لقاء كارثي

مريم…..اللي فاكره نفسها واثقه للاسف غالباً بتبقي واقفه علي ارض هشه عماله تتكسر و تتشقق تحت رجليها و هي مش حاسه في ستات يا ليله بتبقي واثقه وفي ستات بتبقي محتاجه تصدق انها واثقه اتمني متبقيش منهم عملتيها مره و وثقي في عشري و كانت ضر,به قويه عليكي اخاف عليكي من ضر,به تانيه

ابتسمت ليله و ضحكت ضحكه تجنن بكل ثقه و جبروت و هدوء رهيب

ليله… الفرق بيني وبينك يا مريم إن أنا لما أتوجع بتعلم و برجع اقوي من الاول.
الأرض اللي و قعتني قبل كده أنا اللي بنيتها من جديد و مش هشه زي ما انتي متخيله دي قويه و متينه و متجربة. والثقة اللي بتتكلمي عنها مش تصديق دي اختيار و في فرق كبير بينهم لان انا اختارت اكون واثقه اخترت إن الماضي ما يمسكنيش من رقبتي ولا حد يستعمله سلا.ح.
فا أطمني الضر,بة اللي بتيجي من قدام بتوجع إنما اللي بتيجي من ورا
دي ما بتهزش غير صاحبها لانه جبان لو كان قادر يواجه كان جه قدامي و وقف و حط عينه في عيني مش يفضل ماشي ورايا زي ضلي مستني فرصه انا جايز وقعت و قومت قويه بس انتي لسه مستنيه وقعه تاني ليا و ده مش هيحصل.

مريم…بابتسامة صفرا
اللي بيقول أنا قومت غالبًا لسه سامع صوت الوقعة جواه
والماضي لما يفضل محتاج يتشرح ويتبرر يبقى لسه معلم جواكي وانتي اللي معلم جواكي كتير اوي مش من عشري بس انا مش بعيرك يا ليل أنا بس بفكرك إن في جروح مهما اتلمت أول ريحة خوف بتفتحها وأتمنى تكوني فعلًا اخترتي الصح مش بس أقنعت نفسك إنك اخترتيه خدي بالك من ثقتك في نفسك يا ليله هتتعبك

ليله…..بضحك لو علي ثقتي متقلقيش لان كلامك يثبت ان ثقتي في نفسي في محلها عارفه ليه
لانك بتتكلمي عني أكتر ما بتتكلمي عن نفسك وده بيقول كل حاجة
أنا مش محتاجة أشرح ولا أبرر
اللي متطمن لمكانه ما بيدورش على قلق غيره زي ما انتي بتعملي كملي كلامك براحتك أنا سمعاكي بس مش مهتمه.

مريم….بابتسامه الهدوء اللي بتلبسيه ده لايق عليكي بس مش مخبي الحقيقه قوي زي ما انتي فاكره

ليله…..بابتسامه و ايه بقي الحقيقه

مريم…..انك خايفه مني مثلا ؟

ليله… بابتسامة باردة ونبرة هادية مليانة سخريةخايفة منك؟ ضحكتيني والله

انا يوم ما اخاف يا مريم اخاف من صاحب الفعل مش الكلام انتي جايه هنا وكل اللي بتحاولي تعمليه انك تقولي شويه كلام عبيط تخليني اخاف منه و اللي زيك ميتخافش منه بالعكس ده يتشفق عليه اصل اللي بيعمل مش بيقول و انتي كلامك كتير اوي يا مريم