لقاء كارثي

و فرحت للبيبي عشان ربنا رحموا من اب واطي و ام رخيصه يرضيكي يعني يا مريومه انه لما يكبر يتقلوا يا ابن الحرام توء توء مش حلوه بردوا يطلع معقد و مريض نفسي
ولا ايه؟

و بعدين في المواقف اللي زي دي بيتهيألي بيتقال شدي حيلك و ربنا يعوضك بس في حالتك انتي بيتهيألي انسب كلمه مبروك

مريم…..بأبتسامه شر صح الله يبارك فيكي ده انا من فرحتي كنت عايزه اجي اقولك و احتفل معاكي من اول ما نزل بس كنت لسه تعبانه شويه و قولت استني اقف علي رجلي تكوني انتي رجعتي من سفريتك مع عشري و صحابكم و نحتفل

ليله…..بابتسامه تعرفي انك غريبه اوي يا مريم

مريم……وايه بقي الغريب اللي فيا ؟
مستغربه اني فرحانه ان البيبي نزل

ليله….لا خالص بالعكس اصلاً لو حصل غير كده هستغرب

مريم…..حلو امال مستغربه ايه

ليله……انك فاضيه اوي مش فاهمه ازاي قادره تركزي في حياتي بالشكل ده بجد والله معندكيش حاجه تعمليها اصل بصراحه انا لو مكانك مش هتاخدي واحد في الميه من تفكيري بس انتي مركزه مع سفري و فين و مع مين و مش بس كده بقالك يومين رايحه جايه ورايا في كل مكان ايه قد ايه كده انا تأثيري قوي .

مريم….بضحك فوق ما تتخيلي ده انا عندي استعداد لا اكل ولا اشرب بس افضل ماشيه وراكي

ليله….بابتسامه ثقه كويس يا مريومه والله التصالح النفسي اللي عندك عارفه مكانك كويس وراااايا

مريم…..بابتسامه حقد متثقيش في نفسك اوي كده يا ليله مش ديماً كل اللي وراكي تابع ليكي اوقات كتير عشان تصيبي هدفك لازم تبقي وراء مش قدام.

ليله….بابتسامة هادية وثقة في النفس اللي بيتعود يمشي ورا غيره بيقنع نفسه إن ده ذكي مش تابع.

الفرق بيني وبينك يا مريم إن أنا لما أبقى قدام هبقى شايفة الطريق كله قدامي وإنتي وإنتي ورايا أقصى اللي هتقدري تشوفبه هو ضهري

اللي محتاج يمشي وراء ضهري عشان يوصل عمره ما كان معايا في سباق من الأول.

مريم…..مش يمكن انا ماشيه وراء ضهرك و مش بحاول اسبقك عشان سيباكي بمزاجي تعدي قبلي و اشوفك هتوصلي لفين ماهو مش كل اللي ماشي وراء تايه يا ليله يمكن مستني الفرصه الصح عشان يطلع قدام

ليله…بهدوء وثقة نفخت الدخان
اللي بيعيش مستني الفرصة عمره ما يفهم إحساس اللي الفرص بتستناه.

أنا مش محتاجة أسبق ولا أراقب
أنا كفاية أكون في مكاني و انتي
خليكي ورا لو ده مريحك
بس متنسيش إن المسافة دي عمرها ما هتكون لصالحك عشان هي ابعد كتير من ذكائك يا مريم.