چاسمين

رواية
چاسمين
أميرهاسامه
صاحبةالبطلالواحد
فتجدهم حيارى مضطربين ليسوا على يقين من أمرهم

البارت الرابع عشر
مازن….وبعدين يعني انتي خاېفه علي حياتك و حياتي انا ومريم و بابا تدمر ومش خاېفه علي بيري حياتها تدمر عادي علي فكره شكلك ناسيه ان بيري بنتك زي ما احنا ولادك .
فاتن….بكل ڠضب بيري مش بنتييييييي انا مخلفتش غيرك انت ومريم بيري مش بنتي.
قامت بيري مفزوعه من علي السرير الجمله مش راضيه تسيبها حتي وهي نايمه كانت حاسه انها پتتخنق و في صدي صوت لفاتن بيرن في ودن بيري طول الوقت بنفس الجمله بيري مش بنتي انا مخلفتش غيرك انت ومريم.
نزلت دموع بيري و حست انها مخنوقه فا قامت و قررت تنزل تحت و فكرت ان فريد نام
فتحت الباب وخرجت من الاوضه كان في جبل واقف علي صدرها وحاسه ان في حد بيضغط علي رقبتها ېخنقها
قبل ما تقوم تقف سهر عشان تمشي فجأه سمعوا صوت فتح باب جاي من فوق قاموا الاتنين وقفوا وبصوا عالدرج
نزلت بيري علي تحت وهي دموعها مغرقه وشها لفت وشها لمحت سهر واقفه قدامها جنب فريد.
سهر…..بيري
بصتلها بيري بضعف مجاش في بالها تسألها انتي ازاي هنا ولا عرفتي المكان منين ولا بتعملي ايه هنا نسيت كل الاسئله دي و مجاش في بالها غير حاجه واحده بس انها محتاجه ټنهار وتخرج كل اللي جواها و ترميه علي سهر.
وقفت بيري في مكانها زي ما هي فريد عينه كانت عليها بترقب و حاسس ان في لحظه فارقه في حياة بيري هتحصل الوقت و يا تخرج من اللحظه دي وهي اقوي يا تخرج منها اشلاء ومتدمره
بصت بيري لسهر وهي بتهز راسها شمال ويمين و دموعها بتجري زي الشلال وبسرعه جريت عليها حضنتها سهر بسرعه وهي مصدومه من شكلها ومش بتنطق
وهنا اڼهارت بيري حرفيا
بيري….ااااااااااااااااااااااه
سهر….بيررريي باااس باااس عشان خاطري
بيري….ااااااااااااااه
سهر…..بيري اهدي يا عمري وحياتي عندك
بيري…دمرونييييييييي يا سهرررررررر اااااااه
سهر…..استاذ فريد الحقني بالله عليك اهدي يابيري
فريد…بيري بيري سمعاني يا بيري
كانت بتصرخ وهي حاضنه سهر بكل قوتها حتي فريد مكانش عارف يخرجها من حضڼ سهر وسهر مسكاها بكل قوتها خاېفه تقع منها بتصرخ صړاخ هستيري و كان اول مره تشوفها في الحاله دي.
جري فريد قفا كل الشبابيك بسرعه ورجع تاني و بيري لسه مش قادره تفصل كانها ماصدقت تخرج كل اللي كان جواها.
سهر….بيري ارجوكي اسكتي اهدي عشان خاطري
بيري…..انا ميييييين يا سهر اااااااااااااااه عملوا فيا كده ليه
سهر….مين يا عمري دول اهدي وقوليلي مين عمل فيكي ايه
فريد….بيرررررري فوقي بقي اهدي خلاااااص
سهر…..بيري هيجرالك حاجه اسكتي بقييييي اعمل حاااااجه ارجوك
فريد….بيري اهدي احنا جنبك ومعاكي اهدي عشان خاطرنا احنا
سهر لاول مره كانت ټنهار بالشكل ده بعد مۏت سالي اختها لانها كانت اول مره تشوف بيري في الحاله دي كانت حاسه انها لو فضلت بالحاله دي دقايق كمان قلبها هيقف عشان كده هي كمان اڼهارت ومقدرتش تسيطر علي دموعها كانت بتحضنها بكل قوتها و بتحاول تهديها و تسكتها لكن مكانتش عارفه.
سهر…..مين وصلك للحااااااله دي عملوا فيكي ايه قوليلي
خرجت بيري من حضنها كانت عامله زي المجنونه بعد كام خطوه لوراء وهي لسه حاطه ايدها علي قلبها و بتتكلم بالعافيه من كتر المجهود اللي عملته في العياط والصړاخ
بدأت تتكلم وهي رايحه جايه و بتعمل بايدها وجسمها وملامحها لزمات غير مقصوده و تبريره الوحيد انه كان ناتج عن صډمه قويه.
بيري…قوليلي انتي انا عملت فيهم ايه عشان يعملوا معايا كده طيب انا حبيتهم ازاي مقدروش يحبوني هاا ازاي ازاي ازاي انا مقدرتش اخد بالي هااا انا انا انا كنت بقولك صح صح يا سهر مش انا كنت بقولك اني بحس انها مش امي كنت بقولها يا فريد والله كنت بقولها
فريد….طيب اهدي
بيري….بدموع وقهر والله كنت بقولهاااا بس بس بس كان مجرد احساس عشان هي كانت غريبه معايا انا كنت بخاف منها صح يا سهر مش انا كنت بخاف منها
سهر….بدموع وحياتي عندك اهدي لو جرالك حاجه هتموتيني يا بيري
بيري….هو انا لسه هيجرالي يا سهر انا انا انتهيت خلاص دمروني خدوا مني كل حاجه في لحظه 24 سنه عيشاهم في كدبه ااااااه كدبه كدبه كبيره اوي بس كدبه صعبه صعبه اوي و ۏجعها وحش اوووووووي كابوس كابوس يا سهر بس كابوس لا يمكن اصحي منه.
ليه هااااا ليه انا ليه يتعمل فيا كده قوليلي انا حد وحش انا انا عملت ايه غلط في حياتي عشان اتعاقب العقاپ ده طيب طيب فكريني يا سهر ايه الغلط اللي عملته ربنا بيعاقبني عليه بالشكل ده اكيد اكيد عملت حاجه وربنا ڠضب عليا فكريني يا سهر عملت ايه
سهر….عمرك ما عملتي حاجه يا قلبي انتي انضف حد شوفته في حياتي
بيري…لا لا لا لا مستحيل انا اكيد وحش ربنا عمره ما بيظلم حد ربنا بيدي كل واحد اللي يستحقه واكيد انا استحق ده
سكتت ثواني و رجعت مڼهاره تاني.
بيري….بس انا عمري ما عملت حاجه استحق عليها الۏجع ده في حاجه غلط كااااابوس كااااابوس محتاجه اصحي منه والنبي يا سهرررررر
فريد….طب اهدي كفايه كده
بيري…كفايه ايه هااااا كفايه ايه انا لو فضلت عمري كله في الحاله دي مش هخرج الۏجع اللي جوايا لو وصفتلكم ۏجع السكاكين اللي بتقطع في قلبي مستحيل تصدقوها.
بصلها فريد بحزن
فريد….بس انا حاسس بيكي صدقيني
سهر….عشان خاطري فهميني في ايه وليه انتي في الحاله دي يا بيري عملوا فيكي ايه قوليلي ومبقاش سهر لو مجبتش حقك حتي لو من مين انتي عرفاني كويس
بيري….هتجيبي حقي من مين يا سهر هاااا من مين من اللي باع واشتري فيها وحسسني اني نكره انا وعيلتي و هددني اني لو متجوزتش ابنه هيدمر عيلتي كلها و يخليهم يقضوا الباقي من عمرهم في السچن.
