا و منظرك مكانش وحش ولا حاجه بعد ما أعلنت ارتباطنا موضوع السيجاره مات في لحظتها و محدش علق عليه

ليله….لا هيعلقوا يا عشري بعدين علي الاقل صحابي يعني مش حلوه خالص انك تحسس الكل انك بتتحكم فيا وبتقرر عني

عشري…..بغضب بسيط تاني هتقولي تحكم انا مليش علاقه بأي حد لا صحابك ولا صحابي انا ليا علاقه بيكي انتي و انتي كمان ليكي علاقه بيا انا احنا اتفقنا علي موضوع السجاير ده و بيتهيألي مات الكلام فيه و كان لازم يموت قدام الكل

ليله…..بعصبيه بسيطه وانا قولتلك مكنتش هشربها يعني مكانش ليه داعي كل ده

عشري….لا كان ليه يا ليله خدتيها و مشربتيهاش مش حل لكن لما اقول انك مش بتشربي محدش فيهم هيفكر يديكي مره تانيه

ليله….تمام بس كان ممكن تقوله بينك وبينه علي الاقل لا شكلي ولا شكله يبقي وحش

عشري…..بيني وبينه هو بس اللي هيفهم لكن قدام الكل خلاص الموضوع خلص

ليله….هو انت مش قتنع أن الموقف اللي حطتني فيه مش حلو يا عشري

عشري….بنبرة حاده لا مش مقتنع و لازم تعرفي أن انا مقبلش تبقي علي ذمتي و حد يعزم بسيجاره علي مراتي

ليله……وانا مش مراتك

عشري….بغضب بصلها بحده فظيعه هتبقيييييي

بصتلوا ليله بصدمه و سعاده داخليه متتوصفش كانت عايزه تبتسم بس حاولت تسيطر علي مشاعرها قدامه اكتفت بالسكوت و فضلت بصاله

عشري…..هتبقي يا ليله و لما ده يحصل الوقت احسن ما يحصل بعدين

ليله…احممم طيب ممكن اعرف الفرق ما انت موافق اني اشرب وانا معاك يعني معندكش مشكله في موضوع السجاير ليه التناقض الغريب ده

عشري…..ليله انتي مقفله دماغك ليه معايا بجد انتي عصبتيني

ليله….انا مش بعصبك ولا مقفله دماغي انا بتكلم معاك في حاجه بتحصل بجد وانا شايفه أنه تناقض

عشري….شوفيه زي ما تشوفيه انتي حره زي ما ليكي دماغ انا ليا دماغ و اللي بعمله ده مش تناقض انتي معايا حره تعملي اللي انتي عايزاه و بين الراجل والست مفيش حاجه ليها حدود نشرب سجاير شيشه نحشش في النهايه بين الست و جوزها مفيش اي بني ادم ليه دخل نعيش حياتنا بالطريقه اللي تعجبنا لكن بره حدودنا لازم يكون في حدود عشان منسمحش لاي حد غيرنا يتخطاها

ليله….يا سلام يعني معندكش مشكله اني احشش معاك بس اني اشرب سيجاره قدام حد لا

عشري….اه معنديش مشكله و مش معني كده اني هسيبك تحششي انا نفسي مش بعملها بس بقولك مثلاً يعني اللي بينك وبيني بتاعنا وبس احنا حرين نعيش حياتنا بطريقتنا ومعايا هخليكي تعملي اللي انتي عايزاه في النهايه لما نبقي في بيت واحد زي اي راجل وست حياتنا هامشي علي كيفنا نهزر نلعب نتخانق نتدلع براحتنا بس بره حدود المكان الخاص بينا لازم يكون في حدود و لازم تحطي حد بينك وبين اي بني ادم عشان ميقدرش يتخطي الحدود دي طبعاً أنا عارف اني بتكلم وانتي مش مقتنعه بكلامي

ليله….بصراحه اه لانك كبرت الموضوع اوي

عشري….عشان هو كبير بالنسبالي

ليله….علي فكره انت كان ممكن تقول لفضل والشباب فوق بينك وبينهم محدش فيكم يدي ليله سجاير تاني عشان بضايق والموضوع كان خلص

عشري….ليله بجد انا أبتديت اتعصب الموقف حصل قدامك وكان لازم أخلصه في لحظتها و انا حر اعمل كده في الوقت اللي يعجبني طول ما انا بتكلم في الأصول لا ينفع تزعلي ولا غيرك يزعل

وهو بيشاور بأيده و متعصب طفية السجاير طارت من السيجاره وقعت في صدرها

ليله…..اااااه السيجاره السيجاره

وقفت تتنطتت بسرعه و تنفض صدرها قرب منها عشري

عشري……فيكي حاجه ؟

مد أيده بطريقه تلقائيه علي صدرها مكان ما أتحرقت وبقي يمشي أيده بسرعه عشان يبعد النار عنها

وقفت ليله واتجمدت حرفياً اتوترت ومبقتش عارفه تتكلم او تقول اي حاجه حتي مكانتش عارفه تبص في عينه

عشري…..انتي كويسه ؟

ليله…..حطت شعرها وراء ودنها بتوتر اااااا ايوه ايوه خلاص محصلش حاجه

عشري….حرقتك جامد

ليله….ااااا لا خلاص مفيش بسيطه

عشري…اسف والله معرفش طارت ازاي تعالي ادخلي حطي عليها مايه بسرعه

ليله….بتوتر اااا لا لا مش مستاهله

عشري….مش مستاهله ايه صدرك احمر

ليله….بأبتسامه إحراج قولتلك خلاص مفيش حاجه شيل ايدك و خلينا نكمل كلامنا

عشري….سلكي نيتك شويه مش قصدي حاجه والله بس بجد احمرت و عموماً مفيش كلام خلاص يا ليله انا قولتلك اللي عندي و فهمتك عملت كده ليه بيتهيألي صحابك مش صغيرين وهيفهموا موقفي و لو حابه توضحي اللي حصل قدامهم عشان شكلك ميبقاش وحش زي ما بتقولي وضحي وبالنسبه للشباب انا عارف انهم مركزوش اصلا فا الموضوع خلص تمام

ليله….تمام يا عشري اللي تشوفوا

عشري….بعصبيه افتكر علي فكره كمان انا لو رخم زي ما انتي شايفه كده و بخلي منظرك وحش مكنتش خليتك تقومي ترقصي

ليله….علي فكره انا مرقصتش انا كنت واقفه بهزر مع البنات مش اكتر وهنا اللي شدوني قدامك

عشري….ايوه وكان ممكن امسك ايدك و وقتها كنت هيبقي بحرجهم بجد بس انا معملتش كده عشان محدش يضايق فبي النهايه صحابك لسه ميعرفوش طبعي زي صحابي انا

ليله….بس انا مرقصتش وانت شوفتني

عشري….ماشي يا ليله عموما انا بس بعرفك الفرق بين الموقفين

ليله….طيب خلاص

عشري…..يلا تعالي حطي مايه علي الحرق ده

ليله…..اوك

عشري….استني مش معاكي اي كريم للحروق؟

ليله…ااااا لا مش معايا غير حجات للبحر و للشمس ممكن ابقي احط منهم عادي

عشري….طيب يلا يا حبيبي تعالي

دخلت ليله معاه بهدوء وهي من جوايا مبسوطه بكل اللي بيحصل رغم أن الموقف ضايقها بجد بس رد فعله كان باين انه حب و كل كلامه كان مفهوم ليها.

دخلت ليله علي جوه علي طول وهو راح قعد .

سلامه…..ما يلا ياعم في ايه كل ده

عشري….يلا جيت اهو

ايمي…..ليله راحت فين

عشري…..في المطبخ جايه الوقت يلا ابدأوا اللعبه لحد ما ترجع.

رفعت نادين ضهرها لفوق

عسال….بهمس و بتلقائيه مش مقصوده حط أيده علي ضهرها ضهرك وجعك ؟

نادين…..بتوتر ابتسمت بهدوء ااااا لا عادي يعني

عسال…..تعالي بدلي المكان مع فضل و اسندي

نادين…..لا خلاص والله انا تمام لو حسيت اني تعبت هقوم

عسال…..بنظره جميله ماشي.

