چاسمين

رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت العاشر
نزل فريد من الاوضه بتاعته كالعاده بيحاول ينام بس مكانش عارف راح جاب مايه و بص علي قدر كان نايم علي سجاده صغيره جنب المكان اللي بياكل فيه
خد المايه و راح قعد علي الكنبه فتح التلفزيون فضل يقلب فيه
شاف فيلم قديم سابه و حاول انه يركز معاه و كل شويه عينه تروح علي التليفون كان عارف ان بيري مش معاها الرقم بس كان زي اللي عنده امل انها ممكن تتصل مكانش عارف هو ليه شاغل باله بيها اوي كده حاول انه يقنع نفسه انها كانت مجرد فتره في حياته مدتها ايام بسيطه و ان لقاهم كان مجرد صدفه هي كانت محتاجه مساعده وهو ساعدها وخلاص رجعت بيتها و الحياه كملت
بس كل ما كان يقنع نفسه بكده يلاقي نفسه رجع تاني لنفس النقطه الفراغ !! اللي هي سابته في البيت ازاي في اربع ايام قدرت تأثر فيه بالشكل ده ازاي اصلا تقبل وجود حد معاه في البيت و هو من بعد اللي حصل بقي يفضل الوحده ازاي سابها تقعد في اوضه ساره و هي بالنسباله اوضه محرمه ممنوع حد يدخلها الا لو كانت هتتنضف .
مكانش لاقي اي اجابه لاي سؤال
غير انه متأكد انه افتقد وجودها و رغم انه عارف انها رجعت بيت اهلها و كان باين عليها انها مبسوطه الا انه كان حاسس بقلق عشانها نبرة صوت والدتها و هي بتكلمها بكل قسوه و رافضه تسمعها او تصدقها مستحيل يتغير في يوم وليله و تحن ليها
حط فريد ايده علي وشه قام وقف راح عند الشباك و بعدين بعد وفضل رايح جاي و بعدين رجع تاني قعد عالكنبه شويه يسند ضهره وشويه يقعد شويه ينام وشويه يقوم لحد ما حضر النوم و استسلم ونام مكانه علي الكنبه.

في منزل سهر.
طلعت اوضتها بعد ما فاتن مشيت كانت مش علي بعضها و هتتجنن من كلامها و مش قادره تستوعب هي ازاي مفسره خۏفها علي بيري علي انه غيره .
فضلت رايحه جايه في الاوضه بكل ڠضب كانت قلقانه علي بيري من رد فعل فاتن لانها عارفه ان بيري بتتوتر بسرعه وپتخاف منها و قررت سهر انها مش هتقول لبيري اي حاجه .
اتصلت ملك عليها في الوقت تقولها علي حاجه حاولت سهر تكون هاديه و متبينش انها مضايقه بس طبعا ملك عرفت من صوتها ان هي فيها حاجه
سهر….الوو ايوه يا ملك
ملك…ايه يا سهوره نمتي
سهر…لا يا حبيبتي لسه صاحيه في حاجه ولا ايه
ملك….لا يا قلبي بس لاقيت في شنطتي جراب النظاره بتاعتك شكلي خدته بالغلط فا قولت اعرفك انه معايا
سهر…ايوه انا دورت عليه لما جيت بس قولت اكيد نسيته
ملك….لا هو معايا متقلقيش
سهر…لا عادي وبعدين انتي متصله بيا عشان كده انتي عبيطه يا ملك
ملك…الحق عليا اني بقولك بدل ما تفضلي تدوري عليه تصدقي انا غلطانه
سهر….اصلك هبله يعني مش قصه خليه معاكي لما اشوفك
ملك….ماشي يا ستي طب قوليلي مالك صوتك في حاجه
سهر….ااا لا مفيش انا تمام
ملك….عليا انا ايش حال ان مكانش بيبان علي صوتك قولي بدل ما اهرب من البيت واجيلك الوقت
سهر…بت انتي فايقه شكلك روحي يلا امشي
ملك…اهو شوفتي اعترفتي انك مش فايقه قولي بقي في ايه
سهر….مفيش بجد
ملك….لا في والله هزعل بتخبي عليا
سهر….بتنهيده مامت بيري لسه ماشيه من عندي
ملك….طنط فاتن ليه
سهر….الست دي بجد رهيبه
—
يا ملك دي اټجننت
ملك…طيب قوليلي بس ايه اللي حصل وايه اللي جابها عندك الوقت
