لقاء كارثي

مصطفي…..اكيد طبعاً خديها

هزت راسها و خدت الرساله و راحت مكانها هي وعشري و نادين بصت لايمي من بعيد و هي بتعيط و ايمي بصالها و هي كمان بتعيط .

رشيد….اظن جه دوري بقي مفيش غيري بس خلي ايمي الاول عيطت معاهم كلهم خليها تعرف في ايه في الرساله وانا بعدها

مصطفي….بضحك لا معلش في نظام شاب و بنت و انت اخر شاب يلا تعالي

رشيد….ياض متبقاش رخم

مصطفي…..معلش انا رخم تعالي يلا

رشيد….بص لايمي بابتسامه هضريوا عشانك متقلقيش او اقولك هفتنلك

ايمي…..بايتسامه و هدوء ماشي

مصطفي…..طب تعالي يلا

قرب رشيد منه كلهم كانوا عينهم عليه و مستنين يشوفوا رد فعله الشباب مدمعين و بالاخص حسان و عشري اللي عمال يلعب في ودنه عشان يداري توتره

ايمي كمان قلبها كان بيدق بعن,ف فظيع و عينها علي ملامحه كان واقف يضحك و يهزر بس كانت عارفه انه هيتاخد بمجرد ما يقرأ

مصطفي…..يلا جاهز

رشيد…..اه جاهز افتح بقي بقالي زمن مستني افهم في ايه

مصطفي….هتفهم الوقت امسك يلا الورقه عشان هبدأ

خد رشيد الورقه و اول ما مصطفي قالوا انه هيبدأ فتح رشيد الورقه بابتسامه و هدوء كان واقف ساند علي البار و شابك رجله في بعض

الرساله…

بص بقي يا عم رشيد انت اخر واحد معانا بيقرأ الرساله دي و اكيد الوقت هتفهم انك كنت مقصود تبقي اخر واحد بس حابب اعرفك ان الرساله دي مش مني الرساله دي من شخص غالي عليك اوي موجود معانا هنا و حابب يقولك كلمتين اكيد هتعرف هو مين لما تقرأ

وقف رشيد و عدل نفسه و بدأ يركز
في باقي الرساله و هو حاسس انه متاخد

في حاجات كتير كنت عايزة أقولهالك في الرساله بس ولا كلمة كانت قد اللي جوا قلبي دلوقتي.

من اول ما حبيتك و اتجوزنا كنت ببص عليك ديماً وإنت مش واخد بالك
وباسأل نفسي يا ترى ربنا بيحبني قد إيه علشان يرزقني بيك؟

بص رشيد علي ايمي لقاها بصاله و مشبكه ايدها في بعض و ميته من العياط قامت بهدوء قدامه و فضلت تقرب منه

بص تاني علي الرساله.

إزاي جمع بينا بالطريقة دي كل يوم معاك يارشيد كان خطوة بتقربني للحظة دي

أنا النهاردة مش بكتبلك رساله ولا بقولك خبر حلو يفرحك أنا جيالك بحلم.
حلم اتمنيناه احنا الاتنين وحلم اتخلق جوايا مننا احنا الاتنين.

اتخلق من كل لحظه حب ومن كل مرة ح’ضنت قلبي من غير ما تتكلم
والنهارده انا عندي ليك خبر بيتيهيألي انت عرفتوا خلاص خبر مخليني حاسة إن قلبي شايل حاجة أكبر من إني أخبيها وحاجة أجمل من إني أقولها بأي طريقة تانية غير إني أكتبهالك بهدوء علشان تحسها قبل ما تفهمها.
أنا جوايا حته منك يارشيد روح اتخلقت بينا احنا الاتنين انا حامل.