رجعت ليله بهدوء و كانت لابسه بنطلون و تيشرت كت و حاطه عليها زي دفايه صغيره لان الجو كان برد شويه و راحت عشان تقعد مكانها

فضل…..يلا بقي ليله جات اهي

ليله…..يلا انا جيت

عشري….بهدوء مش كده احلي

بصتلوا ليله بابتسامه و رفعت حاجبها

ليله…..انا لبست كده عشان ركبتي وجعتني

عشري…..بابتسامه جميله قصدك مش عشان قولت بلاش فستان صح ؟ عموماً مش مهم بس قريب هنبطل العند ده

ليله……هنشوف

عشري…..حطيتي مائه علي الحرق؟

ليله…..اه بسيطه متقلقش

عشري…..انتي بردانه ؟

ليله…..اه شويه الجو غير

عشري….ماشي بصلها بحب و حط أيده علي كتفها

بدأو اللعبه و دور فضل الزجاجه

أيمي….لحظه يا فضل بقول ايه الكل وافق أنه يلعب اللعبه يعني محدش فيكم يرجع في كلامه لما نبدأ انا عن نفسي اللي هيختار صراحه هسأل أساله احتمال محدش يعرف يرد عليها و هطلب احكام قويه لو اختارتوا جرئه يعني اللي هيجي قصادي يبقي متأكد اني هلعب بجد فا يركز في اختياره

سلمي……ايوه بس يعني بلاش اسئله أو احكام محرجه اوي

ايمي….والله اللي شايف نفسه مش جرئ ومش قد احكامي ولا اسالتي ميلعبش

حسان….بأبتسامه ايه خايفه ولا ايه؟

سلمي…بابتسامه انا لا خالص والله حوار الصراحه ده مش قلقتنه منه يعني هما عارفين عني كل حاجه بس مضمنش ايمي في الأحكام

ايمي….يا ستي لو اتحطيتي قدامي مش شرط تختاري جرأه

سلمي…..والله لا قدامك ولا قدام ليله ولا حتي نوني انتوا التلاته مش متوقعين

ايه….قصدك تقللي مني انا ونادين طب اسمعي بقي عشان الكلمتين دول لو وقعتي تحت ايدي مش يرحمك

سلمي ….بضحك لا مش هقع انتوا قاعدين جنبي يعني صعب الزجاجه تقف علينا

فضل…..ايوه ماهو عشان كده بقي كل شويه هنبدل مكاننا

سلمي….بضحك في ايه فضل ما انت كنت قاعد طيب و هادي

فضل….بضحك لا معلش في اللعب لا في هدوء ولا في طيبه و انا هنضم ليهم اسئلتي رخمه و أحكامي ارخم خافي مني بقي

رشيد….وانا كمان مع فضل انسوا بقي لعبة الزجاجه التقليديه احنا مش اطفال يعني عروق عليكم

نادين…..بهمس بسيط وهي بتضحك انا شكلي هنسحب

فضل…..انا سمعت حد بيقول هينسحب ولا ايه يا نودي

عسال….بابتسامه ايه خوفوكي و لا ايه

نادين…..بضحك صراحه في الأحكام مضمنهمش دول اشرار

عسال….طيب والاسئله ؟

نادين….لا عادي يعني معنديش حاجه اخبيها

عسال….وانا كمان العبي و متقلقيش لو حكموا عليكي حكم كبير انا هنفذ بدالك

ليله….لا معلش يا استاذ ميدو معندناش حد يشيل بدل حد

عسال….مش ليكم الحكم يتنفذ

ليله…..يا سيدي افرض طلبت منها تشيل الميكب و هي قاعده هتنفذ بدالها ازاي

نادين…..طيب تمام لو الأحكام كده موافقه اشيل الميكب انا اصلا مش حاطه كتير

ليله…..بضحك لا يا ذكيه انا بقول مثلاً

نادين….علي فكره انتي شريره و مش مطمنالك

عشري…..ايوه يا نودي معاكي حق هي شريره

ليله….لا والله طب علي فكره لما نبدل هقوم من جنبك عشان انت اول واحد.هحكم عليه يا عشري

عشري….بضحك طب ليه كده الشر ده

ليله….هو كده شريره بقي

حسان…..بصوا عشان نلعب و نختصر كلام انا شايف أن ايمي معاها حق اللي حاسس انه مش هيقدر يلعب عادي ميلعبش و يتفرج بس المهم مننسحبش من نص اللعبه ممنوع

رشيد…انا عندي اقتراح حلو

حسان….ايه هو؟

رشيد…..اللي ينسحب من سؤال او حكم يتعاقب

حسان…..ايه هيتذنب يعني

سلامه….في عصابه مقشه جوه مكسوره

رشيد….بضحك اقعد انت مش للدرجادي بس هنحكم عليه حكم تقيل يمكن اصعب من الحكم اللي هيرفضه وده عشان هينسحب خالص من اللعبه

سلامه….موافق احنا ننزل فيه ضرب كلنا

عشري…..مالك ياض انت سادي ولا ايه حكايتك

ضحكوا كلهم علي عشري

سلامه….بضحك لا متحمس شويه

حسان…..انا موافق علي كلام رشيد بما أنه هينسحب و يطلع من اللعبه خالص يتحكم عليه من الكل

سلمي……طيب ما انا ممكن انسحب من حكم مثلا مش من اللعبه

حسان….لا الانسحاب يبقي من اللعبه خالص عشان نضطر ننفذ و محدش يبوظ اللعبه و يخرج

سلمي….امممم طيب موافقه

نادين….طيب ممكن اخر سؤال

حسان….اكيد

نادين….يعني لو اخترت صراحه و طلع مثلاً صعب ممكن ابدل و يبقي جرئه

ايمي….لا اللي هتختاريه مينفعش تبدلي فكري قبل الاختيار .

نعيمه….أبتسمت و رفعت حاجبها طيب انا عندي اقتراح اجمل و بيتهيألي هيخلي اللعبه افضل بكتير

سلمي……حاسه ان فيها شر

فضل…..ايه صحيتي صباح الخير

بصتلوا نعيمه بنظره حاده وابتسمت

رشيد…..بضحك شكلها صحيت فعلا هي اكيد سكتت عشان تطلع بحاجه شر فعلاً

نعيمه…..يعني انا بقول أننا ست بنات وست شباب يعني عددنا مظبوط فا انا رأي نخلي الموضوع فرق يعني كل اتنين هيبقوا مع بعض اللي يفكر ينسحب يبقي عارف أن شريكه في الفريق هيخسر معاه

ويتحكم بسببه فا ده هيخلينا صعب ننسحب

حسان…..ايوه يعني الصراحه والحرئه هتبقي متوجهه الاثنين

نعيمه…..لا طبعاً يعني افرض انت سألتني سؤال والمفروض ارد بصراحه لو مثلا سلامه معايا اكيد مش هيرعف يرد لانه ميعرفش الاجابه

حسان…..شاورلها بصباعه تمام تمام فهمت يعني الفرق دي بس هتطبق علي الانسحاب

نعيمه….بالظبط يعني انت و سلمي مثلا فريق انت يتوجهلك سؤال او حكم هتجاوب وتنفذ لوحدك هي ملهاش علاقه بس في حال انسحبت هي هتتعاقب معاك و هتتحرم من أنها تكمل وطبعاً العكس لو معاها

حسان….حلو انا موافق علي الفكره

عشري…..بحماس وانا كمان و بيتهيألي كده محدش هيقدر يخلع يلا نبدأ

فضل…..طيب مين مع مين و لا نمشيها زي ما احنا قاعدين

عشري…..انا وليله

رشيد….وانا وايمي

حسان….انا وسلمي

فضل….وانا نوني

عسال….اكيد انا ونادين

ابتسمت نادين بهدوء

سلامه…..مبقاش ليا غيرك يا بتاعت المهرجانات

ايه…..بضحك متقلقش انا قدها

سلامه….والله لو انسحبتي لا هحكم عليكي معاهم

ايه….عيب عليك مش انا اللي انسحب

سلامه….هنشوف يا اختي متثقيش في نفسك كده صحابك اشرار و صحابي انا عارف دماغهم شياطين ربنا يستر

رشيد….يا شباب اي سؤال يتوجه لاي حد مهما كان محدش يزعل دي لعبه تمام

الجميع….تمام

فضل دور الزجاجه و رشيد المفروض يسأل سلمي

سلمي….بضحك اتوترت ايه ده علي طول كده

رشيد…..حظك يلا صراحه ولا جرئه

سلمي….بضحك لا صراحه اكيد مش جرئه

ايمي….بهمس جبانه

رشيد….طيب ايه اكتر حاجه غلط عملتيها في حياتك و محدش يعرفها و ندمانه عليها

سلمي….بتفكير اااا لا مفيش انا عمري ما عملت ايه حاجه غلط لدرجة اني اندم عليها

رشيد….يعني عملتي ؟

سلمي…..اكيد كلنا بنغلط بس ايه هو نوع الغلط اللي يخليني اندم اكيد مفيش

حسان…..انت تقصد سر محدش يعرفها يعني ولا غلطه حصلت و ندمت عليها

رشيد….لا مش سر عادي كلنا عندنا اسرار اقصد غلطه محدش عرفها وهي ندمت عليها

سلمي…..انا مش ملاك والله بس صدقني معنديش غلطات يعني ممكن افهم حد غلط ممكن ازعل من غير متأكد و دي عندي غلط اكيد بس اني اغلط لا مستحيل والله صدقني

رشيد….تمام يعني مفيش

سكتت سلمي شويه وسرحت

رشيد…بضحك اوباااااا سكتت يبقي فيه

سلمي…ااااه اه استني هو بصراحه في حاجه انا شايفه انها غلط جداً بس ناويه يعني أصلحها اول ما نرجع

الكل سكت وركز معاها و بالاخص حسان

رشيد…..ايه هي ؟

سلمي…..اااا انا عمري ما خليت علي بابا حاجه و هو بجد صاحبي انا وايه جداً و بصراحه لما حصل اللي حصل ده يعني من وقت ما جينا هو ميعرفش أن انتوا معانا و مقدرتش أقوله لأن انا بعيد عنه و لو قولتله مش هيفهم الموضوع زي ما اكون وش لوس ليه وده مش قلة ثقه بس هو اب يعني لما يعرف أن بناته مع شباب في نفس المكان مستحيل يقدر يستوعب السبب اللي حصل ولا اننا كلنا اضطرينا فا انا ندمانه وحبيت عليه بس اكيد لما هنرجع اول حاجه اعملها اني احكيله اللي حصل معانا

رشيد…..بابتسامه براڤو يا سلمي

حسان…..بابتسامه اعجاب حلو يلا اللي بعدوا.