سهر…يا بنتي معرفش انا رجعت قعدت مع ماما شويه و فجأه لاقيت الباب بيخبط دخلت و من اول ما دخلت و هي عايزه تتخانق نظراتها ليا زي الزفت بتقولي ابعدي عن بيري و انتي بتغيري منها وتقول لماما ابعدي بنتك عنها و بتهددني لو مبعدتش عن بيري
ملك….طب ايه اللي حصل لكل ده
سهر….اكيد سي زفت خالد قالها اللي حصل انا مش قادره بجد اصدق انها تاخد منه الكلام و بسرعه تجيلي عشان تتخانق معايا
ملك….لا يا سهر مش للدرجادي يمكن في حاجه تانيه
سهر….حاجه تانيه زي ايه يا ملك هو في حاجه حصلت اصلا عشان تيجي تعمل اللي هي عملته ده
ملك….طيب وهي جايه تتخانق معاكي عشانه ليه اصلا
سهر…عشان مسخرة بكرامته الارض الغريب واللي هيجنني بجد انها شايفه خۏفي علي بيري غيره منها يا ملك انا يا ملك بغير من بيري طيب هغير منها ليه اديني سبب واحد
ملك…اهدي بس يا سهر وبطلي هبل غيرة ايه يا بنتي انا اوقات بحس انك پتخافي علي بيري اكتر من طنط فاتن نفسها انا بس مش بحب اتكلم مع بيري في حاجه زي دي
سهر…غريبه بجد و مش قادره اتخيل يا ملك طريقه تفكيرها يعني انتي عرفتي اللي حصل في العيد ميلاد و بنتك نفسها قالتلك اللي حصل معاها بمساعدة و قالتلك ان هو ورجالته كانوا بيطاردوها و قال في المكان للناس كلها انها سړقت منه و مع كل ده هي عادي مش في دماغها و اللي يجلط بجد ويحزن انها بتقول انه حتي لو عمل كده هو اعتذر و قال انه مكانش في وعيه مش قادره اعدي الجمله دي بجد يعني ايه ابقي عارفه ان بنتي حصل فيها كده وعاشت لحظات ړ…عب وهي بتهر…ب منه ومن رجالته المسـ,ـلحين ودي تقول مكانش في وعيه ده انا لو مكانها هقـ,ـتله بايدي و هشرب من د…مه
ملك….هي بجد غريبه وانا كمان مش قادره استوعبها
سهر….انا بجد قلقانه علي بيري مش عارفه عملت معاها حاجه ولا لا اذا كان جاتلي انا لحد هنا هتعمل معاها هي ايه
ملك….انتي كلمتي بيري
سهر…لا مكلمتهاش مش عايزه اضايقها يا ملك و اللي يجنن بجن انها بتهد.دني و مش عايزاني اكلم بيري تاني وابعد عنها
ملك….سيبك منها اهو مجرد كلام
سهر….مش مجرد كلام يا ملك انتي مشوفتيش بتتكلم ازاي وبعدين دي اول مره تجيلي بسبب خالد
ملك….حتي لو مجرد كلام انتي متخيله ان بيري ممكن تسمع كلامها او تقدر تبعد عنك
سهر….لا طبعا بس انا عارفه الست دي كويس عندها استعداد تعمل اي حاجه عشان بيري تتجوز خالد والمشكله انه واضح كده ان هي. خالد حاطين راسهم في راس بعض وبجد انا خا…..ېفه علي بيري دول كانهم متفقين عليها
ملك….بيري مش صغيره يا سهر لا هتقبل تتجوز خالد ولا هتوافق انها تخسرك
سهر….يا ملك انا مش خاېفه علي علاقتي ببيري قد ما انا خا…..ېفه عليها من التخطيط اللي بيتم من وراها علي كلام بيري هي قالت انها رجعت بعد ما حست ان هي و افقت تبعد خالد عنها وانا اخيرا فهمتها وحست بيها. احترمت رايها بس اللي انا شوفته غير كده خالص دي عايزه تبعدني عنها و تبعد عنها اي حد ممكن ياثر عليها لان هي قالتهالي صريحه انتي بتأثري علي بيري و بسببك هي پتـ,ـكره خالد
ملك….بقلق تفتكري يا سهر ممكن تكون
—
كانت بتضحك علي بيري عشان ترجع و ناويه تخلف وعدها معاها
شهر….مفتكرش يا ملك انا متأكده خصوصا بعد ما جات و اتكلمت بالطريقه دي انا اللي را….عبني بجد يكون ده كمين معمول علي بيري
ملك….بصي هو انا اصدق اي حاجه في الست دي و طريقتها مع بيري بس بيتهيألي متوصلش لكمين يا سهر ولا انتي شايفه ايه
