لقاء كا,رثي

نعيمه…..انا انانيه يا نسمه

نسمه….ااااااه اه انانيه فين فرحتك ليا يا نعيمه فين الحضن اللي كنت مستنياه لما تعرفي اني حبيت و مبسوطه فين الفرحه اللي كنت مستنيه اشوفها في عينك انا اقولك ان انا حبيت شخص من نفس عيله خطيبك و هبقي معاكي و جنبك و مش هنتفرق و قدري و قدرك هيخلي ولادنا كمان يبقوا ليهم نفس العيله انا اللي هخرب حياتك و استقرار ايه اللي بتتكلمي عنه و فين حياتك اللي كانت مخروبه عشان شويه مشاكل بين بابا وماما ومشاكل عاديه خدتي بعضك و قررتي تمشي و تسيبي البيت ليه عشان تعبت تعبتي من ايه؟

ابوكي وامك طول عمرهم بيحبوا بعض جدا و طول عمرهم احن اب وام علينا ولا حد فيهم في مره قال لحد فينا اعمل ده و متعملش ده عايشين بحريتنا محدش فيهم خانقنا او مضيق علينا حياتنا بنسافر و بنخرج و بنسهر و بنلبس اللي علي مزاجنا لا فيهم حد شديد علينا و لا حد متحكم مشكلتهم الوحيده ان ابوكي تعب و شايف راحته في البيت و ملهوش في الخروج و امك معندهاش مشكله بس حابه تشوف الدنيا معاه و تعوض سفره و شغله و تعمل معاه ذكريات حلوه الاتنين صح
بس مختلفين في نقطه بسيطه مشاكلهم نقار خفيف مش بيت بيتكسر و ايد بتتمد و الفاظ بتتسمع

فين المشاكل اللي هربتي منها يا نعيمه ؟؟ هااااا فين الاستقرار اللي كنتي بتدوري عليه في بيت اصلا مشاكله كانت عاديه الاولي و اللي كان مفروض يعمل كده انا و اخوكي

الجيل الجديد البايظ اللي مبيحبش حد يخنقه بس احنا معملناش زيك عارفه ليه عشان مكانش في خاجه تستدعي اننا نعمل ده كنا شايفين ان المشاكل اللي بينهم عاديه ااااه المشاكل والنقار بيخنقوا بس مش لدرجه اننا نسحب ادينا و نهرب

ابوكي بيحب امك وانتي عارفه كده كويس و بيحبنا اكتر من نفسه كتبلنا كل قرش شقي وتعب و اتغرب عشانه باسمنا و هو عايش امك اللي كان بيتخانق معاها كتبلها هي كمان حقها و امك نفسها لحد يومنا مبتتحملش شويه برد عليه..

فا استقرار ايه اللي كنتي بتدوري عليه انتي انانيه يا نعيمه انانيه قررتي تريحي دماغك من مشاكل عبيطه و كبرتيها في دماغك و شوفتي انها مشاكل كبيره و وجع دماغ و استنزاف طاقه ملهاش لازمه فالحل ايه اني امشي و اسيب البيت واستقر ولو فعل المشاكل دي متعبه

فا انتي اكتر حد دور علي راحته وعرف يلاقيها عيشيتي لوحدك بتروحي و تيجي و تسافري و تعملي كل اللي في مزاجك عيشتي حياتك صح حبيبتي مره و اتنين و اتخطبتي و سيبتي و رجعتي عيشتي حياتك تاني و حبيتي و اتخطبتي و لسه زي ما انتي بتتكلمي عن المشاكل و الاستقرار و شايفه ان اناااااا اللي هبوظلك استقرارك و سلامك النفسي اللي بتدوري عليه
لا يا نعيمه مش صح