لقاء كارثي
لقاء كارثي
نعيمه …..يعني بجد فارق معاكي وجودي
ليله…..طبعاً يا هبله انا ليا غيرك
نعيمه …..انا مضايقه علي فكره انك هتمشي و كمان مبسوطه عشانك
ليله…..لا ما انتي هتيجي علي طول ورايا و هفضل اصلا ازن لفضل و اكرهه في حياته هو و عشري عشان يخلص بسرعه البيت و يجيبك جنبي و بعدين يا ستي انا هتجوز هقعد كده بتاع اسبوع عشر ايام اسبوعين بالكتير و هتلاقيني في وشك عشان ابقي معاكي نجهز حاجتك يعني بمجرد ما اتجوز ابدأي عدي بقي الوقت خلاص بدأنا في العد التنازلي ليكي انتي كمان
نعيمه….ان شاء الله يا قلبي هجيلك علي طول انا مبعرفش اكون في مكان انتي مش فيه با ليله بحس اني ناقصني حاجه تعرفي يا ليله اني لما اتحر,قت كنتي اكتر حد اتمني يكون معايا و لما كلمناكي يومها بليل و شوفتك كنت عارفه انك مش طيقانا بس مفرقش معايا و بمرجد ما شوفتك عملت زي العيله الصغيره اللي شافت امها و عيطت
ليله….بابتسامه باستها من راسها عارفه و اهو اليوم ده بالتحديد بسببك انا دبيت خناقه لرب السما مع عشري و البيت ادغدغ عشانك
نعيمه….بضحكه هاديه عارفه ربنا يخليكي ليا يا احلي ليله في الدنيا
ليله…..ويخليكي ليا يا قلبي
فضلوا يتكلموا مع بعض و شويه اتصل عشري بيها طمنها انه وصل ارتاحت اوي و كملت كلامها مع نعيمه شويه و بعدين نامو.
…………………….
وصل رشيد البيت كان جاي و عارف ان ايمي هتطين عيشته عشان اتأخر تاني فتح الباب و اطمن علي كوبر و طبطب عليه و بعدين دخل علي جوه فتح بالمفتاح و اول ما دخل أبتسم لقي ايمي نايمه علي الكنبه متغطيه و علي الكرسي اللي جنبها چوي كمان نايمه و هي كمان حاطه غطاء خفيف عليها و التلفزيون شغال.
قرب بهدوء من ايمي باسها من خدها و حرك ايده علي شعرها
رشيد…..ايمي ايمي
فتحت ايمي عينها بهدوء و ابتسمت
ايمي…..انت جيت
رشيد….اه يا قلبي ايه اللي منيمكم كده
قامت بهدوء وبصت علي چوي
ايمي…..كنت بتفرج انا و چوي علي الفيلم مش عارفه نمت ازاي و ايه الغطاء ده
رشيد…..بابتسامه شكلها هي اللي غطتك و جابت غطاء و نامت معاكي
ايمي…..بابتسامه طيب وسع خليني اصحيها تنام جوه حرام الكرسي هيتعبها
قربت بهدوء منها
ايمي…..چوي چوي
چوي…..ايوه مدام
ايمي….قومي يلا روحي نامي في الاوضه بتاعتك
