لقاء كا,رثي

راح لحد عنده

عسال…..اعملك حاجه

سلامه….بهدوء لا يا حبيبي تسلم

فتح سلامه كيس اللبس من الجنب بالمقص فتحه صغيره جدا و عشري باصص و مركز لقي سلامه رفع ايده بكيس اللبس و هو فاتح بوئه و عماله ينزل اللبن براحه

مسك عسال المقص و في لحظه قص حرف الكيس فتحه اكبر نزل اللبن كله عليه حماه وطار من قدامه و هو ميت من الضحك وسلامه واقف مبرق و رافع ايده بصدمه

سلامه…..تصدق ياض انك خــ

عشري شاف المقلب و ضحك مره واحده ضحك متواصل و هو مش عارف يفصل و ضحكه عمال يزيد و هو شايف سلامه خارج من المطبخ جري و صوتهم طالع بس مش ظاهرين ميدو فطسان من الضحك و سلامه هاريه شتيمه و ضرب

عشري مش قادر يسيطر علي ضحكه
بصت ليله بابتسامه من علب البار و مالت براسها مستغربه ضحكه و بدأت تضحك علي ضحكه و هو ساند راسه لوراء و حاطت ايده علي قلبه وهيموت من الضحك و صوته عالي لا عارف يقولها في ايه و لا هي عارفه تبطل ضحك علي ضحكه

عشري….ااااه. ااااااه

ليله…..بضحك في ايه للضحك ده كله ؟

عشري افتكر تاني ضحكته بقت ترن و هي فطسانه من الضحك عليه فين لحد ما قدر يسيطر شويه علي ضحكه

ليله….بضحك انا بضحك زي الهبله علي ضحكك في ايه

عشري….ااااه شوفي الڤديو بتاع ميدو

خدت ليله منه الموبايل و فضلت تبص وتسمع همس ميدو و بعدين ركزت شويه في اللي سلامه بيعملوا

وعشري طبعاً عمال يضحك
ليله بصت بصدمه و شهقت لما اللبن غرق سلامه و فطست من الضحك علي شتيمة سلامه ليه و منظره

فضل عشري يضحك من قلبه و هي جنبه ميته من الضحك لحد ما دمعوا
الموقف مع شتيمة سلامه يفطس من الضحك

ليله….بضحك هموت والله يستاهل بصراحه هو بيعمل ايه

عشري….بضحك والله قلبي هيقف من الضحك ده فاكر نفسه بيحلب بقره

فتح الڤويسات بتاعت صحابه كان اول واحد رشيد بيسجل وهو ميت من الضحك.

رشيد….اقسم بالله انا عيدت الڤديو اكتر من خمس مرات و كل مره بضحك نفس الضحك.

فتح صوت فضل كان ميت هو كمان

فضل….بضحكه تموت يا ميدو يا خــ
هموت من رد فعل سلامه

حسان…..بضحك انا نفسي اعرف سلامه كان بيفكر في ايه و هو بيشرب بالمنظر ده جدع يا ميدو

رشيد…والله العظيم يا فضل رد فعل سلامه قتلني سرعة بديه في الشتيمه
ردت ايمي من بعيد وهي ميته من الضحك ميدو انت كارثه انا لو ولدت الوقت يبقي بسببك