لقاء كارثي

مصطفي…..بابتسامه انتي بتشغلي دماغك عليا

ليله…..لا بس انا بعرفك اللي خلاني اتوقع كمان تأثر ناس معينه خلاني شكيت و يارب يارب يطلع شكي في محله

مصطفي…..طيب يلا جاهزه

ليله….اااا اه جاهزه

مصطفي…..يلا بدأت

فتحت ليله الورقه و هي متوتره جدا و ض’ربتت قلبها بدق بسرعه ايمي كانت بصالها و دموعها نازله

الرساله…

ليله الرساله دي مش مني انا بس كتبتها علي لسان صاحبها و صاحب الرساله دي موجود هنا معانا و دي رسالته ليكي بس قبل ما تشوفي كتبلك ايه حافظي علي رد فعلك و متوضحيش اوي ودي رسالة صاحب الرساله.

بدأت ليله تقرأ باقي الرساله بتأثر و دموع كانت بتقرا بسرعه و عينها عماله تسبق الكلام

توأمي و عشره عمري و نصي الحلو في الدنيا يا اجدع و انضف قلب قابلتوا في حياتي فرحتي عمرها ما كملت غير لما كنت بشاركها معاكي حتي وجعي كنتي ديماً تشيلي نصه بس انهارده فرحتي مش عاديه يا ليله و عارفه و متأكده ان حجم فرحتي هيبقي قد حجم فرحتك ما احنا اتعودنا بقي نقسم فرحتنا سوا و زعلنا سوا و عشان انا عارفه انك ذكيه اكيد انتي عرفتي انا مين و عرفتي ايه هو الخبر الحلو هبقي مامي يا ليله و هتبقي احلي خاله في الدنيا لو البيبي ولد يبقي انا حجزت عروسته خلاص ولو بنت هتجيبي ولد و مش مهم السن هجوزه بنتي غصب عنك بس اتمني تطلع جدعه لخالتها بحبك اوي

لفت ليله وشها ناحيه المطبخ و دموعها نزلت بهدوء و ضمت الورقه علي صدرها

قرب عشري من ضهرها ضمها لح,ضنه بأيده الاتنين من غير ولا كلمه ايمي كانت ميته من العياط و عينها علي ليله

عشري….بهمس ابتسم افرحي يا قلب عشري

فضلت تعيط من غير صوت بس كانت منهاره و خايفه تعمل اي رد فعل عشان رشيد كان واضح انه لسه ميعرفش

مصطفي….قرب منهم بأبتسامه ليله

عشري….بابتسامه مترديش عليه الرخم ده

مصطفي….ياعم عايز اخد منها كلمه

قربت نادين منهم و هي دموعها نازله و بتضحك

نادين….بأبتسامه هيبقي عندنا نونو صغير يا لولي

ابتسمت ليله بسعاده و غمضت عينها و فضلت تعيط

نادين…..متعيطيش بقي

عشري….بهمس حبيبي رشيد ميعرفش هنبوظ مفجأه ايمي ليه

رفعت ايدها و مسحت دموعها وهزت راسها لعشري و بصت تاني عليهم بهدوء

مصطفي…..ليله مش عايزه تقولي حاجه

ليله…. اااا مش هعرف الوقت يا مصطفي بس هو انا ممكن اخد الرساله دي صح