سهر….انا شايفه انها توصل لاكتر من كده يا ملك بصي الواضح ان هي عندها استعداد تعمل اي حاجه عشان بس بيري تبقي لخالد
ملك….بس هتجوزها ڠصب عنها يا سهر
سهر….تعملها اللي يخليها تقبل اعتذار واحد اعټدي علي بنتها و تلاقيله مبرر تعمل اكتر من كده
ملك….بس احنا كده لازم نفهم بيري ونخليها تاخد بالها بيري طيبه وكانت مبسوطه ان مامتها غيرت رايها و مصدقاها و اكيد مش واخده بالها من كل ده
سهر….عارفه يا ملك واكيد لازم نوعيها ونخليها تاخد بالها المشكله الوقت اني مش عاره ايه اللي حصل معاها و كمان خاېفه يكون حصل مشكله و اتصل ببيري الاقيها واخده منها الموبايل
ملك….طيب وبعدين اكلمها انا و اقولها او اتفق معاها نتقابل كأني انا وهي بس اللي هنخرج ونقولها
سهر….بصي يا ملك هو في حاجه في دماغي لو حصلت يبقي اللي انا شاكه فيه كله صح
ملك….ايه هي
سهر….بصي لو طنط فاتن عملت نفس اللي عملته معايا مع بيري يبقي عادي الخۏف لو معملتش
ملك…لا مش فاهمه وضحي اكتر
سهر…يعني طنط فاتن عارفه ان بيري جاتلها الجرأه انها تهرب مره وتبعد و تهددها انها مش هترجع الا لو خالد بعد عنها فا اكيد لو هي ناويه علي الكمين اللي قولتلك عليه يبقي مستحيل تقول حاجه لبيري و لا هتعرفها انها حات هنا وعملت معايا مشكله وطبعا طنط فاتن عرفتني كويس وعارفه اني مستحيل اقول لبيري علي اي حاجه عشان معملش بينهم مشكله فا لو ده اللي حصل يبقي هي فعلا قاصده تبعدني عنها عشان تقدر تسيطر عليها او تجبرها علي الجواز من خالد وتحطها قدام امر واقع
ملك…تقصدي يعني انها ممكن تكون كانت بتاخدها علي قد عقلها عشان ترجع
سهر….بالظبط و بعدين الست دي ذكيه هي عارفه انها لو عملت مع بيري زي ما عملت معايا بيري ممكن ترجع تمشي تاني و هي اكيد مش هتعمل كده وطبعا ده هيبان اكتر لما انتي تكلمي بيري و تشوفي كده هتقولك ايه يعني هتقولك في مشكله حصلت ولا مش هتقول
ملك…طيب افرضي كلامك طلع صح و معملتش معاها مشكله
سهر….يبقي كلامي صح يا ملك وبعدين هي واضحه اوي من اول ما خالد جالنا وقال انه عرف منها مكانها يعني قالتله بسهوله والمفروض انها وعدت بيري تبعده عنها
ملك….صح يا سهر كلامك منطقي بس انا كده بدأت اقلق علي بيري
سهر….ان شاء الله هنتصرف قبل ما طنط فاتن وخالد ينفذوا اللي في دماغهم بس الاهم لازم نتكلم مع بيري لان بيري مش هتعرف تتحكم في تصرفاتها و هتروح تواجهها ووقتها مش بعيد تمنعها حتي انها تخرج من البيت
ملك….طيب قوليلي اعمل ايه وانا اعمله
سهر….عيزاكي الاول تتصلي علي بيري بس مش انهارده خليها بكره وشوفي صوتها وانتي اكيد هتعرفي اذا كانت مضايقه او لا بيري بيبان عليها
ملك…تمام وبعدين
سهر…لو لاقيتي صوتها متغير وحكتلك اي حاجه تقوليلها تبقي طبيعيه خالص و تحاول متعملش اي تصرف لحد ما نشوفها لو حسيتي انها كويسه ومقالتش اي حاجه وبتتعامل عادي تعرفيني وقتها هقولك نعمل ايه
ملك….طيب تمام خلاص اكلمها بكره
—
و هقولك
سهر….تمام يا ملك شوفي هتعملي ايه وكلميني بكره
ملك…ماشي يا حبيبتي وانتي اهدي كده ومتضايقيش نفسك انتي بكره عندك حلقه ولازم تبقي هاديه
سهر….تمام يا ملك
ملك…يلا روحي نامي و ارتاحي
سهر….تصبحي علي خير يا روحي
ملك…وانتي من اهل الخير
………….
