لقاء كارثي

صريحه بس اوقات صراحتك بتكون بطريقه عنيفه جايز احنا نعدي لبعض نزعل شويه بس نتصالح بسرعه لكن في ناس ممكن متتقبلش ده بصي يا نعيمه انتي عارفه اني انا صريحه و بقول للاعور انت اعور في عينه وايمي كمان صريحه بس انا عن نفسي لما بصارح حد بحاجه من وجهه نظري بقول من غير ما اجرح او ادوس علي جرح خصوصا اللي مني يعني لو انتي فيكي حاجه مش عجباني او جيتي تسأليني مثلا علي رأيي في طقم انتي لبساه لو وحش عليكي و مش استايلك مقدرش اضلك ابداً واخليكي تنزلي الشارع بمظهر غير اللي الناس اتعودت تشوفك بيه يعني مستحيل اخلي حد يضحك عليكي او ينتقدك لانك تهميني بس مش هقولك مثلا ايه القرف ده لا مش حلو شكلك زي الزفت كملت بضحك ده انتي بتقولي كده و مش هزعل لاني عارفه طريقتك بس انا هقولك لا بدلي اللون ده احسن لا هو حلو بس استايلك القديم اجمل هقولك اي حاجه تديكي نفس المعني بالظبط و هقنعك بس اسلوب احسن شويه فهمتي غيري بقي لو قولتي ليه كده ممكن يزعل ممكن يكون شخص حساس فا كلمه بسيطه توجعه يعني انا معنديش دم هفهم ان نعيمه مش عاجبها شكلي كده و عيزاني بشكل احلي بس هي مدب غيري مش هيشوف كده يا نعيمه فا يبدأ يزعل منك او لو مش قريب منك زيي انا والبنات يقول مثلا انك بتغيري منه او مش حابه شكله يكون حلو في فهمتي علي حسب قربك من الشخص هيكون الفهم لطريقتك

نعيمه…..ايوه انا عارفه اني مدب بس اكيد والله عمري ما هكون بغير او بنفسن من حد لو حاجه مش عجباني هقول بصراحه

ليله….انا عارفه و الصراحه حاجه حلوه بس اختاري الطريقه المناسبه اللي بتقولي بيها الصراحه

نعيمه….مبعرفش يا ليله انا تلقائيه و مش بعرف اجمل الصراحه

ليله….لا يا نعيمه اوقات كتير جتي لو هنقول الصراحه لازم نجملها ما احنا مش هنقول الصراحه و كمان هتخرج بدبش خصوصا لو اللي بتقولي الصراحه ليه ده شخص قريب منك يعني مثلا انا او سلمي بعد ما سمعنا كلامك ده ممكن في اي وقت نعديها لاننا عارفينك بس في اوقات ممكن نبقي مضايقيني مخنوقين من اي حاجه و مش محتاجين ان حد يحطلنا علي مناخيرنا و تيجي تقولي كده ما انا ممكن اتعصب وقتها او سلمي تتعصب فا الموضوع يقلب جد و نزعل من بعض فعلاً و مع اننا عارفينك بس عشان انتي جيتي في وقت غلط الموضوع كبر يعني مش بس لازم نراعي الطريقه اللي بنقول بيها احنا لازم نراعي التوقيت فهمتي