ولا هتجيبي حقي من عيلتي اللي مطلعوش عيلتي هااااا قوليلي هتجيبي حقي من مين
من ابويا اللي مطلعش ابويا ولا من امي اللي مطلعتش امي من ميييييييين من مين يا سهر
سهر…پصدمه انتي بتقولي ايه يا بيري هاااا بيري يعني ايه
بيري…..يعني اللي سمعتيه انا مليش اهل يا سهر مليش اهل انا مين
سهر…..بيري انتي شكلك اعصابك تعبانه اكيد الحيوان ده قالك حاجه خليتك توصلي للحاله دي و اكيد انتي زعلانه من انكل سعيد وطنط فاتن بس عادي يعني مش جديد عليهم
بيري….انتي مش مصدقه اللي قولته صح انتي فكراني بخرف وبقول كلام و خلاص اااا حقك انا نفسي مش مستوعبه انا في كابوس يا سهر بس هي دي الحقيقه انا مطلعتش بنتهممممم مطلعتش بنتهم ياسهر
سهر….پصدمه بيري انتي اكيد بتخرفي فعلا و لازم ترتاحي وتفصلي شويه
بيري….ياريت اكون بخرف مصدومه ليه يا سهر حسيتي بيا عرفتي الوقت ان حقي اكون انا كمان مصدومه ومش مصدقه
انا قولتلك كتير اوي قولتلك يا سهر اني عمري ما حسيت انها بتحبني زي ما بتحب مريم ومازن قولتلك لا انتي صدقتيني و لا انا كنت مصدقه نفسي بس طلعت عندي حق قالت بكل جبروت لمازن اني مش بنتها قالتله انا مخلفتش غيرك انت ومريم
سكتت و فضلت رايحه جايه زي المجنونه تهز راسها بعدم تصديق ودموعها بتنزل بغزاره من غير اي ريأكشن ملامحها كانت ثابته
رجعت تاني وقفت وبصتلهم
بيري….انا اترجتها يا سهر قولتلها متقوليش كده خلاص هتجوز خالد كنت فكراها تقصد انها غضبانه عليا بس طلع ده مش قصدها و بابا قال اه امكم معاها حق بيري مش بنتنا ولا اختكم
قال انه كان متجوز ست تانيه و سابتني معاه وانا لسه صغيره و هو اتجوز امي اللي مطلعتش امي و كتبوني باسمهم بس انتي عارفه ايه اللي يوجع بجد يا سهر
اكتر بكتير من انها مطلعتش امي
انها بعد كل ده طالبه مني ارد جميلهم في تربيتهم ليا و اتجوز خالد مكانش فارق معاها ۏجعي او صدمتي وقفت بكل جبروت تقول اني هتجوزه و انها معندهاش استعداد تخسر اي حاجه عشاني ازاااااي ازااااااااااي
سهر….پبكاء وۏجع بيررري
بيري….ازاااااااي حد يرد عليا ازاي قلبها متوجعش عليا ازاي مصعبتش عليها طيب كانت علي الاقل تستني شويه لحد ما افوق من صدمتي و بعدين ترجع تجبرني عالجواز من خالد بس هي كالعاده مفرقش معاها حاجه
فريد….بيري خلاص من فضلك
بيري….محدش يقولي خلاااااص محدش فيكم حاسس بيا انا حاسه اني بتجنن حاسه اني بمووووت طيب انا الوقت المفروض اعمل ايه هاااا اعمل ايه انا معرفش حد غيرهم هعيش معاهم ازاي بعد ما عرفت انهم مش اهلي اروح فين طيب هو معقول في يوم وليله اخرجهم من حياتي كده بسهوله
طيب ابعد عنهم واقول مليش دعوه باي حاجه و اشوفهم واحد وراء واحد بيضيع بسبب خالد وابوه طيب مريم ومازن ذنبهم ايه هااااا قوليلي قولي يا فريد اعمل ايه انتوا ساكتين ليه مش لاقين حاجه تقولوها صح ااااااه ااااه مش لاقين حقكم انا نفسي تايهه و مش لاقيه اجابه لاي سؤال
قربت منها سهر بسرعه وخدتها في حضنها و الاتنين انهاروا من العياط سهر مكانتش لاقيه حاجه تقولها ولا كانت قادره تستوعب اللي بيري بتقوله و يمكن مكانتش مصدقاه و فاكره انها بتقول كده او مش دريانه بكلامها
سهر…..كفايه عشان خاطري
بيري….كفايه ايه يا سهر كفايه اييييييه انا عايزه افضل اصړخ اصړخ لحد ما افوق من الكابوووووووس ااااااااااااااااااه
سهر…..بيررررري بيري لا لا متعمليش كده عشان خاطري
بيري….يااااااااااااااااااارب
سهر….فريد الحقني ارجوك
قرب فريد من بيري بسرعه وهي في حضڼ سهر حط ايد علي مقدمة راسها وايده التانيه علي رقبتها من الخلف ضغط بكل قوته بصوابعه علي مقدمه راسها وبالايد التانيه ضغط بصوابعه علي رقبتها بقوه صدر صوت بسيط من بيري و سكتت بسرعه وجسمها بدأ يسيب
بيري….اااه
سهر….الحقني هتقع
مسكها فريد بسرعه وقربها من الكنبه
فريد…مټخافيش هي كويسه هاتي مايه بسرعه
سهر….طيب انت عملتلها ايه هي ليه عملت كده
فريد….قولتلك مټخافيش هي كويسه يلا بسرعه هاتي مايه
جريت سهر بسرعه علي المطبخ فتحت التلاجه جابت زجاجه مايه و جريت تاني عليه
بيري كانت سانده راسها علي الكنبه عينها بتفتح وتقفل وهي باصه للسقف كانت حاسه ان الدنيا بتلف بيها و جسمها سايب خالص.
خد فريد من سهر المايه حط شويه علي ايده و بهدوء غسل لبيري وشها فضلت ترمش بعينها لكن بدون اي رد فعل لبروده المايه اللي علي وشها.
سهر…..هي مالها بجد هي مغم عليها ولا ايه
فريد….لا هي كويسه انا بس حاولت اسيطر عليها مش اكتر هي معانا متقلقيش الوقت تبقي احسن
سهر….هو انت عملتلها ايه طيب انا خاېفه عليها
فريد….والله هي كويسه انا ضغط علي رقبتها بطريقه معينه تخليها تفقد السيطره علي
—
انفعالاتها مش اكتر هي الوقت حاسه بدوخه وجسمها سايب الوقت تهدأ وتبقي احسن
سهر…بيري انتي كويسه
بصتلها بيري من غير ولا كلمه ورجعت تاني بصت علي السقف و غمضت عينها.
فريد…خبط علي كف ايدها بيري بيررري يلا قومي اشربي مايه قومي يلا انتي كويسه
قام من الارض وقعد جنبها حط ايده وراء راسها وخلاها تقوم وتتعدل قرب المايه منها بهدوء شربها شربت حاجه بسيطه ورجعت عشان تنام تاني مسكها فريد من راسها بقوه
فريد…..لا مش هتنامي خليكي معانا
بيري….بهمس انا دايخه
فريد…عارف بس خليكي معانا معلش الوقت تبقي احسن
قعدت سهر جنبها من الناحيه التانيه ومسكت كف ايدها بحب باسته و بصتلها وهي دموعها نازله
سهر…..عشان خاطري متقلقنيش عليكي
فريد….بيري يلا قومي كده بصي سهر عامله ايه عشانك طمنيها يلا عرفيها انك بخير عرفيها انك قويه و هتبقي احسن مش كده
بصت بيري بضعف لسهر وهزت راسها بهدوء و كل ده فريد ماسك راسها بقوه كان حاسس انها لسه جسمها سايب.
فريد…شوفتي بقي يا سهر انها قويه و هتبقي كويسه
سهر….انا عارفه انها قويه وقويه جدا كمان صح يا بيبو مش انتي مش هتوجعي قلبي ابدا
ابتسمت بيري بضعف ونزلت دمعه من عينها
فريد….قولنا ايه بلاش عياط وانتي يا سهر يلا امسحي دموعك دي
سهر…لا انا تمام ومش هعيط خلاص ادام بيبو كويسه انا كنان كويسه عارفه ملك هتتجنن عليكي و مستنيه اني اطمنها في اي وقت عنك
فريد….سهر شايفه انا ماسكها ازاي تمسكيها كده وانا هقوم اعملها حاجه تهديها اكتر و ارجع تاني
سهر ….طيب ماشي
فريد….مش عايزها تنام خالص هتعرفي تمسكيها
سهر….اه متقلقش
مسكتها سهر زي ما فريد قالها وراح علي المطبخ طلع كام نوع من الاعشاب اللي بتساعد علي هدوء الاعصاب و إزاله التوتر والضغط العصبي
حط شاي اخضر علي زهور بابونج علي نعناع علي شمر و حط عليهم مايه و سابهم علي الڼار بص من بعيد لمح بيري في حضڼ سهر
فريد….وهو بيقرب لا لا لا قولتلك متخليهاش تنام
سهر….جسمها سايب خالص و مش قادره اتحكم فيها انا حاسه انها محتاجه دكتور
فريد…لا خالص ولا دكتور ولا حاجه هي زي الفل محتاجه بس عشر دقايق تفضل رافعه راسها لحد ما تقدر تركز من تاني و خلاص النوم او انها تسند مش هيساعدها
سهر….طيب ولا تسند علي الكنبه
فريد….لا لازم ترفع نفسها بصي سيبيهالي و قومي انتي جنب شوفي الڼار
سهر….طيب اعمل ايه
فريد…ولا اي حاجه لما تلاقي المايه اللي فيها الاعشاب بدأت تغلي حطيها في الكوبايه صفيها الاول و بعدين غطي الكوبايه شويه و بعدين هاتيها
سهر….طيب تمام
قعد فريد جنب بيري كانت سنده راسها علي الكنبه حط ايده تحت شعرها ورفع راسها بهدوء خلاها تفرد جسمها و ترفع راسها.
بيري….بهمس انا مش قادره عايزه انام
فريد…مفيش نوم لما تحسي انك بقيتي احسن هسيبك تنامي.
بيري….انا احسن بس عايزه انام
فريد….لا انتي لسه مش كويسه طول ما انتي مش قادره تسيطري علي اعصاب جسمك يبقي لسه مش كويسه ابتسم بهدوء ورفع حاجبه و هو بيكلمها بصوت واطي و بعدين بطلي رغي بقي ايه لسه زي ما انتي
بصتله بيري بضعف و اتنهد تنهيده طويله و ابتسمت ابتسامه بسيطه.
بيري….شكرا
فريد….شكرا دي تقوليها لما تبقي احسن انا معملتش اي حاجه اصلا فا بطلي هبل بقي ماشي
ابتسمت بيري و ڠصب عنها نالت برقبتها نامت علي كفه و غمضت عينها
فريد….لا لا بيري فتحي عينك مش هتنامي
بيري …مش قادره
فريد….هتقدري يلا قومي كده
قربت سهر بالكوبايه
بيري….يلا حبيبتي اشربي
فريد…يلا اشربي يا بيري هو طعمه مش احسن حاجه بس هيساعدك تهدي اكتر و هتبقي كويسه بعديه.
قعدت سهر جنبها وبصت لفريد بهدوء.
سهر….انا اسفه بالنيابه عني وعن بيري يا استاذ فريد عن كل الدوشه والازعاج اللي حصل ده
فريد…متقوليش كده لا في دوشه ولا في ازعاج
سهر…ازاي بس انت ملكش ذنب في كل ده
فريد…صدقيني مفيش اي حاجه انا خدت عهد علي نفسي من اول يوم بيري جات في هنا اني هقف جنبها ومش هتخلي عنها بس يزهر كده ان هي اللي هربت مني قبل حتي ما اجي صح يا بيري.
بصتله بيري بهدوء
بيري….اسفه عالطريقه اللي مشيت بيها بس انا مكنتش عايزه اسببلك ازعاج ومشاكل صدقتي و كمان وثقت في كلامها لما كلمتها كنت عارفه انك لو رجعت هترفض تخليني امشي عشان كده مشيت
فريد…انا اكيد مكنتش همنعك يا بيري لو هو ده اللي انتي عيزاه بس علي الاقل كنت اطمنت عليكي اكتر اتأكدنا من حسن نيتها وكنت عرت عنك اي معلومه تخليني اطمن عليكي ده انتي حتي رقمك مسيبتهوش ومكنتيش حفظاه
سهر ..هي دي بيري پتخاف علي الناس اللي. بتحبهم
بصت بيري لسهر وهي بتبرقلها عينها .
