لقاء كارثي

مريم……بأبتسامه عايزه اقولك بس خدي بالك اني مش هسيبك

ليله….الف شكر علي المعلومه لو حابه تق,تليني في مكان معين وتخلصي مني اديني معاد و ابعتي اللوكيشن و انا و رحمه امي وعد شرف اجيلك في المعاد و المكان

مريم….بضحك ايه مستبيعه و لا مستغنيه عن عمرك و لا عايزه تفهميني انك مش خايفه

ليله…..ولا حاجه من كل دول عايزه بس اريحك و انا قولتلك انا ست عمليه بحب الفعل مش الكلام

مريم……حلو اوي شكلنا هنتفق

ليله…..بابتسامه بقولك ايه يا مريم ما تيجي افتح انا و انتي صفحه جديده من غير عداوه و نحاول نخلص الموضوع ده بقي عشان هو بوخ اوي

مريم … بضحك ايه جيبتي وراء و خوفتي

ليله…..بالعكس اصل لو فكرتي فيها العداوه مش بتوصل لحل و انتي يا مريم مش عدوتي حتي بعد اللي عملتيه بيني و بين عشري مش عدوتي انا لو شيفاكي عدوتي في حاجه هيبقي غلطك في امي و ابويا و دي لاول مره في حياتي كمان هسامحك عليها و هنساها يعني خلاص مفيش من ناحيتي عداوه ليكي

مريم ….ولا عداوتي انا ليكي

ليله…..لو هتوصلك لحاجه صدقيني هسيبك تكملي فيها بس انتي فاضيه اوي يا مريم سايبه دنيتك و حياتك بتلفي ورايا في كل مكان شابفه نفسك ضحيه الانتقام مسيطر علي عقلك مش كفايه يا مريم اللي ضيعتيه في حياتك لحد كده ما تبدأي علي نضافه بقي و نفتح صفحه جديده اخرجي من السواد اللي انتي عايشه فيه ده للنور قوليلي يا مريم بعيداً عن كل الكلام و الهبل اللي انتي بتعمليه ده تحبي اساعدك ؟

مريم…..بضحك انتي تساعديني انا

ليله….ليه لا جربي قوليلي محتاجه مساعدتك و لو موقفتش جنبك ابقي اعملي الي انتي عيزاه

مريم……بضحك ده بجد كمان مستعده تساعديني

ليله …اه يا مريم مستعده اساعدك و انسي كل اللي حصل و كل اللي اتقال و انسي الهبل اللي بتعمليه انا قولتلك انتي صعبانه عليا و مكنتش بتريق علي فكره انتي فعلا صعبانه عليا مع انتي اللي عملتي كده في نفسك بس انا مقدره ان نفسيتك مش احس حاجه و انك مريتي بتجربه مش حلوه و مريتي بمواقف كتير صعبه و عشان كده لو قولتيلي ساعديني يا ليله مش هتأخر

مريم…..بضحكه سخريه وانتي بقي عيزاني اجي اقولك و اتذللك و اطلب منك المساعده ايه عايزه تكسريني بطريقه شيك و فكراني عيله برياله هصدقك

ليله….بابتسامه اذلك و اكسرك انتي مكبره الموضوع اوي مش انا يا مريم اللي اعمل كده انا بحاول افتح معاكي صفحه جديده بحاول تمدلك ايدي رغم انك بوظتي حياتي فتره و غلطتي معايا كتير بس قولتلك كل ده مستعده انساه و حالا مش انا الست اللي تذل او تكسر ست زيها يا مريم انا لو هساعدك فهساعدك بس عشان واثقه انك مش في وعيك و مش عارفه بتعملي ايه و المشكله انك فاكره العداوه اللي بتبنيها دي اخرها نصر ليكي بالعكس انتي لو في وعيك هتعرفي انك خسرانه و العداوه اللي بتبنيها دي بتبنيها مع الاشخاص الغلط انتي لو في وعيك يا مريم هتعرفي عدوك الحقيقي مين و هو الشخص اللي غدر بيكي من البدايه مش اللي كان ناوي يمداك ايده و لا اللي روحتي بوظتي حياتها و هي متعرفش بوجودك اصلا