لف فضل الزجاجه جات علي نعيمه و سلامه نعيمه اللي تسأله

سلامه…..ومعاناة اول شريره اتفضلي و صراحه مش جرئه

نعيمه….بضحك ماشي بصراحه كده يا سلامه في حد من الشباب مش بتحب تتعامل معاه في الماديات و مين هو

سلامه…..لا طبعاً مفيش

نعيمه….لازم تقول اسم

سلامه…..مستحيل مش عشان انا مش حابب أحرج حد بس والله العظيم الخمسه دول اللي في جيبهم مش ليهم و مش بقول كده عشان هما صحابي بس اقسم بالله ولا واحد فيهم بخيل او حتي حريص

يعني مش هتكلم عن عسال عشان محدش يقول بطبل لاخويا بس لو هتكلم عن عشري و فضل مثلاً لا مستحيل بجد بيصرفوا من غير تفكير رشيد لو شافني مضايق أو سؤال يسأله يقولي محتاج فلوس يعني ابقي مضايق من اي حاجه تانيه وهو كل اللي يفكر فيه الماديات

حسان كمان جدع بطريقه متتوصفش و في مره عملت فيه مقلب واتصلت بيه قولتله اني محتاج 200 الف جنيه عشان عسال كان سايب معايا مبلغ و نسيته في العربيه و شكلوا اتسرق

قالي حالاً هكون عندك هجيبلك اللي معايا و هحولك الباقي يعني محدش فيهم بيفكر

حسان….حبيبي

رشيد…يا صاحبي الماديات عمرها ما تساوي واحد في الميه من اللي بينا

نعيمه….حلو ماشي اللي بعده

دور فضل الزجاجه جات عليه هو و نادين

نادين…ابتسمت وخلت وشها ليه كده بس

فضل……لا ارفعيلي وشك كده و يلا قولي صراحه ولا جرئه

عسال….بابتسامه يلا متقلقيش

نادين…..اااا طيب صراحه و براحه عليا

فضل….والله هحاول بصي يا نودي انتي قولتي قبل كده انك ارتبطتي اكتر من مره و مكملتيش ممكن اعرف ليه مكملتيش و هل كان في حد فيهم حبيته بجد و أمته كانت اخر علاقه

نادين…..ايه كل ده هو مش المفروض سؤال

فضل…..لا مليش دعوه انا حر و بعدين يمكن بصعبها عليكي عشان تخسري انتي و فريقك

ايه….صحيح هو اللي هيخسر هيتحكم عليه بأيه

عشري….هنتفق اكيد

فضل……عادي ممكن بكره الاكل و التنضيف و كل طلباتنا هما اللي يعملوها طول اليوم من غير مساعده اي حد ليهم

نادين….بأبتسامه لا خلاص هجاوب بص انا ارتبطت اكتر من مره يعني اربع مرات تقريباً مفيش علاقه فيهم كملت سنه يعني كلها شهور و في منهم علاقه كانت شهر

واكيد محبتش حد فيهم يمكن وقتها كنت فاكره نفسي حبيت وأتعلقت وده كان اثناء العلاقه بس لما كانت بتنتهي كنت بتأكد أنه مكانش حب اكيد .

و سؤالك عن سبب أن العلاقات دي مكملتش لأنها كانت علاقات سامة و مؤذيه
مش شبههي و لا شبه شخصيتي اللي كان خاين وبتاع بنات و اللي معندوش طموح وبيغير من نجاحي في شغلي و اللي شايف نفسه و ديماً بيحتقرني و ديماً يتكلم عن أن اهلي أنهم مش معايا ويحسسني اني أقل منه و اللي بخيل جداً وفي نفس الوقت طمعان فيا و مفكر أنه هيدخل حياتي ياخد و يجري و اللي توكسيك و نرجسي فا كان فيهم صفات كتير تجبرني اني مش بس امشي لا انا أختفي خالص

انا اخر علاقه بقي كانت امته تقدر تقول كده انها كانت قبل يوم من سفرنا بس طبعاً أنا عن نفسي كنت تقريباً قبلها بشهر منفصله عنه يعني كلام عادي بس مفيش علاقه ملموسه

عسال……بصلها قبل يوم من سفركم هنا يعني ؟

نادين….بتوتر لعبت في شعرها ايوه بس هي تقريباً كانت منتهيه من شهر و كنت مستنيه اجيب اخر صبري عليه

فضل…..طيب أنا سألت كتير و هسأل اخر سؤال لو مش حابه تردي خلاص

نادين….لا عادي كمل

فضل……ليه سبتيه ؟

نادين……هو في كل الأحوال انا كنت هسيبه بس تقدر تقول إنه جاب آخره معايا لما خيرني بينه و بين البنات قالي لو سافرتي مش هنكمل و بعدين هو علاقته بيهم مكانتش احسن حاجه خصوصاً ليله مكانش بيحبها

ليله…..بص يا فضل نادين قلبها نضيف و بتثق في الناس بسرعه يمكن هي عقلها كبير بس انا عن نفسي اوقات بحس أن نادين محتاجه تدخل علاقه بس عشان تحس انها مش لوحدها يعني عايزه تعمل عيله وبيت و ده مش عيب بس هي لما بتكتشف إنهم مش قد المسؤوليه دي و بتكتشف عيوبهم بتنهي كل حاجه فوراً

اخر شخص كانت معاه ده كان في صفات كتير مش حلوه و كنت ديماً انا واقفه في وشه بالمرصاد عشان كده مكانش بيحبني يمكن هي كانت شايفه عيوبه بس كانت محتاجه تدي فرصه للنهايه و علي فكره نادين حقيقي محبتش اي واحد فيهم هي كانت بتدور علي الحب عشان زي ما قولت تعمل عيله وبيت بس هما مكانوش مناسبين خالص و بيتهيألي انا و البنات بالاخص اول مره نشوف نادين مبسوطه كده و هي مع عسال

بصتلها نادين بصدمه و ابتسمت ابتسامه خفيفه

ليله……متبصليش انتي عارفه اني صريحه واكيد مش بحطك في موقف محرج عسال لازم يفهم خصوصاً بعد ما سمع كلامك ده عشان ميفهمكيش غلط ولا يضايق أن علاقاتك كانت كتير بس صدقني يا عسال نادين مبسوطه و السعاده اللي شوفتها فيها و الحاله نفسها اللي هي عليها مكانتش موجوده قبل كده و علي فكره كمان اكيد الكل لاحظ أن نادين محبتش الموضوع بسبب فرق السن اللي بينكم ويمكن انا من الناس اللي قولت بصراحه هي معاها حق لاني مقدرش اكون مع شاب في علاقه انا الطرف الأكبر فيها

بس كلمة حق في حقك يا عسال انت ارجل حد دخل في حياة نادين مش بس من اللي كانت مرتبطه بيهم بيتهيألي كلامي واضح

عسال….بابتسامه أولاً مبسوط أن ده رأيك فيا و مبسوط بكلامك اوي و أن شاء الله انا قده و الايام هتثبتلكم ده مش بس لنادين ليكم انتوا كمان بصفتكم صاحبها المقربين و علي فكره انا لا اضايقت ولا فهمت الموضوع غلط ولا عمري هشوف نادين بصوره تانيه غير اللي في دماغي وبس انها بقي تكون كان عندها علاقات

دي متزعليش في النهايه هي مع مين ده الاهم .

نادين….ااااا انا بس عايزه اقول حاجه يمكن زي ما قالت ليله انا كنت بدور علي بيت وعليه وامان يمكن انا مادياً مستقله جداً و اقدر اعمل لنفسي كل حاجه بحلم بيها بس حقيقي انا كل علاقه دخلتها انا كنت الطرف اللي بيدور علي الاستقرار و كنت جد في العلاقه يعني مكنتش بلعب و لا بتسلي انا بس كنت نفسي الاقي الشخص الصح اللي يكمل معايا لأن حلمي الوحيد اني اكون ام و انا معنديش احلام تانيه اهم من الحلم ده و اكيد اني الاقي شخص يكمل معايا حياتي مش عايزه اكون لوحدي.

عشري…..هتبقي احلي ام يا نودي و مش هتبقي لوحدك و اسمعيها من اخوكي الكبير انتي هيبقي وراكي ضهر و سند وراجل يعوضك عن اي حاجه مش حلوه في حياتك

عسال……بابتسامه جميله مكنتيش محتاجه تقولي كل ده ولا تبرري انا فاهمك كويس.

بصتلوا نادين و بصت بابتسامته الهاديه وحسن بصدق نظراته.

