لقاء كارثي

بصتلها مريم بحقد و ابتسامه صفرا و بعدين قفلت الشباك و مشيت بالعربيه.

ليله…..بهدوء خدت نفس طويل و بعدين خرجته بهدوء غمضت عينها و فضلت تحرك رقبتها شمال و يمين و بعدين بصت علي القهوه

ليله….منك لله نسيت القهوه و بردت
اااااااااه مسكت الموبايل قفلت الزرار و ابتسمت بهدوء و بثقه و بعدين اتحركت بالعربيه.

…………………

عند شادي و علا في المستشفي
حالتها كانت افضل من الاول بكتير كانت لسه تعبانه بس مفيش نزيف حالتها كانت مستقره بس مكنش لسه اتحدد هتخرج امته..

كانت نايمه و شادي قاعد جنبها علي كنبه و قدامه التلفزيون مفتوح بيشوف فيلم و مفيش غيرهم في الاوضه اختها مشيت.

في وسط ما شادي خرج منها صوت شهقه و اتنفضت من نومها بفزع

شادي….قام بسرعه في ايه انتي كويسه

علا……اووووف كابوس يا شادي شوفت كابوس

شادي……طيب اهدي براحه عشان الجرح امسكي اشربي

شربت علا و هي بتاخد نفسها بسرعه

شادي…..ايه يا حبيبي احسن

علا…..شادي انا عايزه هنا

شادي…..عايزه هنا ازاي الوقت يا علا البنت متعرفش اصلا انك هنا

علا…..عشان خاطري يا شادي انا شوفت كابوس وحش اوي عماله تعيط و تنادي عليا

شادي…..يا حبيبه قلبي البنت زي الفل سألت حسان عليها لما كلمني و كمان سلمي كلمتني انهارده و هي كمان كلمتني بس قولتلها انا في الشغل و مامي مش معايا مش انا قولتلك ؟

علا……ايوه بس عشان خاطري انا عايزه اشوفها بنتي وحشتني يا شادي اول مره ابعد عنها كده و بعدين هي كانت خايفه اوي

شادي…..والله مافيها حاجه و زي الفل و بعدين هتيجي الوقت ازاي يا علا دي الساعه 12 زمانها نامت و ازاي هتيجي هنا احنا بعدناها اصلا عشان متخافش

علا…..لا مش مهم خلاص انا بقيت احسن

شادي….طيب علي الاقل بكره يا علا متنسيش انها مش مع حسان اصلا دي مع سلمي مش جايز هي كمان تكون نامت عشان شغلها هنقلق الناس في نص الليل كده

علا….طيب كلم حسان الوقت عرفوا اني عيزاها عشان خاطري يا شادي عشان بكره لو وراه حاجه ميقوليش مش هقدر

شادي…..لا حول ولا قوة الا بالله حاضر يا علا.

مسك الموبايل واتصل علي حسان

شادي…..الوووو

حسان…..ايوه يا شادي في حاجه ولا ايه

شادي….لا لا مفيش كله تمام

حسان…..اصلك مش متعود تتصل متأخر فكرت في حاجه

شادي….لا كل حاجه تمام الحمد لله بس علا صحيت من النوم شابفه كابوس و هتتجنن علي هنا و عيزاها بكره