لقاء كارثي

نعيمه….. اكيد طبعاً علي الاقل مكانتش فضلت زعلانه مني و انا معرفش

ليله……خلاص يبقي نعمل ايه بقي نصلح الغلط اللي حصل مننا و نتصل بكره بيها نرخم عليها و نهزر معاها و نقولها متزعليش و بالمره نبقي نتصل بسلمي نراضيها هي اكيد مش زعلانه بس زي ما كل شويه تقوليلي متزعليش قوليلها عشان انا مش عابزه حد يزعل منك يا نوني و عشان خاطري قولي يا ستي الصراحه زي ما انتي عايزه بس بطريقه احلي و اشيك بلاش تزعلي حد منك انتي جواكي جميل يا نعيمه متخليش حد يفهمك غلط يا قلبي ممكن

نعيمه…بابتسامه ممكن يا ستي عشان خاطرك انتي بس بقولك ايه

ليله…..قولي

نعيمه…..هو انا ممكن انام جنبك انهارده

ليله…..بحب ممكن طبعاً مع اني بخاف كنك و انتي نايمه عشان بتبقي زي المقتوله بس ماشي نامي

ضحكت نعيمه و شالت الطبق و الكوبايات علي الكومدينيو و دخلت في حض,ن ليله

ابتسمت ليله و باستها من راسها

نعيمه…..ليله هو احنا هنروح نجيب الفساتين امته؟

ليله….يومين كده اخلص بس من مشوار بكره و بعد كده انا فاضيه كمان عايزه اروح لتوما عشان اعرفوا ان هو اللي هيعملي الميكب يومها

نعيمه….ماشي

سكتوا شويه ليله كانت عماله تلعب في شعرها

نعيمه…..ليله هو انتي مبسوطه انك هتتجوزي؟

ليله….بابتسامه اكيد انتي مش مبسوطه انك قربتي تتجوزي

نعيمه….. اكيد مبسوطه بس يعني هو الموضوع موتر شويه بصراحه

ليله….اكيد موتر بس كمان مبسوطه عارفه ايه اكتر حاجه مخلياني زعلانه شويه

نعيمه…..ايه

ليله…..باستها من خدها بو.سه طويله اني هسيب القمر ده

نعيمه….بابتسامه بصتلها بجد يا ليله زعلانه انك هتسبيني

ليله….اه طبعاً عندك شك يمكن اللي مخليني مش زعلانه اوي انك ان شاء الله فتره بسيطه و هتتجوزي و تيجي جنبي تاني

نعيمه…..انتي عارفه يا ليله اني وافقت ان فضل يبدأ يجهز البيت و نتجوز علي طول لما يخلص و منستناش الصيف اني عايزه اجيلك بسرعه مش عابزه افضل هنا لوحدي يعني انتي هتتجوزي و شويه نادين علي طول وراكي مش هيبقي في حد هنا يقعد معايا حتي سلمي و ايه هيتجوزوا و ايمي اتجوزت و مشيت من مدينتي يعني مش عابزه افضل لوحدي

ليله…. مين قال انك هتبقي لوحدك بس كمان انا مبسوطه انك وافقتي علي فكره لاني كنت هبقي مضايقه اوي من غيرك و بعدين انا الوحيده فيكم اللي هبقي في اخر الدنيا يعني انتي لسه جنبك نادين و سلمي و ايه و حتي ايمي مش بعيد عنك كلها نص ساعه و تبقي جنبها فا الحاجه اللي مصبراني شويه انك هتيجي ورايا علي طول