فضل….بابتسامه نودي زعلتي مني

نادين….لا خالص والله بالعكس مبسوطه اني قولت كل حاجه جوايا علي الاقل عشان ميدو يسمعها مني لاول مره

عسال……بابتسامه واخر مره هسمعها
لاني مش محتاج اسمع اي حاجه حصلت في حياتك و كانت سبب في ذكري مش حلوة لأن اللي جاي مش هيبقي غير ذكريات حلوه وبس اتفقنا

نادين….بابتسامه احراج اتفقنا

دور فضل الزجاجه جات علي ايمي و عسال

عسال….ابتسم انتي عارفه اني بحبك

ايمي….بضحك ايوه عارفه انا الدخلات دي

عسال…..والله أبداً انتي بقيتي غاليه عندي

ايمي….بابتسامه وانت كمان والله يا عسال و شكلي كده عشان الكلمتين الحلوين دول هيبقي طيبه معاك

عسال….يا مسهل

ايمي…..صراحه ولا جرئه

عسال….امممم صراحه

ايمي….اشمعني نادين ؟

نادين…..بابتسامه و صدمه مالك ومال نادين الوقت

ايمي….الله السؤال متوجه ليه

عسال….بابتسامه هي سألت وانا لازم اجاوب

نادين….بضحكه جميله وشها احمر ايوه بس انا مالي توتروني معاكم ايه

رشيد….حرام عليكم وشها احمر

ليله…..طب بسرعه بقي قبل ما تموت مننا

ابتسمت نادين وحطت أيدها علي وشها

ايمي…..يلا جاوب اشمعني نادين ؟

عسال…..بصي انا مش حابب اجاوب اجابات تبان انها جامده بقي و كده بس صدقيني في حجات بتحصل في حياتنا يا ايمي ملهاش ترتيب و لا تفسير لما جيت هنا انا كنت جاي اقضي سوريه بسيطه انا وصحابي عشان تفصل من ضغط الشغل

مكنتش عامل حسابي للموضوع بس زي ما قولتلك في حجات بتحصل في حياتنا لا ليها ترتيب و لا تفسير و نادين خدتني عندها من غير ما تقصد و انا سلمت بصراحه و تقدري تقولي كده لما شوفتها عقلي شاور عليها وقلبي اتصرف لوحده من غير ما ياخد رأيي و انا مشيت وراهم هما الاتنين و انا عارف اني هكون اسعد راجل في الدنيا و عندي ثقه في نفسي اني اخليها اسعد بنت في الدنيا

عشري…ايوووووه بقي

ضحكوا كلهم و هنا بيسقفوا الكلمتين الحلوين دول وفضلت نادين مغمضه عينها بايديها و هي قلبها بيدق جامد

ابتسم عسال و قرب أيده من أيدها يبعدها

عسال…..شيلي ايدك خلاص خلصت

نادين…..بابتسامه وشها كان احمر تيجي ننسحب طيب

عسال….بضحك لا مفيش انسحاب هنكمل طبعاً

ايمي…..هتخسروا و بعدين خلي عندك دم الراجل قال في حقك كلمتين حلوين عايزاه يتعاقب ايه

فضل…..يلا جاهزين

ايمي….يلا حرك

دور فضل الزجاجه

جات علي نادين و رشيد

رشيد….لا لا طيبه انا عارف

نادين….بأبتسامه جميله متقلقش صراحه ولا جرأه

رشيد….اااااا طيب خلينا الاول صراحه زي الكل

نادين…..حاجه نفسك تمسحها من ذاكرتك يعني موقف حزين صدمه قرار ذكري اي حاجه

رشيد….لا مفيش

نادين….خالص

رشيد….خالص والله مفيش يعني بيتهيألي انا عمري ما حصل معايا حاجه قويه لدرجه انها تعلم اوي فيا واتمني اني انساها

نادين….تمام

فضل….طيب بقول ايه ايه رأيكم نبدل شويه البنات يبدأوا سوا يعني نوني وايمي وليله يروحوا مكان سلمي و نادين وايه

ايمي…..تمام يلا بينا

قاموا البنات وراحوا قعدوا كل واحده مكان التانيه

ايه….بضحك ايه ده انا قعدتي جات جنبك

رشيد….بضحك ايه مش عاجبك

ايه…..لا خلاص خليها عليا

نادين…..هاي فضل

فضل….بضحك هاي نودي

عشري….الشيشه مضيقاكي

سلمي …لا بعيد

فضل …..يلا جاهزين

رشيد….يلا حرك

جات الزجاجه رشيد يسأل ليله

ليله….بضحك كده علي طول

رشيد….ايه مش مستعده

ليله….لا مستعده جداً و خليها صراحه

رشيد…..طيب يا ستي ايه الكدبه اللي كدبتيها علي صحابك و لحد الوقت محدش عرفها

ليله….مفيش ولو حابب تغير السؤال غيره

رشيد…..لا مش عايز لغيره بس اكيد

ليله…..لا مفيش صدقني مستحيل اكدب

رشيد….بضحك ده ايه الثقه دي هو في شخص مش بيكدب

ليله…كتير و انا منهم مثلاً انا و الكدب مفيش بينا وفاق أساساً اللي عارفني كويس عارف اني شخص جرئ بقول اللي جوايا من غير تردد حتي لو كانت مصيبه عملتها

رشيد…ايوه بس في كدب ابيض

ليله…..الكدب كدب يا رشيد لا فيه ابيض ولا اسود

حس عشري أنه اتوتر و لاحظ كل صحابه لانهم عارفين اصلا الحكايه

رشيد…..لا في يعني مثلا انا ممكن اكدب لو قولنا أن حسان وفضل في بينهم مشكله اروح اقول لحسان مثلا أنه قال عليه كلام كويس وأنه مضايق أنه زعلانه واعمل العكس مع فضل في الوقت اللي هما مثلا يكونوا مش طايقين بعض بس الكدبه هنا ممكن تحل موقف بينهم يعني دي كدبه بيضه كمان ممكن حد يسألني عن رأيي في اي حاجه تخصه شكله مثلا حاجه اجيبها وبياخد رأيي فيها ممكن متبقاش عجباني بس انا حاسس انه طائر بيها فا اكدب واقول انها حلوه عشان مكسرش بخاطره مثلا

ليله…..بص يا رشيد انا شخص بيحترم جداً أن في حاجه اسمها كدب البني ادم بيلجأله يعني هو فعل زي أفعال كتير ممكن نعملها فا انا محترمه جداً أن الفعل ده موجود لكن انا من الأشخاص اللي بتستخدم الفعل ده يعني مثلا انا لو بحب حد وجه ياخد رأيي في حاجه مش مضطره اكدب عليه لمجرد أنه فرحان خصوصا لو هي فعلا حاجه مش حلوه اكيد انا مش مدب ولا غشيمه اني اقول وحش في وش اي حد كده علي طول لا اجيبها بطريقه حلوه يعني مثلا انت جيت تسالني عن لبسك لو انت تهمني هقولك بصراحه هو اللون حلو بس انتي في الاستايل التاني احلي واجمد ده مثلا مكبرك أو مش ظابط معاك يعني هحيبها بطريقه احسن لكن هقول رأيي كمان لو في زعل مش هروح اقول ده قال حلو عنك ولا هعمل كده بالعكس هتكلم في وش اللي غلط بكل صراحه وهقوله الطرف التاني مش طايقك وزعلان لان بصراحه معاه حق انت زودتها أو ممكن معرفتش توصل رأيك و اتفهمت غلط لكن اكدب مستحيل

رشيد….عايزه تقنعيني انك مش بتكدبي وصريحه طول الوقت

ليله…..مش عايزه اقنعك بس لما تعرفني اكتر هتتأكد اني بني ادم ربنا هالقني صريحه لا بحب اكدب ولا بحب اللي بيكدبوا لأن باختصار مفيش مبرر بالنسبالي للكدب بص يا رشيد احنا مش ربنا ولا هنحاسب بعض الصراحه مهما كانت بتوجع بس بتنجي من حجات كتير اوي

رشيد…..طيب لو شخص كدب مثلاً عليكي بس الشخص ده بيحبك يعني فرضنا مثلاً نعيمه خبت عنك حاجه عشان لو قالتها ممكن تزعلي مش هتسامحيها

ليله…..لا ماهو يعني ايه خبت يعني سر ولا كدبه

رشيد….ايه الفرق بين انها عندها سر و بين انها كتبت عليكي في حاجه في النهايه الكبده سر

ليله….لا تفرق يا عشري كتير السر غير الكدبه وارد يكون عندها سر مش حابه حد يعرفوا مش هزعل لأن السر ده يخصها و في نفس الوقت مش هيأذيني لكن انها اكدب عليا في حاجه اكيد حجم الكدبة هو اذي ليا و بعدين طول ما انا كتاب مفتوح مع اي شخص قريب مني مستحيل اقدر اسامحه لو كدب عليا يعني ببقي مستنيه أنه يكون صريح معايا زي ما انا صريحه معاه طول الوقت عشان كده مستحيل اقدر اسامح حد قريب مني علي كدبه معهما كان هو ايه عندي

فضل……يعني انتي مستحيل تكدبي في أي موقف يا ليله خالص و بتقولي الصراحه طول الوقت

ليله…..والله معاك دقيقه انت او رشيد تسألوني اي سؤال يخطر في بالكم و بما اني معرفش هتسألوا عن ايه اكيد مش هيبقي مجهزه اجابتي و هيبان عليا بكدب أو لا وهرد بسرعه

