لقاء كا,رثي

نسمه….كانت بتضحك يا من اول ما جات و كويسه و حتي لو مضايقه من حاجه انا عارفه نعيمه كويس هيبان عليها هتسمعني من غير اهتمام هتمسك الموبايل و انا بكلمها و تركز فيه كانها بتقولي اخلصي كفايه رغي هتقولي مليش مزاج اسمع لكن هي اللي سألت و في البدايه كانت متحمسه انها تسمع و بتسأل لدرجه اني فرحت بجد اول مره احس انها مهتمه تعرف اخباري سالتي مين واسمه ايه و اتعرفتوا امته وحصل ازاي و هي مبسوطه بمجرد ما قولتلها سليم اخو عشري اتقلبت و اتحولت بجد و كل كلامها انسي الموضوع هيحصل مشاكل لا مش هينفع انا مش موافقه صدمتني يا تقي في الاخر كلامها كان في تهديد هقول لامك وابوكي و هما يتصرفوا و هي عارفه اني لسه مقولتش لحد

تقي…..طيب و النبي تبطلي عياط بصي هو انا مش فاهمه انتي خايفه من ايه اصلا عايزه تقول ما تقول انتي مبتعمليش حاجه غلط و لا هي ماسكه عليكي ذله او غلطه سليم شاب محترم و مؤدب و يجنن بجد

واهلك عارفين عشري واهله كويس و مناسبين من نفس العيله ليها يعني عمرهم ما هيعترضوا عليه دي حاجه

تاني حاجه انا مش مقتنعه خالص بكلامها يعني ايه هيحصل مشاكل و الجو ده هي مالها ومالك اصلا كل واحد فيكم هيبقي ليه حياته

نسمه…ما ده اللي انا قولته كملت بدموع تقي هو انتي حسيتي من ليله انها مضايقه لما عرفت علاقتك بعدي

تقي…..بصراحه خالص كانت فرحانه و مبسوطه وفضلت تهزر معايا و تقولي انا هبقي الكبيره يعني زي ما حكيتلك كل اللي حصل انها نصحتني انا وعدي و كان في وجود عشري و لما قالت نصيحتها قالتلي بس القرار بتاعكم و كان معاها حق احنا اقتنعنا بس مضايقتش برغم ان ليله عارفه طبعي كويس لو هنحسبها علي كلام نعيمه لو انا اللي اختها هنقول ماشي هي عصبيه و انا عصبيه فا جايز تكون خايفه لكن انتي مش زيننا خالص يا نسمه و مش زيي انتي طيبه و هاديه و مبتعمليش مشاكل فا انا لو مكان نعيمه المفروض هي اللي تفكر ان انتي ممكن تخافي لان نعيمه مبتسكتش و هي اللي ممكن تعمل مشاكل عشان عصبيه و برضوا هرجع واقولك جايز تكون مضايقه او وصلتلك وجهة نظرها بطريقه غلط

نسمه…..انا بحاول الاقيلها عذر زي ما بتقولي بس كل ما افتكر طريقتها لا يا تقي نعيمه كانت مضايقه و بدأت اخاف تقول حاجه لماما و بابا او نادر بطريقه غلط تخليهم يرفضوا زيها