في غرفه بيري طلعت علي سريها
و هي ماسكه الموبايل فضلت تقلب فيه بملل لمحت صورة قطه ابتسم بحزن وافتكرت قدر و من غير ما تحس لقت نفسها بتفكر في فريد و كل اللي حصل معاها من اول ما راحت عنده ابتسمت بهدوء وهي بتفتكر
وبعدين مسكت موبايلها تاني وبدأت تكتب في البحث اسم فريد مره بالعربي ومره بالانجليزي كان عندها امل تلاقي الاكونت بتاعه او اي حاجه توصلها بيه مكانتش تعرف اسمه بالكامل او حتي اسم والده كانت عامله زي الطفله اللي بتتعلق بأي امل عشان توصل للامان اللي بتدور عليه بس للاسف كان بيظهرلها صور كتير باسم فريد وهو مش فيهم.
خدت اكتر من ساعه وهي بتدور لكن للاسف مقدرتش توصل ليه
ومن التعب نامت ڠصب عنها
…………
في ڤيلا مهيب
وصل خالد بعد ما فضل يلف بالعربيه كتير كان هيتجنن من اللي سهر عملته ومش قادر يصدق انه مسك نفسه للدرجادي قدامها هو في العادي مستحيل يسيب حد يتطاول عليه حتي لو هو اللي غلطان عمره ما بيشوف نفسه غلطان ولا بيعدي اي غلطه لاي حد يتطاول عليه و اسهل طريق عنده الاذي
لكن اللي منعه هو وجود بيري لانه كان واخد قرار انه يصلح غلطه عشان يقدر يكسبها مره تانيه وخاف اي تصرف متهور تجاه سهر يخليه يخسرها خاصتا لانه عارف غلاوة سهر عند بيري
دخل الڤيلا وهو شياطين الدنيا بتتنطط قدام عينه مهيب كان لسه صاحي .
مهيب…..لسه بدري يا خالد اتمني التأخير ده ميبقاش وراه مصـ,ـېبه من مصا…يبك.
خالد…بتنهيده اهلا يا باشا
مهيب….خير مالك
خالد…مفيش انا هطلع انام عشان مش قادر
مهيب…استني عندك هنا قولي في ايه
خالد…عشان خاطري يا باشا انا مش قادر اتكلم وبجد تعبان وعايز انام
مهيب…مش هتنام غير لما اعرف في ايه علي حد معلومـ,ـاتي انت كنت رايح تقابل بيري ايه اللي حصل
خالد….روحت يا باشا
مهيب….تمام وبعدين زي ما هي مقدرتش تأثر عليها
خالد…مش كده يا باشا بس سهر بوظت كل حاجه
مهيب…..سهر !! مش فاهم
خالد…مفيش انا كنت رايح علي البيت عندهم عرفت من امها انها خرجت مع اخواتها وسهر وملك وامجد و قالتلي علي المكان فا روحت علي اساس اصلح الموقف قدام الكل واكيد هي هتتبـ,ـسط لو حاولت اصلح كل حاجه قدامهم وطبعا سهر كالعاده بوظت كل حاجه
بدأ خالد يحكيله كل اللي حصل من سهر و بدأ مهيب يبان علي ملامحه الڠضب من سهر .