رشيد….تمام الحب ولا الفلوس يا ليله

ليله ….الاتنين

رشيد….اختاري واحد

ليله…..لو الشخص اللي بحبه انا واثقه في حبه ليا هيبقي الحب لكن لو انا بحبه وعندي شك أو عدم ضمان احبه اكيد الفلوس

فضل….طيب حبيبتي عشري

ليله….بابتسامه لو محبتهوش مش هيبقي معاه

فضل…..طيب انتي مقتنعه انك حبيتي عشري في الفتره البسيطه دي

ليله…..الحب بالنسبالي مش بالمده هو تاتش كده بيحصل في قلبك من غير ما تحس و فجأه بتحس انك عارف البني ادم ده من سنين و بتحبه

رشيد…..طيب مش شايفه أنك محتاجه مواقف اكتر تعرفك علي عشري عشان تقدري تحبيه اوي

ليله….اكيد لسه في مواقف وأفعال هعيشها معاه هتخليني اعرفه اكتر و اتمسك بيه اكتر

فضل…..طيب لو اكتشفتي من المواقف دي
إن عشري مش شبهك هتبعدي

ليله…..اللي خلاني قربت من عشري هو أن تركيبة عقله شبه تركيبة عقلي في كام موقف حصل بينا خلوني اتشد ليه يعني زي اول يوم كنت مصدقه أنه فعله مش حابب يفضل عشان ميضايقناش كان عنيد و صمم يمشي وانا كمان كنت عنيده و صمم انكم تفضلوا الشد والجذب اللي حصل بيني وبينه في أول يوم كانت الشراره اللي خلتني ركزت كمان تركيزه معايا كلامه نظراته رخامته عليا خلتني احس أنه مهتم غير تفاصيل ومواقف حصلت بيني وبينه خلتني حاسه ان عشري الشخص المناسب يعني انا شخصيه قويه جدا وصعب التعامل معايا و عشان يبقي في حد في حياتي لازم شخصيته تكون اقوي مني و بيتهيألي عشري هو الشخص ده.

ابتسم عشري ابتسامه جميله وسكت

رشيد……طيب لو اكتشفتي في طباع مش بتحبيها هتتعاملي معاها ازاي

ليله…..الطباع مستحيل تتغير في اي بني ادم يا رشيد يعني خلينا متفقين أن الشخص العصبي صعب تتحكم في عصبيته يعني مش هقدر اقوله بطل عصبيه فا يدوس علي زرار و يبطل العصبيه طبع أتخلق في البني ادم و يا اقبل بيها من البدايه يا مقبلش لكن اني اغير يبقي من البدايه ادور علي شخص هادي و مضيعش وقتي أو قتله

فضل……طيب يعني عشري مثلاً شخص عصبي و اكيد انتي عرفتي ده هل بقي متقبله عصبيته؟

ليله….انا كمان عصبيه جداً وعصبيتي وحشه لاقصي درجه ممكن تتخيلها يمكن محدش فيكم شافها ومظنش حد هيشوفها لأن هي بتحصل لما بتحط تحت ضغط نفسي قوي بس بردوا علي حسب الموقف

ولو علي سؤالك متقبله عصبيته لو ليها لزوم اكيد بس انا في العموم بتقبل اي طبع في الشخص اللي قدامي لكن بحدود يعني لو العصبيه اوڤر و الشخص ميقدرش وقت الغضب يتحكم فيها لا لان ممكن عصبيته تأذيني أو تأذيه أو تأذي اي شخص فا العصبيه حدود كويسه

رشيد…..طيب بعيداً عن عشري في حالة لاقيتي في الشخص اللي قدامك طبع مقدرتيش تتحمليه و الشخص ده وجعك اوي ممكن يتحول حبك ليك لكره

ليله….كره دي كلمه كبيره اوي يعني انا وارد محبش الشخص لكن اكره لا صعب

فضل…..وايه الفرق تكرهيه أو متحبوش في النهايه واحد

ليله….لا طبعاً فرق كبير يعني انا ممكن يا فضل محبكش احس انك شخص تقيل علي قلبي مش متقبله وجودك في حياتي محاولة اقرب من اي قاعده وانا عارفه انك فيها يعني الكيميا بتاعتي مش راكبه علي الكيميا بتاعتك ومش بتفق معاه ممكن الناس تشوف دمك خفيف وانا عشان مش بحبك بحس أن دمك تقيل فا مش بحبك

لكن الكره ليه معني تاني الكره اني اتمني ليك الاذي افرح لو حصل فيك اي حاجه و تشمت من قلبي اتمنالك الغلط احب ديماً اشوفك مش مبسوط لأ لأ الكره غير وانا مش من الناس دي خالص بحس أنه شعور صعب و بيخلي الشخص اصلا قلبه اسود وانا قلبي مش اسود

رشيد…..بأبتسامه تمام يا ست ليله فهمنا

ليله….بضحك ايه خلصتوا اسئله

رشيد…..يعني علي الاقل فهمنا طبعك وشخصيتك اكتر

فضل….يلا خلف الزجاجه

جات علي نعيمه و فضل

فضل….تعالي

نعيمه….بابتسامه يلا صراحه

فضل…..قولي اسم شخص في الموجودين هنا او بمعني اصح فينا احنا الشباب حسيتي أن شخصيته مش شبهك و مش حابه تتعاملي معاه

نعيمه….لا مفيش بصراحه كلكم اتكلمت معاكم و قعدنا وهزرنا و ضحكنا مفيش حد فيكم يمكن في اه مش شبههي بس لا عادي مستقبله شخصيتهم

فضل……زي مين طيب اللي مش شبهك

نعيمه…..يمكن اكتر حد حسان ومتفهمنيش غلط انت شخص محترم و الكلام معاك حلو اوي بس اقصد أن انت يعني هادي و عاقل كده دي حاجه حلوه علي فكره مش وحشه بالمناسبه يعين بس انا شخصيتي مش كده انا عكسه شويه اوقات ابان عاقله وأوقات عاديه بس احلي حاجه في حسان أنه مش الشخص العاقل اللي علي طول ساكت ومصدر وش رخم لا بيتكلم وبيتناقش فا هو شخصيته جميله لكن مش شبههي اوي في حتت الهدوء

فضل…..طيب ايه اكتر حاجه بتكرهيها في اي شخص و مستحيل تتعاملي معاه سواء بنت او راجل

نعيمه…..انا مستحيل اتعامل مع شخص طول الوقت بيتفاخر باللي عنده و عند أهله يعني انا عندي وانا وانا وانا بكره اوي الناس دي وبحس أن عندهم نقص

حسان…بالمناسبه انا كمان مش بحب الناس دي و مستحيل اتعامل معاهم

نعيمه…..بالظبط يعني كل الناس عندها بس مش لازم يعني اتكلم في حاجه زي دي بحس أنه ناقص واااااه مش بحب المغروروين

رشيد….طيب السؤال مش ليا بس لو قولتلك اختاري حد مننا هنا حسيتي أنه مغرور

نعيمه….مش محتاجه تفكير فضل

فضل…بصدمه ابتسم انااااا

سلامه…ب.ضحك حرام عليكي ده غلبان

فضل….استني بس ليه شايفه اني مغرور

نعيمه…معرفش احساس أو يعني انا عندي قناعه كده شخصيه أن اي شاب حلو و عارف أنه حلو بيبقي شايف نفسي

فضل…..وايه المشكله اني اشوف نفسي عشان حلو أنا ربنا خلقني كده ولازم اتبسط

نعيمه….اكيد بس ميبقاش غرور

فضل…..بابتسامه طيب ايه اللي عملته خلاكي تشوفي اني مغرور

نعيمه….اممممم مش حاجه معينه بس قولتلك حاسه انك شايف نفسك شويه

فضل…..ماهو عشان تحسي بكده لازم تكوني شوفتي موقف

نعيمه….الحلوين بيشوفوا نفسهم في العموم

فضل….طيب ما انتي حلوه علي فكره هل بقي انتي شايفه نفسك

نعيمه….مفيش بنت مش بتشوف نفسها بس الغريب أن الراجل يشوف نفسه علي بنت بالذات

فضل…..وانا شوفت نفسي عليكي بقي

نعيمه….بضحك متقدرش

فضل….بضحك طيب تمام يا ست نوني نبقي نشوف موضوع الغرور ده بعدين

دور الزجاجه وفضل الموضوع بسرعه
وفضلت نعيمه ابتسم و تبصله كل كام ثانيه وهو مبتسم ورافع حاجبه

جات الزجاجه علي ايمي و ايه

ايه….نهار اسود مهبب

ايمي….بضحك صراحه ولا جرأه

ايه….صراحه بلاش جرأه معاكي انتي بالذات عشان دماغك مش سالكه

سلامه…بضحك ما تخليها جرأه الله يخليكي عايز اشوف ايمي هتقول ايه

ايه…..لا هنخسر اسمع مني وهنادبس في اليوم بكره انا وانتي

ايمي….اخلصي هتختاري ايه

ايه….صراحه يا ست المستعجله

ايمي…..قولي علي اسم شخص هنا في القاعده دي حساه شبهك و ممكن تبقي معجبه بيه

ايه…..بضحك قوليلي ايه بقي الجرأه

ضحكوا كلهم علي ايه

ايمي….بضحك اخلصي

ايه….طب خليها جرأه بالله عليكي

ليله….قولنا مش هنبدل خلاص اختارتي جاوبي أو تخسري انتي والتين بتاعك

ايمي….عموماً يعني لو مسموح انك تبدلي والكل موافق الجرأه هتبقي تقومي كده زي الشاطره وتختاري شخص من الشباب تبوسيه من خده

