لقاء كارثي
لقاء كارثي
ايمي…طيب و عايزه كام سويت شيرت و چاكتين كويسين كده و لو في چينز هاتي اتنين او تلاته و يبقي فيهم اسود و كان عندك كمان شرابات خدنا منها قبل كده
نادين…..اللي خدنا منهم خلصوا بس في جديد هجيبلك حاضر عايزه شوزات
ايمي….اه حلو بردوا بس معرفش مقاسها هبقي اسألها الصبح لانها نامت
نادين……طيب متعرفيش تشوفي الشوز اللي معاها لاني ممكن انزل بدري كده
ايمي…..رشيد تعرف تشوف رقم الشوز بتاعها كام
رشيد…..اه لحظه
ايمي….طيب عندك سليبرات او اي حاجه تقعد بيها في البيت
نادين……عندي زي الكروكس كده بس حلو اوي
ايمي….طيب هاتيلها بصي يا نودي من الاخر ظبطيها انتي انا جايز اكون مسقطه حاجه و من الاخر يعني هي مش معاها حاجه يعتبر اللي معاها غيارين بالكتيربيت و خروج
نادين…..طيب خلاص سيبيها عليا انا بقي انا هدلعها
رشيد…..38 يا ايمي
ايمي…..38 يا نودي
نادين….اه موجود خلاص انا هظبطها و الغيارات الداخليه في مكان قريب مني هجيبلها منه انا
ايمي….طيب هتعرفي تظبطي المقاس
نادين…..اه هي تقريبا مقاس ايه جسمها صغير زيها
ايمي…..ايوه صح يا قرده هي مقاس ايه و بيتهيألي طولها
نادين….خلاص باذن الله هنزل بدري اروح المخزن اجيبلها الحاجه
ايمي…..حقك عليا يا نودي هتعبك
نادين….بطلي هبل انا كده كده رايحه عشان المندوبين هيجوا ياخدوا الاوردرات
ايمي…..ماشي يا عمري ربنا يخليكي ليا
رشيد…..قوليلها رشيد بيقولك انقذتيه
ايمي….. بابتسامه سامعه
نادين….بضحكه جميله اه سمعاه قوليلي عيوني ليك يا ابو العيال
ايمي…..بضحك بتقولك عيوني ليك يا ابو العيال
رشيد…..حبيبه قلبي يا نودي
ايمي…..يلا يا روحي شوفي كنتي بتعملي ايه
نادين…..ماشي يا قلبي تصبحوا علي خير
ايمي….وانتي من اهل الخير.
رشيد….بس كده الحمد لله خلصت انا من الحوار ده
ايمي….نادين هتظبطها خلاص متقلقش
رشيد….تشوفي حسابها كام و تحاسبيها علي طول
ايمي….. اكيد طبعاً متشغلش بالك انا هتصرف يلا بقي روح غير انا سيبالك غيارك في التويلت و هقوم اجهز العشاء
رشيد….ماشي يا عمري علي مهلك بس
ايمي…..حاضر
………………..
في صباح يوم جديد…..
و للحديث بقيه……..