خالد….بس هو ده كل اللي حصل و المفروض انها قالتلي هتروح لسهر في البيت و هتتصرف معاها
مهيب….وانا مش هستني انها تتصرف مع سهر
خالد…تقصد ايه
مهيب…اقصد انه جه الوقت نخلص من المهزله دي وننهي كل العبث اللي بيحصل ده بكره هاخد معاد من سعيد نروح عنده البيت
خالد….ليه قولي ايه اللي في دماغك يا باشا
مهيب…..سهر مش هتستسلم يا خالد و هتحاول تبوظ كل حاجه بينكم لانها باختصار مش بتحبك وانت عارفها عنيده ومش هتسمع لفاتن عشان كده لازم ناخد خطوه تانيه خالص
خالد…وايه هي الخطوه دي
مهيب….مش هستني ان بيري تعرف كل اللي حصل ده و تفضل واخده نفس الموقف منك و اكيد عارف انك مش هتتقبل ده و هترجع تعمل مشاكلك و تصرفاتك المتهوره من تاني و ساعتها كل
—
حاجه هتوصل لرأفت و سعد الدين رشدان و مش بعيد للي اكبر منهم و انت عارف ان الكل خطواته محسوبه عليه ومتراقب ووقتها هتضيعنا عشان كده انا لازم انهي المهزله دي بنفسي و ليا بكره قاعده مع بيري هتخلص كل حاجه
خالد….ايوه يا باشا بس انا مش عايز ده يحصل انا مش عايز بيري توافق بالاجبار منك انا عايزها تحبني زي ما بحبها
مهيب….پغضب بسيط وده مش هيحصل يا خالد الا بطريقتي انا و بعدين ما انت سبق وعملتها وكنت عايز تجبرها يوم عيد ميلادها بتصرفاتك الغبيه انت ورجالتك فرقت يعني اقلها انا عارف انا بعمل ايه كويس و عارف اني هخليها توافق مش زيك يا خالد بخۏفها وبطفشها بتهوري شوف يا خالد انت قدامك حل من اتنين وتختار الوقت يا تسيبني انا اتصرف بطريقتي بكره يا اما من اللحظه دي تنسي بيري خالص و تطلعها من دماغك وتفوق للشغل لاني معنديش استعداد اقف في نفس الموقف مره تاني مع رأفت الباشا وسعد الدين رشدان اختار يا خالد و انت حر في اختيارك و حط في حساباتك وانت بتفكر ان امجد وملك ولاد رأفت الباشا كانوا معاكم وشافوا كل اللي حصل و ادعي ربك انهم ميقولوش قدامه علي اللي حصل عشان لو رأفت وصله خبر ساعتها انا اللي هقف في وشك يا خالد.
خالد….يا باشا انا متكلمتش حتي لو قالوا اي حاجه ليه انا المرادي حاولت اكون هادي ومعملتش اي رد فعل
مهيب….تمام ودي نقطه في صالحك بس بردوا هتختار حل من اللي قولته يا خالد يا تسيبني انا اتصرف بطريقتي يا تنسي بيري نهائي لاني تعبت من الموضوع ده
خالد…طيب وافرض يا باشا موافقتش
مهيب….انت مش عارف ابوك ولا ايه يا خالد انا مش رايح العب ولا اتناقش معاها انا رايح اجيب موافقتها بطريقتي قولت ايه
خالد…تمام يا باشا اللي حضرتك شايفه صح اعمله.
مهيب….يبقي اتفقنا ومبروك مقدما
خالد…بابتسامه سعاده و غرور الله يبارك فيك يا باشا.
مهيب…يلا اطلع نام ومتفكرش في اي حاجه خالص اتبسط وانسي كل اللي حصل و طول ما ابوك في ضهرك متحملش هم اي حاجه في الدنيا.
خالد…ربنا ما يحرمني منك يا باشا يلا تصبح علي خير
مهيب…وانت من اهل الخير يا حبيبي.
…………
في صباح يوم جديد في منزل فريد.
راحت عليه نومه عالكنبه و التلفزيون فضل مفتوح محسش بنفسه .
اما عن قدر !!!!
فا كان عايش في البيت براحته بعد ما فريد نام و سابه نايم جنب الاكل بتاعه صحي وكل ولعب و اتنطط وفضل رايح جاي و فريد مش دريان بالدنيا و لا باللي هو بيعمله و المصېبه الاكبر
انه محسش ان قدر طلع قعد جنبه بعد ما تعب من اللعب ونام في حضنه و فوق صدره.
بدأ فريد يصحي و اللي صحاه انه كان حاسس بصوت غريب قريب منه صوت نفس عالي اللي بتعمله القطط وهي نايمه.
مكانش مركز فريد ولا حتي مدي خوانه و لا فاكر اصلا انه راحت عليه نومه
فتح عينه بهدوء بص عالسقف وبدأ يركز اكتر مع الصوت حط ايده علي وشه و بعدين فتح عينه اكتر و ركز پصدمه و هو لسه نايم كان حاسس ان في حاجه دافيه علي صدره و الصوت بقي اوضح.
