لقاء كارثي
لقاء كارثي
مصطفي….ااااا يلا ابدأي.
فتحت حنان الرساله…
الرساله دي مش مني انا دي من شخص موجود معانا هنا حب يفرحك و يختم الرحله بخبر سعيد بس اوعي تعملي رد فعل يخلي الباقي يفهم ولا حتي تبصي للشخص ده الرساله دي من ايمي حابه بس تعرفك انها حامل
ابتسمت حنان و عينها لمعت و متكلمتش خالص وفضلت تبتستم بطيبه و تبصلهم كلهم
سلامه….يخربيتك عملت ايه فيها ؟
مصطفي…..خليك مكانك محدش يقوم خالص
عشري….ايه يا حنون عمل فيكي ايه الرخم ده.
مصطفي…..بضحك انتي دمعتي ليه طيب
حنان….مبسوطه و عايزه اقول كلام كتير بس مش عايزه ابوظ الدنيا بس الفرحه حلوه اكيد
مصطفي….بابتسامه باس راسها ربنا يفرح قلبك يارب و روحي مكانك يلا
راحت حنان قعدت تاني
ريهام…..ايه يا ماما مالك حاجه حلوه طيب و لا وحشه
حنان…..جميله والله اوي
مصطفي……يلا يا سليم
قام سليم و هو مبتسم و قف جنبه
مصطفي…..امسك الورقه و هليك جاهز
سليم….يلا
مصطفي…..بدأت
فتح سليم الورقه و ركز.
الرساله….
الرساله دي من شخص موجود معانا حب بس يعرفك اننا جينا الرحله دي 24 شخص بس هنرجع 25 الرساله دي من ايمي بتقولك انها حامل.
سليم…..بضحكه جميله بص لمصطفي طب انا الردود اللي جوايا كلها هتفضح الدنيا
مصطفي…..بضحك لا بلاش بس قول حاجه
سليم….اااا ضحك مش عارف بس احساس جميل بجد
فضل…..جايبلك عروسه ولا ايه؟
سليم….بضحك يا عم بقي اسكت
نعيمه…..طب انا فضولي هيم’وتني بجد
ليله…..اختار حد في البنات عشان نفتن لبعض
مصطفي….لا والله ازعل محدش يفتن خالص
سلمي…..طيب يلا اختار محدش هيقول
مصطفي…..تعالي يااااا نسمه
نسمه……هو انا كنت خايفه يكون مقلب بس تمام كلهم بيضحكوا.
قامت نسمه خدت الورقه و بدأ مصطفي تصوير و فتحت الورقه.
الرساله….
الرساله دي من شخص موجود معانا اوعي تعملي اي رد فعل يفضح الدنيا و بلاش كلام يخليهم يخمنوا المكتوب الشخص ده يبقي ايمي بتقولك انها قريب ان شاء الله هتبقي مامي..
برقت نسمه و حطت ايدها علي بوئها بصدمه و فضلت ساكته ثواني
ايمي كانت بتراقب رد فعل كل واحد فيهم يمسك الورقه و مانعه دموعها تنزل حطت الكاب بتاع السويت شيرت علي راسها و فضلت باصه بطرف عينها علي نسمه و بعدين مسكت السجاير ولعت سيجاره.
نعيمه….في ايه يابت
فضل…..هي اتكهربت ولا ايه؟