سهر…بأبتسامه يعني لو مكانش غالي عندك بيتهيألي مكنتيش قولتي اسمه غلط ولا ايه
فريد…بابتسامه صحيح ايه موضوع كريم ده
بيري…ااااا مش عارفه هي جات معايا كده و مش عارفه ليه قولت كده اصلا بس كنت قلقانه يعني لما خالد جه هنا و فريد وقف قصاده واتحداه انه مش هيدخل اي بيت يدور عليا فيه عرفت وقتها ان اكيد خالد مش هيعديها لاني عرفاه كويس و كنت عارفه كمان اني لو مقولتش الحقيقه هيبان عليا اني بكدب فا فكرت احكيلكم بس يعني اخبي شويه حجات كده عشان لو مريم غلطت بلسانها قدام اي حد يعرفوا اسمك غلط و ميدوروش وراك كمان لما مشيت ركبت تاكسي ونزلت في مكان تاني و رجعت ركبت واحد تاني خالص خۏفت خالد يوصل للسواق و يسأله خدني منين فا يعرف اني ركبت من مكان بعيد عن هنا.
سهر….بس اوعي تنكري اني بردوا قفشتك وعرفت انك مخبيه حاجه بس الغريب انك فضلتي مصممه علي كريم و خليتي شكلي وحش لما خبطت علي الباب و قولتله استاذ كريم.
بيري….اكيد مش عدم ثقه فيكي يا سهر و انتي عارفه ده كويس بس فريد عمل معايا حجات حلوه كتير طول الايام اللي قعدتها معاه فا كان لازم احميه بطريقتي
بصلها فريد بابتسامه هاديه وسكت .
بصت بيري عليه بطرف عينها كان باين عليها انها متوتره شبكت صوابعها في بعض وبصت لسهر عشان تغير الموضوع
بيري…طيب انتي عرفتي ازاي اني هنا
سهر….طلبتي من معاذ ينزلك و انا طلبت منه يفضل وراكي من بعيد منها يامن الطريق لو حصل حاجه السواق اللي ركبتي معاه ميبقاش لوحده ومنها اعرف مكانك ماهو انا مستحيل كنت هتحمل اختفائك تاني.
حست بيري پخنقه و عينها بدأت تختفي مره تانيه من كتر الدموع.
بيري…انا مهما شكرتكم مش هقدر ارد ولو جزء بسيط من اللي بتعملوا معايا بجد انت وسهر و ملك كمان محدش فيكم خذلني و بالاخص انت يا فريد يمكن هما بيعمل ا كده معايا بدافع الصحوبيه والعشره اللي بينا بس انت مكنتش تعرفني ومع ذلك عملت معايا اللي معملهوش معايا اللي كنت فاكره انهم عيلتي
فريد…وبعدييييين هنرجع تاني للكلام العبيط و نرجع تاني نعيط ونفتكر احنا قولنا ايه يا بيري مش كفايه بقي
سهر….لو فاكره يا بيري ان انا وملك مستنين منك شكر او رد جميل تبقي عبيطه و علاقتنا ببعض دي تبقي اي كلام احنا مش صحاب يا بيري احنا اخوات
ولو في حد فينا مستني رد جميل من التاني يبقي انتي احق برد الجميل ده وانا عن نفسي مديونه ليكي بعمري كله بعد وقفتك معايا لما سالي اټوفت و سيبك مني انا خالص اللي كنتي بتحاولي تعمليه مع امي عشان تقدري بس تطلعيها من اللي هي فيه ده كبير عندي اوي يعني انتي لا ميونه ليا برد جميل ولا حتي شكر انا اختك وانتي اختي
فريد…و انا كمان معملتش حاجه يا بيري واي حد في مكاني كان هيعمل اللي عملته واكتر
سهر….سيبك بقي من كل الكلام ده انا مش عايزه افكرك بأي حاجه بس عايزه اعرف ناويه علي ايه
بيري….بحزن الدنيا كله عقلي واقف عن التفكير يا سهر حاسه اني مش قادره افكر و لا لاقيه حل لكل اللي انا فيه ده
سهر….مش محتاجه تفكير يا بيري مش هترجعي تاني و متفكريش في حد غير نفسك
بيري…فكراها سهله يا سهر
فريد…سهر معاها حق اه سهله وسهله جدا كمان و المرادي انا اللي مش هسمحلك ترجعلي يا بيري
بيري….حتي بعد الكلام اللي قولته وبعد ټهديد والد خالد ليا انه هيسجنهم ويقدم الشيكات
سهر….انتي قولتيها بنفسك يا بيري مفرقش معاها صدمتك ولا وجعك و حتي مجاش في بالها تطبطب عليكي و فضلت مصممه انك تتجوزي خالد يبقي ازاي هتفرق معاكي انتي بجد بتفكري ازاي يا بنتي ربنا بعتلك الحل علي طبق من دهب و يمكن كل ده حصل عشان تقدري تخلصي منه تروحي انتي برجلك ايه يا بيري عايزه تتجوزي خالد
بيري….اكيد لا بس لو هي تستاهل قساوتي عليها بابا و مريم ومازن ذنبهم ايه
سهر….مبقاش بابا يا بيري و ذنبه انه وقف ساكت تقدري تقوليلي عمل ايه بعد ما شافك في الحاله دي معملش كالعاده و وقف يسمع ردك وهي بتقولك بردوا هتتجوزي خالد اما مريم ومازن دول انا مصدومه فيهم بجد هما كمان ميفرقوش عنهم دول متصلين بيا و فاكرين اني عارفه مكانك مقالوش اللي حصل بينكم ولا قالوا انك مشيتي بس بما اني عارفه من معاذ انك معاه عملت نفسي مصدقاهم
بيري …لا متظلميهمش يا سهر مريم و مازن وقفوا معايا واقفه مش ممكن انساها بسببي مازن اتضرب ودي كانت اول مره في حياته يتعرض لحاجه زي دي واكيد هما خرجوا ورايا بس مشافوش اني ركبت عربيه تانيه و يمكن محبوش بعرفوكي اللي حصل لانهم مكانوش هيلاقوا حاجه يقلوها هيقولولك ايه يا سهر بيري مطلعتش اختنا
سهر….معرفش بس انا حسيت اني اضايقت منهم وقولت كلهم زي بعض
بيري….لا مستحيل دول اكتر اتنين كانوا مصبرني علي كل اللي بيحصل في البيت ده
فريد…عموما بردوا متثقيش اوي لحد ما تعرفي و تتاكدي من وقفتهم معاكي
بيري….صدقني انا واثقه فيهم وصعب في يوم وليله ابعد عنهم و اقول خلاص هما كمان مطلعوش اخواتي
فريد…اكيد لا يا بيري محدش قال كده مهما حصل هيفضلوا اخواتك.
سهر …طيب بيري انتي مقدرتيش تعرفي اي حاجه عن يعني مامتك بباكي
بيري….لا يا سهر اللي حكيته بس اللي حصل انا حتي مقدرتش اعرف اساميهم
فريد….صحيح بخصوص الاسامي بقي انا مجاش في بالي ولا مره أسالك عن اسم خالد ده و والده مين دول ويطلعوا مين في البلد عشان يعملوا كل ده.
في اللحظه دي رن موبايل سهر و كانت والدتها.
سهر….يا نهار اسود دي ماما اكيد هتتجنن عليا هي فكراني كل ده في الاستديو
فريد…طيب
—
ردي عليها بسرعه طمنيها دي الساعه 3
بيري…..انتي هتروحي ازاي الوقت
فريد….مش هتروح اكيد الوقت اتأخر هتفضل معاكي
سهر…..لا مينفعش اكيد لحظه بس ارد عليها بتتصل تاني.