مقدرش يبص وبسرعه توقع انه ممكن بكون قدر.
فريد….بهمس لا لا لا اكيد مش انت اوعي تكون عملت كده فيا
رفع فريد راسه بهدوء يبص علي صدره لمح قدر نايم و ضامم
—
جسمه علي صدره ورايح في سابع نومه.
ضر..بات قلب فريد زادت وبدأ يتوتر كان حاسس انه هيـ,ـغم عليه
فريد….بهمس شششش انت قوم قوم ششش قدر قدر امشي بس بس بس امشي هشششس هششش
صحي قدر من حركة فريد بدأ يفرد جسمه ويقوم يقف
فريد….لا لا متعملش كده فيا امشي يلا نط نط
وقف قدر وفضل يبص عليه قرب براحه من وشه
فريد…قدر قدر لا لا وقف وقف متعملش فيا ارجوك احنا اتفقنا صح انت كده ممكن ټمو.تني انزل وابعد عني
كان خاېف يتحرك او يقوم يقف و بيحاول حركته تبقي اهدأ غمض فريد عينه بقوه لما حس انه بيقرب من وشه
فريد…بهمس امشي ارجوك متعملش فيا كده حرام عليك
حس فريد بنفس قدر بيقرب من وشه و في حراره علي جلده.
هنا مقدرش يصبر اكتر من كده قام فريد بسرعه وقف علي امل انه يقع ويبعد عنه لكن قدره المهبب خلي قدر يتعلق فيه اكتر وفضل ماسك فيه بضوافره
وهنا بدأ فريد يتوتر اكتر ويتحرك بسرعه عرق و ضر؟بات قلبه زادت و خوفه زاد.
فريد…لاااا لا قدر انزل ابعد عني ابعددد يااااقدر هشششس هششش
في الوقت ده دخل بلال و لما سمع صوت فريد دخل جري
لمح فريد بيتحرك بسرعه ويلف حوالين نفسه وقدر ماسك في هدومه پخوف اټصدم
فريد….بلاااال الحقني يا بلال الله يخليك بسرعه
بلال…..طب اقف اهدا متخافش
فريد….اخلص بقولك
مقدرش بلال يتحكم في ضحكته
بلال….طب اقف انت بتتحرك
فريد….انت بتضحك علي ايه اخلص ھمو…..ت يا واطي
بلال….ما انت عايش اهو ممو…….تش ولا حاجه وبعدين خاېف من ايه ده هو اللي مړ….عوپ منك ده اصغر من كف ايدك يا جدع
فريد…وديني لو ما بطلت كلام وجيت خدته لا ھقـ,ـتلك بايدي يا و…..اااطي انزززززل
بلال….بضحك طيب اشتم براحتك شوف مين اللي هيساعدك
فريد….بلال متسـ,ـتعبطش قلبي هيقف
بلال…..لا
فريد…طب حقك عليا انا اسف يا بلال بالله عليك تعالي بسرعه
بلال…..ماشاء الله فريد التهامي بيعـ,ـتذر ده قدر طلع سره باتع
فريد…وديني يا بلال لو مسكتك ما هخلي وشك في حته سليمه
بلال….بضحك والله ده لو بقي بص انا داخل اعمل الفطار وانا شايف انك ادام ممو….تش يبقي تواجه خۏفك و انا شايف ان دي فرصه متتفوتش ومش هتحصل تاني فا عشان كده انا هسيبك تواجه خۏفك لوحدك واعتبرني مجتش علي الاقل تتخلص من الفوبيا اللي عندك دي
فريد….پغضب انت هتعملي فيها دكتور نفسي يا واطي
بلال…اشتم اشتم و بعدين اتعصب اوي خليه ېخاف اكتر. يفضل قافش فيك
فريد….بلال بالله عليك قلبي هيقف يالاااا
بلال…..اعتمد علي نفسك يا صاحبي واعتبر نفسك انت وقدر لوحدكم خالص ومفيش حد هيساعدك ايه هتسيب خۏفك يتغلب عليك ده تبقي عيبه في حقك يا باشا يلا امسكه ونزله و براحه عليه عشان هو صغير
فريد….امسك ايه مستحيل
بلال….خلاص انت حر خليه لازق فيك كده والله شكلك حلو تحس ان السويت شيرت بقي 3d بالقط
فريد….بلال صدقني مش هرحمك
بلال….بضحك فداك يا صاحبي بس لما تفك نفسك من قدر اعمل اللي انت عايزه.
