لقاء كارثي

فضل رشيد متنح في الورقه من غير اي رد فعل بس قلبه كان عمال يدق بع,نف و من كتر التوتر مكانش عارف يرفع عينه.

دقيقه صمت حلت علي المكان مع دموع البنات و دموع ايمي

رفع رشيد عينه بهدوء و بص لايمي و فضل ساكت

طلعت من جيب السويت شيرت الاختبار و ابتسمت من بين دموعها و رفعتوا قدامه و هي بتهز كتفها بصدمه كأنها مش مصدقه

ابتسم رشيد ابتسامه بسيطه و عينه كانت بتلمع فضلت ايمي تعيط قدامه و انهارت و هو باصصلها بصدمه من غير ولا كلمه.

ايمي….انا حامل يا رشيد و الله العظيم حامل

ضمها و غمض عينه مصطفي كان بيصور كل ده سلمي و نعيمه و نادين و ايه و ليله كانوا منهارين لانهم عارفين سبب دموع ايمي بالشكل ده و امنيه كانت بتعيط هي و محمود

اخواتها قربوا منها هما و البنات

رشيد من كتر ما هو كان مصدوم رد فعله كان باين عليه الصدمه كأنه مش مصدق او مش مستوعب اي حاجه.

بعدها عنه بهدوء و بصلها

رشيد….بجد يا ايمي

ايمي بدموع هزت راسها و مدت ايدها بالاختبار بص رشيد عليه و ابتسم بسعاده متتوصفش و رجع بصلها تاني و هو مش مصدق ابتسم بهدوء و نزلت دمعه واحده جريت علي خده و خدها في ح,ضنه تاني و هو بياخد نفس طويل كأنه وصل لاهم حلم في حياته

رشيد…..بهمس الحمد لله الحمد لله حطت كفه علي راسها وباس,ها بوس,ه قويه و طويله و هو مغمض عينه.

عشري….بابتسامه حط ايده علي ضهر رشيد مبروك يا ابو العيال

بعد رشيد عن ايمي و ح’ضن عشري فضل يخبط علي ضهره.

قرب الشباب من رشيد يباركوا ليه و قربت امنيه و محمود ح’ضنوا ايمي و فضلوا الثلاثه يعيطوا حض’نها محمود اوي و كانت عماله تعيط في ح’ضنه و بعدين قربت منها نعيمه ح’ضنتها هي و سلمي و ايه و نادين وباقي البنات ليله كانت عماله تعيط وهي بتقرأ الرساله تاني

عشري…..ايه يا قلبي افرحي مش كنتي بتدعيلها يلا روحي خديها في ح’ضنك

بصت ليله عليها كانت واقفه وسط البنات و مع حنان عماله تضحك و تعيط

قربت منها ليله و بصتلها ابتسمت ايمي من وسط دموعها

ايمي….كنتي حاسه صح

ليله….بس خوفت اقول احساسي ميبقاش صح و ازعلك بس حصل يا ايمي

ايمي…..بضحكه جميله هنحكيلها كل اللي حصل معانا انا و انتي صح

ليله….بأبتسامه نزلت دموعها اكتر بلاش هتطلع متعقده

ايمي…بضحك خلاص علميها الرقص

ليله….بضحك هعلمها عشان متبقاش هبله زي امها و هسرقها منك و اخرج انا وهي و هدلعها