لقاء كارثي

ليله…..بابتسامه وانا قدامك اهو يلا هتعملي ايه هتموتيني؟

مريم……مستعجله علي موتك و لا ايه يا ليله

ليله…..بأبتسامه سخريه لا بس عايزه اجيب اخرك

مريم…..حتي اخري متستعجليش عليه يا ليله لانه هو و موتك واحد

ليله….وايه اخرك بقي يا مريم

مريم….موتك يا ليله لو أستعجلت عليه ابقي غبيه اللي بيموت مش بيحس بحاجه و لا موته بيريح اللي بينتقم منه بالعكس هو مات خلاص و ارتاح لكن عشان اللي بينتقم يحس بلذه الانتقام يشوف بعينه وجع اللي بينتقم منه كل شويه

موتك مش هدفي صدقيني انا عيزاكي طول ما انتي عايشه تتوجعي انتي و عشري و دي حلاوه اللعبه انها تفضل شغاله و مستمره انا مش قتالة ق,تله بس انا هأذيكم يا ليله هوجعكم في اعز ماليكم هو انا مش قولتلك قبل كده اني عرفتك كويس و عرفت كل القريبين منك كمان عشري عرفاه من قبلك و عارفه كل القريبين منه عارفه مين اكتر حد يوجعه و مين اللي يفرق معاه و مين اللي يكسره عارفه نقط ضعفه زي ما عارفه نقط ضعفك كويس مش هموتكم يا ليله متقلقيش بس هدمركم بالبطئ هخليكم تتكسروا و تتوجعوا و الدنيا في عينكم تبقي سوده هخليكم كل ما تحسوا انكم هتقوموا علي رجليكم تاخدوا صدمه جديده في عزيز ليكم هخلي اللي حواليكم اصلا يبعدوا عنكم من كتر ما قربهم منكم اذاهم هخليكم تحسوا بنفس الوحده اللي انا عايشه فيها هخليكم تنسوا حلاوه الدنيا اللي كنتي بتقولي عليه لانكم مش هتشوفوها حلوه هخسركم شغلكم

هعمل فيكم كل حاجه حسيت بيها هخلي عشري يجي يبوس رجلي عشان اوقف و اسامحه هخليه يعتذر و يتذلل علي اللي عملوا معايا

هبوظ حياتكم يا ليله هخليه يندم انه في يوم من الايام عرفك هخليكي يا ليله بتلفي حوالين نفسك و مش عارفه تلحقي مين او تبعدي مين من طريقي هتخليكي تسيبي شغلك و حياتك و تفضلي قاعده مرعوبه و مستنيه هعمل ايه في مين و لما اخلص كل ده هجيلك انتي ما لازم يكون ليكي نصيب من الاذي هخليكي الاول تتوجعي و تدمري و انتي شايفه كل اللي حواليكي بيتأذوا و بعدين هجيلك في الاخر

ليله….بابتسامه و بعدين هننزل بالستاره و لا الجمهور هيسقف

مريم…..بابتسامه الاتنين

ليله…. ايه كم السواد اللي جواكي ده
هو بجد لو انا مكنتش ظهرت في حياة عشري ازاي كان ممكن يكمل مع واحده زيك لا بجد ازاي في حد زيك كده