لقاء كارثي

مصطفي…..بضحك ايه خدت الصدمه عرفت سلمي عيطت ليه

ابتسمت سلمي من بعيد و نزلت دموعها تاني

حسان….بتأثر واضح و غلاوة امك و اخواتك اللي مكتوب ده بجد

مصطفي…..والله العظيم بجد

حط حسان ايده الاتنين علي راسه و فضل يلف شويه و بعدين اداهم ضهره و لاول مره بجد ميقدرش بتحكم في دموعه

رشيد…..ايه ده هو في ايه

مصطفي…..بصدمه ضحك اووووف لا استني هقولك

سلامه…..بصدمه هو بيعيط ؟

ضحك مصطفي و هز راسه

سلامه…..انت بتستعبط يا مصطفي انت كاتب ايه في ام الرساله دي

مصطفي….بالله عليك ما تيجي

رشيد….حساااان

قام عشري و هو بيضحك و مصدوم من رد فعل حسان و مش عارف هو شاف ايه نزل دموعه كده

عشري…..مسك كتفه في ايه ياعم

مسح حسان دموعه و هز راسه بمعني مفيش

عشري…..انت كويس ولا اض’ربوا

مصطفي….بضحك حسان حقك عليا والله العظيم فك الوحش القاتل اللي جنبك هيتهور

حسان….بابتسامه و هو باين علي صوته التأثر اوي ااا احمممم بص انا يعني يمكن متوقعتش اني هقرأ حاجه زي دي و لا عمري كنت اتوقع اني اتأثر كده بس انا مش عايز يعني اللي لسه مقرأش يفهم اوي فا انا هقول سبب تأثري ده بعد ما الكل يعرف بس كل اللي اقدر اقولوا ان فرحتي بجد بجد متتوصفش

عشري…..بص لمصطفي انت عملت ايه ختامها مسك ونيله ايه علي دماغك عيطت الراجل و عيطت البنات

مصطفي….بضحك اوعي تتهور

ليله….انت بتهرج والله

رشيد….ايه ياعم في ايه انت بخير
الاوزعه ده يعمل فيك كده

حسان…..الاوزعه ده فرح قلبي والله العظيم يا رشيد

بص لسلمي و ابتسم و هي ابتسمت و مسحت دموعها

ليله….انتي يا ام لسان طويل ما تقولي حاجه للمصيبه ده صوتك مش طالع ليه

ايمي….بابتسامه مسحت دموعها احمممم معاكم اهو

رشيد….صحيح انتي صوتك مش طالع ليه

ايمي…مفيش بحاول اخمن بس مش فاهمه واتأثرت بيهم يعني

رشيد…..هنض’ربه كلنا في الاخر

مصطفي…..بضحك طيب نكمل بقي و لا لسه حد عايز يشتم

سلامه…طب ريحني هي الرسايل مختلفه و لا هتعيط اهلنا كلنا

مصطفي….لا لا مختلفه بس رسايل حلوه يعني تفرح ما انت شايف

سلامه….ماشي هنشوف يلا اختار بنت

مصطفي….اممممم انا عايز حد ميفضحش الدنيا

عشري…..كده كده هتختار متهيألي كده مفيش غير ليله و نادين و نعيمه و مين تاني

مصطفي….ايمي و امنيه و ايه طيب ناخد ااااا