لقاء كارثي

مريم….مش كل اللي بيتكلم اخره كلام يا ليله مش يمكن انا بحاول اديكي فرصه

ليله…..بضحك فرصه لايه اهرب و استخبي منك مثلاً

مريم…..يمكن

ليله…..لا متخافيش لا عايزه فرصه و لا عايزه أهرب و لا هستخبي انا مستمتعه اوي علي فكره بالمسرحيه اللي انتي عملتيها لنفسك دي بس المشكله انك مصدقه دورك فيها انما انما انا مستمتعه تقدري تقولي كده بتسلي

مريم…بابتسامة جانبية واضح إنك بتحبي التسليه بس خدي بالك في مسرحيات بتخلص بالتصقيف وفي مسرحيات بتقفل على صاحبها الستارة فجأة بس أنا دايما بحب أسيب النهاية مفاجأة.

ليله…..ولا مفاجآت ولا ستاير يا مريم اللي بيلعب على نفسه بيتفرج لوحده في الآخر و أنا أصلًا مش من الجمهور انا مجرد واحده شايفه مشهد تمثيلي من بعيد فا عجبني ادائك مش اكتر

مريم…..بلعب علي نفسي و ياتري ايه اللعبه اللي بلعبها علي نفسي بقي

ليله…..بتلعبي دوري الضحيه و باحتراف يا مريم و بجد لايق عليكي

مريم….ضحية؟ لا يا ليله الضحية بتستنى حد ينقذها او حد تصعب عليه إنما أنا بلعب اللعبة وانا عارفه نهايتها كويس بس اللي يضحك بجد إن اللي فاكرة نفسها متفرجة طالعة جزء من المشهد من غير ما تحس.

ليله….مريم فوقي انتي بتلعبي عشان تحسي انك موجوده انما انا موجوده من غير ما العب و الدليل انك بتحاولي تسحبيني للعبتك

مريم….بابتسامه ايه و انتي مش قد اللعب معايا و لا خايفه ؟

ليله….. بابتسامه تجنن كلها ثقه و لسه باصه قدامها لا بصتلها و لا رمشت اللي مش قد اللعب هو اللي بيستفز اللي قدامه واللي خايف هو اللي محتاج يجر غيره لحلبة هو أصلًا واقف فيها لوحده.

أنا ما بسألش نفسي إذا كنت قد اللعب ولا لأ يا مريم للأسف
انتي بتقيسي قوتك بالمواجهة
إنما أنا بقيسها بالسيطرة وسيطرتي إني أسيبك واقفة تسألي السؤال ده وأمشي وأنا متأكدة إنك لسه هتفضلي تلفي حوالين نفسك و مستنيه مني رد يا تري هتلعب و لا خايفه بس المشكله ان انتي مش قد اللعب معايا عضمك طري يا مريم متتحمليش

مريم….واضح إنك فاكرة نفسك فوق الكل بتحاولي تسيطير على كل حاجه زي ما قدرتي تسيطري علي عشري و بتقولي عليا انا عايشه دور الضحيه امال انتي تبقي ايه

ليله….بابتسامه قولتلك انا ست قادره و الست القادره مش بتعيش دور الضحيه وانا مسيطرتش على حد اللي اختارني كان حر واللي فضلني كان شايف كويس
الفرق بيني وبينك؟ وشاف ان ظفيش مقارنه اصلا