ضحكوا كلهم علي منظر ايه وهي بصالها بصدمه

ايه….ايه يا شيخه معندكيش اخوات بنات

ايمي….بضحك والله انا قولت الصراحه والجرأه اختاري بقي

ليله….بضحك علي فكره انا موافقه تبدأ

حسان….وانا كمان

ايه…..في ايه متحمس ليه كده عايز تتباس

حسان….بضحك لا عايز اشوفك وانتي مزنوقه مش السؤال معجبكيش اشربي بقي

ايمي…..بضحك هعد لحد خمسه يا تختاري يا تنسحبي انتي والتيم بتاعك

سلامه….اختاري لا هطين عيشتك و هدبسك بكره في كل حاجه لوحدك

ايه….بضحك استني انت كمان طب مينفعش اقول علي مين اللي معجب بمين يعني افتن

رشيد…بضحك اوباااااا انا موافق

ايمي….موافق علي ايه مفيش الكلام ده هي اللي اتسألت يعني تجاوب عن نفسها اخلصي واحد

ايه….بضحك لا استني والنبي

ايمي…..اتنين

ايه…منك لله يابت اصبري متوترنيش

سلامه….ورب الكعبه هقتلك لو خرجنا بسببك

ايه….طب اختاري اييييييه

سلامه…اي حاجه اخلصي

كلهم كانوا ميتين من الضحك علي خناقتهم مع بعض

ايمي….تلاته

ايه….طب مش عارفه استني

ايمي…اربعه

ايه…..طب طب

ايمي….خمسه

ايه…هختار هختااااار

ايمي….بضحك قولي

ايه….اااا طيب انا ممكن ابوس شخص و هقول انا هبوسه ليه عشان متفهمش غلط

عشري….بضحك يعني انتي محرجه تقولي اسم شخص و عادي تبوسيه

ايه….بضحك لا مش كده انا اكيد مش هبوسه هو

عشري….اوباااااا يعني في واعترفتي

ايه…لا معترفتش وبعدين مالك بقيت سوسه كده ليه يا عشري ما تشوفي عشري يا ست ليله

ليله…..بضحك هو معاه حق بصراحه

ايه…..طبعاً لازم تدافعيله ما انتي مبسوطه بالزنقه اللي أنا فيها دي

ايمي….انتي هتبطلي رغي ولا نعتبركم منسحبين

سلامه…..لا انا مليش دعوه مش هنسحب ولو انسحبت هي والله ما هساعدها في اي حاجه بكره

ايه…..اسكت انت ده انت يومك اسود معايا بس اصبر عليا

سلامه….بضحك انتي بتستحلفي كمان

ايه….اااا بصوا انا هختار شخص و مش هنسحب عشان انا جريئه يا ست ايمي و مش هنسحب بسهوله بس الشخص ده انا هختاره لاني بصراحه بحبه اوي طبعاً بحبكم كلكم والله جداً بس مش هقدر اعمل كده لان كلكم اقرب ليا في السن

عشري….بضحك اوباااا عرفت انا البوسه رايحه فين

ايه….بضحك صراحه انا فكرت في حسان و رشيد بس حسان يعني بحس أنه عاقل شويه و ممكن يتحرج أو يضايق فا انا عبوس رشيد لأن في فرق كبير في السن بينا وبحس أنه اخويا الكبير وبحبه اوي

رشيد….بضحك يا سلام احلي بوسه بس بلاش فرق السن دي يعني كلهم 18 سنه باين

ايه….بضحك لا انت صغير وزير القمر والله مش قصدي بس اقصد أن الفرق بينا يخليني متحرجش

قامت ايه وراحت عند رشيد باستهزبسرعه من خده

ضحكوا كلهم وسقفوا ابتسم سلامه بس ابتسامته كانت واضحه اوي انها ابتسامه غيظ و كان ببعض علي شفايفه و هو نفسه مفهمش ليه اضايق من جواه

ايه….بكسوف ابتسمت منك لله يا ايمي

رشيد….علي فكره بالمناسبه انا بحبكم كلكم بس ايه ليها بجد علاوه خاصه في قلبي حاسس كده أنها اختي الصغيره الشقيه فا البوسه مقبوله من اخوكي الكبير و اكيد هتعرف مين الاسم بردوا

ايه….ما تسكت بقي يا عم رشيد مش خدت بوستك

ايمي….بضحك اللي يجي عليه ايه يزنقها

ايه….بضحك اكتر من كده ياللي منك لله انا لولا عارفه أن سلامه هيروقني لو انسحبت مكنتش عملت كده

سلامه…اااا طب يلا بقي حرك يا فضل

فضل….ما تحرك شويه ايدي وجعتني

حرك سلامه الزجاجه جات علي نعيمه و عسال

نعيمه….صراحه ولا جرأه يا عسال

عسال….اممم مش فارقه يعني خليني اقول جرأه المرادي لأن بيتهيألي انتوا عرفوا كل حاجه عن حياتي

نعيمه….اوك طيب لو قولتلك قوم الوقت اعمل حاجه حاسس انك عايز تعملها ممكن تعمل ايه

نادين….بصدمه يعمل ايه لا ميعملش

نعيمه….بضحك انا مقولتش يبوس حد بلاش توتر من اولها انا قولت عايز تعمل حاجه ومحددتش

نادين…..بأبتسامه صدمه متعملش حاجه

عسال….بضحكه جميله متقلقيش بصي اه في يا نوني عايز اعمل حاجه

نعيمه……تعمل ايه؟

عسال….بابتسامه طيب لحظه واحده بس دقيقه وراجع

دخل عسال جري علي جوه

ليله….هيعمل ايه؟

نادين….هو انتوا مش بتعرفوا تلعبوا زي الناس ليه

نعيمه….بضحك انا محددتش و بعدين هو اللي بيختار

ايمي….هي محددتش يا نودي خلينا نشوف هيعمل ايه

رشيد…..نودي التوتر و بدأت تحمر

نادين…..بضحكة احراج الثلاثه دول اصلا بتخاف منهم بجد

ليله….انا مالي انا اصلا لو جالي الدور مش يرحمك عشان تكوني عارفه

نادين….مش هيجي أن شاء الله

نزل عسال جري و هو معاه في أيده كيس قماش صغير أقل من كف الايد و ليه رباط بيتسحب

بصتلوا نادين بتوتر

نعيمه…..ايه هتعمل ايه؟

عسال……قعد علي ركبه و بصلهم و ابتسم بصوا من غير ما نوني تقولي حكمها انا كنت هعمل كده اصلا بس يمكن مفكرتش انا هعمل كده أمته بالظبط و لما خيرتيني يا نوني هي دي الحاجه اللي جات في بالي

شد الرباط بهدوء والكل كان مركز معاه نزل في أيده سلسله صغيره و انسيال دهب يصلهم شويه بتأثر و بعدين رفع وشه

عسال….ده دهب امي الله يرحمها سلسله و انسيال دهب بعد ما اتوفت احتفظت بيهم امي التانيه و فضلوا معاها لحد ما كبرنا وقتها مكنتش اعرف عنهم اي حاجه

ولما كبرت لقيتها في يوم بتديني الدهب ده وبتقولي بما انك كبرت فا جه الوقت اللي تاخد في دهب امك انا شيلته وقولت لما تكبر هديهولك استغربت قولتلها هعمل بيه ايه انا مش بنت و حتي لو الدهب شكله يدي علي رجالي شويه مش هقدر البس دهب قالتلي انت حر فيه حابب تبيعه حابب تحتفظ بيه حابب تعمل فيه اي حاجه ده بتاعك و من انهارده هيبقي معاك يومها انا استغربت قولتلها انتي مريت بظروف كتير ليه متصرفتيش فيه خصوصا أن وراثي من ابويا التحفظ عليه عشان سني كان صغير قالتلي دي الذكري الوحيده ليك من امك و محبتش اني اخليكم تخسرها هي كمان و عموماً انت حر من الوقت فيها طلبت منها تاخدهم هي و انا هكون مبسوط رفضت وقالتلي لو انا عندي اقتراح حلو يرضيك و يرضيني و اكيد امك هتكون مبسوطه يوم ما تلاقي البنت اللي انت حبيتها وقلبك شاور عليها لبسهم ليها و عرفها قيمتهم عندك

بصت نادين بصدمه وهي بتهز راسها برفض و كانت متأثره جداً وعينها دمعه و يمكن الكل اتأثر بكلامه لانه كان متأثر وهو بيتكلم.

عسال….و بيتهيألي اقتراحها كان حلو و كمان وقته جه و انا خلاص لاقيت البنت اللي قلبي شاور عليها و لو تسمح لي نادين
اني..

