لقاء كا,رثي

لقاء كارثي
أميره أسامه
صاحبة البطل الواحد

. البارت المئه 130.

………………………..

في صباح يوم جديد علي الساعه 1

نزلت ريهام الشغل كان باين علي ملامحها انها تعبانه و وشها شاحب بس هي كانت افضل خالص حرارتها رجعت طبيعيه زورها في الم بسيط بس احسن من الاول بكتير و عندها رشح خفيف و طبعاً البرد كان عاملها تقشير في مناخيرها بسيط ..

كانت قاعده و سمعت صوت خبط علي الباب.

ريهام….اتفضل

فتح محمود و بصلها من بره و هو مبتسم

محمود….ونرجع مره تانيه و نقول الف سلامه

ريهام…..بضحك ادخل يا عم اسامه منير

محمود….بضحك عامله ايه من بعيد بقي الله يكرمك عشان الڤايروس

ريهام…..اه وباء متنقل انا براحتك اتنمر علي مرضي اوي

محمود….لا ياستي مقدرس اخبارك ايه

ريهام….الحمد لله يا حودا والله انت عامل ايه

محمود….انا بخير الف سلامه عليكي يا ستي نورتي مكتبك يا جناب المديره

ريهام….بضحك الله يسترك انت مال عينك حمراء كده ليه اوعي تكون جاي بڤايروس

محمود…. بضحك كمان انتي اللي خايفه مني لا يا ستي انا جاي من الشغل عليكي قولت اشوفك و اقولك حمد الله علي السلامه واروح اناااام

ريهام…انت مطبق يا محمود

محمود…اه والله امبارح جيت المطعم هنا علي الساعه اربعه تقريبا و فضلت قاعد لحد تسعه ونص و روحت علي شغلي

ريهام….والله ما عارفه اقولك ايه انا تعبتك معايا اوي

محمود….ولا تعب ولا حاجه المهم انك بخير

ريهام….محمود سؤال معلش هو انت بتشتغل في مخدرات سلاح ملهي ليلي حاجه من هذا القبيل

محمود….بضحك نهار اسود هتوديني في داهيه في ايه بس وحدي الله

ريهام….بضحك اصل بصراحه مش فاهمه شغلك يعني انا كنت عارفه انك شغال في بنك و عارفه كمان ان انت و صحابك عندكم كلاب تقريبا او مزرعه حاجه زي كده فا مش فاهمه ايه دخل الشغل ده في انك تبدأ شغلك من بليل للصبح صراحه ربنا شاكه فيك

محمود…..بضحك حسبي الله انتي اصلا ايه الشغل اللي شغلتهولي ده مزرعه ايه و بنك ايه

ريهام…..بضحك ايه ده انت مش بتشتغل كده

محمود….لا انا كنت زمان شغال في شرم في مجال السياحه و بعد كده اشتغلت فتره في بنك محاسب بنكي يعني في تسجيل ومراجعه المعاملات الماليه.. و سيبت الشغل ده برضوا بالنسبه لحوار الكلاب انا و صاحبي عندنا كلاب بس مش مزرعه هو بيربي في بيته في السطح و بنتاجر ايهم بس مش لدرجه مزرعه يعني و دي دخلت فيها معاه من قريب هو طول عمره بيشتغل في المجال ده بس انا شاركته من قريب اوي..