فريد….بصوت واطي بيري اقنعيها تفضل معاكي الوقت متأخر والدنيا هاديه بلاش احسن
سهر….الوووو
امل….انتي فين كل ده يا سهر الساعه 3 يا بنتي انتي كويسه
سهر…كويسه كويسه يا حبيتي اهدي مفيش حاجه
امل…..انتي فين طيب كل ده
سهر….اااا انا مع بيري يا ماما
امل….بيري في الوقت ده و بعد اللي حصل من فاتن يا سهر بقولك ايه قوليلي انتي فين و متكدبيش عليا
سهر…مش بكدب عليكي والله انا معاها بس هي مش في البيت يعني اصل حصل مشكله كده و مقدرتش اسيبها
امل….مشكله ايه و في ايه يا سهر مالك مرتبكه ليه طمنيني يا بنتي مالك
سهر…والله مافي يا حبيبتي صدقيني
بيري….بضعف هاتي يا سهر
سهر…طيب خدي بيري معاكي
بيري….الووو
امل….ايوه يا بيري ايه يا حبيتي في ايه
بيري….متقلقيش يا حبيبتي سهر بخير والله هي بس اللي مرضيتش تسيبني
امل…طيب مالك وليه صوتك عامل كده فيكي ايه يا حبيبتي
بيري….پخنقه مفيش يا حبيبتي انا بخير اطمني
امل….اطمن ازاي وانا سامعه صوتك كده
بيري….مشكله في البيت و انا مشيت و سهر جابتلي مكان اقعد فيه مؤقتا لحد ما اشوف هعمل ايه بس هي مرضيتش تسيبني و الله
فريد….بهمس سهر اسمعي الكلام خليكي مع بيري انهارده الوقت اتأخر و كمان انا محتاج اتكلم معاكي بخصوص شغلك وحلقه انهارده و بيتهيألي انتي اكيد عارفه انك في خطړ خصوصا بعد حلقه انهارده دي و مينفعش تمشي لوحدك الفتره الجايه في التوقيت ده خالص
سهر…ايوه بس كده يعني هنعملك قلق و كفايه اوي اللي انت بتعمله مع بيري مش هتشيل همي كمان
فريد….متعمليش زي صحبتك و بطلي كلام عبيط اسمعي الكلام البيت كبير و اعتبري يا ستي انه بيت صاحبتك مش بيتي انا خليكي معاها انهارده بالذات هي اكيد محتجالك انتي شايفه شكلها عامل ازاي
شاورلها علي بيري بعينه كانت دموعها نازله وهي بتكلم امل
بصت سهر عليها بحزن وبصت لفريد هزت راسها باحراج
فريد…خليكي معاها و انتي كمان ده امان ليكي اكتر ماشي
سهر….طيب تمام شكرا يا استاذ فريد
فريد…لا خليها بقي فريد بس
سهر….بابتسامه تمام يا فريد
بيري…اتفضلي سهر معاكي
سهر….خدت الموبابل وبعدت بعيد ايوه يا ماما صدقتي بقي
امل….عملوا فيها ايه يا سهر البنت حالتها وحشه جدا ومش قادره تتكلم
سهر….هحكيلك لما اشوفك يا حبيبتي
فريد….بهمس هتفضلي ټعيطي كده كتير
بيري بصتله بهدوء و هي دموعها نازله
مد فريد ايده مسح دموعها وابتسم ليها بحنان
فريد….كفايه عياط يا بيري واتعودي دموعك متنزلش غير علي حاجه غاليه
بيري…ڠصب عني انا موجوعه اوي يا فريد
فريد…عارف و حاسس بيكي بس صدقيني لو الدموع بترجع اللي فات او بتبدل قدر كان زماني انا اكتر انسان في الدنيا دموعه مش بتقف بدلي دموعك بحاجه تانيه يا بيري لان الدموع مش بتعمل اي حاجه
بيري….ياريت اقدر
فريد….هتقدري و هتعدي كل ده بس لازم تعرفي من اللحظه دي انتي مش هتمشي من هنا ومش هتعملي اي حاجه غير لما اعرفها مفهوم يا بيري
بيري….بس انا هروح علي المكان اللي سهر جابته و اكيد هعرفك مكاني وكل حاجه هعملها
فريد…لا يا بيري مشي من هنا مش هسمحلك وجودك مع سهر مش امان ليكي سهر نفسها مش في امان و لازم اتكلم معاها هي كمان بس مش وقته
بيري….فريد انا محبتش اقول لسهر علي حاجه عشان عارفه انها مجنونه ومتهوره قررت اخبي عليها بس انت عندك حق هي مش في امان
فريد….حاجه ايه دي
قفلت سهر الموبايل وقربت منهم
سهر…..قلقانه و فكرت اني فيا حاجه بس الحمد لله اقتنعت وطلبت مني افضل معاكي
فريد….طيب بقول ايه انا شايف انكم تطلعوا يلا ترتاحوا كفايه عليكم كده انهارده يلا يا بيري اطلعي فوق وخدي سهر معاكي واديها غيار من بتوع ساره
سهر…ملهوش لزوم والله يا فريد انا هتعامل
فريد….اكيد مش هتنامي بلبسك ده يلا اطلعي و زي ما قولتلك ده بيت صاحبتك مش بيتي يعني خدي راحتك انا هنا ضيف وضيف هادي مش مزعج
سهر….بابتسامه بجد شكرا يا فريد من قلبي
بصتله بيري بهدوء بعد جملته الاخيره وابتسمت ليه براحه
ابتسم فريد ليها و هز راسه بهدوء
فريد…يلا تصبحوا علي خير
سهر…وانت من اهل الخير
بيري….وانت من اهل الخير
طلعت بيري مع سهر فوق و خدت غيار هي وسهر غيروا هدومهم و طلعوا علي السرير خدتها سهر في حضنها و فضلت تمشي ايدها علي شعرها لحد ما نامت.
طلع فريد كمان علي اوضته بعد ما اطمن ان كل حاجه مقفوله وتمام طلع عالسرير خد وقت بسيط لحد ما راح في سابع نومه وهو من جواه مبسوط برجوع بيري رغم وجعه عليها.
…………
قبل ساعتين من وصول سهر
وصل مازن و مريم علي شقه
مفروشه.
فتح مازن الباب ودخل الشنط
دخلت مريم وراه وقفلوا الباب
راحت مريم قعدت علي اول كرسي قابلها و قعد مازن قدامها وسند راسه علي الكنبه
مريم….مازن قوم نام شويه اليوم انهارده كان متعب اوي
مازن…..والنوم هيجي ازاي بس يا مريم دخلنا من تاني في نفس الدوامه و مش عارف حاجه عن بيري و ياريتها المرادي اي دوامه خاېف المرادي بيري تضيع مننا
مريم….لا متقولش كده يا مازن بالله عليك بيري هتبقي كويسه وهترجعلنا من تاني و هنفضل مع بعض احنا الثلاثه مش هنتفرق ابدا انا بفكر في حاجه كده مش عارفه ممكن تبقي صح ولا لا
مازن….حاجه ايه
مريم…يعني بقول اننا نروح الصبح لسهر و نتكلم معاها بصراحه و انا واثقه ان سهر هتقدر تساعدنا
مازن…..و هنقولها ايه يا مريم هنحكيلها اللي حصل هنقولها ان امي و ابويا قالوا ان بيري مطلعتش اختنا وانها سابت البيت وهي حالتها متدمره ومنعرفش عنها حاجه
مريم …عندك حل تاني
مازن….معنديش با مريم بس كمان مش عارف بيري لو عرفت اننا قولنا لسهر هتعمل ايه انا عار ان بيري بتحب سهر وبتعتبرها اختها و مش بتخبي عنها حاجه بس كمان ده موضوع مش سهل وحساس و صاحبة القرار الوحيد فيه هي بيري احنا لسه مش عارفين ممكن يكون ايه اللي في دماغها يعني تسكت و محدش غيرنا يعرف حاجه زي دي ولا هتتكلم.
مريم….وليه تسكت يا مازن و هتخبي ليه هي مش عامله حاجه غلط انا لو مكان بيري مستحيل ارضي بالامر الواقع كان ممكن ده يحصل في حاله واحده لو الموضوع مختلف عن كده يعني لو عرت بالصدفه مش عرفت بطريقه مقصوده لو في ام حنينه ربت و ضحت و عمرها مافرقت بينها وبين ولادها الحقيقين لو في ام ربت ومستعده تقف في وش اي حد يفكر انه يقرب من ولادها لو في اب هو السند والامان لكن للاسف لا ماما هي الام دي ولا بابا هو الاب ده يبقي تسكت ليه و تخبي ليه
مازن…..يمكن معاكي حق بس كمان لازم يكون قرارها هي لازم نحترم رأيها ونستني
مريم….مبقاش ينفع صدقني يا مازن انا عارفه انك معاك حق في كل كلمه بس احنا الوقت قدام موقف صعب بيري المرادي. مشيت واختفت و مظنش بسهوله ممكن ترجع او تظهر بعد اللي عرفته ده لازم حد يساعدنا في اسرع وقت يا مازن لازم بيري متبقاش لوحدها لو من هنا لبكره معرفناش حاجه عن بيري انا هقول لسهر يمكن تقدر تساعدنا.
مازن…..تمام خلينا بس نستني لحد الصبح ونشوف هيحصل ايه
مريم…..ماشي يا مازن
………….
في منزل ياسر
دخل قعد في البلكونه من بعد الفجر لحد ما النهار بدأ يطلع كلام المحامي سالم عبيد كان مأثر عليه و شاغله جدا كان محتاج يوصل لاي حاجه في قضيه فريد عشان يريحه و عشان كانت القضيه نفسها مستفزاه و دي كانت اول مره يواجه قضيه معقده بالشكل ده
لكن بمجرد ما سمه الكلام المرعب ده من سالم اتمني انه مكانش بعرف حاجه خصوصا عشان فريد صاحبه مكانش قادر ينام و مش عارف يعمل ايه يقول لفريد ولا ميقولش ويفضل ساكت كلن عارف ان فريد اكيد مستني منه اي معلومه بعد مقابلتهم و كان خاېف عليه يكدب عليه و لا يكون صادق معاه يقوله عن اللي عرفه بخصوص ساره و لا لأ حس انه مش قادر و دماغه هتفجر كان قدامه خمس فناجين قهوه وطفايه مليانه سجاير
صحيت في الوقت ده دينا اخته خرجت عشان تجيب مايه راحت المطبخ مخدتش بالها منه وهي راجعه شافت خياله راحت عليه وهي ماسكه المايه في ايدها.
دينا…..صباح الخير
ياسر…..صباح النور يا دينا
دينا….ايه اللي مصحيك بدري كده انت ماحقتش تنام و ايه كل القهوه والسجاير دي
ياسر…انا منمتش اصلا
دينا….ليه يا حبيبي مالك انت كويس
ياسر…اه كويس يا حبيبتي متقلقيش دماغي بس مشغوله شويه بالشغل
دينا….قعدت قدامه عالكرسي براحه علي نفسك شويه يا ياسر انا عاره انك بتحب شغلك اوي بس كمان اوقات بحس انك بتيجي علي نفسك و علي اعصابك عشانه و ده مينفعش
ياسر….الموضوع مش موضوع حب يا دينا علي قد ما هو ان احيانا في قواضي بتستفزك
دينا….ودي ايه قضيه جديده احكيلي انت عار اني بحب اسمع الحكايات دي
ياسر….لا يا ستي مش قضيه جديده ده حوار فريد
دينا…فريد صاحبك
ياسر…اه فريد التهامي
دينا….في جديد فيها قدرت توصل لحاجه
ياسر….تقدري تقولي اني وصلت و موصلتش
دينا….يعني ايه دي فزوره
ياسر…لا مش فزوره اقصد اني موصلتش لساره بالمعني الحرفي بس وصلت لحجات ومعلومات عنها وعن اللي عمل كده في والده ومراته
دينا…..بجد يا ياسر طيب دي اخبار حلوه ليه مضايق نفسك وليه بتفكر اصلا
ياسر…بالعكس يا دينا اللي وصلت ليه مش حلو خالص او بمعني اصح ميطمنش
دينا…. احكيلي يا حبيبي انت عار انا عمري ما قولت حرف طلع منك بس علي الاقل تفضفض وترتاح هي جرالها حاجه
ياسر…..مش عارف بصي انهارده قابلت سالم العبيد المحامي اللي اشتغلت معاه في فتره التدريب انتي عاره اني بحب الراجل ده جدا و بحترمه وغير كل ده هو راجل مش معقول معاه معلومات واخبار الدنيا بحالها قابلته بالصدفه من كام بوم وجات سيره فريد طبعا ميعرش اني علي علاقه بيه بس كان الوقت مش سامح نتكلم اكتر فا خدت معاه انهارده معاد و اتكلمنا كتير يعني قال علي اسامي كتير تقيله في البلد اسامي واصله و ايدهم طايله يعني قال انهم ليهم علاقه پقتل ابوه ومراته و كمان خطڤ ساره المشكله ان فريد كان عارف اني هقابله و اكيد مستني مني اي معلومه المشكله كمان انه قالي عن ساره اكتر من حكايه هو عار ان في واحده فيهم صح بس ايه هي مش واثق اوي يعني زي انها اټقتلت و زي انها اتجوزت حد
—
من الناس دي ومسيطر عليها ومخليها في مكان صعب تطلع منه وزي انهم سفروها بره و زي انهم استعملوا معاها طرق غير شرعيه لحد ما البنت اټجننت مش عارف يا دينا انا بمجرد ما سمعت الكلام ده عنها حسيت بۏجع غريب ما بالك بقي لو فريد عرف حاجه زي دي انا محتار بجد مش عارف لو سألني اقوله ولا لأ اكدب عليه في بعض الحجات ولا اكون صادق معاه انا خاېف علي فريد و واثق انه لو سمع كلام زي ده ممكن يعمل اي تصرف متهور خاېف يأذي نفسه خاېف يحاول يوصل للاسماء دي بطريقته و تبقي كارثه مش عارف حاسس ان عقلي هينفجر من كتر التفكير و لحد الوقت انا موصلتش لاي حاجه.
