لقاء كارثي

مصطفي…..يلا يا ميدو جاهز تقرأ

عسال….يلا بينا

مصطفي…..هتاخد الورقه متفتحهاش الا لما ابدأ تصوير هتقرأ في سرك و الباقي انت هتفهموا من الورقه.

عسال……تمام هات الورقه

مصطفي……بلاش يا جدعان صوت بقي عشان التصوير و نركز كده عشان تفهموا امسك يا ميدو.

مسك ميدو الورقه وبص لمصطفي.

مصطفي…..يلا هشغل و انت افتح يلاااا.

شغل مصطفي الڤيدو علي ميدو و فتح ميدو الرساله.

وبدأ يضيق بين حواجبه و هو بيقرأ و كلهم عينهم كانت علي ميدو

الرساله….

اول حاجه الرساله دي تخص شخص من الموجودين قدامك هتقرأ بعينك و تقدر تعمل اي رد فعل تضحك تبتسم تقول اي كلمه بس من غير توضيح للمكتوب الرساله دي هتبقي مجرد ذكري لصاحبها هيحتفظ بيها

عشان كده مش لازم الباقي يفهم انت قرأت ايه عشان رد فعلهم كمان هيكون ذكري و حاجه اخيره اوعي تبص للشخص المقصود …

باختصار الشخص ده ايمي حابه بس تعرفك انها قريب هتبقي مامي

حط عسال ايده علي راسه و ابتسم و بان علي عينه الصدمه بص لمصطفي و ضحك

عسال…..اوووووووووف

مصطفي…..بابتسامه اتصدم

عسال…..يخرب عقلك يا مصطفي

ابتسمت ايمي بتأثر خبت وشها بأيدها و بصت لتحت خافت تعيط

ليله….بضحك في ايه؟

نادين…..الفضول هيمو,تني

مصطفي…..بضحك ايه يا عم مالك؟

عسال…..بصدمه مالي ايه قلبي هيقف من الفرحه والله العظيم بص ايدي بتترعش ازاي

حسان…..بابتسامه طب ايه حاجه حلوه ؟

بصلوا عسال و ابتسم من غير ما يتكلم

مصطفي…..طيب بهدوء كده حد قادر يتوقع عسال قرأ ايه

حسان…..مش عارف بس هو شكله مبسوط

سلمي….هي مفجأه بس ليه هو ولا لينا كلنا

مصطفي…..كل واحد يتوقع براحته

عشري…..ولا يا ميدو انا حبيبك فرحني

عسال …بابتسامه لمح بطرف عينه رشيد و بص لايمي بسعاده مش هعرف يا عشري والله في الاخر بقي ابقي اعرفكم الرساله كان فيها ايه

مصطفي……طب قول اي حاجه في الكاميرا بس من غير ما توضح

عسال…بابتسامه ماهو مش هينفع بقي بس انا مبسوط اوي بجد مش مبسوط كده وخلاص لا والله انا متوقعتش اصلاً ان اللعبه تكون كده مكنتش واثق فيك و غلاوة امي و يمكن فعلاً ختامها مسك باللعبه دي يا مصطفي اااا يعني انا كان نفسي اوضح المكتوب اكتر و اعمل رد فعل مختلف بس اكيد احساسي واصل لكن بجد انا اعصابي حرفياً سابت

مصطفي….بضحك طيب هات الورقه و روح اقعد يلا في مكانك و زي ما اتفقنا متقولش حتي لنادين