لقاء كا,رثي

محمود….هي وصلت لكده تصدقي بالله انا غلطان اني كنت شايل عنك الكام يوم دول بعد كده لو حرارتك وصلت 60 ولا هسأل فيكي

ريهام….ما طبيعي هكون في عداد الاموات

محمود….بضحك بعد الشر انتي مال مناخيرك

ريهام ….وقعت مني بفكر اجيب واحده جديده من البرد اكيد

محمود….بضحك طيب حطي اي مرطب

ريهام….بحط والله المهم قولي بقي انا لما كنت سخنه اااا يعني خرفت قولت ايه

محمود….بضحك ااااااه انتي خربتي الدنيا يا ريهام

ريهام….وحيااااة امك

محمود….بضحك خلاص بقي ربنا امر بالستر

ريهام….هي وصلت للستر انا هببت ايه قول اصل انا عارفه نفسي ده في الايام العاديه وانا نايمه بعترف بكل حاجه مبالك بقي وانا سخنه
انا مني لله

محمود….بضحكه جميله لا يا ستي انا بهزر هو اينعم كان في تخريف بس مفضحتيش الدنيا

ريهام…..طب احلف

محمود…اه والله العظيم مفيش ثقه في لسانك خالص

ريهام…..لا خالص طيب قولت ايه

محمود…..والله كلام مش مفهوم بس يعني كنتي طول الوقت بتكلمي مصطفي و بباكي

ريهام….بابتسامه هاديه بجد

محمود…اه والله عماله تكلمي مصطفي تقوليلوا هناخد معانا انا و بابا و حجات كده

ريهام….امممم طيب الحمد لله

محمود…..ريهام هو انتي علاقتك بباكي عامله ازاي و طبعاً لو مش حابه تجاوبي براحتك بس يعني انتي طول الوقت كنتي بتنادي عليه

ريهام…..لا عاديه

محمود….يعني ايه عاديه انا عارف يعني ان علاقتكم مش مقطوعه بيه صح

ريهام…..بابتسامه لا لا خالص علاقتنا بيه تجنن و بشوفوا ديماً و لما بحتاجه بتصل بيه و بيجيلنا او بشوفوا بره عادي يعني بص يمكن الظروف اللي حصلت زمان تبان انها اثرت علي علاقتنا بيه بس خالص والله اااا يعني هو في فتره صغيره من حياتنا و ده زمان كنا اطفال يعني و قبل حتي ما هو يتجوز

لما ماما طلبت منه الانفصال و صمتت عليه و انفصلوا الفتره دي في كتير اوي حاولوا يكونوا واسطة خير و يرجعوهم لبعض بس طبعاً مامت رفضت خالص عشان خاطر ميدو و الفتره دي يعني اوقات كده الشيطان بيتملك مننا و بيخلينا نعمل حجات بتبقي بدافع العند او الضغط

فا بابا وقتها كان عايز برجع لماما لانه كان بيحبها وباقي عليها و علينا فا فكر انه يضغط عليها بمصاريفنا لانه عارف ان ماما طول عمرها لا بتعرف تشتغل ولا تنزل ولا ليها في المرمطه دي خالص يعني هو مكانش قاصد يعمل ده الا عشان بس يقفل عليها الدنيا و ترجعلوا بس طبعاً محصلش كده و فضلوا منفصلين بس ماما عمرها ما قستنا عليه ابداً و لا هو كان قاسي والله بالعكس بابا طيب اوي اوقات والله يا محمود لما بفتكر حالنا زمان و ماما لما بتحكي بحس انه كان غصب عنه فكرة رفضه لميدو مع اني مش مع قراره ده اوي لان ده رزق واكيد ربنا كان هيبعت رزقه بس جايز يكون حسبها بطريقه تانيه جايز مفكرش لقدام جايز خاف من المسؤوليه والضغوطات شايف اننا عايشين عيشه بسيطه علي القد معاه ست و ثلاث اطفال وهو يعني خمس افراد فخاف انه يتحمل عبئ اكتر مش عارفه بس بابا مش قاسي مش بخيل مش وحش هو بس ظروفوا مكانتش كويسه بس عمري والله ما حسيت ان اللي حصل ده اثر علينا و يمكن ده بفضل ماما هي عمرها ما اتكلمت عنه وحش بالعكس كان ديما تقول اسالوا علي ابوكوا خلوا ديما في ود و صلة رحم موصوله و لما السنين عدت علاقتنا بيه رجعت تحسن من الاول حتي علاقة ميدو بيه طول عمرها حلوه فا معنديش مشكله نفسيه معاه.