فريد…طب اسمع طلع الاكل بتاعه هو لما يشمه هينزل
بلال….مش فاضي بحضرلك الفطار
فريد…مش هفطررررر يا واطي وهكسر دماغك
بلال…..كمان مش هتفطر طيب انا بقول بقي اسبقك علي الصاله وخليك انت في الاجتماع المغلق مع قدر
فريد…ولاااا اقف عندك
بلال….بضحك طيب خلاص اديني واقف
فريد…قدر انزل ابوس ايدك والله لو ما نزلت هطردك بره بيتي يا واطي انت كمان
فضل بلال يضحك و هو بيجهز الفطار بكل برود وبيبص علي فريد.
فريد…يا جدع بلاش برود انت بتتفرج علي فيلم كوميدي
مردش بلال عليه وسابه اداله ضهره و وقف يجهز البيض و القهوه.
راح
—
فريد بهدوء قعد علي الكنبه و مسك مخده صغيره قربها من قدر عشان ينط عليها
فريد…قدر يلا يلا انزل يا صاحبي انزل وخليك محترم اقولك لو نزلت انهارده هجيبلك بيت عشان احبسك فيه بليل
بلال….بضحك انت كده بتغريه يعني خليك يا قدر هيحبسك
فريد…اخرس يا حيواااان
يلا يلا يا قدر هجيبلك كوره كمان و هجيبلك حجات كتير انزل بقي بالله عليك.
نط قدر علي المخده ونزل علي الارض جري علي بلال
قعد فريد علي ركبه في الارض وهو بيتنفس بسرعه و بيحاول يسيطر علي الخۏف اللي كان فيه.
رفع راسه بهدوء وبص لبلال پغضب وقام وقف مره واحده وراح عليه
بلال…بضحك مسك قدر بسرعه ايه لو قربت هحدفه عليك
فريد….بتتحامي في حتت قط صغير
بلال….بضحك ولما انت عارف انه صغير خاېف ليه طيب
فريد….ماشي يا بلال وديني ما هسيبك انا طالع اخد شاور بسرعه و انت عقم كل حاطه لمسها و حسابي معاك بعدين
بلال….بضحك بقولك ايه انا بقول اخرج قدر او نوديه علي اي محل حيوانات في طريقنا
فريد…قولت لا و شوف شغلك بلاش رغي
بلال….بضحك الحق عليا ما هو علي راي المثل القط ما يحبش الا خڼاقه
فريد….طيب تمام حلو اوي اللي بتعمله ده حظك اني مش فايقلك الوقت بس استني عليا يا بلال الكلـ,ـب
طلع فريد و سابه وفضل بلال يضحك و يطبطب علي قدر
بلال….جدع ياض يا قدر عاااش
بعد حوالي نص ساعه نزل فريد بعد ما خد شاور وغير بكل وقار وهيبه ورجع تاني لثباته بص لبلال پغضب ابتسم بلال و هو كاتم ضحكته.
فريد….ابعد من وشي وبطل ضحك
بلال….ماشي يا باشا اللي انت عايزه.
بص فريد علي قدر پغضب لقاه لسه بياكل .