دينا…..بحزن زعلتني يا ياسر انا كنت فاكره انك وصلت لحاجه تطمن
ياسر….ماهو ده للاسف اللي يضايق عشان كده قولتلك اني وصلت و موصلتش لدرجه اني كنت بتمني معرفش اي حاجه من كل الكلام ده المشكله ان فريد لو فكرت اكدب عليه هيعرف خاېف اقوله و يتهور او يتعب ويدخل في نفس حالته اللي كان فيها و خاېف لو مقولتش مع الوقت يعرف ويزعل مني خصوصا ان الكلام عن ساره مش اكيد يعني مفيش حاجه واضحه اوي
دينا…..فكر بهدوء يا ياسر و شوف عقلك هيقولك ايه وامشي وراه بلاش تبص للموضوع بقلبك لان عاطفتك تجاه الموضوع اللي يخص صاحبك اكيد هتختلف
انت اكتر حد عارف فريد و عارف ممكن يعمل ايه لو عرف كل المعلومات دي لو شايف انه هيأذي نفسه و هيأذي اخته لو كانت عايشه يعني ان شاء الله يبقي بلاش تقوله لحد ما تتأكد
لكن لو شايف انه ممكن يتعامل مع الموضوع بعقل اتكلم معاه وخد رايه في النهايه فريد رجل قانون و فاهم المواضيع اللي زي دي يقدر يتعامل فيها ازاي
ياسر….ماهو ده بقي اللي مخوفني ان فريد رجل قانون
دينا….وليه مخوفك ده المفروض ان الناس دي اكتر ناس بتتعامل بحكمه وعقل وهدوء.
ياسر….مكانش ساب مكان و وظيفته يا دينا لو زي ما بتقولي كده فريد بعد اللي حصل ساب الجهاز كله عشان يقدر يتعامل ويتصرف بدماغه عشان لما يتصرف اي تصرف ميبقاش في نظر نفسه اهمل في مهنته قرر انه يكون شخص عادي عشان يقدر يجيب حقهم بنفسه.
دينا…..يبقي خلاص لو انت شايف انه مش هيتصرف صح بلاش تقوله افضل علي الاقل لما توصل لمعلومات اكتر ومعلومات مؤكده بس انا عايزه اسالك سؤال بما انك يعني ده شغلك واكيد ليك نظره في اي موضوع او قضيه بتشتغل عليها ايه رايك شايف ايه
ياسر….بتنهيده مش عارف يا دينا القضيه دي معقده وداخل فيها اطراف كتير و كلهم ناس و اسامي تقيله دول اللي معروف منهم واساميهم اتذكرت بس الله اعلم مين اللي وراهم اكيد اتقل منهم بمراحل اوقات احس ان ساره كويسه وعايشه و اوقات تانيه بقول لا مستحيل يكونوا سايبنها عايشه كده عادي
المشكله اني في مره حاولت الفت نظر فريد لحاجه زي دي يعني علي اساس انه يحط كل الاحتمالات فريد مقدرش يتقبل الفكره دي من الاساس
دينا…..بص يا ياسر انا عارفه ان البلد كبيره و عارفه كمان انه مش سهل تدور علي شخص فيها بس كمان بيتهيالي الشرطه و الناس دي تقدر توصل لاي حد بسهوله ازاي لحد الوقت محدش وصلها يعني فريد كان منهم و سهل اب حد في الجهاز اللي كان شغال فيه يقدر يساعده وبعدين دول ثلاث سنين ازاي محدش عارف اي معلومه.
ياسر…..ماهو اللي محوفني اكتر يا دينا ان ممكن اوي اللي في الجهاز دول مش كلهم طبعا يكونوا عارفين حاجه ومخبين او يكونوا من ضمن الاسماء اللي مشكوك فيها
دينا….معقوله يا ياسر بيتهيالي صعبه
ياسر….لا مش صعبه هو انتي فاكره ان كل واحد في مكانه امين علي المكان ده و محافظ عليه طبعا لا وبعدين اللي يجنن بجد ان ساره اسمها لا موجود في اسامي الۏفيات ولا حتي في اسامي العايشين يعني لا بطاقتها موجوده ولا ليها باسبور او ورق يثبت انها خرجت بره مصر
دينا….يعني ايه مشطوبه من البلد خالص ازاي
ياسر….زي ما بقولك كده مفيش مستشفي في مصر مدورناش فيها حتي الناس المجهولين الهويه اتعرفنا عليهم الناس اللي كانوا بنفس مواصفات ساره وفاقدين الذاكره اتعرفنا عليهم ده حتي اي بلاغ كان بيجي بمواصفاتها في المشرحه كنا بنروح نتعرف عليها ساره عامله زي الابره اللي اختفت في كوم قش
دينا….بس كده الموضوع يقلق فعلا يا ياسر و محدش هيقدر يعمل كده الا لو كان واصل يعني صعب تمحي معلومات بني ادم من الوجود الا لو كان ايده طايله فعلا
ياسر…عرفتي بقي الدوامه اللي انا فيها.
دينا…..ياسر هو انا ممكن اسالك سؤال
ياسر…اكيد
دينا….لبه مفكرتش انك تبعد عن الموضوع ده او تقول لفريد يشوف محامي غيرك
ياسر….لاسباب كتير اولا احنا تقريبا بنشتغل بطريقه غير قانونيه مؤقتا لحد ما نوصل لخيط يخلينا نرفع قضيه كبيره وتبقي رأي عام و مفيش محامي ممكن يوافق علي ده ولا وافق مش هيقدر يعمل اللي انا بعمله
ثانيا اخاڤ من فريد انا تقريبا مسيطر علي فريد ومحجم تهوره لانه ربنا يكون في عونه اللي هو فيه مش سهل وانا لو في مكانه لو سمعت اي معلومه او اي اسم مش هفكر قبل ما اتصرف كمان ممكن اي محامي غيري اي معلومه يوصلها يقول لفريد عليها بسهوله وممكن ميقدرش حجم الخطړ اللي هيتعرض ليه فريد
عشان كده صعب اسيبه مش قادر
دينا….فهماك بص هو الحل انك تفكر شويه و زي ما قولتلك انت عارف فريد اكتر مني و عارف هو هيتعامل ازاي مع معلومات زي دي يا تقوله لو واثق فيه او تخبي عليه لحد ما توصل لمعلومات مؤكده وحتي لو زعل شويه اكيد مع الوقت هيفهم انك كنت خاېف عليه.
ياسر…..وهو ده اللي شكلي هعمله انا مش واثق في تصرفات فريد و خاېف عليه
دينا….يبقي بلاش تقول حاجه الوقت خد كل المعلومات اللي سمعتها من المحامي و اشتغل عليها بهدوء مع نفسك يمكن تقدر توصل لحاجه
ياسر….هو ده اللي بفكر فيه بس كمان بفكر في حاجه اقولها لفريد لما يسألني الصبح
دينا…..قوله اي حاجه متقولش اسامي و كمان من رأيي متقولش ليه اي خبر وحش عن ساره لان ده ممكن يخلي نفسيته وحشه و حالته دي هتضرك ومش هتقدر تشتغل في هدوء طول ما انت
قلقان عليه.
ياسر….شوفي يا اوزعه انتي رغم انك لسه صغيره بس انتي عارفه اني بحب اتكلم معاكي و بحس انك بتساعديني بطريقه غير مباشره.
دينا….انت عارف اني. كان نفسي اكون محاميه زيك انت وبابا وكان نفسي بعد ما اخد شهادتي اشتغل معاكم بس اقول ايه في ماما بقي مقدرتش ازعلها.
ياسر….انتي عارفه انها پتخاف عليكي يعني كفايه اللي كان بابا بيعمله فيها زمان وقلقاها عليه و الوقت انا
دينا…..خد بالك هي علي قد ما بتحب فريد ومتعاطفه معاه جدا الا انها نفسها تبعد عن الحوار ده خالص
ياسر…عارف انتي هتقوليلي عشان كده بقيت احاول علي قد ما اقدر مجبش سيره اي حاجه في شغلي قدامها بخاف عليها انتي عارفه هي بتتعب من اقل حاجه.
دينا…..ربنا يحفظها يارب و يلا قوم بقي نام شويه كفايه عليك كده وانا واثقه انك لما تصحي هتكون ريحت عقلك شويه وتعرف هتعمل ايه مع فريد.
ياسر….ماشي يا دندون انا اصلا مصدع خليني اقوم انام ساعه ولا ساعتين.
دينا….طيب يلا ادخل انت وانا هشيل الحاجه دي واقفل البلكونه وانام
ياسر…ماشي يا حبيبتي تصبحي علي خير
دينا….وانت من اهل الخير يارب.
دخل ياسر علي الاوضه بتاعته وقبل ما ينام شويه مسك موبايله وبعت رساله لبلال عشان لما يصحي يشوفها.
