لقاء كارثي

نعيمه…. من يوم فرح امنيه نفس اليوم اللي خدني عشري فيه كانت معاهم مشوفتهاش بعدها خالص حتي لما مشيت و روحت سلمت علي امونه مكانتش عندها

نعيمه….يالهوي ده بقالك كتير اوي طيب لما عشري تعب مطلعت شافته

ليله…..مكانتش تعرف اصلا محدش كان عارف غير علي و محمود وقتها بعد كده لما عرفت كانت بتتصل عليه كملت بضحك كلهم كانوا خايفين يطلعوا عشان منفخهمش

نعيمه….بضحك بس حماتك طلعت صح

ليله…..اه لما عرفت مقدرتش و جات بس كانت محرجه جدا و مش عارفه تبصلي كانت قلقانه اعاتبها او اتكلم معاها بس انا والله ما كنت هتكلم اصلا مع اي حد مكانش فارقلي بس غير ان عشري يبقي كويس و مشوفتش انا جوجو خالص

نعيمه…..بعتالك والله السلام و بتقولك و حشتيها اوي

ليله…..هي كمان وحشتني والله بكره ابقي اتصل اسلم عليها ان شاء الله

نعيمه….طيب يلا تعالي كلي

ليله…..انا خلصت خلاص اهو

راحت قعدت جنبها علي السرير و كلت كانت جعانه اوي

ليله……يجي منك اهو

نعيمه….. بابتسامه ده اومليت و انتي اللي معمهولي متأڤوريش ميجيش مني ولا حاجه

ليله…. بابتسامه والله تحفه تسلم ايدك قوليلي بقي انتي مالك كده مش مظبوطه ليه اليومين دول

نعيمه…..مش مظبوطه ازاي؟

ليله…..يعني حاسه كده انك مش في المود

نعيمه….بأبتسامه ليه ما انا زي الفل اهو و مبسوطه و انهارده اليوم كان حلو

ليله….ماشي يا ستي ربنا يسعدك ديماً انا مش بتكلم عن انهارده عموماً انا حاسه انك بقالك كام يوم كده مش تمام يعني مش في أحسن حالاتك

نعيمه….اممم مش عارفه بس انا حاسه اني تمام يعني محصلش حاجه والله

ليله…..سحبت منديل مسحت ايدها يمكن بس يعني انا حفظاكي ده انا طول الوقت في خلقتك يعني بالنسبالي سهل اعرف انتي متغيره ولا لا

نعيمه….بابتسامه اوعي تكوني لسه زعلانه مني و قصدك يعني عشان الكلام اللي قولتهولك انتي و سلمي انا عرفتك اني مكنتش اقصد اقولك كده انا بس كنت بضايقك عشان انتي كنتي مضيقاني و كنت عيزاكي تنزلي انتي و عشري و تجيبي حاجتك من غير ما حد يعطلك و سلمي انا والله ما كنت اقصد اضايقها انا بس قولت رايي في الحوار عموما لاني مش حابه ان سلمي تشيل فوق طاقتها بس

ليله…..بأبتسامه طيب بصي بما انك فتحتي الموضوع تاني اولا انا مش زعلانه منك و قولتلك اني وقتها اتعصبت شويه و يمكن اكون اضايقت شويه من كلامك بس انتي عارفه ادام اديتك لسانين الموضوع بيخلص بالنسبالي و برتاح بس في العموم انا مش بزعل منك يا نعيمه لاني عارفه طريقتك كويس و بالنسبه لموضوع سلمي يمكن انا بردوا حسيت ان سلمي اضايقت وقتها بس مش لدرجه زعل لان سلمي كمان عارفه طبعك انك دبش