لقاء كارثي

مريم…..بابتسامه عاجبني اوي اسلوبك يا ليله و ده بجد مش مجامله كل مره بتبهريني بثقتك و بالاخص ثقتك في عشري بس ياتري يا ليله متعلمتيش من كدبه عليكي اول مره ؟ ولا هو الحب بيغير المبادئ و خلاكي اتخليتي عن مبدأك

ابتسمت بشر و بصت لليله بس ليله مهتمتش ولا بصتلها كأنها مش موجوده و فضلت باصه قدامها

ليله…..بابتسامه بالعكس انا لسه عند مبدأي بس تقدري تقولي كده اني اتعلمت افرق بين الكدب و بين محاوله رخيصه تخلي ثقتي تتهز في الي بحبه

سكتت ثانيه و كملت بثقه و لو علي ثقتي في عشري فا دي مش عيب العيب هو انك تفكري ان الشك فضيله و خراب علاقتي بعشري بطولة

كملت بأبتسامه و هي بتنفخ الدخان

حبي لعشري مغيرش مبدأي بس كشف مين اللي مكانش عنده مبدأ من الاول و بيتعامل برخص.

انا اللي مستغرباه بس ليه بتحاولي تبوظي علاقتي بيه و انتي عارفه كويس ان حتي لو انا مش معاه مش هيبقي ليكي.

يمكن في ستات ممكن تموت نفسها علي راجل و بيحاربوا بعض و كل واحده فيهم بتحاول تثبت انها احسن و مع اني مش منهم بس بتحصل و اللي بتقدر تثبت نفسها بتكسب بس انتي بقي يا مريم داخله الحرب دي ليه و مع مين لو معايا اكيد هتبقي خسرانه لان قولتهالك قبل كده و هرجع اقولهالك تاني الحرب فيها احتماليه للفوز و الخساره و انا عمري ما هحط نفسي في الحته دي مش عشان اخاف من الخساره تؤ تؤ لان انا وجودي اعلي من الاحتمالين و تاني حاجه داخاله الحرب دي ليه يا مريم قولتلك حتي لو انا مش موجوده عشري مش هيبقي ليكي فا انتي في كل الاحوال خسرانه بتتعبي نفسك ليه بقي

مريم….بابتسامه جميل اوي الكلام ده بس بردوا معندكيش فضول تعرفي ايه اللي عشري مقالهوش ليكي

ليله….. بابتسامه ادام مقالش يبقي عارف ان الحاجه دي مش مهمه بالنسبالي و انا بثق في قرار حبيبي بس لو حابه تقولي انتي حره في النهايه اياً كان اللي هتقوليه مش مهم بالنسبالي

مريم……بابتسامه شر حتي لو قولتلك ان اللي في بطني نزل و ان عشري عارف و زعلان اوي علي فكره

ليله…..بتمثيل الزعل و بكل مياعه خسااااااره زعلت و حبيبي قلبوا كبير عشان كده زعل بس كويس بردوا تصدقي والله علي قد ما زعلت علي قد ما فرحتلك من قلبي انتي و البيبي فرحتلك عشان متتفضحيش اكتر ما انتي مفضوحه يا مريووومه