لقاء كا,رثي

نسمه….بضحك اشربها بقي واعمل زي المسلسلات التركي هما بيحطوا ملح في القهوه عادي لما العريس يتقدم للعروسه عشان يعرفوا هيتحملها ولا لا

عادل….بضحك لا شكرا انا دلقتها لا تركي ولا هندي كفايه الاملاح اللي عندي

نسمه….شايفه يا نوجا مش متحملك

نجلاء….بضحك بت يا سوسه انتي جايه تقوميني عليه ولا ايه

نسمه….بضحك لا مقدرش خلاص اطلع انت با دولا وانا هعملك كوبايه شاي حلوه

عادل….يا سلام ايه الرضا ده كله

نسمه….بسعادن و مش بس كده هريحلك نوجا و هبعتهالك تشرب معاك الشاي اصل بصراحه ايا مزاج انا اللي اعمل الاكل انهارده

نجلاء……لا ده الرضا ده شكله عليا انا خير ان شاء الله

نسمه….. بابتسامه ايه مبسوطه و حاسه ان مزاجي حلو قولت اريحك

نجلاء…..لا اطلعلي انت بقي كده بره وخليني اشوف ايه اللي مخلي مزاجها حلو

عادل….ربنا يسعدها ديناً يا ستي يلا انا بره اعملي الشاي الاول يا نسمه قبل ما امك تمسك ودنك

نسمه….. بضحك حاضر

قربت نسمن تعمل الشاي

نجلاء…..بصتلها بابتسامه خير يا نسوم ايه سبب السعاده دي من امبارح و انتي مبتسمه و مبسوطه في ايه

نسمه….بابتسامه جميله و هاديه ولا حاجه عادي بس حاسه ان مزاجي حلو و حابه ابسطكم معايا غلط

نجلاء….لا طبعاً مش غلط ده كفايه انك تفكري تبسطينا و تدينا من السعاده اللي عندك شويه بس يعني عندي فضول اعرف السر

نسمه….بابتسامه و توتر ااا مفيش عادي والله

نجلاء…..بابتسامه سابت من ايدها الفوطه لا ده شكل كده فيه و في حاجه كبيره الابتسامه و اللمعه الحلوه اللي في عينك دي وراهم حاجه

نسمه….بضحك و توتر ادتها ضهرها هيكون وراهم ايه يعني مبسوطه و حاسه اني عندي باور عايزه اعمل اكل و اريحك

ابتسمت نجلاء و مسكت دراعها لفتها ليها بصتلها نسمه بتوتر و بعدت عينها عنها

نجلاء…..بتخبي علي امك يا نسمه

نسمه…ااا اخبي عليكي ايه بس يا نوجا مفيش

نجلاء….بصحك طب عيني في عينك كده

بصتلها نسمه و ابتسمت و وشها كان احمر

نجلاء….بضحك بيبان عليكي علي فكره و مبتعرفيش تخبي بس يعني قلب الام بيقولي حاجه كده

نسمه…اااا حاجه ايه

نجلاء….يعني حاسه الموضوع ليه علاقه بالقلب و المشاعر هو في حد ولا ايه

نسمه….ااا حد حد ايه لا لا مفيش

نجلاء….اهو توترك ده بيأكد ان في حد بتخبي عليا انا يا نسمه