لقاء كا,رثي
لقاء كار,ثي
نعيمه…..نفخت الدخان طب ما انتوا بتشربوا و من قبل جوازكم محصلش مشكله ليه
ليله….عشان هما عرفونا و احنا بنشرب عارفين اننا بندخن اصلا و انا في فتره عشري قالي متشربيش قدام اي حد و سمعت الكلام بس بعد كده اختارت وقت مناسب و اتكلمت معاه اننا صحاب و بنشوف بعض كتير و عادي لما تبقي بينا وبين بعض وافق فا اي حاجه تيجي بالرضا احسن
ايمي…..فضل هيضايق يا نعيمه حابه تجربي قوليلوا حقه حتي لو لسه مش جوزك لانك لو اتعودتي عليها من الوقت و جه قفشك و انتوا متجوزين هتبقي مشكله
نعيمه….انتوا مكبرين الموضوع ليه دي سيجارتين تلاته مش قصه يعني
ايمي….لا يا اختي قصه ماهي بتبدأ كده و خدي بالك هي مش حاجه حلوه بعني دي لعنه و بعدين مجربتيهاش ليه زمان معانا ما طول عمرك مبتحبيش ريحتها
ليله….انتي فيكي ايه يابت مالك كده
نعيمه….ولا حاجه زهق يا ليله و بطلع زهقي في اي حاجه البيت من غيرك كئيب و بلهي نفسي في اي حاجه مش اكتر
ليله….وملاقتيش غير دي و تلهي نفسك فيها و انتي يا ست نادين معرفتنيش ليه اللي هي بتهببه ده
نادين….انا اتفاجئت زيكم والله اول مره اشوفها بتشرب
ليله….ليه مش قاعده معاها
نادين…..بس مشوفتهاش
نعيمه…..انا اول مره اشرب امبارح و هي مكانتش موجوده روحت
ليله….روحت ايه بت انتي مش قولتي قاعده معاها
نادين….اااا اه ناهي بتقولك روحت امبارح
ليله…طب ليه ما تخليكي معاها شويه مش قولتوا بتسلوا بعض كده يا نودي بقي دي وصيتي ليكي
بصت نادين لنعيمه
نعيمه…..اااا انا اللي قولتلها تروح عارفه يعني انها قاعده عشان مبقاش لوحدي و اكيد وراها حجات كتير مش حابه اخنقها
ايمي…..ماهي جنبك هي مهاجره لو حبت تروح تشوف اللي وراها هتروح
ليله….هو انتوا فيكوا ايه حساكم مش مريحين كده ايه يا سلمي ساكته ليه في ايه بيحصل وايه رايك يا عاقله في حوار السجاير ده
سلمي…..بابتسامه ولا اي حاجه يا لولي ما احنا كويسين اهو
ليله….مش مرتاحه للجوز دول دي مش فاهمه مالها ودي اتجننت و بتشرب سجاير ايه يا عاقله قولي كلمه
نعيمه…..تقول كلمه في ايه مش فاهمه
ايمي….تنصحك يا اختي زي ما كانت قرفانا علي طول بنصيحتها
نعيمه….بضحك علي اساس انتوا سمعتوا بالنصيحه ما انتوا بتشربوا اهو و بعدين يعني النصيحه تيجي من حد بيعرف ينصح
