لقاء كارثي
لقاء كارثي
ليله….هشوف كده مع عشري لاني حاسه انه بيعمل حاجه في البيت بس مش متأكده بصراحه فا لو بيعمل اكيد مش هينفع غير لما يخلص
نعيمه……بابتسامه اه بيعمل
ليله…..بصتلها و رفعت حاجبها وانتي ايش عرفك
نعيمه….فضل قالي عشان واحنا رايحين عليكي كان في ناس قدام البيت و عمر و علي واقفين سلمنا عليهم و بس عرفت منه
ليله….طيب افتني بقي و قوليلي بيعمل ايه البلطجي ده
نعيمه….بضحك لا مش هقولك طبعاً
ليله…بغيظ متبقيش رخمه
نعيمه….بضحك يعني الراجل عايز يفاجئك و انا ابوظ المفجأه والله ما هقول
ليله….طيب اي هينت كده من بعيد و انا هفهم
نعيمه……لا مش هقولك
ليله….هو قالب البيت ولا ايه
نعيمه….بضحك لا والله مش قالبه هو بس بيعمل شويه تغييرات جديده عايز يفرحك يا ليله و عايز يعملك اختلاف حتي لو بسيط في البيت عروسه بقي و كده
ليله….مش هتقوليلي يعني
نعيمه…..لا مش هقولك و بعدين يا اختي مستعجله علي ايه ما خلاص هانت و شوبه و هتروحي تشوفي بنفسك
ليله….ماشي يا ست نعيمه مردوده بكره انا اروح و تبقي هتموتي و تعرفي بيحصل ايه في البيت بتاعك و مش هقولك
نعيمه….بضحك متسخننيش عشان مش هقولك بردوا
ليله….. بابتسامه ماشي يا واطيه بقولك ايه تعالي معايا علي الاوضه نرغي جوه وانا بغير عشان مش قادره
نعيمه…..ماشي يلا انتي كلتي صحيح؟
ليله….اممم هو انا مكلتش و هموت من الجوع و قولت ناكل سوا بس سديتي نفسي
نعيمه….يخربيتك يا ليله مكلتيش من ساعت ما كنتب قرفانه الصبح
ليله…..كلت بسكوت كده عشان لما خدت علاج البرد حسيت اني دايخه بس مكلتش اكل
نعيمه…..طيب روحي غيري هعملك حاجه تاكليها و هجيلك
ليله…..طيب ماشي يلا هغير علي طول
نعيمه….ماشي
دخلت ليله علي اوضتها خدت غيار و دخلت علي الحمام نعيمه وقفت عملتلها بيض اومليت و حطته في التوستر و عليه شيدر و خس و زتون و حطتهم في التوستر و طلعت عصير فراوله عشان ليله بتحبوا حطت منه ليها و لليله
خرجت ليله بعد ما غيرت و راحت شالت الميك اب
نعيمه…..يلا تعالي عشان تاكلي
ليله….مش هتاكلي معايا بردوا
نعيمه…..هشرب معاكي عصير مش قادره والله شبعانه علي الاخر
ليله….. بابتسامه جوجو شكلها متوصيه بيكي
نعيمه….بصراحه اه علي فكره بتسلم عليكي
ليله…..الله يسلمها والله وحشاني اوي انتي عارفه يا نوني انا مشوفتهاش من امته
