لقاء كارثي
لقاء كارثي
رشيد…..بابتسامه اخبارك ايه يا چوي
چوي…..بابتسامه هاديه الحمد لله
ايمي….انتي اللي غطتيني يا چوي
چوي…..ايوه انا كنت نايم و في برد
ايمي….بابتسامه طيب نبقي نكمل الفيلم بكره بقي روحي نامي
چوي….طيب جهز عشاء
ايمي….لا يا چوي ميرسي انا هجهز بس قوليلي مش عايزه تاكلي
چوي…..لا الحمد لله انا شبعان كتير
ايمي…..طيب روحي يلا نامي انتي تصبحي علي خير
رشيد….تصبحي علي خير يا چوي
چوي…..تصبحوا علي خير
خدت الغطاء بتاعها و قامت راحت علي الاوضه.
رشيد…..هي كلت
ايمي….اه اتعشت هي انا بس مستنياك بس بسألها عشان لو جعانه
رشيد….طيب تعالي جنبي شويه
ايمي…طيب مش هتغير روح و انا هجهز العشاء
رشيد…..تعالي بس هقوم الوقت
قربت قعدت جنب خدها في ح,ضنه
رشيد….وحشتيني
ايمي….وانت كمان بس خد بالك انا مخصماك
رشيد…..ليه بقي و الله عندي شغل لسه جاي من المعرض الجديد و عديت علي القديم و كان يوم طويل
ايمي…..بردوا مخصماك عشان حاسه كده ان حضرتك جيبت چوي مخصوص عشان يبقي في حد معايا و تقعد انت تصيع بره براحتك
رشيد…. بابتسامه وحياة ايمي عندي ابداً چوي موجوده هنا عشان تريحك و تاخد بالها منك مش اكتر و لو عليا و الله عايز ارجع من بدري لان عندي صداع من بدري هيفرتك دماغي
ايمي…..من ايه انت مكلتش؟
رشيد….كل بس انتي عارفه انا مليش في الاكل السريع ده و كلت انا و سلامه طلبنا اوردر كده سريع بس انا شارب سجاير و قهوه كتير فا ممكن عشان كده
ايمي…..طيب قوم خد شاور دافي و انا هجهزلك العشاء و بعدين خد مسكن و نام
رشيد….هقوم والله بس خليكي جنبي شويه انا اصلا كسلان جداً
ايمي….كسلان و لا مش قادر اوعي تكون تعبان و بتضحك عليا
رشيد….بابتسامه هو انا تعبان اه بس صداع يعني عادي متقلقيش هو بصراحه كسل اكتر و واحشني اكتر
قوليلي بقي انتي و چوي عاملين ايه مع بعض اتعودتي عليها شويه
ايمي… بابتسامه بصراحه ؟
رشيد…..بصراحه
ايمي….اتعودت عليها اوي و شكلي هحبها كمان طيبه و هاديه و حنينه خالص كنت بشرب و شرقت وفضلت اكح لقتها قامت جري و فضلت موطيه بتبص عليا و بعدين جريت مسكت الموبايل و رجعت بصتلي لما بطلت اكح بصتلها بقولها في ايه يا چوي ماسكه الموبايل ليه لاقيتها بتقولي هتصل بمستر رشيد
رشيد….بضحك ما انا موصيها كتير و منبه عليها اي حاجه تحصل اتصلي عليا فوراً
