لقاء كارثي

رشيد…..اممم طيب انتي اكتبيلي كل ده بس انا هجيب ازاي غيارات داخليه مش هعرف و بعدين اجيبلها مقاسات ايه

ايمي….اممممم طيب بقولك ايه انا هشوف ليله كده لو ينفع تجيبهم هي لان هي بتنزل تجيب حاجتها يعني ممكن تعرف هي تتصرف

رشيد….بس ليله هتلف ليها و لا لچوي حرام هي مش ناقصه دوشه

ايمي…..طيب نعمل ايه بص يا رشيد هي مقاسها صغير يعني هاتلها قدي الترنجان و انا هشوفلك مقاس البنطلون كام جيب زيه و لا اتصل اسأل ليله الاول ايه رأيك

رشيد….لا خلاص انا هتصرف اااا طيب بقولك ايه ؟

ايمي….ايه

رشيد…..ما تسألي نادين كده يمكن عندها حاجه مناسبه ليها و بما انها شافتها انهارده يعني هتعرف مقاسها

ايمي…..صح يا سوسه انا ازاي نسيت نادين طيب استني كده اتصل عليها اقولها يارب متبقاش نامت

رشيد…..شوفي كده و قوليلها علي اللبس الداخلي الله يخليكي و لو مش عندها تتصرف هي و تجيبلها من اي مكان

ايمي…..ماشي استني لحظه

حطت الموبايل علي ودنها و استنت شويه.

نادين…..الووو

ايمي…..منمتيش لسه صح

نادين…..لا لسه في حاجه ولا ايه

ايمي…..نادين انا عيزاكي في خدمه لو تقدري

نادين……طبعاً اقدر قولي عايزه ايه

ايمي……انا قاعده انا و رشيد و محتارين چوي محتاجه شويه لبس و رشيد مش هيعرف يتصرف انا واثقه و هو فكرني الوقت قالي اشوف عندك لو في حاجه تنفعها

نادين…..عيوني محتاجه ايه ؟

ايمي…..محتاجه لبس بيت و خروج و غيارات داخليه

نادين……تمام بس الداخلي لا مش عندي اللي عندي حجات معينه يعني لناس متجوزه بس عادي امره سهل ممكن اجيبلها من مكان تاني

ايمي…..طيب كويس حتي لو مش هتعرفي تعدي عليا رشيد ممكن يجيلك بعد ما يخلص شغل ياخدهم منك او لو جهزتيهم اقول لليله تعدي تاخدهم منك كده كده هي كل يوم تنط و تجيلي

نادين…..لا طبعاً خلي رشيد و انا هجيبهملك عادي بس عرفيني الاول انتي محتاجه ايه عشان اعرف عندي ولا لا

ايمي….عندك ترنجات شتوي

نادين….اه عندي طبعاً وفي مقاساتها

ايمي…..طيب كويس انا عايزه سته

نادين…..طيب الالوان ايه ولا اصورلك

ايمي…..لا علي ذوقك بقي

نادين……طيب انا ممكن اجيب كذا واحد و هي تختار بنفسها ايه رايك

ايمي…..حلو ده انا بس مش عابزه اتعبك و اخليكي تشيلي

نادين….و انا مش هشيل هحطهم في العربيه مش قصه يعني