قاطعته نادين وهي بتقف

نادين….لا لا لا اوعي اوعي تعمل كده

عسال….بضحكه جميله استني طيب هقولك

نادين….لا متقولش انت بتعمل ايه أصلاً انا مش موافقه

ضحكوا البنات عليها و هي بتمشي بسرعه منه و خارجه علي بره

عشري…..بضحك طيب انتي رايحه فين بره كده

نادين……حد يقولوا لا بالله عليكم ميدو بلاش توترني

عسال….طيب ممكن افهم ليه رافضه

نادين….عشان دي ذكري غاليه عندك و لازم تحتفظ بيها انا مقدرش يا ميدو

عسال…..ما هي لما تبقي معاكي انا هكون مبسوط وهنحتفظ بيها مع بعض

نادين….مش هقدر يا ميدو و بلاش تعمل كده ارجوك دي من امك يعني لازم تفضل معاك انا مقدره اللي انت قولته و كمان اتأثرت انا مش هنكر بس مش هعرف اعمل كده

عسال…بس انا عايز اعمل كده هتقولي لا

نادين…..اااا اه اه هقول لا و اقفل الموضوع ده بقي بجد

مشيت ناحية الباب وهي متوتره

مسكها ميدو بسرعه من أيدها رجعها و هو بيضحك

عسال….طيب انتي ليه متوتره كده

نادين….عشان انت وترتني ميدو صدقني انا مش هقدر اقبل حاجه زي دي

رشيد….طيب قولي السبب يا نادين يعني هو قال إن كان في نيته يعمل حاجه زي دي لما يلاقي البنت اللي حبها و كمان حنون هي اللي طلبت منه يعني محدش فيهم مضايق انتي ليه مضايقه

نادين….انا مقولتش اني مضايقه بس اللي هو بيقولوا ده كبير انتوا مش قادرين تفهموا يا جماعه دي ذكري من والدته يمكن انا مكانش عندي الفرصه يكون ليا ذكري من النوع ده بس اكيد لو كان في أيدي الفرصه دي مش هتخلي عنها

عشري…..و هو مش بيتخلي عنها يا نادين هو حابب يخليها معاكي

نادين….انا مش هقدر يا عشري دي حاجه كبيره عنده مينفعش

سلامه….نادين هي عشان حاجه كبيره عنده هو حب يشاركك فيها وبيتهيألي دي حاجه تخليكي مبسوطه

نادين…..مبسوطه يا سلامه بس دي والدته يا سلامه وزي ما والدتك قالت دي اخر ذكري ليه منها يعني لازم تفضل معاه

رشيد…..هو انتي ناويه يعني تهربي بيهم

نادين…..لا طبعاً بس دي بالنسبالي مسؤوليه كبيره افرض حاجه فيهم انقطعت افرض حاجه وقعت افرض يا ميدو حصل بينا اي حاجه و مكملناش محطتش في دماغك حاجه زي دي يمكن انا مقدره و حاسه بكل حاجه قولتها و مصدقه كمان شعورك تجاهي بس انت مش شايف انك بتاخد قرارات سريعه حتي في الحاجات اللي تخص ذكرياتك انت ازاي واثق فيا بالشكل ده

عسال…..بنظره جاده لكن حنونه بص في عينها انا عارف انك هتقدري تحافظي عليهم و لو فرضنا اتقطعوا وقعوا مش هضايق لاني هيبقي واثق أن ده كان غصب عنك فكرة بقي أننا ممكن منكملش ده احتمال مش موجود عندي قولتها لك قبل كده يا نادين انا المستحيل عندي سهل و لو مستحيل أننا نكمل بالنسبه ليكي فا هو بالنسبالي سهل لأن مفيش حاجه تخليني مكملش معاكي الا لو مبقتش موجود انا قولتلك قراري كان واضح وانا عارف انا عايز ايه و خلاص انا اختارت و اختياري هو انسب اختيار خدته في حياتي وجودك معايا يا نادين هي الحاجه اللي انا عايزها ولو الدنيا قامت مش هتخلي عنك اما بقي بالنسبه الثقه فا اه يا نادين واثق فيكي وواثق انك هتقدري تحافظي علي ذكرياتي و هتبقي مبسوط جداً لو فضلوا معاكي طول العمر و بما انك نفسك تكوني ام انا كمان نفسي اكون اب منك انتي و اتمني يكون أول طفل لينا بنوته و وقتها هبقي مبسوط لو هي خدمتهم منك

ابتسموا كلهم بسعاده وتأثر

ليله…..نادين اوعي تزعليه بالله عليكي

نادين….بدموع انا مش عايزه ازعله والله انا عيزاكم تفهموني بس

عسال….انا فاهمك ودي اعتبريها هديه بسيطه مني ليكي و بعيد خالص عن اللي بينا كمان ممكن

نادين…..بتأثر ابتسمت ميدو

عسال…..يلا بقي البسهملك

ابتسمت نادين و هزت راسها بهدوء

كلهم سقفوا ليهم

رشيد…..ايوه كده عقبال الشبكه يارب

حسان…..بأبتسامه هنعتبرها شبكه أولي دي خدي بالك يا نودي يعني هنخصمهم من الشبكه الحقيقيه

ضحكت نادين وهي بتمسح دموعها

لبسها عسال الانسيال و بعدين لف لبسها السلسله ورجع بصلها و ابتسم وهو بيغمزلها

بصت نادين علي أيدها و مسكت السلسله
و بعدين بصتله

عسال…..علي فكره كده احلي من الركنه بتاعتهم كانوا دايما معايا طول الوقت في المحفظه شكلهم عليكي اجمل بكتير و بعدين فرصه اشوفهم اكتر لاني مش قادر افتكر امي لما كانت بتلبسهم لكن معاكي هشوفهم ديماً وهفتكرها

ابتسمت نادين من بين دموعها و من غير ما تحس قربت منه ضمته

ضمها عسال بكل قوته و كان حاسس انه طائر من السعاده

فضل والشباب و البنات يسقفوا ويصفروا

نادين كانت مكسوفه ومش عارفه عملت كده ازاي بس هي حست انها محتاجه تعمل كده عشانه علي الاقل

بعدت عنه وهي متوتره وباصه في الأرض

عسال….بهدوء يلا تعالي نروح نكمل اللعبه

مسحت نادين دموعها وراحت معاه

عسال…..بضحكه جميله ممكن نبدل القاعده بقي ونرجع زي ما كنا

رشيد…..بضحك اين مش قادر علي بعدها

عسال…..اه يا سيدي عندك مشكله

ابتسمت نادين بإحراج وقعدت مكانها وبدأوا تاني الاماكن

سلامه….بضحك اهلا استاذه نادين العيوطه

نادين…..بضحك ماشي يا سلامه ليك يوم

سلامه….طب والله عليكي زي القمر بقولك ايه يا عسال احتفظ انت بقي بالكيس

عسال ….اه ما انا هعمل كده

سلامه….طب ايه نكمل يلا

حسان….بقولك ايه خلينا نمشي اللعبه زي ما هي بس بدل الزجاجه خلينا نمشي بالدور يعني مثلا لو من عندك اسأل اي شخص يعجبك لأن كده الزجاجه مش هتيجي علي الكل

ليله….اه انا ملاحظه ان في ناس متسالوش زي عشري مثلا

عشري…..بابتسامه هتموتي و تسألي انتي

ايمي….أو يمكن عيزاك تتحكم

ليله…..بضحك مثلا يعني

سلامه….طيب نبدأ من عندك يا حسان بما انك قولت الفكره و هنمشيها كده بالدور

حسان…..طيب هختار أيه

ايه…..الله يخربيت ايه علي سنينها نعم يا استاذ حسان

حسان….بضحك صراحه ولا جرأه

ايه…..ما انا مش ضمناكم بصراحه يعني لو قولت صراحه اكيد هتسأل نفس سؤال ايمي عشان الجزمه دي قالتلكم اللي يجي عليه الدور يزنقها

حسان….بضحك لا متقلقيش مش هسأل نفس السؤال

ايه…..طيب اتفضل اما نشوف اخرتها

حسان…..انتي في العلاقه شخص بيغير

ايه……بغير ازاي يعني بغير علي الشخص ولا بغير من جسمي

ضحكوا كلهم عليها

سلامه….الله يخربيتك بتقولي ايه انتي

ايه….بضحك الله مش بفهم

حسان….بضحك لا مش قادر اكمل معاها بجد دي مصيبه اختاري اللي يعجبك

ايه….بضحك لو علي العلاقه معرفش اكيد بغير طبعاً بس لو في سبب يعني انا غيرتي مش اوڤر بغير علي حسب الموقف

حسان….طيب لو اللي انتي معاه في العلاقه عنده صحاب بنات تضايقي

ايه…..لا عادي لو صحابه و مفيش حاجه بينهم وانا اعرفهم عادي لكن لو شاكه فيه نهاره هيبقي اسود

سلامه….بضحك يا ساتر يارب

حسان……تمام دورك يا سلمي

سلمي…..هسألك انت

حسان….بابتسامه تمام اسألي

ايمي…..طب مش تسألي الاول صراحه ولا جرأه

سلمي….اه صح صراحه ولا جرأه

حسان….لا صراحه شكلك عندك سؤال

سلمي….صراحه عندي فضول اعرف عندك اخوات ولا لا ولو عندك انت ترتيبك الكام

حسان…..انا يا ستي عندي اخ و اخت انا الكبير فريده اللي بعدي علي طول متجوزه و عنده بنوتين و عبدالرحمن اصغر من فريده بأربع سنين و هو كمان متجوز و عنده بنوته

