لقاء كارثي

نعيمه……تمام فهمت

ليله…..و بالمناسبه بما اننا بنتكلم عرفت كمان ان امنيه كانت واخده علي خاطرها شويه منك

نعيمه….امنيه مين اخت ايمي؟

ليله….اه حصل بينكم شويه مواقف واحنا في السفريه ضايقوها يعني زعلت عشان قولتيلها احنا اقرب من ايمي ليكي و سمعتك وانتي بتتكلمي مع ايمي و بتقوليلها انتي زعلتي عشان خبت عنك الحمل

نعيمه….بس انا كنت بتكلم عادي علي فكره لما كنت بتكلم معاها في موضوع انها زعلت عشان ايمي كانت قايله لينا علي تجميد البويضات وهي لا مكانش قصدي حاجه اولا كنت بحاول افتح اي مواضيع واحنا سهرانين في الاوضه عشان نلاقي حاجه نتكلم فيها و كنت قصدي انها متزعلش و بحاول افهمها ان الصحاب اوقات بيكونوا اقرب من الاخوات بس مقصدتش يعني ان ايمي بتفضلنا عليها و بردوا لما قولت لايمي كده كنت بحاول اشوفها زعلت ولا لا عشان لو زعلت افهمها ان هي و زوزو عملوا كده عشانها

ليله……انا فاهمه يا نعيمه انك متقصديش و اوقات ممكن تبوظي الدنيا بكلامك من غير ما تحسي بس اهو اللي بقولوا حصل في ناس ممكن متفهمش طريقتك و تاخد موقف

نعيمه…..ايوه بس امنيه عرفاني كويس احنا لينا عشره و هي مش لسه هتتعرف عليا الوقت اهلي و اهلها صحاب احنا صحاب يعني اكيد مقصدتش اللي هي فهمتوا ده ليه زعلت مني و ليه متكلمتش معايا

ليله…..متكلمتش معاكي لان ايمي اللي منعتها تتكلم قالتلها متزعليش و خلاص اقفلي الموضوع نعيمه متقصدش اكيد و بلاش نتكلم عشان ميحصلش مشكله و ننكد علي بعض في السفريه و من رايي ان امنيه زعلت من كلامك لان جايز اوي تكون هي بينها و بين نفسها اصلا زعلت ان ايمي مقالتش ليها وقالت لينا احنا جايز تكون زعلت عشان هي فكرت بنفس طريقتك اننا اقرب لايمي يعني في النهايه دي اختها و بتغير عليها انا لو اميمه عرفت هي او قمر حاجه عني بعد فتره و عرفت انكم عارفين و هما لا جايز ميبينوش انهم زعلوا بس من جواهم ممكن يزعلوا فا تيجي انتي مثلا تقولي لاميمه او قمر احنا اقرب لليله مش هيزعلوا مش هيحسوا بغيره طبيعيه علي اختهم و نفس الموضوع عند نسمه علي فكره لو انا روحت قولتلها انا اقرب لنعيمه منك حتي لو هي عارفه ده و متأكده هتزعل يا نعيمه

لانها هتشوف ان ليها حق فيكي اكتر مني و حقها تزعل و لا انا بتكلم غلط