قعد فطر و خلص فطاره وبعدين قام وقف وخرج علي بره من غير ولا كلمه قفل بلال كل حاجه وخرج وراه
بلال….سلام يا صاحبي هتوحشني
…………
في منزل بيري علي الضهر صحيت من النوم علي صوت موبايلها
ملك….الووو
بيري….صباح الخير يا لوكا
ملك…صباح النور انتي لسه نايمه ولا ايه
بيري…اه هي الساعه كام
ملك…الساعه 12 ونص
بيري….يا خبر انا ايه اللي نيمني كل ده
ملك….انتي نمتي متأخر ولا ايه
بيري….اه مكنتش عارفه انام
ملك…ليه في حاجه حصلت ولا ايه
بيري…لا خالص بس قعدت العب شويه في الموبايل فا سرحت ومحستش بالوقت
ملك….طيب انتي كويسه يعني كله تمام
بيري…اه الحمد لله في حاجه ولا ايه
ملك….لا يا قلبي انا بطمن عليكي بس طيب بقولك ايه
بيري….قولي
ملك…انتي وراكي حاجه الوقت
بيري…لا انا لسه صاحيه هفطر و هشوف اي حاجه اعملها لحد الحلقه بتاعت سهر
ملك….طيب انا عايزه اشوفك انا وسهر
بيري….انتي وسهر في ايه انتي صوتك مش مريحني عالصبح
ملك…مفيش والله بس كنا عايزينك في موضوع
بيري….انتي كده قلقتيني علي فكره
ملك…والله ما في حاجه ايه مينفعش نقول اننا عايزين نشوفك
بيري….لا ينفع بس واثقه ان في مصـ,ـېبه ربنا يستر
ملك…لا مفيش مصايب المهم انا هطلب منك طلب
بيري…قولي
ملك….وانتي خارجه متقوليش قدام اي حد انك جايه تقابلينا
بيري….بت في ايه مش مرتحتلك انتي اول مره تطلبي مني طلب زي ده
ملك….يا ستي مفيش وبعدين متوجعيش قلبي لما تيجي هتعرفي
بيري…طيب امال اقول رايحه فين عالصبح كده وبعدين انتي تقصدي مين باي حد
ملك….اي حد عندك يا بيري خصوصا طنط فاتن
بيري….اااه كده يبقي في مصېبه
ملك….ركزي بس معايا وسيبك من الكلام ده
بيري…طيب اقول رايحه فين
ملك….اممممم طيب قولي انك رايحه تعملي شعرك في الكوافير و لو قالتلك رايحه مع مين قوليلها رايحه لوحدي
بيري….طيب تمام لما نشوف اخرتها.
ملك….بقولك ايه قومي بقي بسرعه ومتتأخريش واول ما تخرجي من البيت عرفيني
بيري….طيب هشوفكم فين
ملك….لما تخرجي وتكلميني هبعتلك اللوكيشن
بيري…طيب
تمام
ملك…متتأخريش انا هتحرك انا وسهر الوقت
بيري…اوك هاخد شاور و البس واخرج علي طول
ملك…اوك يلا باي
بيري…باي
قامت بيري خدت غيار و دخل خدت شاور سريع خرجت كملت لبسها بره و حطت كاب علي شعرها بعد ما نشفته ونزلت.
مريم….كانت نايمه لسه و مازن و سعيد والدها مش في البيت نزلت علي تحت لمحت فاتن قاعده بتشرب قهوتها و كانت بتتكلم في الموبايل اول ما لمحتها قفلت بسرعه.
بيري…بابتسامه صباح الخير
فاتن….صباح النور يا قلب ماما انتي خارجه ولا ايه
بيري…لا مش خارجه انا هقضي اليوم معاكم بس بصراحه بقالي كتير مروحتش للكوافير ولا عملت شعري فا قولت اروح اعمله انهارده واعمل ضوافري كده يعني
فاتن…..طيب كويس اوي روحي واتبسطي رايحه لوحدك و لا مع سهر وملك
بيري…لا انا مقولتش اصلا سهر اكيد مش هتقدر لان عندها تصوير حلقتها انهارده وملك اكيد لسه نايمه هي فين مريم صحيح
فاتن….مريم نايمه لسه هي كمان
بيري….طيب خلاص هروح انا بقي
فاتن…..ماشي يا حبيبتي متتاخريش يا بيري عشان احتمال يجيلنا ضيوف انهارده
بيري….ضيوف !! ضيوف مين
فاتن….بطلي رغي خليني اشرب قهوتي واقوم اشوف اللي ورايا لما تيجي تبقي تعرفي
بيري….ماشي يا ست ماما مش محتاجه حاجه اجيبها وانا جايه
فاتن….لا يا حبيبي شكرا
بيري…سلام يا ماما
فاتن….سلام يا حبيبتي
…………..
خرجت بيري ركبت عربيتها واول ما اتحركت اتصلت علي ملك
ملك…الوو
بيري…ايوه يا ملك انا خلاص خرجت واتحركت كمان
ملك….طيب كويس حد عرف انك جايه تقابلينا
بيري….لا ماما سألتني و قولتلها رايحه اعمل شعري و ضوافري قولتلها ان سهر عندها شغل وان انتي اكيد نايمه
ملك…طيب كويس اوي انا اتحركت وسهر كمان قالت ربع ساعه وتتحرك عشان هي اقرب هقفل معاكي وابعتلك اللوكيشن
بيري…طيب تمام يلا هشوفكم بعد شويه باي
ملك….باي
وللحديث بقيه…..