لقاء كارثي

انا لما مشيت اتجابت غصب عشان حبيبي قلبه مطاوعهوش يخسرني
بس للاسف انتي مش قادره تتقبلي فكرة انه سابك و مشاكي مش قادره تستوعبي انك اتسابتي من اتنين
واحد سلمتيه نفسك و التاني رميتي نفسك عليه صعبه بردوا يا مريومه انا عذراكي انك تترفضي من اتنين
تقيله علي اي ست عندها كرامه بس بيتهيألي هي ممكن تكون مش فارقه معاكي اوي زي ما مفرقش معاكي البيبي اللي نزل صح و لا انا غلطانه

مريم…..بابتسامه و ايه كمان انا عيزاكي تطلعي كل اللي جواكي بس لازم تعملي حسابك انك هتحاسبي علي كل كلمه قولتيها

ليله…..بابتسامه ما قولتلك بقي يا مريومه اللي بيعمل مش بيقول خلي الفعل عندك اقوي من الكلام

مريم…..صدقيني يا ليله انا مش هتكلم عن الفعل اللي هعملوا انا هعيشوا و هعيشك فيه معايا

سكتت ليله ثواني و ولعت سيجاره تانيه و ابتسمت بهدوء.

ليله…..بقولك ايه يا مريم ما تيجي سكه و دوغري كده و هاتي من الاخر قوليلي اخره المناظره القويه اللي بينك و بيني دي ايه عايزه تثبتي انك جامده و اعترفلك بده

انتي جامده ياستي شابوه ليكي

عايزه تثبتي انك قويه براڤو انا مش فتش اقوي منك يا مريومه و لا عايزه تخليني اخاف و امشي جنب الحيطه حاضر همشي جوه الحيطه عشان انا مرعوبه قوليلي عايزه ايه بالظبط و انا هنفذه شوفتي بقي طيبه اكتر من كده

بصتلها بقوه وترت مريم شويه خدي بالك يا مريم انا قدمتلك اوبشن عمري ما قدمتوا لحد قبل كده كنت ناويه اخد حقي منك بطريقتي بس رجعت هديت وقولت لا انا مبجيش علي بنت زيي غمزتلها او ست زيك

جايز يا مريم ملامحي و اسلوبي و طريقتي يخلوا عقلك يصدق اني مفتريه و جبروت و صح صدقي عقلك انا كده بس عمري ما افتريت علي اي بني ادم الا لو جه علي سكتي و انتي جيتي و مع ذلك قررت اعفي عنك وقولت كفايه عليها البلاوي اللي هي غارزه فيها بس للاسف انتي لسه بتنكشي و لسه بتحاولي تجريني و انا بحاول امنع نفسي تاني عنك عارفه ليه لاني واثقه انك عامله زي اللي شارب حاجه و مش في وعيه مش مقدر ان كل كلمه بتخرج من لسانه ممكن يحاسب عليها و خدي بالك انا لو قررت احاسبك يا مريم و دين الله
ما هيمنعني عنك غير ان ربنا يقبض روحي .

انا في خصومتي يا مريم باخد بعضي بكل احترام و انسحب لا بحب اعادي و لا افتري بس اللي بينكشني و هو قاصد ببقي فاجره في الخصومه و انا مش عايزه لحد الوقت اكون فاجري في خصومتي معاكي فا اختصري يا مريم و قوليلي عايزه ايه جايه ورايا ليه بتحاولي تمشي ورايا و تعرفي خطواتي ليه عايزه تنتقمي يلا انا قدامك اهو والمكان هادي عايزه تقولي اللي عندك بردوا سمعاكي لكن جايه تهددي بكلام مليش في الكلام انا بحب اللي يجيب من الاخر ياتري بقي انتي اخرك كلام و لا عايزه ايه بالظبط.