لقاء كارثي

لقاء كارثي
أميره أسامه
صاحبة البطل الواحد

. البارت المئه 113.

………………………

ابتسمت ليله و داست علي زرار في الموبايل و حطته علي وشه و رجعت ضهرها لوراء و فتحت اللوك بتاع الباب اللي جنبها و قعدت بكل ثقه و هي مرسوم علي وشها ابتسامه تحدي و قوه وثقه غير عاديه.

قربت مريم بهدوء من العربيه بتاعت ليله و فتحت الباب وركبت بصت علي ليله بابتسامه شر و ليله كانت علي نفس وضعها السيجاره في ايدها و باصه قدامها و ابتسامتها مرسومه علي وشها.

رجعت مريم ضهرها لوراء و بصت علي الطريق هي كمان دام الصمت بينهم اكتر من نص دقيقه ليله قطعت الصمت ده بكل هدوء و برود و ثقه من غير ما تبص جنبها

ليله….اتاخرتي ليه ؟

مريم….. بابتسامه من وقت ما وقفتي بالعربيه و انا عندي شك انك عرفتي اني وراكي بس قولت لا يمكن بيتهيألي بس قررت انزل واجيلك و طلع شكي في محله و طلعتي شيفاني

ليله……بابتسامه شيفاكي من امبارح و انتي ماشيه ورايا انا وعشري كنت فكراكي هتقطعي طريقنا زي المره اللي فاتت بس محصلش و من الصبح و انتي ورايا من اول ما طلعت من البيت صعبتي عليا بقي
و قولت كفايه عليكي كده

رفعت كفها و سكتت ثواني و هي بتتكلم بتلميح مستفز او خلينا نقول احسن ان البيبي اللي في بطنك هو اللي صعب عليا حرام بردوا هو ملهوش ذنب في فرط الحركه اللي عند امه صحيح نسيت اعزم عليكي بسيجاره و لااااا تؤ تؤ نسيت غلط علي البيبي معلش بقي انا لسه متجوزتش ولا حملت و خبرتي بسيطه بس لو ريحة السجاير مضيقاكي ممكن اقفلها

ابتسمت مريم بحقد و هي بتعض في شفايقها من جوه و باصه قدامها.

مريم……لا خالص هو انتي متعرفيش و لا محمد قالك تؤ تؤ تؤ اقصد عشررري نسيت انك مش متعوده علي محمد ده

ليله…..بابتسامه ثقه مقاليش ايه ؟

اصل حبيبي مشغول الايام دي اوي الله يكون في عونه انتي عارفه بقي تجهيزات الفرح و الجواز بتتعب العريس قد ايه ولاااا اااه سوري نسيت انك معندكيش خبره في الفرح و الجواز

مريم…… بابتسامه حقد اممم صح معنديش خبره بس ما علينا هو مقالكيش ان البيبي نزل ؟

كانت حابه تشككها تاني ان عشري يعرف كل اللي بيحصل معاها بس ليله قررت انها متديهاش فرصه مره تانيه و توقع بينهم فا ردت عليها رد قصق جبهتها

ليله…..اممم لا مقاليش اصل عشري متعود يقولي الحجات المهمه و اللي ليها قيمه بس