لقاء كارثي

عمرو….بضحك ولا اعرفك

قرب عمرو من مصطفي اداله الورقه

وبدأ مصطفي التصوير.

الرساله…

عمرو الرساله دي من شخص عزيز عليك موجود معانا هنا

ضيق عمرو عينه بابتسامه و كمل

اهم حاجه بلاش رد فعل يفضح الدنيا و اوعي تقول لامنيه عشان الشخص ده حابب يشوف رد فعلها
الشخص ده هي ايمي بتقولك انها قريب هتبقي مامي

عمرو….بصدمه ضحك يا خبر ابيض علي الجماااااااال يخربيت عقلك بجد ايه المفجأه اللي مش متوقعه دي

مصطفي….بضحك عجبتك

عمرو…..يا نهار ابيض عجبتني بس لا لا انت بتتكلم جد

مصطفي ….والله العظيم

عمرو…..ماشاء الله بجد انا فرحتي مش سيعاني

امنيه…..بضحك في ايه هيجوزك عليا

ضحكوا كلهم و ضحكت ايمي بهدوء.

ليله…..بضحك يعني ده اللي جه في دماغك يا صفرا

امنيه….بضحك اصله فرح اوي و الرجاله بتفرح بالحجات دي

مصطفي…..بضحك خد بالك ثقتها فيك معدومه

عمرو…..بضحك مش واثقه فيا يا موني

امنيه…..طب تعالي قولي قرأت ايه وانا اثق فيك

عمرو…..بضحك بعينك.

مصطفي……يلا ياااااا مين مش عارف

امنيه…..المفروض بنت اختارني يلا

مصطفي…..بضحك لا استني انتي حبه كده خليكي شاكه في جوزك شويه

عمرو…..بضحك ياعم دي مجنونه اخلص

امنيه…..انت عامل مصيبه ولا ايه

عمرو….بضحك والله ابداً

رشيد….بضحكه عاليه الحق دي شكت فيك بجد

عمرو…..بضحك ما انا بقولوا دي مجنونه اخلص يا عم مصطفي

مصطفي….طب معلش انا عايز سلمي

سلمي…..بابتسامه وانا عايزه جداً اعرف الورقه فيها ايه

امنيه…..ماشي يا مصطفي

مصطفي…..الصبر حلو اتقلي علي رزقك

قربت سلمي خدت منه الورقه

بصت ايمي علي سلمي و حطت ايدها علي وشها و بصت بهدوء و هي قلبها عمال يدق.

الرساله….

بصي يا سلمي عشان نلقي متفقين انتي كنتي من الاشخاص اللي تعمدت اختارهم متأخر بس انا عارف انك مش هتفضحي الدنيا شروط اللعبه هو ان رد فعلك يكون هادي عشان الباقي ميقدرش يخمن

الرساله دي مش مني انا دي مش شخص غالي عليكي اوي حابب يفرحك بخبر حلو بس ياريت لما تقرأي الخبر متبصيش للشخص ده خالص اتفقنا

سلمي كانت متوتره و مبتسمه و هي بتقرأ

الشخص ده هي ايمي عايزه تقولك يا سلمي ان شاء الله قريب هتبقي خالتو عشان هي حامل

اختفت ابتسامتها و بصت علي الورقه بصدمه و حطت ايدها علي بوئها و بعدين حطت ايدها الاتنين علي وشها و فضلت تعيط