ياسر….بلال صباح الفل لما تصحي كلمني عايز اشوفك قبل ما تروح لفريد حاجه بخصوص مقابلتي مع سالم عبيد تمام.
………….
صحي سعيد من النوم عشان بلبس ويروح الشغل لمح فاتن واقفه في البلكونه بتاعت اوضتهم و حاطه شال علي كتفها و بتبص شمال ويمين.
سعيد….صباح الخير يا فاتن انتي لسه صاحبه ولا منمتيش اصلا
فاتن….انا منمتش يا سعيد
سعيد….ليه طيب
فاتن….انا بجد مش فهماك جايب منين البرود ده كله
سعيد….عيزاني اعمل ايه طيب يا فاتن في حاجه في ايدي اعملها ومعملتهاش
فاتن….تقلب الدنيا علي البرنسيه قبل ما حياتنا تدمر يا سعيد
سعيد….هدور عليها فين طيب اذا كان ولادك نفسهم راحوا وراها ومحدش لحقها
فاتن….واهو ولادي دول بقي انا مش واثقه فيهم وحاسه كده الله اعلم انهم لحقوها واتفقوا معاها و عشان كده مشيوا وراها وعشان كده عيزاك تعرف مازن ومريم فين
سعيد…..كده كده مازن هيجي علي الشغل لما يجي هعرف منه بس مش عارف هيقول ولا لا انتي عارفه مازن دماغه ناشفه
فاتن….يبقي تكسرهاله و لو طولت تمشي وراه و تراقبه وتعرف مكانه اعمل كده سعيد اسمعني كويس بيري لازم ترجع قبل اليومينن دول ما يخلصوا المهله اللي مهيب حددها لو خلصت وعرف انها هربت هنروح في داهيه
سعيد….يعني تقصدي اني مقولش قدامه علي اللي حصل
فاتن….تقول ايه انت اټجننت خالد ومهيب لو عرفوا هيقلبوا الدنيا وبعدين هتقولهم مشيت ليه عشان عرفت انها مطلعتش بنتنا و قتها هتبقي مصېبه اكبر ومش بعيد يدوروا وراك يا سعيد و يعروا مين ابو بيري الحقيقي و انا واثقه ان وقتها مهيب هيجير خالد انه يصرف نظر عن الجواز من بيري خالص و وقتها مش بس هترسي علي سجن و رمي في الشارع وقتها هنضيع يا سعيد او ابوها عرف انها معانا طول السنين دي وساعتها هنتمني المۏت و مش هنطوله
سعيد….في ايه يا فاتن انتي بتخوفيني ليه عالصبح
فاتن….لازم تخاف يا سعيد عشان تسلم هما مش بيقولوا بردوا من خاف سلم لازم تتصرف و لازم بيري انهارده تكون هنا باي شكل حتي لو اضطرينا نحبسها هنا في البيت
سعيد….ماشي يا فاتن انا هتصرف وهعمل كل اللي اقدر عليه عشان اوصلها و لو مقدرتش اعرف من مازن حاجه هراقبه و اعرف هو قاعد فين تمام كده
فاتن….ماشي يا سعيد لما نشوف اخرتها مع بيري هانم
……………….
نزل ياسر قابل بلال قبل ما يروح لفريد و كانوا قاعدين في عربيه ياسر .
بلال….طيب وبعدين
ياسر….انت بتسألني يا بلال يعني انا حكيتلك كل ده عشان تقولي وبعدين
بلال….عايزني اقولك ايه يا ياسر انا مصډوم بجد انت متخيل لو فريد سمع الكلام ده ممكن يحصل ايه
ياسر….ايوه يا بلال متخيل وعشان كده جيت حكيتلك عشان تقولي اعمل ايه
بلال….بصراحه انا مش عارف
—
يا ياسر خاېف اقولك احكي لفريد انا مش ضامنه بصراحه
ياسر….و لا انا ضامنه بس في نفس الوقت لو مقولتلهوش هيزعل
بلال….بيتهيألي لما يزعل شويه احسن ما يعرف ويتصرف تصرف يدمره و يدمرك معاه
ياسر…انا مش خاېف علي نفسي يا بلال انا خاېف علي فريد لان هما مش عايزني انا اصلا و لا انا شاغلهم
بلال….بيتهيألك يا ياسر اي حد بيرقب او يفتش وراء الناس دي مش بيشوف خير وبما انك هتبقي بتساعد فريد و عارف كل المعلومات دي عنهم يبقي انت كمان في خطړ و انا كمان عشان عرفت كل ده بقيت في نفس دايره الخطړ لازم تخاف يا ياسر علي نفسك وعلي عيلتك لازم تخاف علي فريد عشان حقه ميضعش بتصرف متهور
ياسر…يعني اعمل ايه و لما يسالني اقوله ايه
بلال….تقوله ان قعدتك مع سالم عبيد مكانش فيها اب حاجه جديده و ان الكلام اللي اتقال المره الاولي هو نفس الكلام اللي اتقال امبارح
ياسر….طيب تفتكر هيصدق
بلال…وحتي لو مصدقش هو مضطر يسكت و يستني اي معلومه جديده
ياسر….طيب تمام يا بلال
بلال…ياسر عشان خاطري اوعي تقول حاجه لفريد انت عارفه كويس
ياسر….مش هقول والله يا بلال اي حاجه اصلا مفيش حاجه تتقال انا هدور الفتره الجايه وراء الاسماء اللي عرفتها دي و هشوف الدنيا هتاخدنا لفين
بلال….خير ان شاء الله وربنا يخلف كل الظنون وساره تطلع بخير
ياسر….اتمني ده من ربنا خير ان شاء الله.
بلال….انت هتعمل ايه الوقت
ياسر…ولا حاجه هوصلك و ارجع علي البيت افطر و هنزل علي المكتب علي الساعه واحده كده
بلال….معندكش محكمه انهارده ولا ايه
ياسر….لا معنديش
بلال….طيب ماتيجي معايا عند فريد تفطر معاه و اهو بالمره تقوله وتخلص عشان نقفل الموضوع ده خالص
ياسر….بص في ساعته طيب تمام مفيش مشكله
بلال….طيب يلا اطلع
…………..
صحي فريد من النوم غسل وشه و خرج بره بص علي الاوضه اللي نايمين فيها بيري وساره مكنش في صوت نزل علي تحت لمح سهر واقفه قدام الشباك و بتشرب سېجاره وكانت لابسه لبسها.
فريد….صباح الخير
بصت سهر بسرعه و ارتبكت لما شافته
سهر….صباح الخير اسفه لو الټدخين ضايقك
فريد…لا خالص خدي راحتك بس غريبه شكلك مش باين عليكي انك پتدخني انتي پتدخني اصلا
سهر….والله انا لا كنت بحب الټدخين ولا بحب اللي ېدخن جنبي تقدر تقول انها عاده جديده عليا من ثلاث سنين يعني بعد مۏت اختي بس بصراحه انا مش بدخن قدام حد هي بيري و ملك واخواتهم مش اكتر حتي ماما متعرفش
فريد….بابتسامه و بتعمليها ازاي دي مشكتش فيكي خالص
سهر….والله بحاول علي قد ما اقدر بس هي ممكن تكون حاسه لكن لا هي. بتسالني ولا انا عندي الجرأه اقولها او اشرب قدامها
فريد…ده علي اساس انك مش جريئه و خاربه الدنيا
سهر….بابتسامه تقصد شغلي يعني لا شغلي حاجه واحترامي لامي ده حاجه تانيه خالص انا يمكن جريئه في شغلي و مع اي حد يتعدي حدوده معايا لكن في في اي حاجه تخص علاقتي بامي اكيد مش جريئه خالص
فريد….عموما حاولي تبطليها افضل يعني الزعل والحزن مش بيرجعوا اللي راح بدلي العاده دي بعاده افضل
سهر….زي ايه انا حاولت والله ومقدرتش شكلي كده ادمنتها
فريد….خالص الموضوع محتاج اراده قويه و وقفه حلوه كده مع النفس هتلاقي الموضوع سهل وممكن تبدليها بالرياضه مثلا
سهر….انت رياضي اصلا يا فريد صح بيري قالتلي انك عندك صالة چيم
فريد….يعني هو مش چيم بالشكل المتعارف عليه بس اه انا رياضي
سهر….لا هو من ناحية رياضي مكنتش. محتاجه اعرف من بيري انك عندك صاله باين عليك جدا بس تقصد ايه انه مش چيم بالشكل المتعارف عليه
فريد….يعني مش تمارين و شويه اجهزه عشان الشخص يخس انا بدرب العاب قوي و دفاع عن النفس و تجهيز لاي شغل زي الحراسات الخاصه والامن يعني تقدري تقولي انها تمارين لياقه بدنيه بس عاليه شويه
سهر…جميل ده ومش منتشر كتير في صالات الچيم
فريد…بالظبط
سهر …ربنا يوفقك يارب
فريد…اللهم امين انتي ايه اللي مصحيكي بدري كده وبيري عامله ايه طمنيني عليها
سهر….انا منمتش والله خالص بيري طول الليل مكانتش كويسه الكوابيس مسبتهاش و بتترعش وباين انها خاېفه حاولت افضل صاحيه جنبها عشان تطمن و النوم طار من عيني
فريد….هتاخد وقت لحد ما تبقي كويسه يعني دي مش مجرد صډمه عاديه لازم نتحرم حزنها و الحاله اللي هي فيها احد ما تتحسن من نفسها بس الاهم اننا نفضل معاها ندعمها ونساعدها تخرج من الحاله دي وهي كويسه و نطمنها
سهر….انا جنبها وعمري ما هتخلي عنها ابدا بس مش هكدب عليك انا مړعوبه عليها بيري حساسه جدا والموضوع مش سهل تتخطاه بسهوله
فريد…مين قال انها هتتخطاه بسهوله اب حد مكانها مش هيعدي عليه الموضوع بسهوله دي عايشه معاهم عمر بحاله و متعرفش غيرهم عيله ليها في تفاصيل كتير في حياتها بينها وبين اخواتها وحتي بوالدها و والدتها مهما كانت علاقتها معاهم مكانتش احسن حاجه بس في النهايه دول ابوها وامها
سهر…معاك حق بس انا واثقه فيها وهي هتقدر تتخطي كل ده
فريد….ان شاء الله خير
سمعوا صوت باب الاوضه بيتفتح ونزلت بيري بهدوء من فوق
سهر…..اهي صحيت اهي صباح النور يا قلبي
بيري….بحزن كبير مرسوم علي ملامحها صباح الخير فكرتك مشيتي
سهر….لا يا حبيبتي انا موجوده و مستنياكي تصحي
فريد….صباح الخير
بيري….صباح النور
حضنتها سهر بحب و طبطبت علي شعرها.
