لقاء كارثي

لقاء كارثي
أميره أسامه
صاحبة البطل الواحد

. البارت المئه 100 .

………………………

مصطفي …هقولكم حالاً و هشرحلكم المهم جاهزين

الكل …..جاهزين.

ايمي قلبها كان بيدق بطريقه فظيعه و نفسها عمال يطلع و ينزل بس كانت بتحاول تبان طبيعيه و عامله نفسها مش فاهمه زيهم بالظبط

و بدأ مصطفي يشرحلهم اللعبه

مصطفي…..بصوا اللعبه عباره عن اختبار لردود الافعال يعني انا هختار بطريقه عشوائيه اي حد هيجي يقف جنبي هنا هشغل الڤديو و هصوروا و هديلوا ورقه مكتوب فيها رساله هيقرأها بعينه بس شروط اللعبه

تقدر تعمل اي رد فعل تضحك تبتسم اي حاجه بس ممنوع تعمل رد فعل يكشف للباقي اللي مكتوب في الورقه و اياً كان اللي هتقرأه كلامك او رد فعلك لازم ميبقاش واضح عشان هما ميفهموش خالص و بعد ما ترجع مكانك متقولش لاي حد جنبك اللي كان في الورقه و اكيد من خلال رد فعلك هسأل الباقي قادر يتوقع هو شاف ايه مكتوب في الرساله ولا لا تمام

ريهام…..يعني الكل نفس الورقه و لا الرساله مختلفه

مصطفي…..مش مهم بقي المهم في رساله مكتوبه كل واحد فيكم هياخد اللي مكتوب عليها اسمه و هيجي قدامي هنا يقرأ

تقي…..يعني ممنوع الكلام و احنا بنقرأ

مصطفي….اه طبعاً بقولك بعينك

تقي…..لا اقصد علي رد الفعل يعني لما اشوف المكتوب معملش اي رد فعل

مصطفي…..معاكي اي رد فعل متاح الا انك توضحي المكتوب و في اول الرساله مكتوب شويه تعليمات هتفهمي منها اكتر ايه المطلوب منك في رد الفعل فهمتي يعني هتلاقي مكتوب في الاول ايه اللي ممنوع وايه اللي مسموح والباقي هتفهموه من المكتوب

تقي…..تمام

مصطفي…..يلا نبدأ حد عنده اي سؤال

سلمي….لا ابدا يلا

تامر….هو انا مش فاهم اوي بس تمام

مصطفي…..بص هتفهم من المكتوب في الرساله انا مش حابب بس اوضح عشان اللعبه ايه متبوظش مننا المهم بالله عليكم اللي يقرأ ميوضحش و لما يرجع مكانه ميتكلمش عشان اللعبه تبقي حلوه.

عسال…..طب يلا ابدأ خلينا نفهم اكتر

مصطفي…..تمام انا هختار عشوائي تعالي يا ميدو هبدأ بيك

عسال…..بضحك يا شيخ ابو شكلك لسه بقولك ابدأ عشان نفهم

مصطفي….ياعم هتفهم تعالي بس

نعيمه….انا اتحمست

ليله….وانا كمان والله

قام عسال راح وقف جنبه كان واقف مصطفي في ضهر البار و كلهم قاعدين قدامه طلع ورقه مكتوب عليها اسم ميدو من بره و بعدين شغل الموبايل