سلمي….تمام نودي اسألي انتي

نادين….اختار فضل

فضل….تمام

نادين…..صراحه ولا جرأه

فضل….انتي طيبه اختار جرأه

نادين….بابتسامه شر طيب اختار بنت مننا ترقص معاها رقصه صغيره يعني

فضل….بضحك انتي اتعديتي منهم

نادين….ده حكم بسيط

سلامه…..وانا جاهز الd.g تحت امرك

جري سلامه يشغل اغنيه

قام….فضل وهو مبتسم وقف

نعيمه مكانتش بصاله و عامله نفسها مش مهمته بس من جواها هتموت وتعرف هيختار مين

عشري…..هتختار مين بقي هااا

فضل….بضحك امممم هشوف

لف كده كام لفه وبعدين راح وقف قدام نعيمه ومد أيده

ايمي….اوووووووو

ضحكت نعيمه و بعدين قامت بهدوء معاه و وقفوا هنا الاتنين يرقصوا

نعيمه….ايه حابب تثبتيلي انك مش مغرور يعني

فضل…..انا مبحبش اثبت لو ده رأيك فيا
براحتك بس انا مش مغرور

نعيمه…..بأبتسامه هنشوف

خلصت رقصتهم ورجعوا تاني فضلوا يسألوا بعض

ايمي…..هسأل سلامه

سلامه….خير يارب اللهم اجعله خير

ايمي….بضحك لا متقلقش صعبت عليا عيالك سؤال غريب شويه

سلامه….بضحك ما قولنا خير اسألي يا ايمي

ايمي….بضحك عندك طقوس غريبه للنوم أو للاكل

سلامه….بضحك طلعت طيبه اه عندي

عسال….بضحك عنده طقوس في الاكل

سلامه ….بصي هو عادي يعني بيتهيالي في ناس كتير بتعمل كده بس انا مش بعرف اكل غير لما اشغل فيلم اتفرج عليه يعني ممكن الاكل يجهز و علي ما اختار الفيلم يكون الاكل برد مش مهم المهم اتفرج وانا باكل

نعيمه….بضحك علي فكره انا كمان كده

ليله….بغيظ دي طقوس مهببه انا بتشل منها ولو لوحدنا في البيت باكل وبخلص و بقوم من مكاني وهي لسه بتدور علي حاجه اتفرج عليها عمرنا ما قعدنا ناكل زي البني ادمين

عسال….سلامه كده باكل وبخلص و بسيبه مش بعرف اكل الاكل بارد

ايمي….طب كويس بردوا انها بتيجي علي كده عندك اتنين من البنات يعني عندهم طقوس مهببه عشان يعرفوا يناموا ايه و نودي

بقولها الاتنين و برقولها و ضحكوا

ايه….الله يخربيت ايه علي اللي جابوا ايه يا ستي انتي عايزه تحطيني في اي سؤال ليه

سلامه….بضحك قولي قولي يا ايمي

عسال…..ايوه ايه هي طقوس النوم بتاعت نادين

نادين….بضحك اكيد مش هتعملي كده صح

ايمي…..بضحك الشباب سألوا لازم اجاوب
ايه عشان تنام لازم حد يلعب في كف أيدها من جوه

سلامه…..يلعب ازاي

ضحكوا كلهم

ايه….بضحك الله يحرقكم وضحي كلامك

ايمي….بضحك يعني تفتح كف أيدها وحد يفضل يمشي أيده بهدوء في لحظه تنام

سلامه….ايه ده مش بتغيري؟

ليله….اهو ده السؤال اللي نفسي اعرف إجابته معرفش ازاي بجد مش بيغيروا انا لو حد.جه جنبي اصلا مش هعرف انام يعني انا أخري و يمكن ناس كتير زيي حد يلعب في شعري عادي لكن كيف ايدي و سلسله ضهري

سلامه….سلسلة الضهر ايه ده دي نادين

ضحكت نادين وخبت وشها

ليله….بضحك اه والله قرفاني وهي نايمه جنبي مش عارفه ازاي مش بتغير

نادين…..بغير عادي بس لما بكون عايزه انام بحب الحركه دي

ايمي…..بغمزه لعسال معلومه هتنفعك يا عسال

ضحك عسال و بص لنادين ضربتها نادين بالمناديل .

نعيمه…..بابتسامه رفعت حاجبها و اعرف كمان في ناس بتغير من رقبتها

رفع فضل عينه وبصلها بهدوء وابتسم

ايمي…..اه عادي بس المشكله ان في ناس مش بتغير اصلا دي طقوسها في النوم.

ليله….طيب اسأل بقي انا

عشري….ربنا يستر

ليله….بضحك هو صراحه سؤال موجه للكل عايزه اعرف لما قعدنا مع بعض اول يوم واتعرفنا حصل كلام و نم علينا ولا لا

عشري….بضحك يا لهووووي قطعنا فروتكم

رشيد…بضحك حصل كل واحد فينا قال رأيه فيكم بصراحه

سلمي….طيب مين قال ايه

حسان….لا معلش دي أسرار بقي بينا

سلمي….يا سلام ما انت كده هتخسر

حسان….بضحك ده سؤال متوجه للكل و لو الكل خير يبقوا انتوا البنات هتخسروا

ليله…..لا خلاص بس يعني كان في نم علينا

سلامه….طيب تنكري أن مكانش في نم علينا من ناحيتكم

ليله…..لا كان في طبعاً اصلا كل يوم في نم عليكم

ضحكوا كلهم

حسان…..طيب انا هختار ايمي

ايمي…..خير

حسان….صراحه ولا جراه

ايمي…اممممم عادي مش فارقه اختار انت ولو عايز الاتنين معنديش مشكله

حسان….دي ثقه يعني

ايمي……يمكن

حسان…..طيب انتي اللي جبتيه لنفسك
الصراحه هسألك عن كدبه كدبتيها علي البنات و محدش فيهم يعرفها وهتعترفي بيها لاول مره الجرأه انك تبصي لاي شخص فينا لفت نظرك و قوليله كل الكلام والنم اللي قولتيه عليه.

ليله…اوبااااااا

ايه…..تصدق يا حسان انا ندمانه أن البوسه دياستخسرتها فيك هي بنت حلال و تستاهل

ايمي….بضحك انتي بتغلي عليا هاا

ليله….بضحك بص انا هقول يعني من وجهه نظري السؤال بيتهيألي ايمي عمرها ما كدبت أو خبت علينا حاجه بس الجرأه بيتهيألي ممكن تعمل كده

حسان….لا هي اللي ترد بنفسها لو سمحت معندناش غش

ايمي….اااااا احممممم طيب انا زي ما قولتلك هقول الاتنين بس خليني ابدا الاول بالجرأه

حسان….اشمعني

ايمي…..لان بصراحه في حاجه انا مخبياها عن البنات و يمكن دي اول مره هيعرفوها الوقت و يهمني أن شخص معين يعرف ايه هي الحاجه دي بس الاول لازم ابدأ بالجرأه و يعرف نفسه

ليله…..مستحيل اصدق طبعاً بتشتغلينا اكيد

ايمي….لا مش بشتغلكم في عندي سر هو مش كدبه بس سر و مش عايزه حد فيكم يزعل و يمكن السر ده كمان حتي اهلي ميرعفوش عنه حاجه

ليله…..بنظره جد انتي بتتكلمي جد احنا عمرنا ما خلينا علي بعض حاجه اصلا

ايمي….عارفه بس انا كنت مضطره

نعيمه…علي فكره هي بتهزر

ليله…اكيد بتهزر

ايمي….والله العظيم مش بهزر السر ده محدش يعرفها غيري انا وبس و مقدرتش أقوله لاي حد و يمكن يا ليله انا عارفه أن انتي اكتر واحده ممكن تزعلي مني عشان كده مش حابه انك تاخدي موقف و اتمني متزعليش لأن الموضوع كان محرج بالنسبالي و كان صعب اني اتكلم فيه اكتر ماهو محرج اصلا

عشري…..لو الحوار ده بجد مش هزار ممكن متقوليش حاجه وخلي كلامك بينك انتي والبنات خصوصا انك بتقولي أنه محرج

حسان…..اه عادي لو مش حابه انا عادي والله اغير السؤال

ايمي….لا لا انا حابه اقول بيتهيألي جه الوقت اللي اتكلم فيه و زي ما قولت انا هختار الجراه الاول و هقول مين الشخص ده عشان يهمني بعدها يعرف هو كمان السر ده

عشري…..خلاص قولي مين الشخص و بعدين لو حابه أن هو يكون معاكي انتي والبنات تمام مش شرط يعني تحسي بالاحراج قدام الكل

ايمي….لا عادي انا معنديش مشكله

حسان….تمام لو حابه تتكلمي اتفضلي وقولي مين الشخص اللي حابه تقوليله أنه لفت نظرك و كنتي بتنمي عليه مع البنات

ايمي….احمممم تمام

قامت ايمي قعدت علي ركبها و خدت نفس طويل و هي بتبص لفوق

وللحديث….بقيه……