لقاء كارثي

فوقي يا مريم بدل ما العقد يفرط منك و مش هتلاقي نفسك ماسكه في الاخر غير خيط انا بمدلك ايدي و دي حاجه مش بعملها كتير مع اللي فكر يجي عليا استغلي الفرصه و انا وعد مني مش هسيبك

مريم…..بابتسامه و ياتري بقي ايه المساعده اللي هتقدميها ليا يا ليله هتنسحبي من حياه عشري و ترجعهولي تاني

ليله……بابتسامه هاديه ارجعهولك ؟؟

طيب مش الاول تفكري هو كان ليكي ولا لا ؟ و بعدين ارجعهولك دي كلمه كبيره اوي انا مسرقتش عشري منك لاني مكنتش اعرف بوجودك اصلا و عرفت منك انتي و بعدين يا مريم متمسكه ليه بعشري هو انتي حبيتي عشري يا مريم

مريم ….انا لا كنت بحبه و لا حبيته بس مش جايز كنت احبه

ليله…..صح جايز بس حتي دي يا مريم انتي مقدرتيش تعمليها مقدرتيش تحافظي علي البني ادم اللي مدلك ايده و قرر انه يتسر عليكي ضحكتي عليه و مش بس كده كنتي ناويه تخدعيه بأبن مش ابنه مريم هو انتي فاكره اني ممكن انسحب من حياة عشري طيب بلاش دي انتي فاكره اني لو عملت كده عشري هيرجعلك

مريم…..امال ايه نوع المساعده اللي حابه تقدميها ليا يا ليله كلمتين حلوين زي اللي قولتيهم انك تبدأي صفحه جديده مش كنتي لسه بتقولي انك بتحبي الفعل متخيله ان الصفحه الجديده دي يا ليله هترجعني بنت ؟ هترجعلي ابني اللي راح مني ؟ و لا هترجعلي ابويا وامي اللي بعدوا عني و لا هترجعلي حياتي و شغلي و لا هترجعلي مستقبلي اللي اتدمر و لا هترجع سمعتي اللي راحت و لا هترجع الفضيحه لستر هترجع ايه بالظبط يا ليله

ليله….. بابتسامه صدمه مش بقولك يا مريم انتي عايشه دور الضحيه باحتراف بتتكلمي عن كل اللي ضاع منك ده و كأنك اتسلب منك غصب عنك فوقي يا مريم انتي مش ضحيه ولا مجني عليها انتي اللي اخترتي الطريق و مشيتي فيه

انتي اللي بدلتي الصح بالغلط و الحلال بالحرام وجابه الوقت تبروزي كلامك في إطار حزن عشان تلاقي مبرر ان ده كان قدر مش اختيار انتي مش ضحيه يا مريم انتي و احده دفعت تمن قراراتها و لما التمن طلع تقيل قررتي تعيشي دور المظلومه و الضحيه و للاسف مش قادره تواجهي نفسك بالحقيقه ولا قادره تقولي انا غلطت و دي نتيجه اخطائي ماشيه ترمي اللوم علي غيرك و كأن غيرك ده اللي أجبرك تسلمي نفسك لراجل ضحك عليكي بكلمتين و هو نفسه اللي خلاكي تحملي منه في الحرام و بسببه خسرتي اهلك و شغلك و حياتك و سمعتك.