لقاء كارثي
لقاء كارثي
ايمي…و هي بتاكل من شويه مكسوفه و مكنتش راضيه تاكل قدامي عايزه تفضل واقفه في المطبخ بقولها هتقفي هنا ليه تعالي بره بتقولي عشان انت جعان
قولتلها لا انا مش جعانه تعالي يلا جميله اوي
رشيد……طيب الحمد لله كان معايا حق بس في ناس دماغها عايزه تتكسر
ايمي…..بابتسامه قصدك مين يا رخم عضتوا من كفه
رشيد….ااااه يا بنت العضاضه قصدي انتي طبعاً قولتلك هتحبيها
ايمي….ماشي يا سيدي
رشيد….عملتي ايه في يومك انهارده
ايمي…..ولا حاجه امنيه جاتلي زي ما قولتلك و لولي كمان جت قعدت معانا شويه و مشيت و بعد كده امنيه مشيت علي سبعه تقريباً طلبتلها اوبر و راحت لزوزو و حماده
شويه ولاقيت ايه وهنا جم قعدوا معايا و اتبسطت معاهم اوي
رشيد….بابتسامه هي كانت مع ايه
ايمي….اه سلمي ودتها قبل ما تروح العياده و حمودي كمان راح معاهم في المحل و بس شويه ولاقيت نودي هي كمان جات قعدت معايا و فضلنا قاعدين مع بعض حبه حلوين جات سلمي هي كمان قعدت شويه و بعدين مشيت هي و ايه و هنا نودي مشيت بعدهم بنص ساعه كنا قاعدين نرغي وبس كده خلص اليوم بفيلم مكملش و نمت انا و چوي
رشيد……بعني الحمد لله اتسليتي و مكنتيش زهقانه
ايمي…..الحمد لله اليوم كان جميل اوي و بصراحه البنات مش مقصرين معايا خالص
رشيد….ربنا يخليكم لبعض يا عمري قوليلي صحيح انتي شوفتي الحاجه اللي مع چوي
ايمي…..حاجه ايه؟
رشيد…..هو انا مش قولتلك شوفي شنطتها و اعرفي لو محتاجه اي حاجه
ايمي….اه صح بقولك ايه هي تقريباً مش معاها حاجه خالص يارشيد حاجتها اللي في الشنطه اتحطت في درفه و مش مليانه يعني معاها ترنجين بس لابسه منهم واحد ومش معاها غير الطقم اللي انت جيبتها بيه بنطلون چينز و سويت شيرت و چاكت بس ده كل اللي معاها
رشيد….انا كنت عارف الشنطه كان باين عليها اصلا عشان كده قولتلك شوفيها انتي طيب قوليلي اجيبلها ايه انتي عارفه اني مبعرفش في الحجات دي اوي
ايمي…..يعني هي محتاجه علي الترنجين اللي معاها اربعه كمان مثلا عشان تغير فيهم لان اللي معاها كمان مش تقال خفاف اوي
رشيد…..طيب اجيبلها سته
ايمي….ااا اوك حلو هي محتاجه بنطلونين كمان علي اللي معاها ده و هات فيهم واحد اسود مثلاً عشان يبقي عندها اتنين چينز و واحد اسود ممكن اتنين او تلاته سويت شيرت هي مش معاها غير واحد و چاكتين و كام غيار داخلي و شرابات انا ادتها انهارده كام واحد لاني حسيت ان رجلها متلجه و كمان سليبر تقعد بيه في البيت غير اللي معاها و اسدال صلاه هي معاها حاجه شبه الخمار كده بس قصير
