لقاء كارثي
لقاء كارثي
ضحكت ايمي و بعدين عيطت قربت ليله خدتها في ح’ضنها جامد ايمي فضلت تعيط و ليله كمان فضلت تعيط و البنات حواليهم بيعيطوا و يضحكوا
قربوا الشباب باركوا لايمي و البنات باركوا لرشيد و بعدين رجع رشيد خدها تاني في حض’نه اوي كان مبسوط و طاير من السعاده الصدمه راحت شويه بس لسه مش مستوعب
رشيد….بهمس ابتسم هبقي اب يا ايمي اخيراً
ايمي….بضحك من بين دموعها هتبقي احلي اب في الدنيا كلها
رشيد….انا بحبك اوي اوي اوي انا عندي كلام كتير بس مش راضي يطلع انتي حاسه بيا صح
ايمي….حاسه بيك يا عمري و عارفه انك مش مستوعب لسه بس انا حامل يارشيد و جوايا حته منك
رشيد….كنت حاسس و الله العظيم
ايمي…..عارفه و انا كمان بس كنت خايفه اوي
رشيد….الحمد لله المهم انه حصل.
امنيه….لعمرو و هي بتعيط مش هتزعل مني صح
عمرو…..بابتسامه اكيد لا يا عبيطه هتفرح اوي و هتفهم السبب هي اصلا مبسوطه الوقت يلا خلينا نقولها
امنيه….طيب قولها معايا و النبي
عمرو…..يلا تعالي يا ايمي ايمي
بصت ايمي لعمرو بابتسامه و هزت راسها
عمرو…..انا و امنيه عايزين نقولك انتي و رشيد حاجه مهمه
رشيد….خير يا عمرو
عمرو…..طيب لما يقعدوا الاول
رشيد…..يا شباب لحظه معلش
عمرو…..بصي بقي المفجأه بتاعتك كانت احلي مفجأه يا ايمي بس احنا كمان عندنا مفجأه امنيه هتقولك عليها
ايمي….مفجأه ايه يا امنيه
امنيه….بابتسامه و دموع احنا سافرنا عشر ايام بعد الجواز نقضي شهر العسل و لما رجعنا بعدها بيومين لو تفتكري قولتلك اني تعبانه و عندي دور برد لما قولتيلي علي موضوع السفر وقتها انا قولتلك مش هقدر و كمان عمرو عنده شغل في نفس اليوم تعبت شويه وكنت بعك كتير في شهر العسل انا و عمرو و كنت شاكه ان في اكل تعبني اوي و عمرو وداني للدكتور بليل في نفس اليوم اللي قولتيلي علي السفر الدكتور قالي احتمال تكون جرثومه معده و طلب مني اكتر من تحليل عملتهم و طلع فعلاً عندي مشاكل في معدتي يعني زي تلبك معوي بسيط بس كمان انا عرفت يا ايمي اني حامل
ايمي….بصدمه اييييييه
رشيد….بابتسامه اوبااااااا
ايمي….انتي بتتكلمي جد
امنيه…..بدموع و ضحك والله العظيم حامل
عيطت ايمي و خدتها في ح’ضنها و فضلوا البنات يباركواهم و كان الجو جميل كله مفاجآت و اخبار حلوه
