ابن ليل
ابن ليل
#أبن_ليل
#صاحبة_البطل_الواحد
#أميره_اسامه
البارت السادس..
…………………….
قبل كام ساعه من طلوع الصباح ومعرفه الكل بوصول دره بمجرد ما دره وصلت وطلعت فوق وصل هيما ومحمد واحمد علي الشارع ومشافوش دره
لمحوا منكش بيمسح القهوه وبينضفها.
هيما….بتهبب ايه في الجو ده يا منكش
منكش اول ما لمحهم جري عليهم
احمد….احيه عصبته ليه هيقتلنا اجري يا ولا😂😂
منكش……هيماااا هيماااا
هيما….في ايه يخربيتك وطي صوتك سامعك
منكش…..عَرفتوا اللي حصل
احمد…..خير يا جلاب النصايب سمير طلق مراته😂😂
هيما…..ياجدع حرام عليك هو لَحق يقلع البدله😂😂😂
منكش…..مش وقت تخفيف دم
محمد….ما تدينا بضهر ايدك يا مَنكش واخلص😒
هيما….😂😂😂استني بس في ايه يا منكش
منكش…..من شويه في ضيوف وصلوا لزكريا الجمال وشكلهم جايين من السفر
محمد…..ضيوف مين
هيما…..انت قاعد بتراقب الرايح والجاي خلاص بقيت لا شغله ولا مشغله🤨
منكش……اسمعو بس الاول انا مشوفتش مين بس المعلم صبري شاف
هيما…..ايوه ومين بقي سعيد الحظ اللي وصل من السفر
منكش…..بصلهم بتوتر🙄
احمد….ما تنطق يا منكش لازم جو الاثاره بتاعك ده🤨
منكش…..بيقول انه شاف الست دره ومعاها تلات بنات شكلهم بناتها
بص هيما ومحمد واحمد لبعض😳
هيما….انت بتخرف بتقول ايه يا منكش
منكش….انا مبنخرفش انا لمحت العربيه من بعيد بس كنت جوه القهوه مشوفناش حاجه بس المعلم صبري كان واقف بره ولمح الست دره وقال كمان ان حسن نَزل سلم عليهم وخد الشنط وطلعوا علي فوق
احمد…..يا نهار اسود🤦
محمد….دي كده خربت علي الاخر
هيما…..انت متأكد يا منكش🤨
منكش…ايوه متأكد ولو مش مصدقين أسالوا صاحبكم😒
هيما….طيب امشي امشي من قدامي الوقت😡
منكش…..😒😒اهو انتوا كده تاخدوا المعلومه وبعدين تتزربنوا عليا
هيما….امشي من وشي يا منكش الوقت😒
سابهم منكش وهو بيبرطم بالكلام اما الشباب فا وقفوا مصدومين ثواني من الخبر
محمد….وبعدين الخبر ده لو صح هنعملوا ايه
احمد….كيرو مش لازم يعرف ده مستني اليوم ده من زمان
هيما…هنعملوا ايه يعني كده او كده هيعرف
احمد…..بس ازاي حسن يعرف وميقولناش اكيد مش هتيجي فجأه من غير ما تقول يعني كان عارف ومحبي علينا
هيما….اتصل بيه يفهمنا اللي حصل
مسك احمد موبايله واتصل علي حسن
