لقاء كارثي

عسال…..بضحك بيفكر عشان عارف ان اللي باقي كلهم فضيحه

مصطفي….انت بتقول فيها اه والله طيب تعالي يا نادين انتي عاقله شويه

نادين….خد بالك انا اتوترت والله

مصطفي….بضحك لا لا تعالي متخافيش

بصت لميدو وابتسمت

عسال….بضحك روحي يلا متخافيش لو عمل حاجه هحدفه في البيسين.

نادين ….سامع انت حر بقي

مصطفي…..يلا امسكي دي مكتوب عليها اسمك اول ما افتح الڤديو افتحي الرساله.

نادين…..اوك

مصطفي….جاهزه

نادين….مش عارفه بس يلا

مصطفي….افتحي

بصتلهم و ضحكت

عسال…..افتحي يلا متخافيش

فتحت الورقه بهدوء و توتر.

الرساله….

هاي نادين بصي مبدأياً كده ممنوع تعملي اي رد فعل خالص عشان غيرك ميخمنش كمان متتوتريش لان الخبر اللي هتقرأيه هيفرحك المهم متوضحيش مكتوب ايه و الاهم ان الرساله دي من شخص غالي علي قلبك اوي موجود في وسطنا حب يشاركك فرحته و اكد اوي عليا ان فرحتك تهمه و قال كمان انك عشره العمر اللي هتفرح من قلبها بالخبر ده
عايزه تعرفي الشخص ده مين ؟

هزت نادين راسها زي العبيطه كأن حد بيكلمها

طيب احنا اتفقنا منقولش ولا نوضح الشخص ده يبقي ايمي حبت تعرفك انها قريب اوي هتبقي احلي مامي و انتي هتبقي احلي خالتوا

شهقت نادين شهقه طلعت من قلبها و حطت ايدها الاتنين علي وشها و فضلت تعيط

نعيمه….لا لا كده مش طبيعي

ليله….ضحكت طب هنما بيعيطوا ليه بجد

عشري….بضحك ولله انا بدأت اتوتر

قرب ميدو من نادين خدها في ح,ضنه فضلت تعيط

عسال….بهمس بااااس هتفضحي الدنيا يا قلبي

دموع ايمي كانت مغرقه وشها و عماله تحط كفها عشان محدش يلاحظ

حنان…..بس يا نادين بس يا قلبي اهدي

قامت سلمي كمان وهي بتعيط طبطبت علي ضهرها و همستلها

سلمي….نودي لسه في كام حد ميعرفش و لسه رشيد لازم يتفاجئ والنبي اوعي تفضحي الدنيا

نادين….بهمس طيب هو بجد؟

سلمي….بدموع ضحكت اه بجد

عسال….حبيبي هتفضحينا

نادين….والله العظيم قلبي هيقف و بترعش يا ميدو

عسال….بابتسامه طيب اهدي معلش

مصطفي….نودي نودي

مسحت دموعها و بصتلوا

مصطفي….بضحك ايه الاخبار

نادين….عيطت تاني و بصت من بعيد علي ايمي كانت بصالها و بتعيط و مبتسمه ااا ده مش مقلب صح

مصطفي….والله ما مقلب مش عارف ليه مش واثقين فيا المهم بس انتي تمام

نادين….انا مش عارفه اتلم علي اعصابي و مش عارفه اوصف شعوري و فرحتي بس انا اتصدمت لاني متوقعتش خالص حاجه زي دي ولا جات في دماغي اصلا يمكن دماغي راحت في حتت تانيه غيرهم يعني قولت مثلا في حد بنحبه ممكن يعملنا مفجأه ويجيلنا او في حد عامل مفجأه لحد زي عشري و زي ما قالوا كده بخصوص ليله بس لما اكتر من حد عيط اتوترت بس متوقعتش كده خالص بجد و مبسوطه اوي