فريد…انا هحضر الفطار تحبي تفطري حاجه معينه يا سهر
سهر ..لا لا متتعبش نفسك انا في العادي مش بفطر اصلا بشرب قهوه بس
بيري….انا كمان مش عايزه مليش نفس
فريد…لا انهارده الموضوع مختلف هنفطر مع بعض وبعدين هتسيبي بيري تفطر لوحدها اهي قالتلك مليش نفس
سهر…امممم لا خلاص هفطر مع بيري وهي كمان هتفطر ڠصب عنها.
بيري….بجد مش قادره خالص افطروا انتوا
فريد….قولنا هنفطر كلنا يلا هجهز بسرعه الفطار
سهر….طيب انا هطلع بس كده البس الشوز بتاعتي عشان مش عارفه اقف كده وهاجي اساعدك
فريد….تمام
طلعت سهر علي فوق وسابتهم لوحدهم.
فريد….بابتسامه بيري تعالي لحظه
قامت بيري من غير ولا كلمه وراحت عليه كان وشها بهتان و الحزن مخيم علي كل ملامحها و كأنها في دنيا تانيه
بيري….نعم
فريد….بابتسامه طبعا انا مجاش فرصه اقولك علي حاجه حلوه ممكن تفرحك
بيري …حاجه ايه
فريد….بصي كده علي الاستاذ اللي نايم جوه بيته ده
بصت بيري من غير اهتمام لمحت البوكس بتاع القط بصتله بسرعه پصدمه
بيري….ده قدر
فريد…بابتسامه اه يا ستي ده قدر اللي قارفني في حياتي من يوم ما مشيتي
نزلت بسرعه علي ركبها وفتحت البوكس طلعته وخدته في حضنها كان نايم
بيري….ياعمري وحشتني اوي فكرت اني مش هشوفك تاني
ابتسم فريد وقعد هو كمان علي ركبه قدامها ومكانوش باينين من وراء المطبخ.
فريد…ايه رايك بقي في المفاجأه دي
بيري….حلوه اوي بجد انا ازاي مخدتش بالي منه امبارح
فريد….والله الغريب ان هو كان مؤدب ومعملش اي صوت لدرجه اني نسيت اقولك اصلا
بيري….انا فكرتك هتمشيه
فريد….صراحه كنت ناوي مش هكدب عليكي بس صعب عليا ودخلته تاني بس عرفته كده شويه قوانين يمشي عليها
بيري….بابتسامه بردوا قوانين
فريد….و الله ده سيستم مقدرش اغيره
بيري…..طب وهو كان مؤدب وسمع الكلام
فريد….له مؤدب اوي لدرجه انه كان هيوقف قلبي صحيت لاقيته نايم علي صدري و مش راضي يسيب هدومي
بيري….بابتسامه صډمه ده بجد
فريد…اه والله قلبي كان هيقف بس عدت علي خير روحت بقي جبتله بوكس عشان اضمن انه مش هيخرج منه طول ما انا جنبه و جبت كمان جوانتي تقيل عشان لو الموقف ده اتكرر تاني اقدر امسكه و احطه في البوكس و دلعته بقي شويه لعب علي شويه اكل وادينا عايشين مع بعض
بيري….بجد شكرا انا اصلا مستغربه انك خليته موجود لما كتبتلك الرساله كنت خاېفه ترميه بره تاني عشان كده طلبت منك توديه لاي محل حيوانات
فريد….مقدرتش
بيري….ليه
فريد ارتبك و بعدين بصلها وهو بيبتسم بهدوء
فريد…يعني كنت حاسس انك هترجعي تاني فا قولت حرام مفرقكوش عن بعض و اديكي رجعتي بقي من النهارده رجع لمسؤوليتك تاني
بيري….بجد شكرا يا فريد علي كل حاجه خلوه بتعملها معايا
فريد….لا يا ستي مفيش شكر المهم ابعدي البتاع ده عني خالص وقومي يلا فطري ابنك
بيري….بابتسامه ضعف اسمه قدر مش بتاع
فريد….ماشي قومي فطري الاستاذ قدر حلو كده
نزلت سهر في الوقت ده ومكانتش شيفاهم
سهر….بيري
طلعوا الاتنين مع بعض في نفس اللحظه من وراء المطبخ
بصتلهم سهر و سكتت و هما كمان بصوا لبعض وبصولها وحاولت بيري بسرعه تفهمها عشان متفهمش غلط.
بيري….ااا كنت بشوف قدر
سهر…ياروحي ايه القمر ده بتاعك ده يا فريد
فريد…لا ولا اعرفه ولا في بينا كيميا اصلا ده بتاع صاحبتك لما جات اول مره سمعت صوته من وراء الباب وفتحتله و قررت تربيه بس لما جات تمشي استخبي ومعرفتش تلاقيه و فضل من وقتها معايا
سهر….قربت من بيري وشالته ده جميل خالص يا بيري
بيري….اه حلو اوي
فريد…يلا طلعي من الكيس اللي هناك ده دراي فود وخليه يفطر
كفايه عليا انا الكام يوم دول كنت شغال لاستاذ قدر داده
سهر….اسمه قدر
بيري…اه انا سميته
سهر….جميل وصغنن خالص
بيري…نزليه خليه يفطر
سهر …يلا روح يا قمر تحب اساعدك في ايه يا فريد
فريد….ولا حاجه تعالي بس اعملي القهوه
سهر…طيب تمام
فريد….بيري روحي انتي اقعدي مشيت بيري بهدوء وراحت قعدت علي السفره اللي قدام المطبخ و سرحت فريد وسهر كانوا بيحاولوا يلطفوا الجو ويتكلموا لكن هب مكانتش معاهم خالص ساكته وسرحانه وعينها كلها حزن.
بدأت سهر تحط الاكل علي الترييزه وتساعد فريد لحد ما حولت كل الفطار علي السفره.
فريد….يلا يا سهر خلاص مفيش حاجه تاني
سهر….طيب ممكن بس اغسل ايدي عشان كنت شايله القطه.
فريد…اكيد في حمام هناك اهو بدل ما تطلعي فوق وبعد اذنك هو قط مش قطه عشان مامته بس متزعلش
سهر….بابتسامه لا منقدرش علي زعل مامته خلاص قط مش قطه.
راحت سهر علي الحمام تغسل ايدها.
قعد فريد قدام بيري وفجأه اتفتح الباب .
بلال….بس يا سيدي وطلبت من صاحب البيت انه يجدد عقد الايجار من تاني
بص ياسر ولمح بيري و وقف مصډوم هو وبلال و الوضع كان نفسه عند فريد اللي حط ايده علي راسه و رفع حاجبه وفضل باصصلهم.
بلال….ااا صباح الخير
فريد وبيري …صباح الخير
بص بلال لياسر باستغراب بيري موجوده و. واضح انها مكانتش مجرد زياره دي لابسه لبس بيت
ياسر اتاخد من زيارتها كان قلقان ترجع تاني ولما عدت الايام اطمن بس هي الوقت موجوده
بلال….ازيك يا بيري
بيري….بملامح باهته و واضحه للكل بخير يا بلال
ياسر….ده ايه المفجاه الحلوه دي اهلا يا انسه بيري
بيري….اهلا بحضرتك
فريد….اممم خير
ياسر….وانا كل ما هجيلك هتقولي خير ايه بقيت ضيف تقيل علي القلب جايين نفطر معاك بس واضح انك مش لوحدك
فريد…تعالي وبلاش رغي بلال هات طبق ليك ولياسر
بلال….لا انا فطران انت عارف بفطر في البيت بس يعني في طبق تالت
—
ياكل ياسر فيه اكيد انت مش عامل حسابي.
سهر…..يلا انا جيت اهو
بص بلال و ياسر علي سهر پصدمه وعرفوها علي طول
بصلهم فريد وابتسم بهدوء لما شاف صدمتهم و عار ايه اللي بيدور في راسهم وراس ياسر بالاخص.
وقفت سهر پصدمه لما شافتهم و اتحرجت
سهر…ااا هاي اسفه معرفش ان في حد هنا.
فريد….لا مفيش حد غريب يا سهر ده بلال صاحبي و شغال معايا في الصاله وده المتر ياسر صاحبي بردوا
سهر….اهلا استاذ بلال اتشرفت بحضرتك
بلال….اهلا بيكي الشړ ليا
سهر….اهلا استاذ ياسر
ياسر….بابتسامه غيظ بص لفريد وبعدين بصلها اهلا استاذه سهر الاعلاميه المشهوره
سهر….ميرسي لذوقك
ياسر….بضحك طيب يا بلال انا بقول تجيبلي طبق بقي عشان واضح اوب ان الطبق لا كان ليا ولا كان ليك
فريد…بابتسامه و هو بيعض علي شفايفه اقعد يا ياسر و عدي يومك
سهر….والله ممكن تاخد الطبق انا اصلا مكنتش عايزه افطر انا بشرب قهوه
ياسر….لا ودي تيجي علي الاقل يبقي عيش وملح ولا ايه يا فريد
فريد….بابتسامه اه عندك حق
سهر….باستغراب من طريقتهم ابتسمت و رفعت حاجبها هو في حاجه حاسه يعني ان استاذ ياسر مش تمام.
ياسر….انا لا خاااااص انا زي الفل
فريد….متاخديش علي كلامه هو ياسر كده بيحب يهزر ولا ايه يا متر
ياسر…..طبعا انا بمۏت في الهزار خصوصا هزار فريد و المفاجات الحلوه بتاعته و كمل بهمس لفريد ايه مصېبه واحده مكانتش كفايه يا باشا جايب مصيبتين وفيهم مصېبه هتولع فينا ان شاء الله
فريد…بابتسامه اخرس وانا هفهمك بعدين
ياسر…وماله لعله طين ان شاء الله انا عارف ان جلطتي هتبقي علي ايدك.
