لقاء كارثي

نعيمه…..ااا لا معاكب حق بس والله العظيم يا ليله انا مقصدتهاش بالمعني ده خالص

ليله….ماهي دي المصيبه اللي لساني نشف فيها و انا طول الوقت بتكلم معاكي فيها انك بتتفهمي غلط حاولت كتير اقولك يا نعيمه بطلي طريقتك با نعيمه اختاري الكلام مفيش فايده بتخلي الناس تزعل منك و انتي جواكي اهبل زي زمان كنتي تيجي تشتكي من امك تقوليلي علي طول مضايقه مني اني واقفه في صف ابويا اقولك قولتيلها ايه تقوليلي قولتلخا انتي غلطانه و انتي اللي علي طول تعملي نكد في البيت من غير سبب بابا مغلطتش انتي اللي بتحبي تكبري المواضيع.

مش كده يا نعيمه مينفعش ابداً مش بس لانها امك لكن عشان الطريقه اللي بتوصلي بيها الصراحه بتكون فيها هجوم لا ابوكي كان غلط ولا امك بس اللي حاصل بينهم سوء تفاهم طباع مختلفه هي ليها الحق انها تزعل و اختارت انها تشتكيلك وانتي طلعتي فيها و الطبيعي انها تشوفك واه صف ابوكي جايز بكون معاكي حق انها بتكبر الموضوع او بتنكد اوقات بس لازم نفهم بهدوء باسلوب يخلي اللي قدامك يفهم انه غلط لكن الدبش ده يخليكي تتفهمي غلط

نعيمه…..هي امنيه اللي قالتلك انها زعلانه

ليله…..هي مشتكتش يا نعيمه الكلام جاب بعضه ابمي كانت بتكلمني علي السخان و بنضحك و بتقولي قالبه علي نعيمه ليه فاهي كانت موجوده و سألت و حكينا اللي حصل بضحك عادي و هي قالت ان بردوا هي زعلت منك بس طريقتك دي بس مش الزعل الكبير يعني هي مش مخصماكي بس خدت علي خاطرها و خديها قاعده يا نعيمه طول ما اللي قدامك لسه بيحكي في نفس الحاجه او فاكرها يبقي لسه زعلان و انتي لو مش غاليه عند امنيه مش هيفرق معاها كلامك و زي ما قولتلك لازم نراعي انها احتمال كبير اوي تكون زعلت ان ايمي قالتلنا و مقالتلهاش حتي لو قالت مزعلتش لا هي زعلت و عشان كده انا قولتلها اوعي تفكري ابداً ان اختك بتحبنا اكتر منك عشان اشيل الفكره دي من دماغها

نعيمه…..والله يا ليله انا لو اعرف انها هتزعل مكنتش اتكلمت كل الحكايه اني كنت برغي وخلاص في اي مواضيع نفتحها و مكنتش قاصده المعني يعني اكيد ايمي مش هتحبنا اكتر من اختها و هي تبقي هباه لو فكرت كده دي ايمي بتموت فيها

ليله….امنيه عبيطه عامله زي ايه كده هبله و قلبها ابيض و اكيد حساسه و بتتأثر و الاهم هي بتحبك و مفيش حد بيزعل من حد الا لو بيحبوا بجد و يفرق معاه و خدي بالك انا غلطت ايمي قولتلها كان لازم تخلي امنيه تتكلم مع نعيمه عشان تخرج اللي في قلبها لان نعيمه كامت هتقولها مقصدتش اللي فهمتيه و هيتراضوا