لقاء كا,رثي
لقاء كار,ثي
ايمي…..خدنا ايه من الادب يا اختي طب ايه بذمتك مكانش في معركه هنا
حطت ليله ايدها علي وشها و فضلت تضحك
ايمي…..بضحك شوفتي يابت بشم قلة الادب من علي بعد ميل
ليله….بضحك عشان خبره البيت عجبك
ايمي… الله اكبر يجنن بس صاحبته تجنن اكتر و تستاهل احسن منه كمان قوليلي مبسوطه
ليله…..اوي يا ايمي اوي
ايمي…..و عشري عامل ايه معاكي
ليله….يجنن ايمي انا حاسه اني بحلم كل حاجه بتحصل بينا حلم جميل من يوم ما جينا و مفيش ثانيه بتعدي غير و ليها ذكري
ايمي….بابتسامه باس كفها الفرحه لايقه عليكي يا ليله
ابتسمت ليله و قبضت علي كف ايمي اكتر
ليله…..قوليلي كان شكلي حلو في الفرح
ايمي…..يابت وشرف امي انا مشوفتش عروسه في جمالك كنتي احلي من القمر كل حاجه تجنن تفاصيل اليوم ده علي طول في بالي
دخلت علينا خطفت حته من قلبي كنت حاسه اني بجوز بنتي مش صاحبتي
ليله…بحب باست كفها انا بحبك اوي
ايمي….و انا بحبك اكتر بقولك ايه تعالي نشوف الجوز اللي بره ده دول بيتكلموا في ايه
ليله….يلا بينا استني انزل قدامك احسن تقعي
ايمي….بضحك ما انا لوقعت هقع عليكي
ليله….مش مهم اخد الوقعه بدالك بدل ما تتنطري و انتي شبه الميداليه كده
ضحكت ايمي و خرجوا علي بره مع بعض
عشري….اهم جم ايه رأيك يا اوزعه في البيت مطلعتيخاش الروف يا ليله
ايمي….اللهم بارك يجنن يا عشري ربنا يسعدكم و يديكم خيره
عشري….اللهم امين
ليله…..تعالي شوفي الروف صحيح
ايمي…بلا روف بلا بتاع بقي تعالي اقعدي
ليله…..اه يا اوطي يا من الرصيف تشربوا ايه بقي
رشيد….اقعدي اما يجوا نبقي نشرب
ليله….لا نشرب الوقت ولما يجوا اخلصوا
رشيد….طيب قهوه
حسان…..وانا قهوه
ليله….انتي لا طبعا
رشيد…..لا بتشرب هي جات علي القهوه هفتن عليها اكتر بتشرب سجاير يا ليله
ليله….نعم يا اخويااااا سجاير ايه يابت و انت بتقولي سايبها كده
ايمي….بقولك ايه انتي و هو سيجاره و لا اتنين في اليوم مش قصه انا جايبه اخري
ليله…..ما تجيبي يا اختي انتي هتخيبي يابت وانت ايه الدنيا
رشيد…والله زعلان منها
ليله….زعلان ايه غلط عليها يارشيد ايمي متهرجيش بجد
ايمي….والله العظيم اتنين في اليوم مش اكتر اطلعي من دماغي بقي
ليله….لا مش هطلع و مفيش سجاير تاني و انت يا رسيد شيل من البيت السجاير خلينا نعدي الكام شهر دول علي خير