فريد….طب اخرس بقي عشان بدأوا ياخدوا بالهم من سخافتك
ياسر….ماشي اما نشوف اخرتها معاك
فريد….بص لبلال يا ابني تعالي اقعد طيب كل اي حاجه
بلال….فطرت والله هعمل بس قهوه واجي اقعد معاكم.
الوضع كان في ارتباك شويه نظرات الكل كانت كلها استغراب وترقب سهر كانت بتبص لبيري و تضيق عينها بمعني في ايه.
وبيري بتكلمها بهدوء بعينها بمعني مش وقته.
ياسر كل شويه يبص لفريد و يبتسم بغيظ وفريد يعمل نفسه مش واخد باله.
وبلال عمال يبص للكل و هو واقف جنب مكنه القهوه.
خلص ورجع قعد جنبهم عالكرسي.
ياسر….بهمس لبلال هو في ايه بالظبط
بلال …والله ما عارف حاجه
بس اكيد هنفهم
ياسر….هو يوم ملهوش ملامح علي دماغك ودماغ صاحبك عشان خلاص انا جبت اخري منكم انتوا الاتنين
بلال….بضحكه حاول يكتمها وانا مالي انا.
ياسر….ماشي ماشي و كمل بصوت عالي و هو بيبتسم بس حلوه المفجأه دي يا فريد يعني قاعد بفطر مع استاذه سهر علي سفره واحده ده ايه الصباح الحلو ده
سهر….بابتسامه بسيطه ده من ذوقك حضرتك محامي
ياسر….اه محامي قد الدنيا
سهر…اتشرفت بحضرتك
ياسر…الشرف ليا انا والله ده بقي الكارت بتاعي ياسر السعدني ممكن تحتاجيني ولا حاجه في اي استشاره قانونيه خصوصا بعد الحلقه بتاعتك
ضحكت سهر بهدوء وخدت منه الكارت
سهر…هو انا معايا محامي بس ميمنعش يعني اني عرفتك اسمك اتكرر قدامي قبل كده و بعدين شكرا علي جرعة التفاؤل اللي علي الصبح دي
ياسر….اخدعك يعني واطبلك ده انتي امبارح غاسله وعاصره وشاطفه كل كوادر البلد يا شيخه ده انا اشفقت عليهم
سهر….مش اوي كده يعني هما مش وافقبن علي سجادة الصلاه ليل ونهار هما يستاهلوا كل خير ده انا حاسه اني قصرت معاهم كمان
ياسر….قصرتي ايه يا شيخه حرام عليكي ده انتي كفيتي و وفيتي بس بعيدا بقي عن الهزار اهدي شويه الوضع مش بخير و سامع كلام كتير عنك انا اصلا مستغرب الصدفه اللي جمعتني بيكي دي انهارده ولسه امبارح كنت جايب في سيرتك
سهر….اكيد من كلامك ده مكانش كلام خير
ياسر …لا مش كده والله بس يعني. كنت قاعد مع حد كده وجاب سيرتك و قال ان العيون عليكي
سهر….لازم العيون تكون عليا هما مش بيقولوا بردوا ان صوت الحق عالي
فريد….بس ياسر معاه حق يا سهر انتي بتلعبي مع ناس لاغيين قلبهم وضميرهم وأسالي مجرب
سهر …و الله يا فريد انا بحاول بس في النهايه دي مهنتي ومقدرش اخالف ضميري
ياسر…محدش قال خالفي ضميرك يعني مثلا محدش قال انك تطاعي تضللي الناس و تقولي عكس الحقايق بس كمان بلاش التخبيط فيهم يكون واضح وصريح خافي علي نفسك وعلي والدتك
سهر….باستغراب ابتسمت ده واضح ان الكلام طول اوي بقي
ياسر…مش بقولك مش قليل انا بردوا في البلد
سهر …واضح و واضح كمان ان هيبقي لينا كلام مع بعض
ياسر….اكيد انا تحت امرك.
رن موبايل سهر في الوقت ده
سهر….ده موبايلي ده
بيري….بصت عالتربيزه اه يا سهر
سهر…طيب بعد اذنكم هرد
قامت بهدوء مسكت الموبابل كانت والدتها
سهر…دي ماما يا بيري اكيد عايزه تطمن عليكي
بيري….طمنيها يا سهر
سهر…الو ايوه يا ماما صباح الخير
امل….سهر انتي بصيتي علي الاخبار في النت
سهر….لا اخبار ايه في ايه قوليلي
امل….طيب روحي الاول شوفي وكلميني تاني يا حبيبتي
سهر…طيب حاضر هشوف وارجعلك.
قعدت سهر علي الكنبه كلهم بصولها وبدأت تشوف الاخبار
بيري…اخبار ايه يا سهر في حاجه
سهر…معرفش ماما بتسألني شوفتي الاخبار ولا لأ
وفجأه قامت سهر وقفت پصدمه وحطت ايدها التانيه علي راسها
فريد…خير يا سهر
قامت بيري راحت عليها
بيري….مالك يا سهر في ايه
بصتلها سهر
سهر….البرنامج بتاعي اتوقف
بيري….پصدمه طب ليه هو ايه اللي حصل في حلقه امبارح
فريد…اتأكدتي طيب
سهر…ايوه اهو في كذا موقع منزل
اتصل عليها في الوقت ده المخرج
وبلغها وقفلت وشويه مدير القناه و بدأ يجيلها تليفونات كتير قفلت سهر وفضلت رايحه جايه قدام الشباك هتتجنن
بيري….اهدي و بلاش تضايقي نفسك اكيد هو مجرد قرار و هيرجعوا فيه انا من رأيي تكلمي المحامي بتاعك
سهر….فريد في اي كافيه هنا قريب من البيت
فريد…اه بس يعني مش قريب للدرجه
بيري….عايزه ليه الكافيه
سهر…عايزه اطلع لايڤ واتكلم انا ليا حق الرد واكيد مش هينفع اعمل من هنا
فريد….لا طبعا مش وقته خالص يا سهر بلاش تولعي الدنيا اكتر وتسبقي الاحداث ولا ايه يا ياسر
ياسر…اكيد طبعا و بعدين القرار اللي جه ده قرار بوقف البرنامج مش بوقفك مثلا ولا حد استدعاكي للتحقيق يعني لحد الوقت انتي في امان لحد ما تعرفي ايه سبب القرار ده اي كلمه هتقوليها في التوقيت ده بالذات هتتحسب عليكي
بيري….بلاش يا سهر عشان خاطري انتي اهدي واقعدي واصلا بعد الوقف ده انتي لازم تفكري شويه بشكل افضل من كده عشان بصراحه بقي امبارح حصل حاجه انا مرضتش اقولك عليها عشان عرفاكي كويس
سهر….حاجه ايه
بيري….مهيب مش ناسي اللي انتي عملتيه يا سهر اتكلم عنك كلام مش حلو انا طبعا مسكتش ليه بس كلامه كان واضح و قال انه هيعرف يتصرف معاكي بطريقته يعني لو الحلقه اللي اتكلمتي فيها امبارح متوقفتش عشان كلامك مش بعيد مهيب يمون ليه يد في وقف البرنامج و بصراحه انا متوقعه منه اللي اكتر من كده.
سهر….وبعد كلامك ده انتي عيزاني اسكت اكيد مش هعمل كده
ياسر….مهيب مين و كلام ايه انا اسف يا جماعه معلش يمكن انا هقول كلام مش وقته خالص و ممكن يضايقكم بس اعذروني زي ما انتوا بتحبوا بعض وخايفين علي بعض انا كنان من حقي اخاڤ علي فريد لان هو الوقت وضعه مبقاش حلو خالص وفي قلق عليه.
فريد….ياااااسر
ياسر….لا متقولش ياسر يا فريد انا لازم اتكلم بكل صراحه ودي حاجه متزعلش اي حد.
بيري…استاذ ياسر انا مقدره خۏفك وقلقك علي فريد بس انا كنان لا يمكن اكون سبب في اذيته عشان كده انا وسهر هنمشي
سهر….متقلقش يا استاذ ياسر وجودنا هنا هيخلص الوقت حالا وحقك طبعا تقلق علي صاحبك بس كمان انا بطمنك الموضوع بعيد عنه وعنكم وحتي عن بيري الموضوع يخصني انا ويخص الحلقه بتاعت امبارح
فريد….انا عايز الكلام ده يتقفل الوقت حالا وانتي يا بيري انسي انك تمشي او تطلعي من هنا
ياسر….فريد هو في ايه بجد انا مبقتش فاهمك
بيري….فريد انا مش عايزه اي مشاكل تحصل بسببي الله يخليك هو معاه حق
فريد…عارف انه معاه حق بس هو مش فاهم ولا عارف حاجه كلام ياسر معاكم مش شخصي انا فاهم اللي يقصده
سهر…حتي لو مش شخصي ده حقه انه ېخاف عليك و اكيد انا بحترم كلامه في كل الاحوال مش هنفضل هنا ولو علي بيري انا مجهزه مكان امن ليها متقلقش
فريد….انا قولت بيري مش هتمشي من هنا و انتي كمان لازم نتكلم مع بعض لان الموضوع كده دخل في الجد مش مجرد وقف برنامج سهر انتي في خطړ
فاهمه كده ولا لا
ياسر…لا معلش ادام في حاجه انا مش فاهمها يبقي حقي افهم هو زي ما قال فريد الموضوع مش شخصي خالص يا جماعه والله ومش حابب اضايقكم مني انا مجرد واحد خاېف علي صاحبه من حجات انتوا كمان متعرفوهاش بس انا الوقت مش فاهم مكان ايه اللي امن لبيري وفي ايه حاصل انه مش فهماه.
فريد…خلاص يا ياسر اقفل الموضوع حاجه تخص بيري متخصناش
بيري…..لا يا فريد هو ليه حق عليك و بما اننا كلنا الوقت مع بعض سهر قلقانه عليا وانا قلقانه عليك بلال واستاذ ياسر هما كنان قلقانين عليك و ده حقهم ولازم يعرفوا كل حاجه وبعدها نقرر انا هحكيلك كل حاجه
وللحديث بقيه….