لقاء كارثي

اول خطوه في خروجك من السواد و الانتقام الغير مبرر ده يا مريم انك تواجهي نفسك بالحقيقه و تعترفي ان انتي الجاني في حق نفسك مش حد تاني

و لو فاكره يا مريم ان مساعدتي ليكي اني ارجعلك كل اللي ضاع منك ده تبقي غلطانه انا مش جابه ارجع اللي ضاع انا مش ملاك ماشي يوزع هدايا و لا مصباح علاء الدين اللي جاي يحقق امنياتك المستحيله
اللي ضاع يا مريم ضاع عشان انتي خلتيه يضيع منك.

مساعدتي ليكي يا مريم هتبقي في اللي جاي انتي خسرتي حجات كتير و خسرتي البيبي وده كان في مصلحتك ربنا عمل كده عشان يديكي فرصه تعرفي تعيشي و بيقدملك ستر جديد حافظي عليه اللي كان هيجي ده كان هيجي يتبهدل و يبهدلك معاه كنتي هتقولي ايه للناس ابن مين و جبتيه امته وازاي جايز ربنا رفع ستره عنك بس رجع و قدملك ستر جديد عيشي بقي اللي جاي بنضافه اشتغلي فوقي لنفسك امشي في طريق جديد حتي لو صعب شويه بس هيبقي انضف من طريقك القديم عايزه شغل هجيبلك عايزه تروحي مكان جديد محدش يعرفك فيه هساعدك محتاجه ترجعي للي كان معاكي ده حتي لو هيكتب عليكي و يطلقك عشان يبقي معاكي ورقه تثبت انك كنتي متجوزه هعمل ده و ده مش كلام قولي اه و هنفذ بس اختاري الطريق

مريم…..وانا اخترت الطريق يا ليله خلاص

ليله……طريق ايه بالظبط؟

مريم…..بابتسامه اللي بيخسر كل حاجه مش بيبقي علي اي حاجه يا ليله و انا هكمل في طريقي عشان الطريق الجميل اللي رسمتيه ليا الوقت ده جايز يكون حلو بس مبقاش لازمني خلاص

ليله….بابتسامه سخريه امي زمان قالت جمله لاخويا عشان تنصحوا بس انا مفهمتهاش خالص غير لما كبرت و فهمتها اكتر الوقت لما قولت كلامك ده.

قالتلوا طعم حلاوة الدنيا هيدوقوا كل بني ادم علي وش الارض سواء كان حلال او حرام بس اللي هيختار طعم الحلال هيفضل الطعم علي لسانه طول العمر و اللي هيختار طعم الحرام هيبقي زاهد الدنيا و عمره ما هيستطعم طعم الحلال

و انتي للاسف اختارتي طريقك يا مريم و الحلال و النضافه والنور مبقوش فارقين معاكي لان طعم الحرام اللي علي لسانك خلاكي مش مقدره طعم الحلال.

انا عملت اللي عليا لو حابه تفكري هتلاقي ايدي ممدوده لو مصممه علي الطريق بتاعك متحلميش انك هتوصلي لاني هقطع عليكي الطريق ده

مريم…..وانا مستنياكي تقطعي الطريق ده يا ليله لو قدرتي هدمر حياتكم زي ما دمرتوني هدمر حياة عشري اللي فضحني و سود حياتي
هدمر حياتك عشان لولا وجودك مكانش كل ده حصل.